犇殿台灣火鍋 (德福廣場1期)

營業中

休息中

星期六下午去德福搵食，見到台色火鍋任飲任食。一於試吓。叫咗三叉牛餐，配白肉酸菜鍋。湯底清清底正常。坐低先叫4碟牛，肥瘦均勻。之後出去攞其他野食，熟食有蚊牛腩同肉燥飯。牛腩味道好好。拎咗油炸鬼，多款丸同青菜任揀。一櫃飲品任飲。食完再叫多2 round牛，牛的肉質同質素唔錯唔錯。上菜速度都幾快，自己用QR code落單。中途也有主動問我哋要唔要加湯，服務唔錯。性價比唔錯的一餐。下次試吓夜晚任食，夜晚會多啲台式小食。

本來林住食牛陣，跟任見到依間好似未試過，見台式想試下嘛，點知d牛肉真係一試難忘，叫左牛三叉同美國安格斯和牛，都知道唔會多架啦，點知道得個幾塊，仲要好hi，林住再試下煠個半生熟可能冇咁hi架啦，點知都係咁😑，食左2,3塊就唔想食。不過d服務質素都幾好。就系d食物質素唔好，同埋打邊爐野飲都冇任飲，真係唔得囉，其他火鍋店唔揀放題都可以任飲，佢依間真夠特別……，其他配都係丸菜果d，不過我覺得菜就少左d，有飯

最近聽聞屋企附近開左間高質打邊爐放題、一路都想去試下 .今巧今日打風 決定落去睇下有咩冇得食.結果有開排左大約15-20分鐘 服務員態度幾好帶埋位湯底有幾多選擇 今次試左一品酸菜白肉鍋我地要左188個餐美國黑毛和牛 、呢個和牛都非常好味就今拎出來都肉質好靚每次比既和牛都係一樣級數唔像外面有d餐廳只係頭一盤靚牛之後比翻d低級別既牛比客人享用.順帶一提牛三叉and 醉雞件都好味 由其醉雞 食落連肉裡面都有酒香味⋯呢間d野飲好特別 （不過無粗飲管）仲有我最愛既油條⋯另外仲有好多丸類菜類不過我地兩個人都係主力食牛大約追加左15碟和牛（加單上野都非常之快唔洗要等一陣先有得食）之後再追加左一份鴨血只係5蚊 抵食 同埋午市好多人排隊 時間都比較充足 亦無吹我地走 慢慢坐⋯值得抵讚👍

打風午餐食咩好？打電話去係語音，唯有直接去睇下。選左第三級牛(午市3級以上送海鮮盤盤))，第一轉叫埋其他級別牛試下試完，都係主力食和牛，我叫左成十幾轉牛，每次2盒，2片，要係咁落單。但十幾轉都保持到質量，好好鍋底選酸菜湯，咁既價錢來講，算出色，有酸白菜，豬肉哩個雞肉，真心要試，好鬼死重酒味，咬落一陣酒香，難得飲品，好多特色野，紅豆椰汁，芋頭珍珠，我貪心左，每樣試幾啖only哩間餐廳，如果水準保持到，真係值得食多幾次

叫左最貴既級別澳洲M7和牛。 但…有d失望…囉！除左佢送嗰幾片"神仙牛肉"係好食之外，最高級别既m7和牛係好嚡既…… 加上其他食物種類少及部份食材一早已賣晒，基本上係對唔住依個價錢既。牛肉方面，m7講左啦，好嚡，對下一級既黑毛和牛都麻麻，牛小排無食過，因為一早已斷貨，再對下一級既牛三叉就黎好應節，厚到棉胎咁… 所以其實真係既得神仙牛肉，但係三個人黎計佢會送幾多件呢？ 係9件，即係一人三件90分鐘其實真係有d趕，加上餐廳既設計係飲品同配料放喺corner 位，當人多既時候大家就會逼埋一齊，拎d菜或者鼓油都好似buffet咁要排隊 (其實係天真咁排，大家都係有位就攝)，搞一大輪先食到…走既時候見到門外既人潮…只可以講，報復式消費的確強勁！ 對我黎講，依間，冇下次囉

觀塘區甚少台式火鍋的餐廳，最近位於九龍灣德福商場新開了一間台式火鍋-犇殿！而且還是任食吃到飽的喔！幾次經過，店門都排滿了人，是日再碰碰運氣，竟然二人位可以直入不用等位！！！我和男朋友之前有看過這間犇殿的openrice食評，好壞參半，劣評主要是指店員服務態度方面。還好是日我倆用餐過程，每個店員的服務質素高，主動收碟換碟，細心調教爐溫，態度有禮。入座後感受到食得安心，連座位都有透明板隔住鄰座，值得一讚。用餐時限90分鐘，我們揀選了御膳麻辣鍋併美白凝膚牛乳鍋（雙併鍋底需另加$30），真心推介美白凝膚牛乳鍋！！！很濃郁的牛乳味，飲落好像有點魚湯，無論是煮肉或煮菜都很好味！飲品也是任飲的，種類跟普通放題供應的差不多，而雪櫃旁亦有些包裝茶包可沖熱茶。丸類不過不失，蔬菜種類就比較多，較特別的有溫室豆苗和皇帝菜。醬料方面也很齊全。傻了眼！沒想到任食火鍋，有Movenpick和Haagen-Dazs雪糕杯任食！雖然味道選擇不多，但食多幾杯感覺已經回本了。其他肉類、海鮮、手工餃子、鴨血和台灣夜市小食等都是用QR code下單的。海鮮類有海蝦、蕃薯蜆（乾淨無沙），魚滑等等。超大片牛肉喔！！！再來真心推介牛

今早要到鑽石山攞野，早早地不如去試下新開呢間係九龍灣德福嘅‘犇殿’見到佢三隻牛都唔知點讀，查左字典係讀個 ‘奔’音😂😂開左冇幾耐係openrice食評多數都係差評，咁要試下佢真定假啦！🧐🧐約11:45分到唔洗等位直接帶位坐，揀咗隻$238/90分鐘吃到飽，送左海鮮拼盤😁😁佢都係用QR code落單，但只有10款肉類可選擇及一些要收費嘅台灣食材！沒有其他啦！😞😞另外場中約有30款食材供自助選取，2/3係菇菜類等！真係少到呢？🥴🥴肉類又真係$238裡有嘅兩款牛肉最好味！澳洲M7和牛牛花唔錯，入口鬆軟，但牛味差左少少，矜貴d會用金色碟送上🤣🤣手切琵琶牛肉幾厚有咬口，牛味亦幾重但唔好煮太耐會容易‘鞋’😚😚特別介紹有隻叫‘花生菇’樣貌及口感好似巨大版嘅芽菜，真係食到花生味！第一次見可以一試👍🏻👍🏻加$5嘅鴨血好似食緊塑膠，味道淡茂茂！總結：牛肉幾好但未去到好高質素，$238算係咁啦！自稱台灣火鍋但樣樣台灣特別菜色都要加錢！似有少少巧立名目！服務就好好，時不時主動加湯，收走碟子等！

最近出街打邊爐🍴，都係比較喜好台式既，覺得佢地既湯底比較惹味🤤配料選擇又多花款一D🤓入到黎，店內係俾你自己Scan QR code落單點肉類、台灣小食，唔使下下叫人黎點十次八次咁麻煩🙂💓湯底：小妹試左麻辣鴨血鍋，另加＄30試埋個濃香沙茶鍋🤤雖然平日我比較偏好麻辣湯底，但呢個我覺得不過不失啦，鴨血唔算非常入味，反而係沙茶鍋好惹味又香濃🤭搞到我係咁將食材放係沙茶鍋果邊🤡💓配料：特別D既有澎湖墨魚滑、蝦滑、魚青滑、手工蛋餃、米血糕、水蓮菜👍魚青滑仲多人叫到售罄😅唯米血糕小妹覺得麻麻地，無咩味。另外，我覺得店到既台灣闊條麵好彈牙又好味！覺得自己好似✈️左去台灣打邊爐咁！好地道👍✨呢到最特別地既係供應任食台式小食，鹽酥雞、小香腸、蔥餡餅、古早味刈包、十三香滷三寶、台灣滷肉飯，任君選擇。💓當然少不了有任食雪糕雪條，Häagen-Dazs、MÖVENPICK俾你揀！⚠️男朋友話美中不足既係……無台灣啤酒飲❗哈哈哈

上星期已經諗住食，點知太多人，五點半攞位，八點鐘先有得食，唯有放棄，今次早啲，食頭轉五點鐘，四點半去排定，每次見到都好多人排，前面已經有二十幾人，但可以早十分鐘入去坐住等，夠鐘就可以出去攞其他野食， 好多蔬菜仲有甜品， 仲有兩大煲肉燥同埋豬腳配白飯任裝，另外又可以用手機 scan q r code落order，啲嘢都好快嚟到，味道唔錯，湯底有唔同款式選擇，今次叫咗人參湯底， 黑牛唔錯幾好食， 啲蜆熟咗都係大大粒，冇沙好甜幾好食，個個職員都忙冇停手，態度都唔錯有禮貌，外面好多餸菜冇咗都好快refill，位同位之間有板分隔都唔迫幾好，但係得90分鐘真係唔係好夠時間，如果120分鐘會更好，另外如果有得 分段攞位會更好，排太耐真係好攰

好掛住台灣火鍋，聽講九龍灣開咗間，即刻要去食！叫咗個麻辣湯底同牛乳湯底，麻辣唔夠辣，但牛乳湯幾好！肉&菜任食但可惜鴨血少得可憐，得2舊！lunch再叫要比錢😩

❗️❗️Black list❗️❗️員工態度極差😡未用完餐已經趕客走5:00pm入座，寫到明用餐90分鐘，姐係可以用餐到6:30pm。6:00pm已經話last order ，算，吾緊要。6:10pm比張單你埋單先，算，吾緊要。6:15pm就走黎問你仲食吾食，一邊問，一邊對手就收走你個爐，跟本未得到我嘅同意就已經拎走。都算，吾緊要。6:20pm就走黎汁走曬你啲快子，碗，完全係趕人走嘅mode 😡😡😡我同果員工講，我仲有10分鐘先夠鐘，佢居然答我，佢都係跟order 做😡😡😡火都黎！免費請我都吾會再食❗️❗️black list❗️❗️

今日晚上新鮮熱辣去試下犇殿，見主打係台灣風味，六點左右拎左籌，店員說每輪叫十個，我手持既飛要等到八點才入坐。逛了逛等了等，一共兩小時可以入坐。店員服務態度不錯，我地揀左258既任食牛餐，因為配有海鮮。時間約90分鐘另外有任飲汽水和小食。四人可以選擇兩個湯底，我地揀左人蔘同牛乳鍋，但失望係人蔘無人蔘味 牛乳更加無牛乳果。牛既質素買可以，自取小食都新鮮，鴨血都好吃，但因為主打是台風，基本湯底已經扣左分，不過有雪條和雪糕🍦有h字及M字頭的雪糕放題。所以如果說的話，最好5.00pm第一輪要入到去，否則不值等。外間有其他台式火鍋更好選擇。

台式火鍋放題，任食90min 澳洲 M7 和牛， 平日$298（假日+$10， 鴛鴦鍋+$30， 3-4人可揀兩湯底）+10%M7和牛餐仲送神仙牛肉一客， 海鮮盤一客。M7和牛 好好食， 有牛肉味又軟諗， 仲要個塊有成隻碟咁大塊，每輪都係喎👍👍👍美國黑毛和牛都係好好味， 同M7不分上下，油脂都好平均😋😋😋手切琵琶牛肉好香牛肉味， 但唔似和牛般軟諗。送嘅海鮮同神仙牛肉都十分好， 神仙牛有成人前臂咁長，海鮮又鮮甜☺️☺️☺️可惜個三種滑做唔到爽口彈牙， 咬落係諗諗的🤔出去拎嘅丸同菜都好新鮮， 好好食😋😋😋又有港式火鍋先有嘅炸魚皮👍👍👍 雪糕有movenpick 同 Haagen-dazs ， 又有雪條， 最特別係有個沖繩海鹽雪糕（藍色架😝）總括來講， 我自己覺得呢間啲牛肉比牛大人好， 起碼每輪order的質素一樣，又大塊喎，又較軟諗喎👍👍👍 雖然牛大人係我心中已經好好食， 食過呢間真係排於牛大人之上☺️👍👍👍👍👍（5/5）

因為新開張多次經過都見到好多人。所以今次特意早些去排隊吃晚飯。點了最貴的M7和牛任食。當然主要係食牛，上的牛肉盤𥚃只有兩片(每人一片)頭幾碟質素還可其後有點參差。小食也是2件所以每次要再點。有點煩因為要在手機上點。總結係食物還可二以但只此一次便够

上網見到呢間台式火鍋店，打去book枱，個電話係長期冇人聽，留言之後大約第二日收到職員回電，點知得到嘅回覆係，所有booking full 晒，不過可以選擇walk in,於是就平日18：00去到門口，已經full晒不特止，仲要拎飛等2x張既然一場去到照拎飛啦，間野好似懶好咁有個 QR CODE俾你睇住幾時到你，諗住附近行一陣，已經醒水，諗住仲有15張，去埋個廁所,就返去等位啦，點知去完個廁所（都只係15分鐘）,點知已經過左廿幾張......去到reception同個職員講啦，佢竟然話：係呀，個個都㩒完飛就走左去，我地飛左幾十個號碼喇，你再㩒過飛啦！個個客都要再㩒過，8點前有10張枱會走,咁即係要起碼等多成個鐘啦，聽完之後火都黎，如果大家去食野都諗住都受氣嘅，就揀呢間啦本人會將佢永久列入黑名單！！！