獅城星馬餐廳 (已結業)

平日在中環工作，自己食飯都沒有留意附近有什麼新餐廳。但一樣朋友吃午飯的時候就會努力於網上搜尋，今日我們就搜尋到一間新開的星加坡餐廳「獅城」，位於蘭桂坊位置十分方便易搵。午市套餐有11款選擇，所有套餐都配有沙律一碟，價錢$98-108 加一，配 汽水/怡保熱咖啡/萊寶檸檬茶 就+$12。吃星加坡菜當然要一試海南雞飯，《獅城海南雞油飯 $108》色澤夠薑黃吸引，雞肉亦十分嫩滑，照常醬油十分惹味。喜歡食樣的朋友就點了《印度咖喱羊膝椰漿飯 $118》，羊膝大件而且羊肉沒有羶味，肉質夠稔嫩，配上香濃的印度咖喱惹人垂涎，再配香甜的椰漿飯味道更平衡好吃。點了兩杯白咖啡 （+$12/杯），味道甜甜的咖啡味不會濃。外賣有85折更抵食。

平日既由環街道十分忙碌而且充滿人流，好難慢慢以發掘唔同既特色餐廳，所以我比較鍾意趁住人流相對較少既週未到中環週圍打探特色餐廳。今日誤打誤撞之下見到一間位於酒店內既星馬餐廳，午市餐牌充滿各式各樣新加坡特色名菜相當吸引。招牌麥皮蝦椰漿飯麥皮蝦係新加坡名菜入面其中一樣我最鍾竟既美食。香港好少食到呢道菜之餘夜好少做到出有新加坡風味道既麥皮蝦，今日終於係呢一間獅城餐廳揾到新加坡既味道。麥皮蝦採用大蝦，肉質彈牙富蝦香味，蝦頭內充滿蝦膏。麥皮蝦外炸漿薄脆均匀，不油膩。大蝦沾上炒得金黃既麥皮，連蝦殼一齊食更香脆惹味，充滿牛油香。椰漿飯帶淡淡椰漿香味，唔會過甜膩之餘又夠香。怡保白咖啡味道帶淡淡烘焙香味相比普通咖啡無咁嗆及甘苦，偏重奶香，入口奶味香醇及順滑。

估唔到係充滿外國風情既蘭桂枋內竟然坐立左一間充滿星馬風情既星馬菜餐廳.餐廳內充滿格調,牆上掛上一頭金色獅子頭象徵住獅城特色.怡保芽菜雞飯米飯被滿滿嫩滑雞肉及爽脆芽菜覆蓋,雞肉上更放滿特製蔥油.雞肉質感香滑幼嫩,配上鹹香蔥油帶陣陣香蔥,麻油及醬油香,令雞肉相對入味.芽菜爽口香甜而且充滿水份,令整道菜增加一俗層次感.桔仔水桔仔水充滿柑橘香味,清香淡雅上.再係桔仔水內加粒話梅,令本身酸酸甜甜既桔仔水更清新開胃,解膩又解渴.

🥢中環蘭桂坊靚景食新加坡麥皮蝦肉骨茶#食好西中環美食🥢去過新加坡的朋友，都一定會好想念當地惹味度爆燈的麥皮蝦，味道濃郁的骨茶，仲有酸酸甜嘅的話梅桔仔水，原來在中環有一間美味新加坡菜，裝修環境很有格調，整片大落地玻璃窗光猛開揚，可以一邊品嘗美食一邊看到蘭桂坊的繁華🥢招牌麥皮蝦椰漿飯 $148 （Set Lunch）有無朋友都會最掛住新加坡菜就是這道菜-麥皮蝦，大大的蝦，很大隻夠厚肉，麥皮被炒到金黃香脆，味道甜甜哋的好開胃，配上淡淡清香的椰漿飯，完完全全是新加坡風味🥢巴生肉骨茶 $108 （Set Lunch）肉骨茶大大的一碗，排骨份量很多，仲有豬大腸及支竹，濃濃肉汁燉出甘香的濃郁香味，最後全部被清光，喺呢個天氣凍冰冰咁飲完即時覺得很暖身🥢蘭桂坊內少見坐得舒適的新加坡菜，味道跟之前去新加坡食到的印象非常相似相當驚喜，聽聞佢哋的串燒仲有胡椒蟹都出名好食啊,有機會一家要再來試吓獅城星馬餐廳地址: 中環蘭桂坊德己立街23號晉逸蘭桂坊精品酒店1樓

📍 獅城星馬餐廳位於蘭桂坊酒店嘅一樓，估唔到都有間食正宗星馬菜嘅餐廳。裝修幾靚，格局幾骨緻。星期六去都唔算好多人，可以同朋友傾下計➖➖Lunch係冇單點，只有lunchset可供選擇。都有十多款，唔怕揀唔到啱食嘅野。➖➖📌 獅城海南雞油飯 $108份量幾足夠，雞肉連皮冇骨，肉質相當滑溜，油香十足。而配上招牌醬汁都有唔同既感覺，飯粒都相當乾身，香而不油。➖➖📌 檳城雞絲喇沙 $143絕對落足料，有雞件(唔係雞絲，不過冇乜所謂)、魚片、豆卜、芽菜。湯底色澤豐富，濃郁得嚟唔算好辣，入口相常濃香，層次好豐富。重椰漿味，有層辣油喺面。麵係參參，即係米粉加油麵，油麵份量唔係太多，鍾意食油麵多d。➖➖地址： 中環蘭桂坊德己立街23號晉逸蘭桂坊精品酒店1樓➖➖人均消費：$150 (subject to service charge)好食指數：4/5抵食指數：4/5環境指數：3.5/5服務指數：3.5/5回頭指數：3.5/5➖➖

估唔到蘭桂坊除左西餐之外仲隱藏左間星馬菜餐廳. 地方細細但想食既星馬菜式都有。當日我地揀左兩款Lunch set,分別係喇沙同芽菜雞. 喇沙入面原來都有成份雞係到, 性價比好高!而且夠哂濃味,都幾好芽菜雞就第一次食,整體有D似海南雞加左芽菜, 雞肉好滑~個人幾鍾意!除左2款主食我地仲試左肉骨茶同燕麥蝦~燕麥蝦一份三隻, 燕麥沾左上D蝦身上, 香脆之餘仲有少少咸香味。而肉骨茶味道幾濃,肉都好多下，由於而加冬天，如果熱D就更正

［中環］獅城星馬餐廳.獅城海南雞油飯🐔食剩指數:0/100見個lunch set餐牌個海南雞雞有加餐廳名應該都算推介菜式一上到枱發現海南雞全份都無骨！連雞翼果個位都去埋骨雞肉都幾滑點少少醬油/薑蓉都好夠油飯都算幾有味又唔會話太咸整體都ok.檳城雞絲喇沙食剩指數:10/100星馬菜喇沙一定有喇沙湯底少少辣唔會好搶喉（平時怕辣都接受到）配料都有魚片、豆卜、雞肉、雞蛋等雞肉都唔會好柴麵底有米粉同油麵混合算係唔錯

因為WFH既關係好耐都無黎中環少左人既中環舒服好多而且生活節奏都可以放慢下來仲發現原來蘭桂芳開左好多新餐廳其中一間新餐廳主打星馬菜見仲有午市套餐當然要一試究竟價錢大約$98 - $148 包飲品以中環區黎講都算幾合理．招牌麥皮蝦椰漿飯（午餐 $148）用上大蝦沾上麥皮新鮮炸起食落酥酥脆脆又脆卜卜好惹味比起用普通炸粉更高層次椰漿飯帶有淡淡椰香甜味食哂都唔會覺得漏．巴生肉骨茶飯（午餐 $108）以午餐黎講份量唔錯有齊三舊豬骨、冬菇、大腸十分足料肉骨茶上枱仲保持熱辣辣有香濃肉味同藥材香冬天飲好暖胃如果有得無限添湯就好喇😆．檳城雞絲喇沙（午餐 $108）以黃薑、椰漿、新鮮蝦頭熬製而成既喇沙湯底惹味濃郁帶有淡淡椰香同香辣味雞絲嫩滑份量唔少麵底質感算得上煙韌得黎又掛湯一啖麵一啖喇沙湯底真係好夾

今日去開中環，差唔多搭車返屋企路過呢間餐廳，就順便買啲外賣返屋企食。真心，冇諗過咁好食！招牌巴生肉骨茶我去過星加坡一次，同我印象中嘅味道非常相似！先唔好理佢係咪正宗，我只知道佢非常好味！我想講，我以前係唔鍾意飲肉骨茶嘅人，但係我今次同老公嗌外賣返屋企食，我哋清晒！我以前唔鍾意食係因為覺得藥材味太濃，大廚話佢哋嘅肉骨茶採用當地嘅醬料製作，仲有十幾款藥材，咁足料，但係個藥材味又唔會太搶，個味道拿捏得非常好。材料都好豐富㗎，有排骨、豬腸、豆卜、蒜頭同油炸鬼！星洲麥皮蝦首先我真係唔知咩係麥皮蝦，但係試完真係返唔到轉頭。堅好食！隻蝦仲大過我個仔個拳頭！我覺得有啲似椒鹽炒蝦咁！啲麥皮好香脆！我同我老公非常滿意！我問我老公俾幾多分，佢話比滿分。（我老公係唔容易比滿分㗎！）

今天早上要到灣仔區工作, 再加上想起可以去新開張的中環DONKI行下, 所以決定係中環食LUNCH。OPENRICE 搵左呢間新開並且全是好評的餐廳 - 獅城星馬餐廳。間餐廳好得意, 位置係德己立街23號上一樓。而佢地正門竟然要從地下一間叫Tipsy Bird既酒吧搭LIFT上。如果跟指示由酒店入口處搭LIFT上餐廳係會去左佢地既後門。餐廳面積不大, 大概只有10張枱, 幸好當天客人不多, 坐得尚算舒適。中午時段只有午餐供應沒有單點。我地點左檳城雞肉喇沙, 沙嗲串燒 (3串)椰漿飯同馬來西亞桔仔水。跟餐送娘惹沙律, 類似我地去食中菜時侍應會跟茶一起送上的付費前菜小碟, 係一些經醃製過的蔬菜。當中最愛菠蘿, 酸酸甜甜開胃。沙嗲串燒 (3串)椰漿飯 - 沙嗲味道濃郁惹味, 串燒更要大讚, 係豬雞牛各一串(啱曬我呢D咩都想試但又眼闊肚窄既人), 肉質新鮮唔韌配上充滿椰漿香氣的米飯, 好味。檳城雞肉喇沙 - 雞肉嫩滑新鮮, 喇沙湯我飲左一啖, 有層次好飲但🥵好辣。喇沙湯底暫時我最鍾意峇峇娘惹, 推薦比唔太食得辣既人仕食, 但可能價錢較平既關係, 佢地既肉質素麻麻, 有雪藏味。桔仔水清甜新鮮好飲

蘭桂坊新開咗新嘅新加坡菜，喜歡食喇沙嘅我梗係要去試吓啦。食喇沙我第一時間會試佢個湯底得唔得，呢間嘅湯底似乎有少少改良咗，唔似星馬地區食到嗰種相對濃味同傑身嘅，所以湯嘅味道比我嘅感覺係輕盈啲，而用料似乎都好足，唔錯。麵底係正宗油麵加米粉，啲湯嘅味道入到啲麵度，唔會有湯還湯麵還麵嘅感覺。雞都好食，似乎唔係啲千年雪雞(好多舖頭為咗成本，會用啲質素差少少嘅雞，因為如果個湯夠濃就乜雞都唔洗怕)。豆腐卜正常入味啦，不過隻蛋就似乎over cook咗少少，如果可以輕微流心就正晒。

如果形容為鬧市中的穩世餐廳絕不為過, 呢間餐廳坐落於非常熱鬧嘅蘭桂芳, 而且要先進入地下一間酒吧之後再乘升降機上一樓先可到達餐廳。是夜一行四人進入餐廳後雖然眼見地方唔大但係比我哋嘅感覺都頗為舒服而且仲有落地玻璃可以望到人來人往嘅蘭桂芳。當服務員安排好我哋坐位之後總廚Marco已經好快好熱情咁介紹自己同推介菜式。最後總廚為我們安排咗以下菜式:飲品: 桔仔水(如果可以再重味少少更好)小食: 芽菜雞及串燒 (正宗馬來西亞味道)主菜: 肉骨茶配即製油炸鬼 ( 堅正), 醬油白胡椒炒蟹(帶點甜味幾特別), 咖哩龍躉魚頭 ( 我哋另配咗椰漿飯同油飯, 如果可以配埋法包仲正), 咖啡骨(無得輸), 最後甜品係即製娘惹糕( 每款味得半件唔夠喉, 下次一定要食多)註: 體諒小弟因為掛住食有啲食物無影相....Marco總廚等我, 我好快一定再嚟試埋其他菜....

蘭桂坊開咗新餐廳！🤩仲要係香港好少有嘅星馬菜 🇸🇬🇲🇾🤩-👉🏻獅城龍蝦喇沙 singapore lion lobster asam laksa 🍜💲168喇沙湯偏甜 啱晒我呢啲食唔到辣嘅人 仲要大大嚿龍蝦超吸晴🦞啲麵好係係摻摻 粗麵幼麵都有-👉🏻馬拉盞燒大蝦頭 🦐grilled giant river prawn with belacan 💲198-👉🏻巴生肉骨茶 klang bak kut teh 🍲💲168 (small) / 💲288 (large)呢個肉骨茶真係不得了 湯料仲多過碗湯咁滯🥰仲要係好食🥰湯水有藥材嘅甘甜😋-👉🏻獅城咖啡骨 kopi pork ribs 🍖💲158呢度嘅咖啡骨大到離晒譜😛超香豬肉味半肥瘦仲要勁多汁！咖啡一啲都唔苦澀 甜甜地😋-👉🏻沙嗲串燒🍢💲108認為可以多啲沙嗲醬🤣-👉🏻星洲麥皮蝦 singapore oatmeal prawns 🦐💲168係我食過最好食嘅麥皮蝦😭麥皮仲好食過隻蝦🥰啲麥皮唔會太黏 蝦肉有爽口彈牙 大大隻 必食！-👉🏻娘惹沙律 acar salad 🥗💲98覺得個沙律凍咗啲🤣-👉🏻怡保芽菜雞 ipoh chicken sprout

樓上店環境好典雅 野食選擇好多✨🥂-1️⃣「奶油金絲蝦🦐($168)」-呢道菜賣相好吸引 蝦超大隻 奶油金絲有鹹蛋香味~Baked prawn with creamy sauce🧈-2️⃣「沙嗲串燒拼盤4串🍢($108)」-沙嗲味好濃 雞肉串燒幾惹味～Malaysia Satay chicken 🐔- 3️⃣「怡保芽菜雞🐓🌱($148)」-第一次食芽菜雞 雞肉嫩滑有鮮味 雞皮爽口 幾鍾意🙈~Ipoh chicken sprout beans-4️⃣「獅城咖啡骨☕️🐷($158)」-超特別嘅一道菜 一字排有3大舊 好嫩滑多汁 會有咖啡甘香味 個人覺得很不錯👍🏻 但友人覺得如果甜返少少就會近大眾口味~Kopi pork ribs-5️⃣「娘惹沙律🥗($98)」-青瓜、椰菜同紅蘿蔔都酸酸甜甜好開胃 🥕同甜嘅菠蘿好夾 🍍只係四季豆少少青～ Acar salad

中環蘭桂坊新地方聚點——SingaporeLion獅城星馬餐廳未夠鐘蒲得之前，都要食返餐好西醫飽個肚先嘅😎～諗都唔洗諗，緊係去朋友新開嘅星馬餐廳撐下場，淨係聽名都夠晒疊馬高質啦👍🏻🍴娘惹沙律 $98蔬菜爽口仲有d韓式泡菜口味，爽脆又開胃🍴沙嗲串燒拼盤4串 $108自家製作馬來沙嗲醬，食落超香惹味🍴獅城咖啡骨 $158濃香味道一食難忘，咖啡口味非常特別但又好夾好正🍴星洲麥皮蝦 $168新鮮大蝦肉夾埋香脆可口嘅麥皮，口感出奇地夾🍴奶油金絲蝦 $168蝦肉爽口彈牙，滑滑嘅奶油香mix鹹蛋香，perfect ！🍴巴生肉骨茶 $288勁多豬骨﹑豬腩肉、冬菇﹑大腸等等，非常足料，加上獨特的鮮香味，飲落豐富濃郁其它美食仲有：🍴酥炸軟殼蟹 $118🍴娘惹蟹肉金杯 $118🍴獅城海南雞 $148🍴白胡椒炒蟹 $338🍴馬拉盞燒大頭蝦 $198🍴亞參炒八角豆 $108🍴三巴醬燒茄子 $118🍴馬拉盞椰菜苗 $118🍴獅城龍蝦喇沙 $168