犇殿台灣火鍋 (德福廣場1期)

營業中

休息中

因為疫情關係 堂食時間亦都好短😩想買啲靚啲嘅牛 樓下街市又冇😞😞於是上網搵咗好多間打邊爐嘅外賣😋😋😋搵到呢間位於九龍灣嘅店舖佢哋嘅打邊爐套餐真係好抵食👍🏻👍🏻👍🏻睇吓你自己想要邊隻牛啦揀番個套餐👍🏻👍🏻👍🏻我就係外賣自取嘅拎到返去仲係好新鮮👍🏻👍🏻👍🏻除咗啲牛仲有少少配菜俾埋你兩個人食係絕對夠啲牛就好新鮮 配菜啱啱好唔會太多唔會太少👍🏻👍🏻咁樣食平過自己去街市買最緊要佢啲肉係有質素👍🏻👍🏻👍🏻

第一次walkin試呢間，發現夜晚好多人，可能要提早預約先得。入到去見到裝修好靚，至於食物質素都相當抵讚，佢既肥牛係雪花肥牛，薄薄一片入口即溶，另外佢既任食區食物種類相當多，工作人員換食物既速度都好快，基本上全部都係滿既

今年妹妹生日不想出外用膳，叫了外賣自取，這個在家吃到飽，2人火鍋套餐(澳洲M6和牛) ，牛肉豬肉雞肉份量足夠3個人吃，蔬菜麵食都有幾款，只是鴨血得兩薄片，另外魚青滑多骨。基本食物都很滿意，可惜期待的台式火鍋味道「一品酸菜白肉鍋」，變了「藥膳紅燒牛骨鍋」，這個充滿中藥味的湯底，徹底破壞了好的食材，不是人人可接受藥膳味道，慘慘！！其實開飯食評都有人講食肆比錯湯底，但到現場攞食物時，地方太窄真的沒有辦法即時檢查湯底。

今日同朋友食，原本打算食牛陣，但見呢間新開，果名又有3個牛，咁就以為應該d牛級數唔錯啦，仲有見咁耐無一齊食就叫左個最貴298蚊澳洲M7和牛，點知就中左伏，牛無牛味，肉質鞋到哭呀，無油花，學食神講係失敗中既失敗，得罪講句同街市買幾十蚊d手切肥牛差唔多，全場唯一好食既係一開始黎果碟神仙肥牛（但1人得3片）同Haz雪糕（法國製），其他包括台式小食（士林小香腸）就不過不失。野飲種類唔夠多，台式火鍋店連最近好興既台式花茶都無提供，極度失望。

犇殿响九龍灣開咗一排，之前成日排長龍，見近期二人限聚，人流少咗，一於去試吓！先講環境，店內通風極佳，完全冇焗促悶熱嘅感覺，一向怕熱嘅我連外套都冇除低過。同一般嘅火鍋店差唔多，店內劃分飲品區、蔬菜區、熟食區、甜品區、醬料區。區區分明，雖然地區細咗少少，但樣樣齊全😅。卡位闊落，兩個人坐好舒服。第一次幫襯，叫咗個中價位嘅套餐 - 美國極黑牛三叉套餐＋酸菜白肉鍋。鍋底同埋第一轉牛肉秒速上枱，其餘小食，配料就自己網上落單，落單同樣秒速上枱，效率一流。湯底酸菜白菜，味道酸酸地，好開胃，湯底吸收肉味後，愈打愈甜。 加湯底亦係加返酸菜湯，所以湯底到最後都好濃郁。火鍋料黑牛小排，牛味濃郁，肥瘦啱啱好，有咬口之餘又唔會好柴。牛三叉肉大大塊，好有滿足感，可惜佢肥瘦唔均勻，一係全瘦，一係好肥。手工水餃，大大一隻嘅菜肉餡，包得好結實，皮同餡之間冇虛位，絕對真係手工自己包，一定要試吓！👍🏻蛋餃，坊間嘅火鍋店比較少見，建議試一兩隻。蝦滑、墨魚滑、時日海鮮（白蜆，鮮蝦），海鮮類算新鮮，份量唔多，一份一粒，想食就要點多幾份喇！😅熟食大腸麵線，大腸太大嚿，但鹵得入味。可惜麵線衰在湯底，淡而無味，麵線太軟身唔清爽，都係算啦

現在超過限集人數， 想去餐廳食飯 有限制， 以往食特色火鍋一向都要去餐廳食,但係而家， 各大火鍋店都要爭相推出外賣， 這天又嘗試這一間台式火鍋店, 點了二人澳洲 m7 牛套餐，加4～6人 一公斤美國牛套餐, 份量也相當充足(很重)， 要兩個人才可以拿到， 店家很細心用保溫袋裝好牛肉, 但是保溫袋的質地 薄， 行不遠時已經爛了， 唯有抱住回家。二人套餐有四款牛肉，4～6人 餐有一公斤牛肉， 另有蔬菜盤,雞件，還有各式丸及炸魚皮，炸響鈴及麵條。火鍋湯底很重要，選了美人鍋，內有北芪，杞子，桃膠等，還有半隻雞， 這個湯底味道鮮甜, 雞也很香滑，牛肉質素很好， 值得推薦。

晚市今堂食好耐都冇得打邊爐。平時好多人排隊本來佢個lunch set抵食啲不過都冇機會食。見到佢有做過外賣套餐都好抵下，食到飽套餐。經過openrice到order冇得揀藥膳湯，就揀咗人參湯。問咗經理佢話有500 gram牛肉一定食到你飽。等咗一個鐘終於有得攞，湯底呀肉呀菜呀像呀基本上有齊曬，返去開個爐就得認真方便。各樣肉都算ok新鮮啲配菜都ok嘅，湯底幾好味。食完曬同埋XX club相比係冇咁飽,但係以咁嘅價錢都係唔錯㗎。

超左小小時，服務員每五分鐘叫人走一次，仲有小小係碗食埋都唔比，仲嚇人再唔走要比多$50。其實佢個爐一超時就收左，我地無可能再加野食，而且周圍都有空位，真心唔明點解要狂趕人走，態度仲要勁差，保證以後唔會再食。

OpenRice 買外賣，二人餐係幾抵食。但係返到屋企發覺佢比錯湯底我我本身想食麻辣，俾咗個牛肉湯。打返去同佢講，佢話對唔住，只可以下次免費轉鴛鴦湯底，價值$30咁大把。M7澳洲和牛係唔差嘅，但係啲員工就真係太唔小心。其他兩種牛和豬肉都唔差。個麵就碎晒，響鈴返到去都係林晒。整體配料都係正常水平，主要係個M7牛肉比較出色.買外賣嘅，記住即場檢查清楚，返到去就冇仇報。如果個經理識做嘅，起碼都補償多少少野，你咁樣叫我下次仲點幫襯你。

心血來潮想食火鍋，於是訂外賣收工食。預訂取時間抵達不用等，整個套餐一個大袋包好，整潔妥當，坐一程港鐵也可以。倆口子胃口不大，還可以隔天煮牛肉麵粉絲。最重要唔使洗，返到屋企有得食，今天會再試另一個鍋底😋😆

材料唔齊，欠菠菜。雨衣甘藍有好多其他材料還可以我選擇羊肉爐，但得一塊半肉、好食都算啦、但肉質，唉唉唉收左我$5餐具費，但無比餐具囉，咁收黎做咩？蛋整體10分滿分有8分的。值得再購買

天氣寒冷，最適合就係烚吓烚吓。因為疫情，晚間禁堂食，亦因避免聚集，沒有叫齊屋企人回家做節，見犇殿推出自取嘅2人餐，上個月就在冬節及除夕兩晚訂嚟試吓。第一次，在冬節，訂了$198的美國黑毛和牛嘅餐，湯底係藥膳鴨髀湯，好足料，牛嘅味道都濃，豚肉唔太肥，燒酒雞夠滑，湯底有成隻鴨髀，其他配料都唔少，有菜、菇、丸、腸、蟹柳、魚肉、響鈴、粉、麵等等，結果，食唔晒，剩了少部份第二天午餐食。第二次，在除夕，訂了$258的澳洲M7和牛餐，湯底是桃胶土雞湯，同樣是份量十足，澳洲和牛比之前滑，湯底還有1/4隻雞。結果，也是食唔晒，第二日午餐繼續。以這個價錢，真係好抵食，且質素都不錯。其實，佢哋仲有個$398有1kg和牛嘅offer，加$100仲可包埋其他配料，應該夠3、4個人食，如是喜愛食牛嘅牛魔王就可考慮吓。

今日終於可以下午打邊爐, 等左一陣位, 裡面位闊落枱與枱之間有木板而坐位就有膠板隔住,感覺安心,  店員亦有提醒出去拎食物要帶口罩. 午餐有60分鐘定量兩碟肉套餐$88-$168, 仲有90分鐘吃到飽套餐$138-$238, 湯底有十款揀, 我就揀左人參鍋, 至於肉類有牛小排, 牛三叉同腹板, 牛胸板肉, 豬梅花, 燒酒雞, 出面可以自己拎既有墨魚丸, 海膽丸, 豬肉丸, 菜有生菜, 皇帝菜,通菜, 金菇等等,  飲品有可樂, 韓國飲品, 同無糖茶, 好多選擇. 肉類: 牛肉同豬肉好有肉味, 比其他任食邊爐既好味一D飲品: 都有三個雪櫃嘅選擇配料: 出面自己拎既配料就比其他任食邊爐少D款, 雪糕有韓國雪條, 唔系HD雪糕總括黎講推薦肉類系好味, 百幾蚊值得一試

新一年第一日梗係要食好啲啦😆加上呢幾日凍左，好想打邊爐，記得朋友之前介紹過呢間外賣好抵食又好好食，所以就揀呢間黎試下啦。佢外賣有三個餐選擇，牛魔王嘅我哋，揀左C餐：澳洲M7和牛餐🐮🐮🐮🐮 湯底有10款選擇，太多啦吧🤭 最後揀咗桃膠土雞美人鍋。三個餐只係肉類有分別，其他蔬菜同丸類都係一樣嘅。佢嘅肉分左三盤，而其他蔬菜同丸類一大盤，分量真心多。湯底好好飲，下次要試下其他湯底先😋😋牛肉同豬肉好食都不在話下，佢啲菜同丸都好新鮮，相比起其他邊爐店，呢間係超值，兩個人食，未食個麵已經好飽😆一定會再食過👍🏻👍🏻👍🏻

今次係第二次黎食，一次比一次衰，永無下次🙂第一次夜晚walk in等咗2個鐘，到我哋入座時，原來入面仲有幾張2人枱，但唔係有人book咗，而係間嘢特登制造人龍。第二次食lunch，見無乜人試多次，揀咗$138任食個set，店員同我哋講個款牛有小小肥，請各位自行睇圖，所謂小小肥，只得2成係肉，8成係肥膏，好心啲咁嘅牛就唔好拎出黎賣。經營方式有問題，牛肉質素差，服務態度又好。