牧羊少年咖啡館 (葵青劇院)

營業中

休息中

一間成功既cafe除了食就是環境, 環觀葵青區一係就食物唔得, 一係就環境唔得, 唯有呢間無論地方, 感覺同食物加上價錢都係非常滿意, 店面分室內同外, outdoor由帳薘搭成, 光線非常充足很有渡假feel, 雖然有風扇降溫, 但不喜歡出汗的朋友還是坐室內好了, 室內就提供wifi上網插座充電一流, 飲品食物的價錢lunch都係around$70-90 (套餐), 限時1.5 hrs是唯一美中不足之處。當天食了墨西哥雞扒包配薯條, 三文魚意大利粉 & 牛肝菌意大利飯, 份量十足, 十分好食, 唯獨意大利飯淡左少少, 食不出那牛肝菌馥郁的香氣, 其他沒有拍照。菊花新鮮, 沒有受潮粉粉的, 成品清透, 有淡淡菊花味又不是太甜。

因為要攞D野俾人簽，所以過來呢頭。十二點半覺得肚餓，所以找個地方食個lunch先，想起可以嚟牧羊少年，所以就行過去葵青劇院。Lunch Set的選擇唔多，天氣又熱唔想食飯、意粉，但又冇沙律，所以就叫咗燒雞中東包。跟餐有湯及餐包。蕃茄香草意大利粉包，有番茄味同埋香草味，包都好軟熟。其實不用加牛油，我覺得會蓋過個包本身個味道！餐湯羅宋湯好濃，亦都後多料，不過太酸！我比較鐘意羅宋湯都有少少香辣，但係呢個只係得酸味，所以不合我意。跟餐加$5可以要是日特飲---奇異果荔枝鮮打綠茶，顏色好清而且見到有一粒粒嘅奇異果核，相信真係用生果打出來的，飲落都好有荔枝味道。呢個雖然係綠茶，但茶味唔算濃，亦冇綠茶的苦澀味，比較似果茶很適合咁熱的天氣！其他的鮮打綠茶睇落都唔錯！除咗個包仲配有薯條及沙律；薯條炸得幾好，好香脆之餘亦有薯仔肉；不過沙律就差少少唔夠新鮮，所以唔爽口，配上芝麻汁味道可以。個包用料都好豐富，除了有很厚的雞肉外，仲有芝士、蕃茄、洋蔥及生菜。蕃茄及洋蔥都好新鮮，而且都係厚切。雞肉都算得上juicy及腍身，不過一食落去就知道係雪藏的。當然我明白呢個價錢同今時今日邊會用新鮮雞，但寧俾人知莫俾人"試"

烈日下來到葵芳牧羊少年, 好多人排隊, 而室內的籌比室外的差了十張, 還是屈服了, 選擇了坐戶外的枱。還好有大風扇通風, 坐下一會便不覺太熱。朋友點了All day breakfast, 我則點了set lunch 的松仁香草墨魚仔意粉。 set 還可跟冰凍的是日特飲, 好像是荔枝蜜瓜冰茶, 大熱天坐室外都沒法點熱咖啡了,於是要了特飲。餐湯是雜菜湯, 味道不太濃,有大塊薯仔在裡面。餐包是熱的, 軟綿綿又有些咬口。都是很溫和很易入口的食物。我很喜歡pesto意粉, 這裡造的也很滿意, 不油膩, 多些松仁就更開心。不過墨魚仔味道有些淡。朋友點的All Day Breakfast 實在豐富, 果然名不虛傳~ 評語是什麼都很不錯的樣子...還有果味的特飲也很不錯, 很refresh的感覺。整體來說, 並沒有吃到很突出的餐點, 可是每一樣食物都吃得很舒服, 也覺得很美味。很想下次再來品嚐其他美食呢。

朋友一直好想試呢間餐廳，所以一有機會就黎左試。平日下午吾算多人，環境吾錯，有得揀坐入面或者露天，不過因為天氣熱，所以決定坐入面。一睇餐牌，有all day breakfast, lunch set同 tea set！下午茶有好多選擇，想食法包又想食拼盤，所以同其他朋友夾多份share。有三件法包，煙三文魚配蛋，芝士吞拿魚，薯仔雞肉。三件都好食，不過煙三文魚比較遜色。個拼盤非常吾錯，薯條同雞翼都好脆，墨魚丸同芝士波都係普通正常味道。另外一提，下午茶吾包飲品，要加15先有熱飲，可以揀花茶或咖啡，所以連飲品其實都有少少貴。但總括黎講係吾錯既！

環景不錯，但趕時間嘅就唔建意去喇。講返啲嘢食~~~我揀嘅係下午茶餐（火煺芝士焗多士配士多啤梨綠茶）。件多士真係有好多芝士，本🐷鐘意芝士👍不過火煺就略為咸咗少少，咸少少，唔緊要，因為有士多啤梨綠茶，唔太甜，唔太淡，有士多啤梨香甜味之餘亦有綠茶嘅雅香。。。。

見openrice咁多好評 所以去試下一心想食all day breakfast 去到先發現餐牌原來係唔到最後揀左蘑菇汁漢堡飯個飯要成$8x 塊扒都可以 個汁就根本同罐頭一樣不過杯蘋果花茶就唔錯 值得推介都見到好多一粒粒既花 $30左右一杯因為食左係露天茶座 不停比蚊咬 所以想食漫漫既你要記得著長褲 haha

前些日子，在openrice中搜尋一些有特色的餐廳，「牧羊少年咖啡，茶，酒館 」因為名字太獨特，令我印象深刻。聽說，這是間以旅遊為題的餐廳，到底有多特色呢？未來之前，心裡想的是要探究一下。當天，週六上午十一時多。到達葵芳地鐵站，從地鐵站內的玻璃，可見到一個兩個白色的小帳蓬。走出地鐵站，經由行人天橋到新都會商場，再落到地下層，走出新都會後向右手邊，到葵涌劇場前，就會看到白色的帳蓬，真的有牧羊的感覺。，擺店員也隨之而遞上餐牌。有一特色點餐方法，顧客是要用黑色MARKER 在餐牌上圈上餐點，再帶同餐牌到收銀處付費。點好餐，再環顧四周的環境，的確很旅遊。餐廳走森女系裝潢，醉花窗簾，柔和燈線，是一種少女的感覺。坐在二人檯，背後是一個書櫃，擺放了很多旅遊書。走上前細看，很多都是簡體字，而且有點兒殘舊。然後不久，我們的餐點就來了。我點了牧羊早午餐本身包有炒蛋，炒白菌，茄汁豆，蕃茄扒，厚多士，新鮮水果乳酪及橙汁。另外可以自行配搭最多四款配料。我加了兩款，薯餅及煙三文魚。共$81。先上檯的是一小杯橙汁及新鮮水果乳酪。橙汁酸甜開胃，夠凍。另新鮮水果乳酪，就一般大路乳酪製品。之後才到主菜出場。很豐富的一碟！

朋友請食生日飯，比左幾間餐廳選擇，結果我揀左呢間，食過太子個間都想試下葵芳呢間，餐廳有室內同室外，朋友覺得室內有點壓迫感，所以坐室外，室外有帳篷遮擋住，環境氣氛都不錯，不過店員話有2小時時限好多款小食，每款都幾好食好多菇，飯有少少煙硬，都好食每碟食物味道賣相都不錯，環境氣氛都很好，可以同朋友們傾下偈

又接胖蕉下班，在葵芳找了一間氣氛不錯的餐廳吃晚飯，我們第二次來，但仍然要坐外面雅座先不用等位，就坐了在外面。我們點了一個牛排set 和 意粉，牛排set有湯、包、主菜、飲品和甜品，意粉則加15元才有湯和包only。先來湯和包，湯只有一款沒得選擇，紅湯，味道不會太酸，我平時不太選紅湯都喝光，所以味道不錯。包是黑芝麻包，幾特別的，芝麻味磨得香滑。白汁煙肉扁意粉，白汁鎖了在麵之間，還有陣陣煙肉味，不錯。牛排上的菇燒過，好香和邊位很脆口，牛排我們喜歡生少少，叫了5成，也剛好夠，不會韌，汁也很好吃，不會蓋了牛排味。甜品的芝士蛋糕有一點酸，也很好吃。

上次情人節的lunch/tea, 好full, 好長龍, 吃唔到; 今次打去book, 點知無得booking, 只for walk in, 唯有放工去攞位啦, 去到直至埋單走都是只有幾枱, 原來平日dinner的人流係咁稀疏我地點了set dinner, but 竟然唔包drink :南瓜忌廉湯: 幾好味, 夠香滑麵包: 份量少, 得半舊意式辣肉腸蕃茄長通粉 ($74 + $15) : 味道真是好一般, 份量又略少, 辣肉腸唔辣, 蕃茄醬/汁好稀, 蕃茄味唔出, 通粉正常, 又唔太夠熱, 真是自己整都差不多, 有d失望囉煙三文魚鮮菌忌廉汁意大利麵 ($74 + $15) : 好味, 但份量偏少, 煙三文魚夠鹹香, 菇菌都幾多, 忌廉汁好香濃, 又夠熱, 意大利麵正常 可能呢間的coffee 出名掛, 食物就一般啦, 希望食物方面有進步, 如果有機會, 下次都會再試多次嘅~

之前同朋友試過這裡的all day breakfast 同waffle都覺得唔錯，加上環境都好好，於是決定媽咪生日帶佢黎食晚飯慶祝。因為平日晚上比較少人，一行3人等了5分鐘便可入座，坐近門口的室外位置。晚餐選擇不多，最後選了set dinner 燴雞飯同牛尾意粉，另加雞翼同磨菇闊條麵，因為開始少客，門口已經冇客人等位，負責落單的就是剛剛在門口叫飛的那位女店員，很快便完成落單。一路傾偈一路等，唔經唔覺原來過左差不多20-25分鐘，食物還未到，客人已不多，加上遲我哋落單的客人食物也上枱了，於是便向另一位男店員查詢，發現原來從未入單，都算了，後來更通知我哋牛尾意粉已剛售罄，要重新選擇，因為家人對蝦蟹敏感，可選擇的更少，最後唯有選了pizza。這位男店員不斷道歉，又free了飲品給我哋當補償，我亦覺很不好意思，因為不是他的錯。而在再等食物期間，只見那位最先落單女店員只顧與其他人傾偈玩樂，未知是否因為這樣而影響工作......因為大家都等到餓，心情也大受影響，已經冇心機影相，只影左杯熱朱古力，好甜其他食物感覺：燴雞飯：個白菌汁唔錯，只係賣相有啲似快餐店磨菇闊條麵：好香，好食，咁多order入面最

星期天中午過後來到，這裡的環境很適合來一個delay breakfast, 全日早餐是不二之選。全日早餐價錢不貴，可加錢額外點自己喜歡的種類，於是便加了至愛的薯餅。先上的是鮮果乳酪，乳酪上有雪涷了的生果，感覺很清新。全日早餐裡最要讚的是煙肉，用的不是一般薄薄脆脆的肉，而是帶少許厚度，很有肉質，很喜歡。

難得跟寶寶一同放假，就計劃了去荃灣跟葵芳的手作市場走走。悠閒的星期天到來葵芳，餓了便到位於葵芳劇院旁的牧羊少年咖啡‧茶‧酒館食個tea。早已試過太子和長沙灣的分店，葵芳這樣家還是第一次試。可能客人比較多，入座時侍應提醒我倆要搭桌，而且用餐時間為2小時。接過侍應手中的點餐牌跟marker，侍應便帶我們到「戶外帳篷」的位置坐下。一直都蠻喜歡牧羊少年的餐廳裝修／佈置／傢俱，以木為主的傢俱讓人有家的溫暖及親切感。葵芳這家有分室內及半outdoor部份，座位還蠻寬敞，所以就算搭桌也不會讓人有很擁擠的感覺。點餐是半自助式的。很喜歡它的餐牌設計，過膠後跟客人自行用marker畫上想點的食品和飲料，感覺很環保(不過既然是自己到cashier落單，為什麼要畫餐牌呢?)。再到cashier下單和付款，然後食物由店員送上。因為我不算太餓，所以我倆點了一個burger，再加兩杯飲品。原本寶寶想點1664的，但這裡只有枝裝的而不是draught beer，所以便改了蜜桃yogurt，而我便點了一杯cappuccino。一直很喜歡這裡的yogurt飲品，特別是奇異果青瓜味，不過寶寶不喜歡青瓜味道所以改成了蜜桃味。

好開心葵芳可以有間cafe喇，環境唔錯，可以同三五知己吹水，渡過一個愜意嘅下午由於今次都係同一個女性朋友去，而她亦都先食少少嘢先嚟！我地就叫咗一個意粉同小食share！一去到室外就有位喇，呢啲天氣都可以，加上又有帳幕，無問題啦！即入呀！呢間cafe好多嘢都係自助形式！包括order嘢食，拎水等等！喺收銀機附近仲有一個放滿旅行書嘅櫃，可以拎嚟睇下！先到嘅喺大蝦松子炒意粉！大蝦好多！洋蔥加上欖橄油同香草一齊炒！味道絕佳不過偏油同埋份量真喺小得可憐！三幾啖就ko咗喇小食拼盤嚟喇！反而呢個幾抵食！有雞翼，薯條，芝士腸，八爪魚丸同少少沙律！啱唒傾吓又食吓嘅我地！薯條炸得脆又唔多油！！食物上檯時都係熱辣辣嫁！飲品無影出嚟，係蜂蜜綠茶！呢個環境，食物質素同價格，值得嚟多幾次！

懶洋洋的周六，提早同朋友食個晚餐，然後逛街看電影，實在是一個寫意的安排。牧羊少年以旅遊為主題，餐廳內放滿的是不同地方既旅遊書，啱哂熱愛旅遊鍾情美食的朋友。係度食個all-day breakfast計劃下旅行行程，簡直係最高享受。筆者今次試左龍脷魚柳青醬意大利飯($56)有份量的魚柳又整得嫩滑實在難得，配以青醬的意大利飯，唔會過軟亦不會太硬。咁既價錢絕對係物超所值。不過飲品就要另叫，但一杯飲品能讓大家放慢日常忙碌的腳步，值得花呢幾十蚊啦：）難怪餐廳坐無虛席!