犇殿台灣火鍋 (奧海城三期)

營業中

休息中

無論咩日子咩天氣，打邊爐都係港人最愛其中之一~和牛打邊爐就既高級又大眾，同朋友食定係慶祝節日去都一流🤭見到做緊優惠買一送一，計返條數三百幾蚊有和牛都幾抵食😳揀左麻辣湯底，有包埋鴨血同豆腐唔算太辣，夠晒香，不過食菜吸晒辣油就刺激啲🥺食材方面，牛肉都已經有幾款揀最開心係有我最愛既長蟹柳!🥰飲品一樣有自家製冷泡茶，同埋都有啤酒甜品就有蛋糕同埋雪糕炸物有第一次見既朱古力炸彈食落好似炸嘅心太軟幾得意!🤣黎緊父親節慶祝，可以帶食肉獸爸爸過黎大吃一番!🤤🤤

本來約咗舊同事食米線，但係間店落雨爆場，唯有轉地方行遠啲，午餐落雨真係好鬼麻煩，醒起商場有台灣嘢食，就過嚟試吓。因為太遲出嚟時間太趕根本打唔到邊爐，咁今次就試吓食個定食。個鴨屎香茶雖然係茶包，但係茶味都幾香濃。我就嗌咗個定食裏面有鹽酥雞肉香腸同滷肉飯。滷肉飯係熱嘅個份量都好足，滿足我食台灣嘢嘅慾望。但係個腸仔同埋鹽酥雞就係常溫，好似喺出邊打邊爐放題小食盤夾過嚟咁。不過呢啲當佢配菜就算唔好太認真。亦都試咗同事個三杯牛肉，個肉味都幾濃。最後跟餐有個雪糕可以自己去雪糕櫃攞一款嚟食，平時少食豆腐味就試吓，清清地唔太甜。撇除咗啲小食，個滷肉飯其實係可以嘅，半肥瘦，起碼份量好過樓下嗰幾間餐廳先。如果多啲時間打邊爐應該會開心好多。

前幾日接老公放工，見到奧海城犇殿台灣火鍋見到「期間限定！買一送一・全農日本JA和牛嘉年華」$598/2 位，90分鐘任飲任食，星期一至四限定仲免費升級120分鐘超級抵😍每2位仲送日本🇯🇵北海道和牛半公斤，肉質細緻，油花均勻，鮮嫩多汁，入口即溶🤤8款湯底任選，我哋嗌咗桃膠土雞美人鍋，湯底足料濃郁，可以用QR code任點肉類、台灣美食、海鮮，其他火鍋配料，海鮮都相當新鮮！飲品同甜品都相當多選擇，有我鍾意食MOVENPICK 雪糕和豆腐花

位於奧海城台式火鍋店，近來推出期間限定 「買一送一 全農日本JA和牛嘉年華」。90分鐘任飲任食，每2位送半公斤日本A5和牛，仲有多款火鍋配料同台式小食。一人價錢，二人享受，確實非常抵食～日本A5和牛雪花紋理精緻，顏色粉嫩，賣相已經好吸引。放入口感受到油香滿溢，入口即化，為左呢碟和牛黎都抵。其他火鍋配料美國極佳牛肩胛肉、澳洲牛肉、安格斯牛肉美國牛板腱、紐西蘭羊肉卷、阿嬤燒酒雞、海蝦、海蜆等，仲有台灣腸、小籠包，仲有芋圓，選擇都唔少～

90分鐘任飲任食，原價每位$598，但而家做緊買一送一，超級抵。每2位就會送日本A5和牛送半公斤份量真係幾多，擺盤又靚～和牛顏色粉嫩，雪花紋理細緻豐富。肉質細嫩柔軟滿滿油脂感，幾乎入口即化，真係好不一樣。8款湯底任選，我地四個人就揀左一品酸菜白肉鍋同藥膳紅燒牛骨鍋～可以用QR code任點美國極佳牛肩胛肉/澳洲特選牛肉/上選安格斯牛肉美國牛板腱/美國豬梅花/紐西蘭羊肉卷/阿嬤燒酒雞/海蝦海蜆/台灣鴨血/百頁豆腐 ⋯仲有多款小食，例如小籠包同小籠包同台灣腸～甜品有芋圓同Häagen-Dazs雪糕。

睇相以為好好 望落裝修都靚 諗住都好多嘢食 去到見到外面可以夾嘅嘢都係得蔬菜，同埋啲豬皮魚蛋蘿蔔 同啲炸得唔好食嘅嘢食兩三款 有豆腐花，涼粉 佢嘅唔知乜嘢平價雪糕好難食連個細路仔都放棄!重點係啲主食每款都走去試咗 全部啲肉嘅質素都好差，係啲質素比較唔掂嘅嘢！唯獨佢個藥材味嘅雞湯底係好味，亦都好好飲 整體佢所有嘅食物質素都係屬於平價嗰種 質素比較似啲好平價好平價嘅打邊爐質素 性價比覺得好低 俾個環境同啲相引咗入嚟 真係冇下次 ！

天氣開始凍 梗係要約朋友去食火鍋啦🥰今次去咗呢間香港人氣台式火鍋 佢哋仲做緊期間限定💯日本JA全農和牛嘉年華 $598買一送一 仲有多款台灣小食選擇 適合帶埋一大班朋友過去聚會 聖誕千祈唔好錯過啦！！-⚜️期間限定A5和牛套餐$598 買一送一⚜️湯底方便我哋選擇咗限定嘅蕃茄牛骨湯 蕃茄味濃郁 配埋牛骨 鮮味十足 要嚟烚海鮮配料就一流👍🏻👍🏻兩位有半公斤日本A4和牛 半公斤A5和牛顏色粉嫩 烚一烚就食得 食落肥瘦均勻入口即溶🫶🏻真係好正‼️而其他任食嘅肉類質素都好高 最愛上選安格斯牛肉好軟滑又好重肉味💯海鮮方面都有好多選擇 多款鴨血、魚片、魚滑、仲有新鮮海蝦都係任食🫣-佢台式放題當然唔少得手抓餅、花雕雞翼、鬼馬油炸鬼、台式香腸等等全部都金黃酥脆熱辣辣食唔停好邪惡😋甜品方面有Häagen-Dazs 雀巢雪條等任食 而且仲有涼粉芋圓自己DIY 整體嚟講都已經好滿足👍🏻

一入去坐低就見到枱底好多蝦殼同埋唔知一嚿咩嘅食物，張凳又有湯汁，枱面抹咗好似冇抹過咁，自己用濕紙巾抹張枱，即係輕輕放落枱面張紙巾已經污糟晒，再用力啲抹張枱成隻手掌印都出晒嚟！冇清潔好就交張枱俾人！唔會再有下次！

晚市火鍋放題套餐，澳洲M9和牛，每位$400左右，對比其他台式自助火鍋，佢晚市套餐得90分鐘，以為都夠時間，原來食起上嚟真係好趕。呢一點牛大人做得比較人性化。另外，佢有啲嘢係要掃QR code落單，落單會限數量，每份嘅數量就等於人數，例如2個人去，一份蜆就係一隻，每次落單最多落15份，可能會話，『咪落多兩次囉～』 錯，佢見你重複落單而又未出嘅嘢佢係唔會再嚟，跟住就次次嚟得一半，例如我四款食物，佢只會嚟兩款，就係咁，我90分鐘內只係成功落咗三次單，仲要唔係所有嘢都嚟齊。。。而你想搵佢啲職員問或者叫佢哋加湯，嗌四五次先會有一個人應你。未試過食台式火鍋食得咁趕，另外食物款式其實都唔夠牛大人多，性價比好低，佢絕對唔難食，啲牛都好靚，不過一定唔會再去最後一樣，商場個廁所超級遠，直程喺同層嘅另一邊，如果食食吓要去廁所，正常人腳程每次來回都要10～15分鐘，仲未計排隊，啲時間就係咁用咗。。。。坊間咁多選擇，一定唔會再去呢間

今日同阿女行經奧海城嘅犇殿台灣火鍋 ，發現佢出咗一個好吸引嘅優惠....犇殿為滿足牛牛愛好者，會不時推出驚喜優惠及食品🥰，今期舉行日本JA全農和牛嘉年華，鹿兒島黑牛日本一嘅A5和牛餐😍。套餐包括日本A5和牛半公斤(2位) ，任食精選肉類、台灣美食、海鮮、丸類、蔬菜、甜品、生果及飲品等。現時做緊限定優惠買一送一(即2位$598)，真係好抵好吸引😍。鴛鴦湯底 +$30美白凝膚牛乳鍋入面有雜菇、秋葵，帶着淡淡的奶香味😋。台式濃香沙茶鍋沙爹味濃郁，基本上淥任何食物，不用加其他醬汁，已經十分惹味😋。A5和牛🐃色澤粉嫩鮮紅，霜降均勻，輕輕灼熟，口感軟嫩，入口即化，牛味香油味濃，勁好食🤤。其他肉品質素同樣出色，質感柔軟，美國極佳牛肩胛、澳洲特選牛肉、上選安格斯牛肉，這幾款同樣肉味濃厚😋。豬梅花🐖口感爽滑，帶陣陣油香味。羊肉卷🐏完全冇騷味，質感柔軟嫩滑😋。海鮮新鮮甜美，墨魚仔🦑及海蝦🦐爽口彈牙，墨魚滑及魚青滑打至起膠，口感Q彈鮮甜😋。自助區方面：丸類及蔬菜🥬選擇勁多，最特別係有凍海鮮盤(有海蝦、蜆及青口)。仲有吸引嘅台灣小食，最特別係現場即煎嘅夜市攤檔(18:30-20:30)，攤檔嘅夜市小食有蚵仔煎

天氣終於都開始涼啦😍系時侯又要出去瘋狂打邊爐啦💕－聽到🌟犇殿🌟呢排有個期間限定既日本JA全農和牛嘉年華，超正既日本A5 和牛餐都只係優惠價$598，仲要買一送一咁鬼抵‼️前晚就已經同朋友過去幫襯左🥰個餐包含左足足半公斤、油花超靚又粉嫩、堆到成座山咁既日本A5和牛，睇到都覺得好震撼‼️ 食落軟嫩多汁牛味濃，絕對系高汁之選😍湯底我哋揀咗個好有特色既美白凝膚牛乳鍋，湯頭雪白又夠濃，隱隱透出既奶香味，感覺滋補又對皮膚好💕除咗A 5和牛之外，個餐仲包埋美國極佳牛肩胛肉、澳洲特選牛肉、上選安格斯牛肉、美國牛板腱、牛胸爽、美國豬梅花、紐西蘭羊肉巻、阿嬤燒酒雞⋯⋯等等既肉肉任叫任食😋妥妥－個食肉獸既朋友仔食得好鬼爽😆個餐另外仲有埋海班片、鯛魚片、墨魚仔、海蝦、海蜆、墨魚滑、魚青滑等等既海鮮同多款✨台灣美食✨（eg:台灣鴨血、逢甲米血糕、厚切午餐肉、十三香滷三寶、老街蜂果豆腐、百頁豆腐、台式魚餃、手工蛋餃、福建燕餃、響鈴卷）可以自助落單，種類夠哂豐富‼️台式區入面除咗有滷肉燥，仲有台灣腸、蚵仔煎等等既台灣美食，好似去咗台灣夜市掃街咁☺️調味區乾淨又企理，基本既蔥、蒜蓉、辣椒、芫荽都有齊。飲品櫃都算幾大，茶類、汽

《香港必食日本和牛｜犇殿》 @taiwanbussanhotpot日本JA全農和牛嘉年華，再加上台式自助餐，滿足火鍋放題之餘，仲有多款台灣小食😍咁正點可以唔捉埋男朋友去試吓‼️-‼️期間限定A5和牛套餐‼️$598買一送一鹿兒島黑牛日本一，兩位有半公斤日本A4和牛，再加上放題任食其他款式嘅肉類、海鮮、台式小食同火鍋配料，滿足邊爐癮之餘仲好似去咗台灣夜市咁🫶🏻🫶🏻-兩位半公斤A5和牛，對到成座山咁，油花均勻入口即溶真係好正，我哋兩三下就清晒，而其他任食嘅肉類質素都好高，最愛上選安格斯牛肉好軟滑又好重肉味。海鮮方面都有好多選擇，多款魚片、魚滑、仲有新鮮海蝦等👍🏻-佢台式放題當然唔少得台式小食，椒鹽粟米、炸芝麻球、炸餃子等等全部都金黃酥脆，食唔停好邪惡。我哋仲試咗胡椒餅同台灣香腸，真係超級滿足😌-而家去犇殿都唔一定要打邊爐😂😂🫶🏻全新推出咗台式自助餐，就算唔想食火鍋，午市只需$98、晚市$138，真係好抵‼️

第一次嚟試台式火鍋佢有好多種選擇大部份都係任食既packages唯一一個冇任食既係8:30pm後先有的一個二人餐《二人精明之選》限時75分鐘包了海鮮盤 + 牛肉豬肉雞肉 + 台式美食拼盤 + 任食自助區每人$344其實都包咗好多嘢 多到係食唔晒8:30入座 任食自助區關9:30am 少少趕只可以揀一個湯底當日選了《美白凝膚牛乳鍋》湯底唔錯下圖係《海鮮盤》有台式魚滑、蜆、蝦、墨魚仔及青口全部都ok 除了魚滑真係好難食《精選肉類》就冇影到出嚟啦因為都係嗰啲牛肉有兩種：美國佳牛肩胛肉 及 澳洲特選牛肉兩種都好嚡好韌唔好食燒酒雞：冇諗過雞肉都可以唔好食 但仍能入口豬梅花：冇食到《台式美食拼盤》好細碟 都係冇影到有鴨血、蛋餃魚餃同響鈴全部都唔好食最後任食自助區好少少d菜都新鮮 仲有關東煮 甜品 雪糕 野飲等但甜品較差 野飲只有罐裝結論係：台式火鍋真係唔掂

喂喂喂，講到台灣火鍋，梗係唔少得依家勁hit嘅犇殿啦！今次去試咗佢哋嘅日本A5和牛半公斤放題，真係食到停唔到口，簡直係肉食獸嘅天堂！佢哋提供咗8款唔同嘅湯底，有辣有唔辣一定有一款啱你，依家仲有期間限定兩款湯底，我哋呢次就揀咗其中一款台南嘅椰子雞鍋，夠哂清潤清甜，又可以帶出和牛嘅甜味。和牛正到爆：A5級鹿兒島黑毛和牛🥩一上枱，就俾個A5和牛吸引到眼都突埋出嚟！油花靚到不得了，色澤鮮豔，真係睇到口水都流埋！一咬落去，即刻溶喺口入面，滿口都係濃郁嘅牛肉香，油脂香甜又唔會太膩，真係正到爆！半公斤嘅份量，夠晒你食到滿足！選擇多多：任食台灣美食同海鮮🦐除咗和牛，放題仲有好多款精選肉類、台灣美食同海鮮，選擇多到眼花撩亂！美國極佳牛肩胛肉、澳洲特選牛肉、上選安格斯牛肉等等，肉質都勁嫩，口感豐富。台灣美食方面，阿嬤燒酒雞、逢甲米血糕、台式魚餃等等，全部都係正宗台灣風味，好懷念呀！海鮮方面，海班片、鯛魚片、海蝦等等，新鮮又美味，真係海鮮控嘅天堂！而佢哋仲有好多嘅配料就放哂喺自助區，好似有各式嘅菜類、丸類仲有麵食等。自助區仲提供咗多款台灣夜市小食，好似有滷水、滷肉飯、台灣腸、蚵仔煎等。最後甜品仲有芋圓，有多

湯底（菜+蠔仔湯底）極咸；order 食物要逐件逐粒落單，每次落單只限10件食物：蜆、蝦、豆腐都係逐件計，所以，淨係落單都要花頗多時間; 整體食物質素差劣，垃圾食物，以人均$370計，性價比極抵！