犇殿台灣火鍋 (德福廣場1期)

營業中

休息中

呢邊天氣最啱打邊爐，朋友突然撩打邊爐，帶佢去睇下個餐牌啱唔啱食，唔啱諗住同佢去第二間。點知佢俾台式吸引住，話就呢間唔駛睇其他🤣時間係90分鐘，有4個餐，我地揀咗每人$275 黑毛牛肩胛肉個餐，湯底有8款，湯底就揀咗滋補養生人蔘鍋。另外，7點前埋單走人會平d，但我地6點幾先去，有興趣嘅人可以留意下。落單係scan code，除咗肉之外仲有d 台灣小食可以叫。而野飲、菜呀、丸類、甜品同醬料呢啲就係出面自己拎。一開始點咗五、六款牛肉同一款豬肉，店員一次過放底晒幾兜，我地唔知邊款打邊款，轉個頭有另一個店員突然走嚟介紹😂，不過講好快，我地記唔到邊款打邊款🥶。基本上d 肉質素都ok，但有一兩款牛個味有d 羶，我地最後睇圖估返出嚟😂海鮮有蝦有蜆，普普通講冇咩特別，個人推介墨魚滑幾好食。

天氣咁凍，梗係最啱去打邊爐啦，之前見到已經想試吓呢間台灣火鍋🍲，好多湯底都好想試，最後決定揀蜆肉湯底☺️ -美國牛胸腹板肉 呢款放題包左牛胸腹板肉🐄、豬梅花🐖、羊肉卷🐑同燒酒雞🐔四款肉，四款肉嘅肉質都算滑，質素唔算太差，除咗肉之外，仲可以自己掃QR code，揀海鮮類、餃類🥟同小食等，至於蔬菜同丸類可以自己喺出面夾，都有好多款式可以揀👍🏻👍🏻 不過覺得佢哋自助吧入面嘅肉燥就一般，同出面食開嘅肉操，味道冇咁入味☹️ 本身見到佢哋有芋圓糖水，不過食落先知中伏…可能擺得太耐，芋圓全部發脹，食落好粉，而且冇咩味，所以唔建議大家食😐 雖然佢哋自製嘅甜品麻麻，不過呢款雪糕係幾唔錯，薄荷曲奇味同鹽味雪糕🧂🍦，顏色靚之餘，都幾好食😋 不過呢間火鍋店食過一次就夠，相比其他火鍋店，價錢差唔多，但款式會比較少，而且自助既熟食同甜品質素都比較差，只能說可一不可再😟😟

今日放工約咗個大胃王朋友食飯，打邊爐就最方便，德福呢個商場我平時好少嚟，呢間主打台式火鍋，任飲任食嘅犇殿第一次試。金主請食飯，佢話要食最貴嘅*澳洲M7和牛 $315*，除咗有和牛任食之外，一入座有神仙牛肉一客&東港海鮮盤一客神仙牛肉呢個名聽落好似好巴閉，上枱個樣都好巴閉，有個木架排咗一串睇落都幾靚仔嘅牛肉👍🏻輕輕淥下，入口超嫩滑海鮮盤有蝦、鮑魚、生蠔🦪、扇貝同埋蜆，都幾新鮮，如果呢個價錢包encore海鮮就好喇🤣我哋第一次試酸菜白肉鍋呢款湯底，入口個味道幾得意，食食吓覺得好似食緊譚仔嘅酸辣湯底走辣，不過我哋始終都係覺得台式邊爐麻辣鍋係最惹味，今次試一次就夠喇食完兩碟送嘅頭盤之後，我哋就狂叫牛肉喇，呢個lv嘅澳洲M7和牛食落冇日本和牛咁肥、咁油膩。另外手切琵琶牛肉脂肪比例較少，有咬口好多，我反而鍾意呢款多啲，食多幾嚿都冇咁滯配菜嘅種類都有幾多，擺放得幾衛生，較特別嘅有花生苗、鴨肉丸、羽衣甘藍另外仲有台式小食，府城蝦卷、台南鹽酥雞、香芋卷、多到我哋都未試得晒其實我食呢啲任食打邊爐通常有一個習慣，就係鹹甜鹹甜咁樣隔住嚟食，打打吓邊爐就會食杯雪糕，呢度嘅雪糕有movenpick/哈根大師輪住擺

呢排天氣涼涼地，趁住lunch hr嘅時間同同事嚟打邊爐。我哋叫咗60分鐘嘅定量set，肉類嘅份量都算十足。湯底嘅選擇都好多，但美中不足係冇台灣好出名嘅鴨血同埋凍豆腐比我地。湯底嘅味道濃郁，藥材味唔會太嗆，仲有成隻雞髀添，同埋唔算多味精，食完都唔會好口渴。配料係自助出去拎嘅，有好多款唔同嘅丸類、蔬菜同菇類。唔夠飽嘅話仲有屏東米粉同埋飯畀大家揀，另外仲有兩款茶包，都幾唔錯。但其實60分鐘有少少趕，最後我哋都食唔到佢個糖水，提供芋圓糖水畀大家揀添。

今次介紹日式火鍋，總體來說，都是平平無奇，唯一突出之處，就係好大塊既靚牛。一入舖內，裝修新淨有設計，印象唔錯，同其他日式火鍋一樣，有60分鐘定食牛，同90分鐘任食牛，而牛也分4種級數。是次選了牛三叉任食。除了任食牛外，還有豬，羊，雞選擇，出面吧枱有各式丸，菜，面等。飲品方面都係汽水，茶，正常選擇。雪糕有melona同普通雪糕。 牛三叉要特別講一講，因為佢既切法係好大塊，一碟只有2塊，但真係好大塊，所以有滿足感。而雪花均衡，有咬口。湯底點了美人鍋，普普通通咁。總結：正常價錢，靚裝修之選，但靚牛記得落最多同快啲落，因上餐比較耐，唔想食下停下就要點密啲。

天氣開始轉涼特別想打邊爐，唔想去餐廳等位又唔想放工先去買餸，買火鍋外賣就夠晒方便預早九十分鐘喺openrice落單，放工去到就即刻有得拎。湯底有好多款選擇，仲可以加$30有鴛鴦鍋，不過一個湯底已經好重，所以揀咗一個就算。桃膠土雞美人鍋係帶點藥材味嘅雞湯，入面有一隻雞髀，不過雞髀煲過湯所以比較鞋。外賣火鍋套餐分為三個價錢，主要係牛肉產地唔同。最平嘅$218二人餐包括美國極黑牛三叉、安格斯牛小排同美國豬梅花。美國極黑牛三叉好大塊，牛肉味濃安格斯牛小排都好好味，不過分量就少咗啲。平時打邊爐唔會嗌豬肉食，但呢個豬梅花竟然都幾好味，無豬臊味而且切得夠薄，快熟又唔會鞋除咗牛肉同豬肉，仲有阿嫲燒酒雞，係用酒醃過嘅雞肉。食落有少少酒味，雞肉就算烚耐咗都仍然嫩滑。其他火鍋配料款式都好多，其中燕餃同蛋餃都好好味。就連蔬菜都好多款，有菠菜、皇帝菜、羽衣甘藍、紹菜同喺香港罕見嘅花生芽。整體嚟講食物有水準，幫襯過幾次啲牛肉都好靚。外賣二人餐價錢好抵，以呢個質素嘅牛肉，可能喺街市或者凍肉舖買都差唔多。喺openrice預先落單夠鐘先去攞真係好方便

🥩🍲最近食肉意慾強勁，想黎個放題呢間主打台式牛肉火鍋的放題位於九龍灣。是次假日食早鳥，530準時到，已經要排少少隊，相信遲5分鐘就食唔到呢轉。入到去，揀左個澳洲M7和牛放題。我地叫左個養顏牛乳湯底。先黎一碟神仙牛肉，每枱限1碟，味道入口香嫩。之後就叫番主題既M7和牛 😋😋，追加左2碟。然後再點美國牛。黑毛和牛偏瘦，有啲𡁻口。美國牛小排都值得讚 👍。最後黎個Häagen-Dazs 雪糕作結。🍨整體黎講，個人會推介澳洲M7和牛同美國牛小排。

今日八號風球唔洗返工，喺屋企悶左成日，剛才4:40分一落波就即刻渣車到德福食牛牛牛，所以5:03就已經有位坐定定等食。為咗食黑毛和牛、牛小排、牛板腱同埋海斑片，我哋選擇咗黑毛和牛套餐$268@每位。鍋底就選了桃膠土雞美人鍋。鍋底有大大隻雞肶，好滑好yummy😋真心講，肉類同海鮮真係選用靚料，完全對得住個套餐價錢。配菜好多選擇，而且非常新鮮。有幾款熱食，不過我今日想打邊爐，所以無食到。醬汁又係有好多選擇，我最鍾意麻醬、白蘿蔔蓉同蔥粒。三個大飲品櫃，我怕肥，主力飲烏龍茶。除咗火鍋，我最鍾意就係呢個甜品區，芋圓超好食同埋有好多配料選擇。雪糕櫃都唔可以講笑：有韓國雪條，海鹽雪糕同埋Häagen-Dazs。座位好寬敞，又有膠板間隔，我鍾意❤️七點前埋單原來仲有優惠，連加一服務費每人$262✌🏻

放題打邊爐總有一間係咗近。今日有朋友即興約我食飯，就揀左九龍灣一間犇殿台式打邊爐，我聽到個刻，有2個問號，第1乜有台式打邊爐？第2個名點讀呀？！😛 入座前先揀湯底，都係都平時一樣有幾款揀，但我最深印象就係牛乳湯底，因為我揀左。😅而揀肉方面，基本同平時一樣，價錢貴d肉就靚d。入座後當然會見有任飲既雪櫃，混醬位，有菜有丸位，雪糕位，不過有個滷肉飯，聞落去好香，但我怕好飽食唔落野就無攞。而其他餸就可以用電話落單，除咗牛、豬、雞外，仲有多款餸有熟食，有落火鍋用，我覺得鴨血同蜆都好好味，加叫咗幾次。另外，我叫既價錢係最平，而我唔食牛，所以主攻豬肉片，雖然價錢最平，但味道卻好好味， 唔“鞋”口。服務方便，呢到既侍應態度不錯，只係收工會有d趕，就都係好有禮貌咁趕執野。整體上，我相信短時間會再朋友黎過。

入到黎嘅時候職員係咁叫我哋用QR code落單，但係我哋落咗15分鐘之後乜嘢都冇，我跟進咗之後個員工更加同我講話冇收到落單要我再落多次，嗰時已經好燥。食到一半發現生菜入邊有一條蟲，跟住叫個manager過嚟睇，佢話生菜入邊有蟲好正常，就咁敷衍我，仲要冇提供任何補償，淨係同我講話換過個煲同埋啲餐具就算，同埋叫師傅洗乾淨啲菜。簡直係非常之離譜，仲話自己係呢個係affordable luxury，咁樣嘅質素喺香港點樣做生意？

星期五阿仔生日，原本book左同場另一間日式牛火鍋8:30，不過又想試吓早啲到睇下有無其他walkin可以早啲入，最後8點未夠就入得。老公係香港話未試過台式，而且啲小食幾啱食。入座前就已經叫我地揀2個湯底，初初仲以為一定要俾多$30叫鴛鴦鍋，原來係有2個爐,4個人兩個爐可以食得多啲同快啲。我地叫左美國極黑牛三差嘅set, 明顯食得出牛味係有分別雪糕食呢啲，就算覺得個牛唔得，淨食雪糕都可以回本。台灣入口？無楊xx嗰隻咁甜，一直都喜歡飲清涼爽，呢隻仲好味。可以再encore!!

上次行街見到呢間已經想食，今次特登黎試吓，結果真係冇令人失望👍🏻呢度環境好又坐得舒服，重點係用手機點完啲食物就好快送到，侍應服務態度非常好，收碟又收得快，而且食物質素都好好揀咗個澳洲M7和牛任食放題，湯底選咗美白凝膚牛乳鍋，味道唔會太濃，都係一個幾好嘅選擇套餐贈送➡️神仙牛肉一客，呢個真係超好味😋有點兒入口即溶嘅感覺，一啲都唔嚡口仲送埋東港海鮮盤一客，有鮑魚，蜆，蠔，蝦➕帶子，最鍾意個蜆，肥美得嚟冇沙，個鮑魚都好嫩滑食呢個餐就甘encore 個澳洲M7和牛都已經好正，不過其他海鮮同配料都唔錯東港海班片啖啖肉，唔會好易散，台灣透抽（小魷魚)夠晒有咬口澎湖墨魚滑好爽口彈牙，炸魚皮脆得嚟唔會腥仲有多款台灣小食🔛十三香滷三寶，煮得夠淋夠晒入味，食落好香口麻辣鴨血真係夠晒辣🌶🌶🌶不過又辣得幾過癮🙈出面自助區有各種配菜，飲品同埋甜品油麥菜夠晒新鮮好味，飲品除咗有雪櫃果啲之外，仲有酸梅湯，我就鍾意飲百香果蜜仲有我鍾意嘅Häagen-Dazs雪糕，海鹽雪糕，不過今次我最鍾意食嘅係雪條😋

講幾點因為個鍋係銅製，就算只有湯底，都有陣銅臭味就算食最高級既牛肉，d 牛都係無味既，質素好一般醬油只有一樣特製醬油，而且唔係甜豉油亦唔係咸豉油，係酸既，大佬玩野咩食物種類唔算多，完全唔吸引總括黎講係跌錢，唔會再黎

Very good food quality embracing from snack starters all the way to main course, vegetables and desserts. Limited to finish meal in 90 minutes is largely insufficient to sample all of them, mind you.

門口位小姐同我地講一入去就開始計時好嘢 但我地無所謂啦 唔係食太多野姐入到去你都咪話唔西利 坐左入去吹水吹成半個鐘 都冇人拎個爐過黎 ok想搵人 冇人應機 個fd大聲叫人先有人肯應問個侍應 同佢講話門口入黎已經開始計緊時我地同佢講唔拎個爐黎都比個QR code黎比我地叫下嘢食先 點知佢地連單都未開 湯底都未入 個男侍應同我地講話我地而家咁同佢講緊嘢 佢緊係冇時間開單 唔同佢講嘢佢咪開到單 e句嘢我絕對係跟佢咁講既打出黎啊 間嘢d食物冇問題啊 食得啊 叫左個M7牛Ok 但d服務嚇死你 比錢買難受啊 我地埋單都$390一位 打邊爐嚟講你個價位都唔喺話抵食個d啦 你舖頭人手唔係少 但質素欠奉囉 無下次！