犇殿台灣火鍋 (德福廣場1期)

營業中

休息中

門口位小姐同我地講一入去就開始計時好嘢 但我地無所謂啦 唔係食太多野姐入到去你都咪話唔西利 坐左入去吹水吹成半個鐘 都冇人拎個爐過黎 ok想搵人 冇人應機 個fd大聲叫人先有人肯應問個侍應 同佢講話門口入黎已經開始計緊時我地同佢講唔拎個爐黎都比個QR code黎比我地叫下嘢食先 點知佢地連單都未開 湯底都未入 個男侍應同我地講話我地而家咁同佢講緊嘢 佢緊係冇時間開單 唔同佢講嘢佢咪開到單 e句嘢我絕對係跟佢咁講既打出黎啊 間嘢d食物冇問題啊 食得啊 叫左個M7牛Ok 但d服務嚇死你 比錢買難受啊 我地埋單都$390一位 打邊爐嚟講你個價位都唔喺話抵食個d啦 你舖頭人手唔係少 但質素欠奉囉 無下次！

最近發現有一間台式火鍋店「犇殿」好出名，就同朋友提早訂枱試吓九龍灣德福嗰間。入面間隔都好有台灣風味，座位寬敞舒適，出面就有自助區，可以自選配料，醬油及甜品，飲品。因為我哋揀咗最高級嗰個澳洲M7和牛套餐，會見到啲牛都好正，除咗一開始就上嚟嘅神仙牛肉靚牛，無論賣相定係脂肪分布都好靚好平均，入口軟滑之外，仲可以點手切琵琶牛肉，呢款就比較重牛味。湯底揀咗口湖扁魚蛤蜊鍋 x 一品酸菜白肉鍋，前者鮮味十足，後者酸酸地好開胃！除咗靚牛肉之外，仲有好多款台式小食都好吸引，包括府城蝦卷、麻辣鴨血、台南鹽酥雞、夜市小香腸、宜蘭蔥餡餅、都係直接享用之作，脆卜卜熱辣辣香噴噴，好似去咗台灣夜市咁！麻辣鴨血味道香辣又彈滑，鹽酥雞外皮香脆鹹香十足。厚切午餐肉原來都係熟食，炸過，好香口比較油香重。美國豬梅花/澎湖墨魚滑/台式魚餃仲有呢啲唔同嘅嘢食，質素都比想像中好。  

Perfect place for beef lovers🥩.All you can eat hotpot with all you can eat beef!!🍲.揀咗澳洲🇦🇺M7和牛set，除咗有澳洲M7和牛之外，仲有手切琵琶牛肉、美國🇺🇸黑毛和牛、美國極黑牛三叉、安格斯牛小排、美國牛板腱、美國牛胸腹板肉、豬梅花🐖、羊肉卷🐐、阿嫲燒酒雞🐓，啲牛望落去幾靚.有多款台式湯底選擇🍲，我哋就揀咗口湖扁魚蜆湯🐟拼桃膠土雞美人湯🐓，另外仲有多款台式小食，好似鹽酥雞、麻辣鴨血、皮蛋豆腐等等.最正係甜品除咗有雪糕🍦之外，仲有台式芋圓呀😍

鍾意食放題，因為可以無限點，唔駛就住就住個荷包，想食乜就食乜！ 最近就去咗九龍灣德福一期嘅【犇殿台灣火鍋】，經濟實惠，而且款式多，坐得舒適！我哋二人揀咗「澳洲M7和牛」餐，都係二百幾蚊就有任食。 加$30就有雙拼湯底：滋補養生人參鍋同芫茜鯛魚湯，唔會太稀或太濃稠，味道亦唔錯。 另外仲有神仙牛肉同東港海鮮盤，神仙牛肉用木架上枱，掛起一片片牛肉，特別吸睛。牛肉柔軟嫩滑，滿滿雪花紋，油脂特別豐富；而東港海鮮盤有五款海鮮，當中嘅活鮑魚真係仲郁緊，好新鮮。出面可以攞罐裝飲品、熱茶同火鍋配料，配料有廿幾三十種，包括唔同嘅丸類、菇類、素菜、魚皮等，各適其式！掃QR code仲可以點選唔同肉類同台式小食。 除咗M7澳洲和牛，美國黑毛和牛同安格斯牛小排都好好食，反而手切琵琶牛肉就有啲羶，唔太推薦。 新鮮海蝦同鮮甜海蜆都要不斷encore，鮮甜！ 最後，梗要食埋雪糕同芋圓啦，消暑解頤！要讚一讚係店員服務殷勤，上菜收碟都好快，不時主動加湯。 雖然90分鐘有點趕，但都值得推薦！

今次黎到呢間位於九龍灣既台式放題火鍋店，餐廳座位都好多，而且大多數都係卡位，令人坐得舒適！湯底有多款可以選擇，牛肉亦有多款可以揀！自助區既丸類、蔬菜都好多款式，飲品亦有唔少選擇！湯底揀選了滋補養生人蔘鍋及藥膳紅燒牛骨鍋，人蔘鍋有好香的人蔘，飲落有人蔘的甘香，湯內還有蜂巢豆腐、杞子等材料，湯底味道清甜!藥膳紅燒牛骨鍋湯底的味道很濃，好有台灣紅燒牛肉麵的味道，帶有微辣，這個湯也有不少藥材的味道，味道會較濃郁!澳洲M7和牛套餐，這個餐可以揀選任食的肉類都有很多，包括澳洲M7和牛、手切琵琶牛肉、美國黑毛和牛、美國牛板腱、美國極黑牛三叉等，牛肉中以澳洲M7和牛同埋手切琵琶牛肉最為美味!前者油脂分佈平均，入口即溶，牛肉味都幾濃!而手切琶牛肉好少會在放題上見到，牛肉味道會較平時食到的手切牛肉濃，而且會較juicy!除了牛肉、亦有豬肉和雞肉可以食到!自助區方面，有多款不同的蔬菜和丸類可以食到，包括有羽亡甘藍、唐生菜、娃娃菜、蕃茄、木耳、菇類等，丸類亦有多款可以揀，墨魚丸、豬肉丸、芝士魚腐等!另外我們揀選的套餐還會送海鮮拼盤，海鮮包括有扇貝、鮑魚、海蝦、生蠔同埋蜆，而且海鮮還好新鮮，上枱時仲係識郁架!飲

又係火鍋時間食火鍋最緊要係咩？係食得盡興所以火鍋吃到飽真係好爽今日去咗犇殿食鍾意呢度啲湯底好特別今次叫咗個鴛鴦鍋一邊麻辣湯底係必須架啦另一邊試桃膠土雞美人鍋有桃膠、土雞、紅棗味道都幾清甜之後就當然係主角任食M7澳洲和牛啦🤤🤤🤤仲有美國黑毛和牛、美國牛板鍵、安格斯牛小排等等另外仲有海鮮拼盤送贈有海蝦、青口、墨魚🦑、沙白其他火鍋配料都係自助形式飲品雪糕任飲任食竟然仲有芋圓添呀！又係滿足嘅一餐😋😋😋

成年幾無去台灣，超掛住台灣既打邊爐，所以就上網搵下有咩食到靚肉既台式邊爐，最後簡左犇殿古早味台灣火鍋。除咗食到台灣風味小食外，仲有高質靚肉，美國黑毛和牛、澳洲M7和牛任食，我地兩個牛魔王叫咗最貴嗰個套餐。6點嚟到，卡位仼坐，環境都乾淨舒適。90分鐘火鍋放題，肉類同海鮮可以掃code自助落單，而外邊就有蔬菜配料吧、飲品吧、自助醬料同甜品自取。甜品：任食Häagen-Dazs、MÖVENPICK。飲品櫃：汽水、茶、涼茶任飲。配料區：多款蔬菜、丸類，連羽衣甘藍都有。我地叫左鴛鴦鍋，一邊御膳麻辣鍋另一邊藥膳紅燒牛骨鍋。首先嚟左澳洲M7和牛同海鮮拼盤，賣相吸引適合打卡。海鮮拼盤配料豐富新鮮，有扇貝、鮑魚、蠔肉、蜆肉、蝦、墨魚。我們對火鍋配料好滿意，分別有澎湖墨魚滑、蝦滑、魚青滑、手工蛋餃、鴨血，仲有我最愛嘅白鱔片。另外仲有多款台式小食、滷肉飯、台灣腸，不能盡錄⋯⋯今次食得好滿足，人均300整體來講性價比好高，除咗有美國黑毛和牛、澳洲M7和牛任食外，仲有多款台灣直送配料同小食。雖然只得90分鐘但上菜速度非常快，落咗order 5分鐘左右就送到。另外，店員服務態度好好，成日有人收碟同睇下需唔需要加湯

犇殿台灣火鍋(九龍灣)去左九龍灣買野，之後經過呢間開咗有一段時間既犇殿，而且唔需要等位，咁就試試佢🤪🥢我哋係叫咗澳洲M7和牛餐~$308+加一服務費，湯底叫咗御膳麻辣鍋同美白凝膚牛乳鍋，澳洲M7和牛餐，係會送海鮮盤一客，裏面有扇貝，鮑魚，海蝦，蜆，鮑魚同扇貝非常新鮮，大粒，食落非常鮮甜♥️M7和牛餐仲會送神仙牛肉一客，M7和牛幾好食，有牛味，和牛未去到入口即溶，牛肉嘅質素偏厚身，比較鞋少少🍴出邊任食嘅丸類，菜類，種類亦都非常之多，而質素亦不差，嘢飲都好多選擇，雪糕雪條咩都有齊，重點係有我最鍾意嘅鴨血，台式火鍋不能沒有鴨血😆整體來講都值得一食，但係價錢就偏貴左小小犇殿台灣火鍋（九龍灣）：🏠：九龍灣偉業街33號德福廣場一期一樓F1號舖☎️：23112929

朋友係附近返工，大家都突然有種想打邊邊既感覺炎炎夏日正好打邊爐🤣日式邊爐食得多，今次就試下台式😁平日收工黎食，時間尚早，好彩唔洗等位，揀好食咩餐就即刻入得去坐天氣太熱關係，即刻拎左杯雪糕食🙄我地叫左澳洲M5和牛餐，任食和牛90分鐘一坐低好快就黎呢盤牛肉同海鮮呢盤牛神仙牛肉，雖然未聽過，但肉質非常幼嫩，可惜冇得任叫海鮮一般般，蝦好似有得任叫，但都係食牛好過😢掃QR code叫野食，款式算多，有前菜同熟食豆腐同鴨血係必食，唔記得影相😅炸物例如炸雞果d就麻麻地，唔係新鮮炸起，有d梗不斷地叫牛😆，上得都幾快，冇咩漏單人蔘雞湯底，清清地幾好

第一次嚟到位於九龍灣嘅台式火鍋店-犇殿！我哋叫咗澳洲M7和牛+海鮮套餐，蔬菜、丸類、飲品、任拎唔嬲！我哋唔係夾咗好多，因為呢度主打係澳洲和牛！澳洲M7和牛脂肪分佈平均到一個點！Omg 食肉獸表示和牛超正！東港海鮮盤連鮑魚都有😍御膳麻辣湯同滋補養生人參湯都好濃郁～火鍋配料都可以用QR CODE落單仲有台灣夜市小吃、手工餃子同海鮮類揀，精選肉類有四頁咁多！最後食飯後甜品雪糕雪條，大滿足嘅一餐！

限時火鍋都唔係第1次食，但俾人趕走就真係第一次，其他限時火鍋都會有禮貌，個店員只係走埋黎講夠鐘交枱，會唔會考慮加時，我地講完唔會，佢即刻收走我地個煲，連少少時間俾我地整理下都冇!!!!明你做生意都要賺錢，但係態度真係好差，食物唔算好差，係款少，但湯底OK既，但d店員就好唔OK囉

店員會主動加湯、換碟、收碟，服務態度友善，90分鐘吃到飽，2個人食18碟肉好滿足。桃膠土雞美人鍋，好足料，內有桃膠、土雞脾、菇菌、紅棗、粟米，味道清甜帶甘。神仙牛肉，油脂分布呈雪花紋，油脂部分入口即化。東港海鮮盤，包括有鮑魚、扇貝、生蠔、海蝦、番薯蜆，味道鮮甜。澳洲M7和牛，肉質嫩滑，牛味濃厚。手切琵琶牛肉，肉質軟腍，牛味濃郁。美國黑毛和牛安格斯牛小排美國牛板腱新鮮海蝦、鮮甜番薯蜆，食落鮮味十足。老虎醬雞珍，口感爽口，食落好惹味。台南鹽酥雞，口感香脆，味道咸香。麻辣鴨血，口感滑溜，辣度微辣。醬油皮蛋豆腐，表面鋪有皮蛋，豆腐豆香味濃。芋泥卷，芋泥夾心口感綿滑，味道香甜。百頁豆腐，容易吸收湯汁，食落好Juicy。

今日同男朋友食揀咗最貴嘅澳洲M7和牛晚餐，入坐時間囉係17:29食90分鐘，係門口同侍應講咗要鴛鴦鍋，都見住佢mark低咗嘅，但入到去就俾咗個單鍋🙄頭兩次手機落單d嘢都幾快到，因為冇客。但個鍋要好耐先滾🙄差唔多要10分鐘……之後到18:25再一次落單，等到18:40都仲未有。有個女侍應走過嚟叫埋單仲同我講55分要走。心諗90分鐘唔係18:59分先夠鐘咩🤔到18:40分d嘢仲未到就同d侍應講有嘢仲未嚟啦，佢就求其攞兩樣小食過嚟，咁都算啦。我同男朋友食緊雪糕嘅時候，個女侍應帶埋佢個手下嚟掃晒我哋啲枱嘅嘢走，想講個客仲食緊嘢你就係咁𢴇嘢真係好冇禮貌，重點係見到岀面冇客等緊！我同女侍應講我哋張單寫住18:29分入座應該係18:59離坐，佢就用好似施捨嘅語氣同我哋講「俾多5分鐘你啦」，真係好激氣！服務差之餘d嘢食仲好難食！午餐肉又凍又乾，最貴嘅牛又冇牛味，麻辣湯底一d都冇味，d牛大大塊好難入口！成餐最好食係雪糕🍦俾咁貴價錢食雪糕我不如去食雪糕火鍋la🙄🙄依家見呢間鋪長間唔洗等終須知點解啦👏🏻

同朋友去九龍灣打邊爐🍲我哋揀咗最貴嗰個和牛套餐決定一嚐神仙和牛台式火鍋最緊要湯底🍲鴛鴦鍋揀咗麻辣鴨血鍋同口湖扁魚蛤蜊鍋麻辣鍋味道濃厚🌶豆腐同鴨血夠入味海鮮蜆肉鍋鮮味十足~推介☺️神仙和牛油脂豐富 入口即化 好正啊！澳洲M7和牛好大塊 脂肪分布平均~海鮮拼盤配料豐富🦪扇貝、鮑魚、蠔肉、蜆肉、蝦、墨魚等 ~各款海鮮非常新鮮🤩另有多款台灣直送配料澎湖墨魚滑、蝦滑、手工蛋餃、米血糕等配特色湯底好好味啊仲有台式小食，鹽酥雞、台灣腸、滷三寶、滷肉飯 好滿足啊🥰滷肉飯水準都唔錯 同台式餐廳嘅水準差唔多 打邊爐配滷肉飯又幾好味😋

午飯時間試60分鐘美國極黑牛三叉放題60分鐘的套餐只包兩份牛肉同一支飲品午膳來說份量還可以的牛肉都新鮮肉嫩，自助bar都有多種蔬菜，丸類選擇，基本火鍋料都有麻辣湯底係台式風味，唔會太麻太辣~