犇殿台灣火鍋 (奧海城三期)

最近同朋友去咗呢間火鍋店～ 食咗佢哋新推出嘅「全農日本JA和牛嘉年華」套餐，最主要做緊買一送一優惠❤️放題以外再包成半公斤北海道和牛，點可以唔試🥩首先講吓套餐嘅主角～ 北海道和牛，真是正到冇朋友🤣半公斤嘅份量好夠誠意，每件和牛油花分佈均勻，色澤靚到不得了。放落特濃蕃茄豬骨湯底輕輕煮好，入口即化，油脂香濃但唔會膩，和牛獨有嘅甘香味好突出，食落真似高級壽喜燒嘅肉一樣咁滿足⭐️除咗和牛，套餐包好多任食靚肉～ 我哋最鍾意係美國極佳牛肩胛肉同安格斯牛肉，牛肩胛肉嫩滑多汁。而牛板腱同牛胸爽口感爽脆，都非常大件，又夠濃味👍🏻👍🏻 仲有紐西蘭羊卷肉，羊味重，勁正😍🥢台灣美食區都多野揀😌 台灣鴨血同百頁豆腐，食到停唔落口。即炸鹽酥雞外脆內嫩。台灣腸同八吋長腳蟹棒都係必食。 最特別推介花雕醉雞翼，雞肉嫩滑，有驚喜。👍🏻自助區都好多野揀～ 我就最鐘意蟲草花、花枝丸同墨丸質素唔錯，選擇多到令人有啲花多眼亂！🥣湯底方面，揀咗特濃蕃茄豬骨湯，味道濃郁又唔會太鹹🍧甜品方面，可以自製mix 台式甜品👍🏻 仙草同芋圓都幾好，仲有雪糕選擇都好多，真係食唔晒呢…查看更多

♡ 定量火鍋套餐：- 澳洲安格斯午肉套餐 $ 118/250g- 上選赤身牛套餐 $ 68/150g- 特選壽喜燒套餐 $ 118/150g- 雪花牛套餐 $188/200g雪花牛～紋理清晰細緻，油脂分佈均勻，超吸引丫🤩安格斯牛板腱～較有咬口不過內裏肉質柔軟，口感豐富🤤另外值得一提，每款肉都勁有牛味，食得超滿足😌湯底：濃香沙茶鍋，沙茶味香濃同牛肉非常夾👍美白牛乳鍋，冇乜牛乳味，去到後面越煮越鹹。🌟就算唔夠飽都可以另外再追加，唔使叫多個set ，非常方便。👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻基本上每碟牛肉都好新鮮好靚，口感亦各有特色。晚市定量火鍋黎講都幾抵，值得一試🌟…查看更多

第一次忍唔住要上嚟寫一個真實差評！啱先去咗呢間食台式任食邊爐，真係好失望😩。我哋揀咗御膳麻辣鍋，根本唔好食，唔香仲有啲苦味，完全冇台式火鍋應有嘅味道😤我哋仲揀咗澳洲特選牛肉套餐，食90分鐘要$305（未計加一），但食物質素真係參差，種類又少。中段已經有好多台式小食缺貨，特登想食醉雞翼，結果只嚟到一隻，仲冇得再嗌，真係失望透頂😡。至於牛肉，簡直係慘無人道，全部都有浸牛蘇味，質量差到冇朋友😩外面拎嘅食物選擇更係有限，平時嗰啲放題火鍋都有嘅芝心丸、蟹籽丸，呢度完全冇😒。冷泡茶又冇，唯一好嘅就係有Häagen-Dazs雪糕任食，但只得兩隻口味😀講到環境衛生，真係勁惡劣！我坐咗唔夠10分鐘，就見到一隻曱甴喺我隔籬凳度飄過，嚇到我即刻彈起！職員用一疊厚厚嘅紙巾捉走咗佢，仲有好多曱甴屍體喺窗邊，甚至有一兩隻仲係郁緊🫩🪳而場內氣溫都好高，只係見到用緊一啲外置式嘅吹風機，試吓想像打緊邊爐只係用風扇嘅狀態，你就會明白我有幾咁熱同埋辛苦🥵第一次食放題唔係食到最後，食到一半已經忍唔住走咗💀總之！呢間野，邊個同你有仇，你就推薦佢去啦！🤡…查看更多

無論咩日子咩天氣，打邊爐都係港人最愛其中之一~和牛打邊爐就既高級又大眾，同朋友食定係慶祝節日去都一流🤭見到做緊優惠買一送一，計返條數三百幾蚊有和牛都幾抵食😳揀左麻辣湯底，有包埋鴨血同豆腐唔算太辣，夠晒香，不過食菜吸晒辣油就刺激啲🥺食材方面，牛肉都已經有幾款揀最開心係有我最愛既長蟹柳!🥰飲品一樣有自家製冷泡茶，同埋都有啤酒甜品就有蛋糕同埋雪糕炸物有第一次見既朱古力炸彈食落好似炸嘅心太軟幾得意!🤣黎緊父親節慶祝，可以帶食肉獸爸爸過黎大吃一番!🤤🤤…查看更多

本來約咗舊同事食米線，但係間店落雨爆場，唯有轉地方行遠啲，午餐落雨真係好鬼麻煩，醒起商場有台灣嘢食，就過嚟試吓。因為太遲出嚟時間太趕根本打唔到邊爐，咁今次就試吓食個定食。個鴨屎香茶雖然係茶包，但係茶味都幾香濃。我就嗌咗個定食裏面有鹽酥雞肉香腸同滷肉飯。滷肉飯係熱嘅個份量都好足，滿足我食台灣嘢嘅慾望。但係個腸仔同埋鹽酥雞就係常溫，好似喺出邊打邊爐放題小食盤夾過嚟咁。不過呢啲當佢配菜就算唔好太認真。亦都試咗同事個三杯牛肉，個肉味都幾濃。最後跟餐有個雪糕可以自己去雪糕櫃攞一款嚟食，平時少食豆腐味就試吓，清清地唔太甜。撇除咗啲小食，個滷肉飯其實係可以嘅，半肥瘦，起碼份量好過樓下嗰幾間餐廳先。如果多啲時間打邊爐應該會開心好多。…查看更多