牧羊少年咖啡館 (香港單車館)

營業中

休息中

今日放低男友，同左個朋友慢慢嘆下tea,享受下relax的一日☺️☺️呢間野都已經有好幾間分店，將軍澳呢間應該係最新，所以冇咩人打食評，就等我撐下場先🤣🤣🤣，寫番篇文今次我叫左個窩夫同檸檬薑花茶。京都春日 $75 ，味道：8/10綠茶雪糕拼原味窩夫，配上士多啤梨醬以士多啤梨粒。呢個窩夫都幾好食，極到香口脆脆地，賣相亦非常不錯，令整體感覺提升左唔少。另外，果醬亦都係我鐘意的味道，唔酸而且唔會太甜，味道非常好，基本上成份窩夫好大碟，我食唔晒😂，唯一美中不足係士多啤梨，我會較鐘意會大大粒上碟，同埋比我發現有幾粒仔爛爛地，唔夠新鮮，不過我覺得好少問題，整體上好滿意。檸檬薑花茶 $34，味道：7/10我一向鐘意飲有薑的飲品，呢個花茶岩晒我，薑味濃郁而且薑的香，唔會攻喉，唔會飲完唔舒服，薑味夠溫和，至於檸檬，略嫌不足，如果檸檬味再重d就更理想。另外，佢用個壺仔盛載，可以易於保持茶味的溫度，唔會咁易凍，坐左2個鐘，係去到差唔多走先凍，欣賞店內的細心。整體感覺滿意，不過地點好唔就腳，我都未必會刻意再入黎食呢間，不過都好多謝我朋友介紹我黎呢間試試另外，店內裝潢唔算好美觀、亦唔稱得上有格調，但勝在地方寬敞，同

今天同事提議到新去處牧羊少年，去過太子店及大圍店，我們儲打卡，今天來試一試將軍澳的單車館新店。首先黃昏的時候來到，門口有一個很大的落地玻璃，窗前是一個大的人工水池，環境非常幽靜美麗。可能由於地點問題，客人不多，吃了兩個小時也只有三台客。相約三五知己談天一流。食物質素和歺單，與大圍店相若。侍應招呼也很好，再加上儲印花換食物，應該會再來。我們也見到老闆，只是看見他忙着工作，所以不打擾他了。如果下次見他較空閑，會跟他聊天。

其實係踩單車，位於將軍澳單車公園的牧羊少年，同其他牧羊有點不同，開揚很多，今次食個早一點的晚餐，望住日落，一樂也。食物水準維持牧羊少年一貫水準，加上開掦環境，值得推介

坐落在香港單車館的牧羊少年，感覺上由周圍環境，以至餐廳的裝修，都是走舒服的路線！而我用餐當天是星期六，相對較多一家大小，會較嘈，所以想靜靜飲杯咖啡，建議平日去較好！再講講食物方面，以意粉及輕食類為主，今次我就點了lunch menu 上的芝士汁鮮蝦意粉！賣相不錯，望落也是很cheese 感覺，味道正常，不會覺得很好食或很難食。只是連飲品的話，相同價錢同區內會有更好選擇！總結來說，如果想靜靜飲杯嘢，食少少嘢，牧羊少年的環境是不錯。但期望食好嘢的話，建議先降低expectation.

為左寫呢個comment開account今日假期同屋企人十二點半到 店內有幾張空枱依然要等位三個字. 安排得麻麻入到去落單等左兩三個字排到我先見到想食既All Day Breakfast 暫停供應於是揀左個意粉等左半個鐘後第一個二個意粉終於到黑松露野菌意粉同黑椒鴨胸意粉味道可以份量太少唔夠飽 價錢唔值等左一個鐘仲有個意粉未黎吹左幾次都無 果時已經兩點話要退錢 退錢既女仔一句唔好意思都無仲理直氣壯 咁就浪費左假期既好心情同時間餓住但一肚氣咁走

今日去幫單車賽做義工，中間break 同個朋友去咗呢間cafe hea咗陣叫咗兩個tea set 1.迷你窩夫（$46）- 窩夫唔算迷你，有兩件，但窩夫唔夠脆，士多啤梨醬同士多啤梨幾新鮮，但敗筆係個綠茶雪糕，只有奶味，完全無綠茶味2. 特式焗薯殻（$52）- 蝦幾大隻，牛肉同蘑菇都ok，但個薯皮有啲硬同chewy 3. 檸檬薑茶（半價$17）- 只有個teapigs茶包，如果有真檸檬同真係煲嘅薑茶會更好4. 熱mocha （半價$18）等咗成8個字先黎，仲要叫少甜但結果係好甜整體來說好普通

幾年前去過太子店,知道係有類似教會既背景,而店內裝修好文藝,有書架又有琴,不過去到將軍澳店就唔同左,裝修雖然好靚,而且闊落,不過已經冇左果種FEEL.食物其實幾好,價錢就貴左少少,佢套餐包既野飲係$40以內,我估因為咁而定價都比較高少少...上面係和風三文魚子意粉,味道唔差,個汁係麻醬,唔錯跟住焗豬扒飯既汁做得好,豬扒唔會好薄,但係煎得唔夠香,另外芝士太少至於個牛肉烏冬就意想不到係用牛扒,通常出街食都係肥牛片,呢度算係意外驚喜吧呢個抺茶LATTE味道適中,不過我始終唔太鍾意佢用果隻抺茶既味香蕉朱古力非常濃郁,有新鮮香蕉肉打爛,唔會過甜茶則係冇乜特別,尤其太子店用既係玻璃壺,感覺更高尚一點點

半個鐘等到第一個意粉，40分鐘等到第二個意粉，雞翼等足一個鐘，連追多次都冇改善，最後雞翼要外賣包走 自助服務，即係冇服務，熱水都係要自己裝，餐具都要自己攞。最慘係味道好一般（可幸唔算難食），同價錢大把選擇。味道偏淡，其實有啲似大家樂既意粉，唯一係啲蝦比較爽口。其實等咁耐先有嘢食，一有嘢食，就好似餓狗搶屎咁，食龍肉都冇味啦。最好笑既係張單最底話，想做一件事，全宇宙會幫你完成，不過追咁多次單都完成唔到。冇下次

夜晚七點幾約咗朋友來呢度食嘢， 本來冇預早時間來等位仲以為有排等， 點知呢個concern 係多餘嘅，現場大把位。餐牌其實好少嘢食，頁數唔算少， 但講真，好多都係重複嘅。 揀無可揀之下，卒之叫左呢一個黑松露野菌意大利粉（個名係咁上下啦），價值＄80。間野係採取先去counter俾錢， 跟住攞個牌仔去自己枱面等餐到嘅方式，由落單到有野上枱都係三個字左右，都算快趣。意粉嘅份量唔算少，但最重要嘅食物味道就真係令我好失望啦，成兜意粉非常淡味，好似冇落鹽一樣，蒜香味都算夠嘅， 但完全唔值＄80囉。呢間野嘅唯一一讚嘅地方係夠晒幽靜又唔使排隊，環境都算寬躺，黎到吹下水就算啦，食物味道就唔使旨意啦。

平日成日黎單車館做運動，由佢幾年前開張果時都話有餐廳到宜家終於開，等左咁耐當然要黎試下餐廳地方好大，室外有位坐，室內好寧靜，環境陰暗，等等下朋友差d訓著😴。呢到好適合靜靜地，休息下睇下書，好舒服芝士忌廉雞肉焗飯：好多雞肉，除左雞肉，冇其他餸，有d寡，味道正正常常Vegetarian all day breakfast：試左個薯餅有燶味，其他都係麻麻地All day breakfast： 朋友話唔好食環境好大，好靜今次食晚飯，得2人餐同4人餐揀，其他散叫，唔包野飲，如果有多d選擇就好

跟朋友在將軍澳坑口單車館做完運動， 發現有間新餐廳試業， 正正在單車館內， 方便極呢! 當然一試無妨。餐廳採用半自助購買用餐方法， 看過餐牌， 走向近門口的收銀處，先付錢，後取號碼牌， 將號碼牌放在自己桌上， 服務員便會將食物送上， 無需自取。 適合朋友各自各付款， 食完即走， 免却等發票及朋友拆數煩腦。新派餐廳設計， 有落地大玻璃外牆。 晚上用餐更浪漫非常。 食物有很多種類， 中西多國菜， 更有全日早餐。 餐廳播放悠揚輕音樂， 與朋友輕輕鬆鬆享受晚餐。燒牛肉麵豉湯讚岐烏冬

經常黎香港單車館做運動💪，以前聽聞呢度會開餐廳，但等左好耐都唔見有。宜家終於開了，當然第一時間去試下，食完hea完順便去💪。All-day breakfast食得多，但好多時總有幾款配料不好食(多數都係因為唔夠熱或新鮮)。呢度有兩款breakfast，見已經9點幾咁夜，一於揀素食既，感覺健康d😜。雖然係素食，但一樣咁豐富，有成8款野食，沙律新鮮，其他野食熱辣辣(似即叫即整)，連茄汁豆同牛角包都係熱既，誠意十足。

其實好一般，唔難食，但唔特別好食。。。。咁既價錢，咁既服務流程，咁既質素，唔會再黎黑松露意粉。。無菇味，靈芝菇係可愛又平，但6x一個lunch 連好少少的菇都無，好淡黑松靈味。。惟一只可以話個意粉煮得ok燒牛肉麵鼓湯讚歧烏冬。。。牛肉用梳打粉拿到咩味都無，湯底又唔夠濃。。烏冬係好味的，口感好好(我係水牛城雞翼控)水牛城雞翼。。。等左25分鐘，食曬主食先黎，它唔係水牛城雞翼，係炸雞翼，不過個芝士汁係ok 既，但水牛城完全無水牛城汁不可接受

兩點多來到，選擇了set lunch的煙三文魚意粉和芝士大蝦意粉。本來想試試焗豬扒飯，可惜，所有飯類已沽清。芝士意粉的芝士味略為過淡，如不知這道意粉的名稱，很難嘗得出原來有芝士味。三文魚意粉味道較好，有忌廉的香滑味。推介香蕉朱古力，內有香蕉蓉，很認真的制作！

星期日悠悠地耍癈的時候，發現單車館開了一間牧羊！其實聽牧羊的名字好幾年的時間，就是沒機會去會一會～擇日不如撞日！下午茶時間到達，大概沒什麼人知道，人也不多～3月10日試業，不多人知也正常哈哈～叫了兩份下午茶，星期六日加飲品半價。大概試業關係，食物等得有點久～看外表，食物樣子是不錯！不過一放入口，就出事了。正價三十幾蚊的latte,普通得不能再普通，烏冬也連鎖店都不行，雞扒很乾。朋友的三文魚炒蛋多士，太甜了！加了蜜糖，很怪，green tea latte綠茶不甜不苦，又很怪！只坐不吃的話，很好的⋯