玄鮨 (已結業)

最近好想食日本野~就嚟到銅鑼灣既<玄鮨>~ 雖然<玄鮨>專門食omakase同壽司，但係都有好多熟食選擇，有朋友仔唔食生野都無問題啦🥰 今日就揀左2號 <Sushi Set Lunch>同8號 <A5 Wagyu Beef Sukiyaki>。兩個套餐都有帶子裙邊同野菜沙律做前菜~2號 <Sushi Set Lunch> 就有8件壽司，茶碗蒸，湯烏冬同龍蝦麵豉湯。唔係普通麵豉湯，而係龍蝦麵豉湯，有驚喜呀😙 件件壽司都勁新鮮，我最鍾意就係件海膽壽司，鮮甜唔會腥之餘，海膽既分量仲係平時海膽壽司既兩到三倍🤤8號 <A5 Wagyu Beef Sukiyaki> 壽喜燒餐少見地配上三色刺身，果然係貪心之選🥰 用得A5和牛，肉質就唔洗講🤤🤤🤤最後仲可以揀甜點或咖啡，我地都揀左朱古力卷蛋。食埋甜點，一餐就好完滿😙

餐廳唔算好大間，環境好靚。侍應好快手，每食完一碟就即刻收碟。有個好靚嘅信封裝口罩全部套餐都有跟前菜、沙律&牛蒡絲、甜品或咖啡。叫左兩個熱食套餐，前菜係刺身、如果主菜係凍食就跟茶碗蒸。前菜已經好豐富，刺身肥美新鮮，吞拿魚無跟、蝦香甜好大隻，wasabi係鮮磨一啲都唔攻鼻。鹿兒島黑毛豚肉生薑燒 $360湯料一啲都唔馬虎，啲蜆好大粒😮😮。豚肉有炸過，啲邊邊好脆，肉質幾腍唔鞋，洋蔥好入味，薑唔會好辣，食落涼涼地。和風套餐 $340有條炸魚同天婦羅，天婦羅有炸蕃薯、炸蝦同炸南瓜，全部炸物都好脆口唔油膩，炸粉份量啱啱好。最後揀左甜品，係抹茶卷蛋，細細舊食完唔驚滯，蛋糕鬆軟，抹茶味唔算好重，cream好滑。

咁大個女食過最貴嘅一餐lunch....🤣🤣但好值得，真係超班水準，難怪連續拎左咁多年米芝連🍽🍽忍唔住好想同大家分享（利申👅無收錢😂😂，我都好想餐廳睇中我招我做代言人🤣）食材都是由日本🇯🇵新鮮運港🍣🦐🦑是日商務午市 Omakase胡麻紅柿🍅+螢光魷魚🦑：冰陣過嘅紅柿好爽脆清新/大熱螢光魷魚肚塞滿了膏，口感一流😋刺身：長崎華漣蠔-外表肉厚肥美，食落口感如絲絨般細滑，鮮甜味十分濃厚。屬珍蠔（是日三甲之一）刺身級火炙銀雪魚-油脂豐富卻不膩口，肉質軟柔，入口直溜喉嚨，清甜細膩。劍魚腩-肉色雪白略帶淡粉紅，肉質結實有彈性，味道鮮甜牡丹蝦-肉地厚身，爽口有彈性，膠質豐富。蝦頭膏甜味濃郁，齒頰留香（是日三甲之一）中拖羅-魚油甘香，肉質柔軟豚角煮-長崎特產料理，豚腩肉脂肪瘦肉分配均勻，汁料香濃又不失蔬菜本身嘅清甜。壽司：依作/血印/穴子/右口魚/北海道根室海膽🍣🍣🍣🍣🍣☀️穴子經火炙後仍然保持肉身滑溜，配上白芝麻和助料，產生一種特別的甜味☀️右口魚比左口油脂更豐富，甘香軟滑同時有一種「爽口」，難以形容的口感☀️根室海膽，簡直是今日Top 1🏆，入口即化，膽瓣雖小但厚肉飽滿，深橙金色非常吸睛，香甜濃郁。🍜魚湯

一嘗米芝蓮omakase🍣前菜有黃金甜薯🍠螢光魷魚🦑魷魚鮮甜 配上姜蓉 更有口感刺身金目鯛 外表輕輕用火灼過，口感新鮮牡丹蝦🦐同蠔🦪都鮮甜肥美日式甜角煮 日式嘅甜醬油配上炆得好香嘅東坡肉，油脂入口溶化，配上入味既蘿蔔同埋鮮冬菇，熱辣辣，幸福感大增❣️壽司🍣佐賀A5和牛配橘子果凍橘子果凍味道清新，可減輕和牛既油膩感拖羅 肉質肥美 北海道海膽與魚子一板板海膽非常鮮甜，不會有腥味！而且魚子粒粒飽滿圓滑，色澤清亮有光澤，海膽融入喺魚子同埋壽司飯上面，真係好好食😍😍😍魚湯烏冬師傅用日本鮮魚去製作，配上日本烏冬及日式魚片，爽口彈牙，非常喜歡魚湯既鮮甜！日本富士蘋果芝士蛋糕🍰富士蘋果粒既酸甜令芝士蛋糕有畫龍點睛既感覺，口感creamy ,為晚餐帶來完美既結束總括而言呢間餐廳嘅服務質素好高，每一次上菜其實都有侍應講解每道菜式嘅基本資料，亦好顧及客人嘅感受，了解客人既意見，無論食物同環境都係高水準，難怪能取得米芝蓮既肯定！

看著日劇中煮食情節，就想起了久違了的日本之旅，吃日本料理心癮起，那就找個晚上讓味蕾走一趟吧。廚師發辦，即是由師傅精挑細選當天時令的魚再弄給客人。寧靜舒適的環境座位，服務員不時會為客人加茶，而且呈上每道菜時都會細心地說明選用了什麼食材及刺身。1. 前菜及沙律－胡麻醬蕃茄冰菜以冰菜作為沙律很有特色，菜吃進口清新爽口。不得不提是下方的冰頭漬，原來是三文魚的鼻軟骨位置，透明啫喱狀，切得相當薄片，口感爽脆。初次品嚐，眼界及味覺盡開。2. 廚師發辦－刺身品嚐的次序是由淡至濃味，先是鮮甜的華蓮蠔，蠔味的餘韻濃郁，蠔肉漲鼓鼓的。再來就是各款魚、拖羅及銀鱈魚刺身。每款都很新鮮、厚厚的，後者的魚油脂尤其豐腴。3. 熟食－沖繩豚角煮豚肉厚肉多層，其他蔬菜、白蘿蔔入味軟腍，醬汁香甜。4.廚師發辦－ 壽司各款特色魚類壽司，兩款海膽，一款是來自拍賣的貨源，海膽味道濃烈，鮮橙黃色，很新鮮，出色。5. 湯品麵食－魚湯烏冬濃香奶白的鮮魚湯，聞上去濃郁的魚腥味，但出奇地入口絲毫不腥。烏冬細滑，相當掛湯。6. 甜品－抹茶豆乳蛋糕日本的蛋糕都是偏甜，這個的忌廉較甜，蛋糕一般般。整體圓滿又豐盛的一餐，暫且滿足無法去日本旅行的心

想食omakase，搵到依間米芝蓮餐廳相信係信心嘅保證，所以就揀咗佢！環境係坐得好舒服又夠足夠嘅空間，裝修簡單但又比到人高尚嘅感覺。Omakase無特別menu，都係睇入左咩貨同咩食材新鮮，所以全餐飯都充滿驚喜。首先前菜有冰菜沙律、螢光墨魚同冰頭漬。冰菜平時真係比較少機會食到，爽脆得黎又多水份，雖然自身冇乜味，但健康得黎口感特別。而螢光墨魚就係咁啱春天當造，鮮甜又多膏！另外冰頭漬即係三文魚鼻樑軟骨，好有咬口，用咗醋同味醂醃製，酸酸地好開胃。然後就到食刺身，有活水足、帆立貝、牡丹蝦同拖羅，活水足其實係生八爪魚腳，水份多，好爽口！而其他刺身都唔陌生，但不得不讚真係好新鮮，帆立貝同蝦好鮮甜，拖羅就入口即溶，油脂嘅味道好濃。壽司方面就有右口魚、赤鯥魚、金目鯛、燒拖羅同北海道海膽。右口魚魚質滑而且魚油味重。赤鯥魚係白身魚當中嘅頂級魚，味道比其他白身魚濃。金目鯛係當造嘅魚、魚肉柔軟清淡。最後拖羅同海膽都唔需要多介紹！基本上刺身同壽司都夠哂新鮮，而且平時冇乜機會食到。去到熱食方面，首先有豚角煮，原來係九州嘅特產料理，第一次咁食到五花腩，個汁好甜。另一款熱食係魚湯烏冬，因為每日都用太多魚，所以多咗嘅食

享受級廚師發辦👨‍🍳⚡商務廚師發辦午餐⚡唔捨得夜晚食💰太貴 可以揀食午市今日黎得早 所以可以趁機📸影下環境😛呢到如果包廂的話私隱度都幾高廚師發辦除左食物既質素就連對於食野既次序都好講究 店員除左會簡單介紹每一道菜式仲會建議食野既先後次序🙂——————————————————【前菜】(開胃菜)先來✨螢光魷魚 麵豉青瓜漬物 冰頭積🪄無諗到細細條既螢光魷魚咬落去竟然會爆膏 🤩 口感好好 爽彈得黎又鮮甜 一啖放哂入口 非常滿足😋🪄冰頭積係三文魚頭既骨 咬落似食緊軟骨 有咬口 加左小小酸甜汁 係最後吃的 ——————————————————【刺身】🍱擺盤非常精緻 未食都已經令人心花怒放💯🪄🐟銀雪魚刺身 熟食既銀雪魚就食得多 今次試到刺身款式 💯驚喜加分 店員介紹廚師將魚皮輕輕燒過🔥令魚油更加豐厚 食落更香更滑😋🏅幾款刺身當中最欣賞既一款 真係做到入口即溶既感覺✨🪄🦐牡丹蝦刺身 蝦肉彈牙鮮甜 口感不俗 蝦頭仲有好多蝦膏帶微甘🪄🐠吞拿魚赤身刺身 雖然並唔係最高級既肥拖羅 但係呢份厚身既吞拿魚赤身都好高質 口感順滑 🪄🐚貝類建議放在最後食 赤貝刺身 北寄貝刺身 鮮甜爽口——————————————

前幾日放假同媽咪嚟到銅鑼灣食lunch～見到Cubus有咁多好嘢食😍我地揀左omakase試吓💕佢嘅lunch set大概$300至$500不等，食到高級日式料理🥰幾正👍🏻一入餐廳就感受到日式嘅服務💕職員都好有禮貌🥰裝修幾舒服☺️環境幾乾淨🤗沙律前菜係沙律菜，仲有一杯蒸蛋🥚沙律菜幾新鮮🥗配埋芝麻醬，酸酸甜甜幾開胃😙蒸蛋中間有蘑菇同粉絲，幾香滑☺️極上拖羅四重奏$520有四種唔同嘅拖羅，包括赤身魚，姐係吞拿魚～大大件，食落幾新鮮😚仲有劍魚腩，肉質好滑☺️銀鱈魚係平時嘅日式餐廳好少見，係呢間日式餐廳嘅獨門刺身🍣食落好有鮮味🥰佢除咗刺身，仲有一大碗丼飯～入面有中拖羅，肉質好嫩滑😍燒拖羅表面有醬油漬，燒得好香好惹味💕食落仲有啲肉汁出嚟添😆幾正👍🏻碎吞拿魚撈埋飯食幾香☺️食得好滋味😋鹿兒島黑毛豚肉生薑燒$360一大碟黑毛豚肉😆外層係脆卜卜嘅炸粉🤩入面係好Juicy嘅豚肉☺️一咬落去啲肉汁就出晒嚟😙面頭仲有炒香左嘅洋蔥同生薑，好好味😋佢配埋麵豉湯，飲落覺得好足料👍🏻仲有一大碗白飯添，好飽肚🤣咖啡除餐配送咖啡或者甜品🍰咖啡可以自己加奶🥛好香濃嘅咖啡☕️加埋奶好濃郁☺️甜甜地幾好飲👍🏻綠茶蛋卷綠茶味幾突出🍵蛋糕幾鬆

米芝蓮日式餐廳玄鮨，想約試咗好耐，今日老公放半日假，一於訂位同佢食下呢間馳名米芝蓮餐廳嘅午餐🍱😉餐廳位於cubus七樓，一出就到，裝修清雅高貴，仲有包廂俾顧客選擇，四月原來佢哋做緊優惠，滿$900仲可以減$300🤩A5和牛照燒午餐🥩🍣    除咗照燒和牛外，仲有sashimi ，沙律，麵豉湯同飯，小食牛蒡條，爽脆好食👍，和牛牛味突出，油花均勻，肉質細腻柔軟🤩，三點sashimi新鮮厚切😍，沙律開胃，配埋日本米飯同豐料麵豉湯，大滿足🤩壽司午餐(温烏冬)🍣🍣🍜壽司刺身有金扇鯛、金目鯛、赤身、中拖羅、牡丹蝦同帶子等等，刺身色澤光亮新鮮，鮮味十足，爽、甜、油香俱全🤩，另外，金黄豐膄嘅海膽，入口即溶，質感creamy冇腥味,我諗有差唔多半板咁多，真驚喜🤩蒸蛋滑溜，食埋暖烏冬同甜品朱古力蛋卷，為呢餐劃上完美句號🥰

兩友，星期天，午餐，壽司。搵咗成座Cubus最多好like嘅呢間餐廳一試，一齊叫咗sushi set。前菜蒸蛋好得， 加入左蟹肉同三文魚子，sushi又得，佢用糙米飯，相當不錯，同行食家大為讚賞！可惜各位看官睇到壽司set嘅陣容都知道唔夠作為精壯男子嘅在下嘅食量，係咁嘅情況之下唯有叫多一樣，聽從經理的建議點左天婦羅拼盤，伏左！天婦羅最基本的油好似有啲益益哋，同埋好多油，碟底嗰張索油紙透明晒，唔算好脆，最好笑係佢冇天婦羅汁同蘿蔔蓉的，佢話佢哋呢個門派唔需要點任何野因為夠晒味， 唉！算啦，各處鄉村各處例，唯有入鄉隨俗吧。最衰冇幾耐之前去過九如坊間天秀仲記憶猶新：人哋個天婦羅汁仲要整熱嘅，啲蘿蔔蓉仲要初到成粒跌打丸咁，人哋有啲嘢點汁，有啲嘢點鹽，講得清清楚楚。正！正！but 少😅可以好啲⋯⋯To conclude 如果我淨係食壽司我實比個like 佢，可惜食埋天婦羅就只能俾個OK了…...

前菜，胡麻醬沙律配日本黑豆，沙律相信好多人都食過，都知道夾埋胡麻醬一齊食係絕配，至於黑豆就比較少見，味道帶有輕微甜甜地，口感結實有咬口Order左兩個主食都各自有跟一份刺身，帶子好滑清甜爽口，劍魚腩既油脂比例好重，我覺得油脂最重係大拖羅，其次就係哩件劍魚腩，牡丹蝦好鮮甜肥美，三款刺身都好新鮮，食完真係好有滿足感和風Set餐$340，炸物包括有蝦、蕃薯、南瓜、紫蘇葉，粉漿薄身好脆口，而且食落唔油膩，另一小碟係燒牛舌芯，燒至岩岩好，內裏軟淋並且有咬口，再加埋少少海鹽一齊食味道更正A5和牛照燒$560，這個和牛真係無得頂，首先賣相已經睇到好重油份，厚度切得適中，和牛既邊位入口有少少即溶感覺，而且滿口充滿油脂香味，配埋店家既醬汁好夾，好惹味食完主菜，最後仲有是日甜品，係賣相精緻既綠茶雪糕夾餅

最近去咗呢一間連續榮獲米芝連五年推介嘅omakase😍，食返餐好。餐廳係銅鑼灣利園三期附近，幾大間，咁我哋個日就無坐到壽司bar枱位置，安排咗我哋坐卡位，用黑色雲石檯幾有風格。商務版 lunch omakase $1088前菜 (3道)冰菜蕃茄蕃茄好甜又多汁，有麻醬。冰菜爽身，加上佢本身已經有嘅「冰粒」，口質仲有啲脆卜卜咁😛。日本甜薯甜薯🍠外表好吸引，上面灑滿金粉，特別矜貴。質感粉嫩，充滿香薯味，甜度夠。螢光魷魚春天當造嘅螢光魷魚，魷魚配上少量薑蓉，魷魚頭入邊嘅內臟食落幾香，仲有好多膏，好味👏🏻刺身(5道)鮫鰈魚師傅特意切到薄薄一片，白身魚片上都會有金粉，口感爽口有鮮味。深海池魚深海池魚切得好厚，好肥美，可以見到魚嘅油脂紋理，仲有少少爽。牡丹蝦牡丹蝦🦐好大隻又鮮甜，好厚肉。蝦頭仲有好多膏，蝦膏完全無腥臭，係香甜味。中拖羅中拖羅同為厚切😍，呈粉紅色，唔會食到根位，魚鮨豐富。水母自己未試過食水母，仲要係刺身😝 有好多水母鬚，食落好爽脆，會有咬口。另外加咗菊花花瓣，格外有陣花香。鴨胸煮為刺身同壽司之間嘅一個過渡，鴨胸唔會煮到太韌，鴨味充足🦆，佢配咗一個近似壽喜燒汁，甜甜哋，好和式。壽司 (5

同朋友仔黎到銅鑼灣食omakase，揀左米芝連推介冒呢間玄鮨。商務lunch omakase set HKD1380，價錢略貴，但睇翻餐廳既位置，同佢地而家做緊既優惠，性價比都唔差。前菜有鮮甜既螢光魷魚，配上口感細膩軟滑又鮮味十足鮟鱇魚肝刺身有我愛既銀鱈魚同金目鯛！！銀鱈魚黎自日本，爽口脆身彈牙，而且帶有香而不膩既魚油香。金目鯛表面用火槍稍為燒過，令到本身既魚油溶左出黎，更香口。水母幾特別，口感似海蜇，比較爽口。鴨胸煮湯底濃郁，鴨胸有咬口，大根清甜無渣，而且煮得好透。跟住到重點既壽司！！4款都係我既最愛😍油香四溢又軟滑拖羅，少許脆身既新鮮牡丹蝦，鮮味同甜味並重既北海道海膽，同略為燒過既超香左口魚❤️❤️好幸福～～最後有魚湯烏冬，奶白色既魚湯煮得幾鮮甜，但略為油膩。甜品係海鹽雪糕夾餅，係櫻花既造型～雪糕既甜度好低，0罪惡感😉

E兩年因為疫情關係已經好耐無去過日本旅行✈️, 唯有係香港食住先解解思鄉之情🥺! 🌟時令螢光魷魚配酸汁螢光魷魚口感爽彈, 入口鮮甜, 魚香味重, 而且仲爆哂膏!🌟日本蕃茄冰菜配胡麻醬蕃茄鮮甜, 冰菜爽脆🌟刺身5點水母口感爽脆, 配上清新嘅柚子醋同微咸嘅海葡萄, 非常醒胃!金甘鯛🐟油脂少, 肉質鮮甜細膩! 縞鰺🐟口感清爽順滑, 肉質緊緻肥嫩, 油脂均勻, 味道鮮甜, 入口微微溶化, 肥美而不膩👍🏻! 黑目鯛🐟外皮微微燒過, 肉質清爽緊實有彈性! 大拖羅🐟肉質肥美, 油脂豐腴入口即溶!🌟喜知次一夜干🐟一夜干外皮香脆帶油香, 肉質細緻順滑唔鬆散, 咸香味有層次!🌟壽司銀鱈魚🐟🍣微微燒過, 入口即溶, 肉質細膩, 食起上嚟筋道略彈! 帆立貝🍣味道鮮甜, 肉質厚實! 牡丹蝦🦐🍣黏爽彈甜, 上面鋪上蝦膏, 味道甘香! 火灸右口魚邊🐟🍣火炙將魚油逼出而且溶入柔軟肉質, 油脂甘香而不膩 白海膽味道清爽鮮甜, 口感結實 🌟魚湯烏冬🐟🍜湯頭呈奶白色, 魚味濃且鮮甜, 濃稠度剛剛好掛係烏冬上面, 烏冬口感爽彈, 加埋蔥絲令整體味道提昇!🌟日本士多啤梨🍓➕日本朱古力蛋捲士多啤梨味道清甜, 蛋捲口感煙韌, 朱古

近排睇得太多omakase，令到我亦很想去試一下，於是的起心肝搵一間好的日本餐廳和朋友過下癮。在眾多選擇下，我在網上看到一間曾連續五年奪得米芝連推介，位於銅鑼灣的「玄鮨」，其lunch 時段的omakase非常抵食，絕對要襯這個優惠時間嚐一下。上到玄脂後，餐廳環境是走日式和西式的fusion感，所以坐得相當舒服。我們安坐後，職員非常有禮向我們介紹餐牌，我們一早已經想好，要試試這裡的omakase！Lunch 時段的商務級omakase 並不昂貴，大概$1100 左右，以玄鮨的級數絕對值得一試。◉ 1. 熱茶日本餐，第一口的熱茶是非常重要。一杯好的熱茶可以先讓你清洗味蕾，暖暖個胃。值得一讚的是，玄脂會每隔兩道菜左右就會更替熱菜，保持茶香，所以茶就不會愈飲愈淡。◉ 2. 前菜（螢光魷魚、冰頭漬）打頭陣的前菜為兩款魚食，分別為螢光魷魚及冰頭漬。螢光魷魚色澤通透，玄鮨用其特製醬油來炮製螢光魷魚，口感極其滑爽，而且咬下去一下爆膏，超鮮甜的魚香味在口中散發，非常醒胃。店長亦教導我們，前菜要先食螢光魷魚，之後再食冰頭漬。冰頭漬為三文魚的頭軟骨，透明狀而似小冰塊，入口非常爽脆，食得出豐富骨膠原的感覺，