獅房菜

傳統觀念Omakase就只屬於日本，但其實其他菜式都可以參考LEE個模式，位於旺角帝京酒店入面一間前身係酒吧式餐廳，現轉型中式Omakase，帶有小許中式設計，吊有紅燈籠，落地大玻璃窗可以欣賞整座獅子山，配合下面鐵路好有氣勢今次已經係第二次幫襯，同樣都係買一送一優惠有九道菜，仲有其他六至十二道菜單，以另一間銀行信用咭推廣七五折。前一次感覺太好，見仲有買一送一即來再Encore整体仍能保持水準，服務好欣勤細心，由訂座到進餐都招呼細緻，我特別要求坐吧枱，中式來講係有D奇怪，但因為日式係咁就可以同時同廚師有交流，雖然每送上一道菜侍應都會講解，吧前既廚師都會照問我地意見同介紹，仲會解答我地既問題，互動之下氣氛真係有D似日本，而我又可以認識多D，同時又可以欣賞廚師們制作過程，中式係比日式多工序，所以前部份已一早預備好，只可以欣賞後半部，佢地一絲不苟製作認真，吧枱前大約有四位廚子各負責不同部份，當中最留意一位女廚子，佢曾經參加過電視台比賽出名擺碟(當時比賽題目~學童飯盒)，佢話真係有客人要求為席上小朋友設計套餐，果然無失望真係未食先留下印象頭盤最吸晴本身已好靚，再配煙霧出場先聲奪人，未食已不停影相

呢度下午有set 同點心，夜晚都主要做omakase🥰 其實就係一個9道菜嘅廚師發辦菜單，9道精緻嘅中日fusion菜🇭🇰🇯🇵 每一道菜送嚟之後都有職員介紹係咩黎同埋食法，service唔錯啊～ 宜家仲做緊買一送一❗️雖然佢係食精緻料理，但份量都唔算少，唔係淨得一啖🤣 味道唔錯，一般食量絕對夠飽！推薦比鍾意食中餐又或者想同長輩食飯嘅你地！🫶🏻.我地嗌咗…Chinese Omakase Set Menu • 9 course🍅橘紅茄湯. 胭脂烏賊. 海茸烏參🍲花膠.鮮硯.胡椒湯🍥錦鯉蝦餃.茶碗蒸🥩M5和牛.花椒.豆腐🍤花虎蝦.黑魚子.呂宋芒🦪南非鮑魚.法國鵝肝.禮盒🍘獅子頭.津白.蟲草花🍚龍湯鍋巴.鮮黃耳.葛仙米🍮蝶豆花.雞頭米.椰子布丁*9月份轉咗新餐牌！.❕職員會問你有冇嘢唔食得，如果唔食得嘅嘢佢地會幫你換做其他菜式，唔會miss咗任何一道㗎～.✨賣相: 4.5/5👅味道: 4/5🌏環境: 4.5/5💰性價比: 4.5/5🍽 服務: 4/5🥡 速遞: ❌.——————🍴| 獅房菜📍| 旺角太子道西193號帝京酒店3樓—————#eatwith2002 #2002inTSIMSHATSU

旺角中式廚師發辦見餐廳8月尾仲有買一送一優惠同屋企人試試中式嘅Omakase菜式好有心思以顏色為主題食物大部份都不錯▫️寒赤🍅黃色胭脂烏賊，口感好似大菜糕紅色茄湯，味道酸酸一咬開，湯汁係口腔爆瀉海茸烏參，夠爽口 ▫️竹青超濃郁嘅胡椒湯有花膠、鮮蜆、鴨舌等好足料 ▫️月白金魚餃脹卜卜入面係滿滿嘅龍躉肉茶碗蒸夠嫩滑 ▫️焰粉壽喜燒嘅和牛軟腍帶微甜配上豆腐，口感豐富下一道菜前有紅桑子雪葩清清味 ▫️澄黃🍤大虎蝦爽脆彈牙碗上呂宋芒醬同黑魚子味道清新 ▫️妃玄南非鮑軟腍，加上鵝肝醬外層酥皮好香口 ▫️鬱金紅燒獅子頭配上以蟲草花、津白味道有點鹹 ▫️霜嫣好濃郁嘅龍蝦湯泡飯加埋脆米，好有口感 ▫️蔚藍蝶豆花同桃膠、水晶西米嘅啫喱鮮茨實嘅壽司飯同椰汁糯米製成嘅三文魚

位於酒店的中餐廳，環境裝修很好！因為聽到這家餐廳很火，說一位難求，提前一個星期打電話查問，中午可以訂到我預期的時間，接待員也非常禮貌說，窗邊的位置已經滿了，如果有其他人取消就留給我們。後來看到ｏｐｅｎｒｉｃｅ訂座有８折，所以就改了用ｏｐｅｎｒｉｃｅ訂位。當天我們很準時到達，但是編排了一個門口的位置，旁邊就是廚師的吧檯，連大廳都沒有機會進，很壓抑的一個位置，我們問接待是否可以換位置，她說沒有位置，我看到餐廳還有幾枱位置是空的，再問另外一個招待，她也是說沒有辦法安排，但是我們聽到有些沒有預訂的客人，也可以直接進去大廳比較好的位置，感覺被人歧視我們兩個人，看了一下餐牌，發現中午套餐，菜式一般般，所以就點了一個１１８８套餐，買一送一，有九道菜，也沒有額外８折了。食物很有特色，配搭也非常好，賣相在中菜來說，已經是沒有什麼挑剔了，非常值得去試一試。

今時今日，廚師發辦已不再是日本餐的專利。中餐，獅房，一樣可以。是晚我就去左帝京酒店的獅房菜，食左個九道菜既Omakase。第一道既寒赤，黃色嗰粒波波係胭脂烏賊，紅色的就是茄湯，前者口感有幾分似食朱古力，後者就會爆汁，好清爽，但記緊要一啖過，否則肯定會噴到水花四濺。海茸烏參贏在口感。第二道既竹青，其實係一個湯。湯頭的胡椒味對我來說是恰到好處，裡頭有花膠、鮮蜆及鴨舌等，足料，合心。再來的月白，係滑溜既茶碗蒸之上，放左一條栩栩如生的金魚餃。金魚餃塞滿龍躉肉，感覺豐富。第四道的焰粉，係我喜愛的牛肉菜式。用上的是澳洲M5和牛，以壽喜燒的做法，放在豆腐之上。牛肉軟腍帶微甜，不特止，師傅加左少少花椒粉，帶出幽幽麻香，盡收畫龍點睛之效。以雪葩清清味蕾，可以繼續下一道菜色。以黃色為主調的澄黃，主角係爽脆彈牙既大虎蝦，本身已好食。淋上以呂宋芒打造而成既汁醬，配以黑魚子作點綴，食起嚟就更加清新醒胃。接住嚟既妃玄，實情係個鮑魚酥。南非鮑軟腍入味，酥皮夠酥香，混入少少法國鵝肝醬，成件事更香，味道更豐富。愛吃上海菜既我，對鬱金好有期待，因為這是迷你版本的紅燒獅子頭。以蟲草花及津白等作配襯，倒是不錯。甜品之前也有飯

🍔食物質素：👍🏻👍🏻👍🏻👍🏻💵價錢性價：👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻好耐無黎Lion Rock食飯，原來已經由之前半自助餐轉成中式菜，想知道又靚又好玩地方?    fai.lok.mode仲會係社交平台分享相片同攝影心得 ______________________________ 海景餐廳就見得多，鐵路景餐廳就應該得獅房菜先至有。黎到食午餐，我地揀左香片，比較清淡得黎有少少清香。之後就係小食併盤，合桃炸得好香脆，除左杏仁，另外兩款都落左少少辣，海蜇爽滑，秋葵又健康，小食做得幾好。獅房御點午市套餐- A  ( $238 )🔸櫻花蝦M5 和牛炒飯, 炒飯粒粒分明，和牛肉都好好食，櫻花蝦點綴返少少辣味。🔸京鴨牛肝菌春卷,牛肝菌好濃，外層厚厚春卷中和返個味道，平衡得好好，而且春卷好脆。🔸桂花酒香瀨尿蝦餃, 本身見佢特別用瀨尿蝦做蝦餃餡有啲期待，不過食落都幾普通，唔係話好彈牙個種，不過都係皮薄餡靚。🔸馬糞海膽鱈場蟹多士,  依個好好食，一開俾海膽兩個字吸引左所以叫，食落要好仔細先食得出海膽味，反而鱈場蟹好有驚喜，好夠彈牙，而且有淡

巧立名目的廚師發板，享受的只有環境和食物美好的賣相，味道方面，不過爾爾，廚師發板還是日式比較正宗味美。1.前菜.晶凝（藤椒墨魚，吟釀象拔，梅酒赤貝）2.龍蝦.蟹油.玉子3.鯛魚.松茸.酸菜4.A5 仙台牛5.鵪鶉松.琵琶烤豬6.金不換.龍躉扣7.大啡菇.松露8.鮑魚.冰冷面9.燕窩.哈密瓜.奶凍因為餐廳做了買一送一的優惠，人均消費差不多hk$650，但卻吃不出美味滿足的感覺。整體除了大啡菇.松露和燕窩.哈密瓜.奶凍外，其他菜色也平平無奇，可以一讃的是，服務和環境還是非常可以的。中菜，原來還是簡簡單單蒸條魚/其他海鮮，來得美味滋味。

把握了最後一天的優惠，晚市買一送一的獅房菜九款菜式的晚餐。臨時六點先電食肆，職員表示仍有位，便去吧！我倆七時多步入食店，真幸運，有客人取消了預訂，我倆可以坐在近窗位置，感覺太棒了👏🏻。當時天未全黑，窗外景色優美。枱之間有充足的空間，服務員也有禮，見我倆影相，還主動幫忙。很快先上前菜，有合桃、雲耳秋葵和疑似海浙。合桃很香脆啊！不久就上第一道菜，有煙的佈置，精緻奪目，其中的梅酒赤貝最吸引，因為外型像玫瑰花，食下去充滿酒香。其後來的鱻煲，是一個像灌湯餃的，大大滿滿包著肉汁的餡料。食下去感到微辣，但找不到辣料，職員話是麻辣的配料。我覺得味道幾特別。之後來的A5和牛，但不知是煮過了，還是材料問題，我哋都覺得靭，牛味也不重，有啲失望。反而接著的品炙，配搭幾特別，香脆的乳豬皮夾著炒好的細瓜肉碎再舖一層脆炸。最後當然是甜品，燕窩哈密瓜奶凍，很香很有哈密瓜的香甜味，但質地方面，我不太喜歡這有點散的口感。或許，我會主觀地覺得奶凍應該是滑滑少許彈的吧！由於少食這些菜式，感覺新鮮，服務員態度和藹。

一餐很有心思的晚餐， 由第一道菜到甜品， 睇得出廚師們的用心。 另外，最初睇menu 時， 我有懷疑過會唔會唔夠飽， 但當上菜上到一半時， 我地一家人已經飽左一半。個人最喜歡A5 仙台牛， 以往出街食A5 牛，多數太油膩， 我好多時都食唔到； 但今次、無論厚薄到、熟成度剛剛好之外， 兩款點牛既醬汁， 完全減低左牛既油膩， 我居然食晒。另外，脆巢乳豬鴿肉鬆，整體配搭好好， 乳豬唔會太肥😋整體非常滿意呀！ 另外、 一定要提係、 服務非常好， 每碟餸都清楚介紹一次， 我媽媽唔食辣同埋黑松露， 佢地都幫忙盡量安排配搭其他味道。 團隊整體服務殷勤， 笑容滿面， 100 分，而家一送一優惠下， 更加超值！！

😆最近潮流omakase，帝京酒店中菜部有間九度菜廚師發板，依家仲做緊買一送一 $1088未加一，平均每人660蚊左右A5和牛 非常鬆化，傳說中嘅入口即溶 （吾係）😆大啡菇 ，黑松露 ，係這九道菜來說 最受歡迎🥢日式冷麵 ，聽落煮法功夫繁複， 唔係形容到咁誇張好食好爽口😆 最後這道甜品🙈，好酒店最出名一定要食甜品，這個布甸有芒果同哈蜜瓜肉坦白說個布甸係比較教同埋硬 雖然話廚師發板食野時間係比較耐，雖然我都係預備咗時間，但係足足食咗三個鐘😑因為今日嚟呢度食嘅顧客全部都係食九度菜，上菜時間好似去飲宴咁每道菜要等齊曬先上菜 ，但明明我哋嘅入座時間都唔一樣🤔 真係有啲莫名其妙

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5獅房菜，私房菜，城中極罕中式omakase 🤗 6月初，端午節那天，送給爸媽和自己的一大驚喜。位於帝京酒店內的獅房菜，環境寫意，落地玻璃可遙望「香港人的獅子山」旖旎風光。餐廳最近以「獅房．發辦」午市/晚市套餐形式推出，分為九道或十二道菜，由中菜團隊領軍，炮製出一系列注入「千變萬化，中西融合」的精緻美饌，食材新鮮、賣相精緻，在享受佳餚的同時亦能從侍應口中了解每道菜的用料及烹調方法。💋 廚師發辦。九道菜午餐 ($988/位)🥒 醒胃小食 - 麻香海蜇、麻辣秋葵和香脆琥珀合桃。海蜇爽口彈牙、秋葵麻辣度夠刺激，剛好把食慾燃燒起來、琥珀合桃香脆可口。🍐 卉扣 - 薑醋。梨花 像極藝術品一樣的前菜 ! 兩朵花卷分別是清新可口的櫻桃蘿蔔、雪梨片及青瓜片，'花瓣'帶椰子醋味道，微甜中帶清香 ; 另金光閃閃的玫瑰則是加入薑粒的薑醋花卷，以QQ嗜哩狀態呈現，味道醒神，再以薑醋鵪鶉蛋作結。(當日唯一遺憾是乾冰缺貨，錯失了煙霧彌漫的特別效果)🦀 劦煎 – 松葉蟹。北海道牛乳 用

上個月同閨蜜嚟呢間獅房菜，試過呢個買一送一優惠，覺得好特別好好食，同埋好鍾意佢嘅環境。香港海景餐廳有好多，但望住獅子山睇住火車喺樓下經過，睇怕都冇乜邊度有呢個景色。今日特登帶老公嚟試吓，佢嘅餐單今個月已經改咗。套餐係走粵式加四川味道嘅路線。無論材料配料擺盤都好有心機好精緻。而且服務員好細心向我哋介紹每道菜嘅煮法同埋材料。睇得出廚師係好有心機去烹調每一道菜。呢間餐廳值得我會再來的。

今日和honey 一家慶祝父親節。週末的客人唔多，摩登的空間，開揚的景色和安靜的環境，令人感覺舒適。獅房、午宴：花膠、和牛$538 一位極上六頭鮑魚這六頭鮑魚份量十足，鮑魚炆得入味，而且十分軟身爽口，加上脆口撻底，味道不錯。姫松茸花膠燉螺頭這道湯汁十分鮮甜，既有螺頭的甜，又有姫松茸的幽幽菌香，色澤清澈不油膩，花膠又厚又大件，滿滿骨膠原，滿足。蝦籽關東遼參絹豆腐這關東遼參煮得爽口嫩滑，滿有蝦籽的蝦香，加上極為嫩滑的絹豆腐，好味道。M5和牛、封門牛柳卷這M5 和牛切成小片，肉質是正常牛肉水平，沒有筋，也煎得唔太乾，有少少麻辣風味，但感覺平平。封門牛柳卷炸得香脆，主要是薯味加上牛肉味，印象不深。濃湯紫菜鳳城水餃這鳳城水餃真可口！水餃皮很薄，味道十分鮮美，每一口都是爽口蝦肉，濃湯呈奶白色 充滿紫菜風味。杏汁百合燉桃膠、五仁合桃酥餅杏汁百合燉桃膠口感幼滑順喉，滿滿杏奶香，當中有少許百合和透明的桃膠，味道唔太甜。五仁合桃酥餅大大件，口感鬆化，又有果仁香，唔太油膩，十分中式的曲奇。這一天的午餐全家都很滿意，唯每道菜製作需時，整個set吃了差不多兩小時, 真的要慢談細嚼。

慶祝我哋拍拖8周年，喺Openrice度睇完一大輪，決定去食呢間中菜廚師發辦。其實我一直覺得好多高質中菜好精緻，唔止係擺盤，而係煮嘅時候已經係功夫菜，廚師發辦又好，N道菜又好，中菜絕對夠格。今次呢餐亦都冇令我失望，9道菜，仲做緊買一送一限時優惠（$1088），非常驚喜。第一道︰頭盤，藤椒墨魚、象拔蚌、梅酒赤貝啫喱（5/5分）一上菜就「仙氣飄飄」，現場效果好靚，但影相有難度。海鮮口感Q彈，醬料配搭適中，幾開胃，令人期待下一道菜，唯一係啫喱食落比較似甜品，覺得有啲格格不入。第二道︰龍蝦蟹油炒蛋（5/5分）用料足，龍蝦鮮甜彈牙，金黃嘅蛋口感濃稠有蟹油香，加上面頭嘅脆脆，入口層次更豐富。第三道︰酸菜松茸鯛魚湯包（5/5分）酸菜湯胡椒味辣得嚟唔會太刺激，松茸據介紹係煎過，以增加湯水香味，但食落作用不大，但整體配搭都係好嘅，個湯包餡料充足，剁碎咗嘅各式餡料，每一啖都好滿足。第四道（原菜單）︰A5仙台牛（5/5分）老公二話不說就摷亂咗，其實本身擺盤係靚啲嘅。由於我唔食牛，呢碟我冇食度，據介紹係紅酒烹煮，老公表示好食。點好食法呢，佢只係重複好食……第四道（轉換後的菜品）︰黑毛豬叉燒（5/5分）同餐廳講

愜意慢嚐舒適的一個午間。😉獅房菜Lion Rock🛤獅房。發辦 九道菜🍽餐廳職員👨‍💼態度禮貌都在水平以上，每道菜式都會詳細講解食材煮法，讓客人慢慢享用，全程沒有壓迫感🫡安心出行時計⏳2:08:30 環境光線充足；餐具🍴連檯椅潔淨；來一趟慢活，可以寧靜地食飯傾偈，人也放鬆不小☺️九道菜式經過心思設計：品題、擺盤，吸引客人留心欣賞 直至相機📷食先 才再品嚐。食材味道大多數出色，雖有一些覺得還可以發揮得好一點吧！