犇之食堂 (已結業)

又係要懲罰既舖頭👅👅👅台式野食 雖然價錢唔算好平 但每樣嘢食都超級大份🤢🤢 女仔可以兩個一齊share一個lunch set都冇問題🤣🤣-個人覺得鹽酥雞整得唔錯 但珍珠奶茶就淡味咗啲 牛肉麵超級重份量 一開始見得4塊牛肉心諗好似好快食曬d餸🤣 但d牛肉都厚同大片再加埋麵都好有份量 加埋辣係幾好食 不過會飽到上心口🤣🤣🤣-

•更新左嘅iPhone台灣國旗已經搵唔到，你甘心原有嘅自由俾人剝奪咩•呢幾個月已經冇咩social，所以和你吃係一個可以同死黨見面嘅好機會（太毒毒）😌😌今次去咗銅鑼灣嘅犇之食堂💛，食台灣菜🇹🇼～由於超級肚餓嘅關係，叫咗勁多嘢食🤣🤣眷村紅燒牛肉麵：好好吃哦！（台妹腔）～牛肉薄切但筋腩分明，唔會過硬。湯底有少量嘅藥材味同辣味，配埋厚身嘅麵條（呢個要大讚），整體出色，好飲🍜滷水拼盤：有三種配料，自己就最鍾意腐皮同底部嘅韭菜芽菜，因為最入味😆宜蘭鹽酥雞滷肉飯：鹽酥雞好大份，最重要係炸粉一啲都唔口，仲鎖得住肉汁😏，正😎！士林炸花枝丸：呢個係我哋唯一食得晒嘅餸，五粒炸咗嘅把遮丸配埋少量嘅椒鹽，好開胃😗以下就麻麻哋：師大香酥排骨偏乾身，起司奶蓋系列未有太大驚喜，可以試亦可以唔試。不過整體來講呢間餐廳都算中上水平，重點係銅鑼灣冇台灣黃店。冇計啦，唯有繼續食佢啦，下次同寶寶再食！（想食大腸包小腸！！香港好少有！！🥳）-眷村紅燒牛肉麵｜$78滷水拼盤｜$78宜蘭鹽酥雞滷肉飯｜$72直林炸花枝丸｜$38師大香酥排骨｜$48起司奶蓋茉莉花茶｜$32-犇之食堂銅鑼灣白沙道11號地舖

今次係第三次泥，食物不太差但侍應態度實在太差，食野食到背脊骨落所以決定要寫食評俾消費者知道。我遇到一位中年女性，短黑頭髮，中等身材以下4點可以俾大家了解下呢位員工有幾差：1）坐左張鐵櫈生曬銹同中間有個圓形凹左落去好似坐馬桶咁，自己決定親自換櫈，拎隔離張木櫈坐（冇阻住其他客人）佢眼超超望住我仲要俾我既感覺好唔友善，完全唔想幫我2）問攞兩個碗，佢俾一個3）好聲好氣問「唔該，可唔可以俾兩杯水我呀？」佢唔應我，仲射lei眼望住我4）隔壁枱客人睇唔明menu問佢係唔係加錢有飲品，佢竟然反問「小姐呀，你有冇睇我地既menu架？」我真係聽到眼都突，咩事會有人反問人語差到咁？！人地唔明你解釋下係你份內事，你唔幫人仲要反問人覺得人地腦殘唔識睇有語言障礙？好可惜有d咁既員工係度做野，而老闆好似完全不知情。食物唔錯我先會泥三次，不過之後真係不了。

同朋友去銅鑼灣行街，見到呢間餐廳裝修幾靚，價錢又唔貴就去試下！我叫左個鹽酥雞滷肉飯，加杯珍珠奶茶少甜！食物不過不失，味道唔錯，冇大驚喜！勝在坐得舒服，而且價錢唔貴！

琴晚同朋友嚟咗呢間犇之食堂，首先我都明白香港地寸金尺土兩個人食飯要搭枱都好正常，但係啲位真係有啲迫，坐得唔係幾舒服～我哋叫咗個鹽酥雞滷肉飯、招牌紅燒牛肉麵、同本周推介甜不辣。個滷肉飯唔錯幾入味不過啲鹽酥雞就冇雞味！反而甜不辣嘅鹽蘇味仲重過份雞～至於個紅燒牛肉麵份量係幾足有5塊中size牛展，但個湯底完全唔入味，難聽D講連鎖店茶木Tea Wood仲好食過佢🤕唯一有驚喜嘅係自家香芋芋圓奶，有咬口得黎個香芋又好好飲😋我諗下次真係要encore都只會外賣嘢飲，其他就不了😂

銅鑼灣實在有太多日式拉麵店有時都會食到好厭行行吓白沙道經過有一間好似日式咖啡店嘅鋪頭望真啲原來係台式食店仲裝修得好有台灣懷舊風格燈光明亮舒服不過我諗如果繁忙時段去食就會好迫因為太想食台灣夜市啲小食就叫咗小腸包大腸再配芝士奶蓋綠茶真係好爽！！！師傅仲淋咗啲蒜蓉汁同埋切左幾片蒜片伴碟雖則好重口味食完之後口腔留住濃烈蒜蓉味但都可以滿足食慾嘅！芝士奶蓋綠茶方面奶蓋拿捏得唔錯少少咸又會有少少甜下午茶時段就少啲客人可以坐得舒服啲呢！

餐廳地點幾方便門面吸睛易搵到午飯時間要等位等十五分鐘左右要排緊就落定單入座後好快上菜地方唔算話好大但坐落都唔算逼總體環境都乾淨裝潢都叫幾特色有少少台灣風咁員工們服務幾好繁忙時段保持到.台灣紅燒牛肉麵有啲偏重藥材味 有啲偏重牛肉味 呢碗就屬於後者仲有辣味俾層次八十八蚊唔算平但有四塊厚牛𦟌又有白菜白蘿蔔啲麵條幾有咬口唔知係咪自家製份量男仔都夠飽仲有酸菜任夾添加錢可以配珍奶雖然唔係話出色但諗唔到食咩好隔唔時食吓還好

今日放假就去行下街，行到下午茶時間又搵個地方坐下食少少野，經過犇之食堂，裝潢幾靚，而且望下Menu 係台式食品店，同朋友都岩心水又就腳就入去～紅燒牛肉麵：下午茶茶餐份量都足料，牛肉啖啖肉，湯底香甜帶微辣，麵質綿左少少但可接受，配菜同蘿蔔都夠入味而且無根！枱上提供酸菜自己加～芝士奶蓋烏龍茶：我唔太餓，所以只係點左杯飲品試試～芝士奶蓋的確令人有d失望，因為芝士唔濃，而且過咸，入口有d怪，烏龍茶底亦唔太濃郁，可能太多凍關係，變得好淡！

同朋友不嬲中意食台灣野，係銅鑼灣行開街，就捻住試下附近嘅台灣餐廳👍🏻朋友叫左個犇之滷肉飯，細細碗，但因為滷肉都比較油膩，所以一個人食都岩岩好。滷肉飯會有一隻滷蛋，味道唔會太咸，幾好食我就叫左個宜蘭鹽酥雞滷肉飯，比起普通滷肉飯，滷肉嘅份量會比較少。但鹽酥雞份量十足，我覺得2個人share都夠食，一個人嘅話就可能會比較飽肚。雞炸得外脆肉不老，幾嫩滑，唔錯平時去台灣夜市都實會食大腸包小腸，所以朋友就話想試下餐廳嘅小食，大腸併小腸。糯米加台灣腸嘅配搭一向都十分好食，加埋少少榨菜就更加惹味！唯一係份量會比較少，多人嘅話可能會唔夠食。飲品方面，我同朋友一個叫左杯冬瓜茶，另一個叫左杯黑糖胚芽有機燕麥奶，2杯味道都唔會太甜，朋友就話如果有更多胚芽會更好飲。

之前都經過依度幾次，裝修見到都幾有特色，今晚關門之前來到便試一試。佢個位置喺正銅鑼灣最心臟嘅地帶，加上佢裝修又算有特色，價錢就預咗唔會平的了。食物都係典型嘅台式食物，叫了一杯珍珠奶茶$30，1個鹽酥雞滷肉飯7x$,1個滷肉飯記得佢一個最低消費每人$70其實都好易滿足到。珍珠奶茶先來，冇乜茶味，奶精味，甜左少少，珍珠尚算有咬口，但整得實在太普通。鹽酥雞滷肉飯，份量不多，甚至叫咗有少少細，飯佢話係用日本珍珠米，其實都唔係好食得出，冇乜特別，滷肉偏瘦，味道就是有醬油味，即是有咸味但一點也不香，鹽酥雞只能說都係有鹹味，沒什麼特別，成個套餐其實吃到一半已經唔想食。我明白一碗台灣賣$10嘅滷肉飯，一個台灣賣$20嘅鹽酥雞滷肉飯，一杯台灣賣$10嘅最基本珍珠奶茶，唔可以期望喺香港都係一個平價錢，我相信呢個套餐嘅價錢至少有三份一去咗租金同埋裝修度，我明白呢個位置唔應該期望有性價比高嘅嘢食。總括來說佢最大嘅賣點就係有裝修，位置方便，食物就普普通通。

之前同屋企人去附近老三陽買野，見到開左間咁靚嘅餐廳，就決定要搵日試試佢😋-價錢黎講係銅鑼灣算唔錯，每人一百蚊都唔洗，但又有正宗台灣野食😆-宜蘭鹽酥雞滷肉飯🍚🐤哩個好好食😭😭鹽酥雞分開上，唔會比滷肉汁浸淋😗最中意嘅係佢炸粉薄得黎好脆，雞肉唔會老，係咸左少少姐😋唔會好似好多出面嘅鹽酥雞咁，層炸粉厚過塊雞🙈滷肉飯嘅肉肥瘦適中，有滷肉飯必備嘅油香味，但又唔會太肥膩，配埋白飯食啱晒♥️-台灣野食我比較中意哩間多過阿元來了🙈雖然價錢係貴少少，但感覺佢比阿元更台灣口味😗-犇之食堂 (銅鑼灣)好味度: 9/10抵食度: 8/10回頭度: 9/10

一直對小店都情有獨鍾❤️呢度係主打台灣嘢食，另外裝潢幾特別。但係我想坐嘅卡位都冇晒啦，晚上時間得返圓枱，多數都要搭枱嘅。睇到餐單就會回味台灣～當然價錢唔同啦🙈而且都明白呢度係銅鑼灣地段，所以價錢都係想像之內。鹽酥雞滷肉飯-分量唔算好大，鹽酥雞超酥脆咁上枱滷肉飯不過不失加上小青瓜，好夾鹽酥雞就有少少失望，因為佢係切片嘅雞塊，炸得有少少乾奶蓋烏龍茶-唔錯，都幾香濃，茶味可接受。大腸包小腸-係我其中一個最愛嘅台灣小食之一！呢款唔錯，醬汁同台灣味道一樣！配上蒜片更加香！炸蝦餅-都幾大塊，而且入邊嘅蝦肉好足夠，醃得好夠味，係推介既

今日行行吓銅鑼灣好想食台灣野經過見到犇之食堂比佢個名同埋鋪頭面吸引左不過夜晚去同埋喺銅鑼灣都要預少少時間等位等位期間都可以行下附近啲舖豆珍珠奶茶😀唔太甜 珍珠又煮得好唔會一舊舊都成大杯 茶底唔算太濃但幾好味繼天x後又一新歡台灣腸😀皮淋左小小 但味道可以唔會太肥都幾好食拎黎送珍珠奶茶 好滿足 哈哈皮蛋豆腐我覺得似皮蛋醬豆腐系店長推介再有肉鬆on top 都幾特別雙丸新竹米粉湯好淡 正常only 不過呢到的確好岩打卡

銅鑼灣近利園嘅一間台灣餐廳，聽講食lunch個陣係排哂長龍，今晚見得兩個人等緊，一於試下佢。等左大約5分鐘就可以入座。應該係因為繁忙時間，要搭枱，坐得有啲逼，不過都尚算可以接受。眷村紅燒牛肉麵湯底唔錯幾香，幾重牛味，不過有少少偏咸。麵身都算Q彈，牛肉就真係幾好食，脂肪同牛肉比例平均，肉質入口唔會韌，好正。喉嚨唔舒服所以想飲熱嘢，熱珍珠奶茶加胚芽，冇計係偏甜，又幾好飲喎。

自己一個去到銅鑼灣有啲野做， 就係附近食個lunch . 咁岩就見到呢間個門面幾靚， 又唔洗等位 係食台灣野嘅餐廳， 我入到去見到個餐牌， 就點左個有辣標誌嘅紅燒牛肉面同埋一杯柚子茶。 其實我自己都幾鐘意食紅燒牛肉面。 呢度個牛肉面嘅湯底其實有少少令我失望， 因為我覺得個湯底鹹而不濃， 有少少啲一丁面嘅湯底。 好在係面條夠咬口， 煮得岩岩好。 個面嘅份量都大， 我覺得一般女仔會食唔哂。 而啲牛肉都好入味同好淋， 有4大塊， 我覺得份量都算多， 唔係姑寒嗰啲。 而杯熱柚子茶反而令我有驚喜， 多數啲柚子茶都係一大樽嘅柚子蜜溝水， 呢度真係有茶味， 而且唔太甜， 岩哂我口味！ 不過食個lunch 要88 蚊真係有啲貴。 依加香港啲野食咁貴， 真係做埋都唔夠食呀 ...