牧羊少年咖啡館 (香港單車館)

營業中

休息中

於平日放假又是學校假期, 跟小孩拍拍拖, 去完公園後走著走著來了這放鬆的咖啡館.店內空間感很足夠, 樓底夠高, 坐位也不會逼, 是個很能放鬆的地方.點了兩個午餐, 卡邦尼長通粉及意式茄蓉雞扒配香米飯, 各式各$64因為是平日, 可免費配是日特飲 (綠茶多多)及水果凍茶 (蜜桃綠茶)雞扒飯很快會到, 跟小孩半分, 吃得很滋味, 有茄蓉感覺亦較健康.吃畢整個飯, 再坐一會才有卡邦尼長通粉來. 我還催了一下單, 還好是吃著等, 否則餓得很.現在西式的碟都是大大的, 粉卻不是很多, 不過勝在味道補數, 而且卡邦尼一向較膩, 吃下也算夠飽了.兩杯凍飲我也有品嚐, 平日隨餐送上的確很超值!! 假日加價亦算合理.

早前帶小朋友去單車館放電，玩完就來呢度（亦係館內唯一一家餐廳）食午餐。正是中午陽光勁猛時，落地玻璃外熱浪洶洶，店內冷氣十足，望住窗外嘆食物，心中勁爽。食物總體好味，價錢亦合理。啲餐具水杯（連買水）都擺喺固定位置，需要自己去攞。餐廳空間大，沙發凳卡位都有，如果喺自己來呢度下午茶放空應該都唔錯。不過lunch時間都頗多人。可能需要排一陣。如果安排到時間12點前去到就唔曬等，食飽離場，阿女同我講，有呢家店喺度，下次都想再來單車館玩，玩完再來食！

星期日放假就去下新地方搵野食。同屋企人黎食lee 間餐廳， 講真環境都真係幾舒服。係一個公園入面，所以你從餐廳望出去，見到公園d花草樹木同埋佢裡面裝潢幾闊落。放假黎真係幾好.....雖然環境就真係勁正，但我覺得d野食真係有待改進。我地一行4人叫左個牛肉烏冬，芝士汁鮮蝦意粉同兩個English brunch, 芝士肉醬薯條. 第1個到嘅係意粉，見到嚇窒左。個碟好大，但個粉唔多。味道普通。跟住黎左我叫嘅烏冬，樣望落幾正，但食落我就幾失望。我本身係好鍾意食烏冬，而且見佢話燒牛肉再加讚岐烏冬，心諗應該無死。 首先，湯頭其實都唔差。但敗筆係烏冬，我諗佢煮得太耐，食落去嘅烏冬唔彈牙加有一pat pat, 滑潺潺。非常難食.....仲有舊牛肉好韌，好難咬斷。之後個Brunch 同薯條都黎。我只可以講brunch 係無咩特別。係個薯條叫幾好食，同埋個飲品(蘋果蜜桃綠茶)係幾好飲。 大致上黎講如果放假黎同朋友飲杯野，hea 下就幾好。但食就一般般啦！

今日同家人4人去左牧羊少年食lunch~ 點左個好豐富既4人餐～有一個沙律、4杯飲品、兩個小食、主食兩個、一個甜品～～佢d飲品一d都唔媽呼～ 唔係普通檸茶檸水～有好多選擇～ 我地就選左花茶同咖啡～淡咖啡正常好飲～冇咩特別～奶係暖既～凍頂烏龍茶都係好似茶樓個d茶咁正常好飲～奶油焦糖茶比較特別d~ 好似飲緊甜品咁～入落冇咩味～但聞就好香奶油焦糖味～幾得意～日本煎米茶係本人最喜歡既茶～烘焙味濃～米味香～地中海藜麥沙律上次食過返尋味～仍然係咁好食🤤秋葵麻醬餃子第一次食～又幾好食～秋葵健康清新～同濃味既麻醬餃子又夾到wo~三文魚炒蛋多士雖然煙三文魚係咸、多士甜～但食落個味又岩岩好!塊炒蛋好似電視賣廣告個d樣咁吸引😂食完想朝朝早餐都食佢菠蘿肉腸pizza食過返尋味😍今次冇上次咁包包～可能焗耐左或換左皮三文魚意粉唔錯唔錯～食到好飽都仲食到！比利時之戀我們家係朱古力迷！當然選呢個甜品！ 好味！但本人都係中意心太軟多d~可能窩夫真係太飽～總結而言，太好味、4人餐5人份量、我地都食曬🌝下次再幫親～❤️

第一次遇上牧羊少年，是在沙田的文化博物館，那時已經喜歡上它的文青氛圍。這次，它落戶將軍澳單車館，所以立即去試。餐廳地方闊落，落地玻璃窗戶面對單車館外的水池，感覺閒適舒服。食物選擇不算多，但亦吸引，而且有健康選擇。當天點了黑椒鴨胸意粉、秋葵胡麻餃子、燒牛肉麵豉湯烏冬，賣相和味道都不錯。在寧靜的環境享用美食，在忙碌的生活中享受一刻的慢活，為自己減減壓。如果將軍澳店可以如其分店一樣，辦一些講座活動，就更好了。

呢度嘅黎麥真係好好食，爽口彈牙。新鮮健康，第一次食就愛上，好似食沙律咁fresh，配合花茶檸檬薑茶，充滿大自然味道。烏冬爽口彈牙，牛肉肉感十足，一試難忘。如果想食要早啲排隊，週日午飯等候時間大概15分鐘左右。

環境寬敞，樓底高，落地大玻璃，但可能因為這樣，冷氣溫度比較弱，其實夏天有一點不夠冷氣。這裏是自己找位置的，今天是星期六中午人流也不算多，可隨時找到位置。要在門口點餐，再最號碼牌回坐位，侍應生會送上食物。煙三文魚炒蛋蜜糖麵包$66 煙三文魚算多，炒蛋也是即炒的，但蜜糖麵包太薄，太鬆軟，沒有囗感。如可以厚少少，再烘一烘會好很多。鮮忌廉白箘煙三文魚意粉 $78 （已+$12配是日特飲-凍蘋果綠茶了)意粉味道偏甜，亦好咸。但好明顯比其他地方食的意粉甜很多，(其實之前也吃過他們其他忌廉口味的意粉，也是很甜甜的，炒鴨胸意粉就沒有偏甜的問題，可能是忌廉的問題了)個人對這甜味不大喜歡。煙三文魚分量算0k。凍拿鐡$34 、是日特飲跟午餐+$12凍拿鐵糖水另上的，口味0k。 是日特飲蘋果綠茶特飲，感覺是自己榨果汁加綠茶調製，不會太甜，幾清涼的口味，很讚。

呢間幾出名嘅café靜悄悄地嚟咗將軍澳好似好多街坊都唔知呢度開咗間約咗幾個朋友星期日嚟食lunch，估唔到都幾多人可能因為近運動場，所以好多一家大細嚟食嘢地方好寬敞，都幾適合帶小朋友嚟呢度係先點餐俾錢，再拎住個號碼牌返埋位等人serve叫咗三個lunch sets share食先上嘅係飲品，有是日特飲apple peach fruit tea, 蘋果肉桂茶同 cappuccino個蘋果肉桂茶有啲失望，因為佢只係放咗茶包入去個茶壺入面，啲水唔多，食到一半已經飲哂啲茶車打芝士鮮蝦意粉屬中下，芝士汁係張相度係好深嘅橙色，但係出到嚟芝士味唔濃雞肉咖哩飯亦屬中下，咖哩同蔬菜好食，幾腍同入味，反之雞扒好韌，難咬，調味不足熱辣辣郁郁下嘅木魚絲都可以作出少少味道上嘅補救all day breakfast屬正路，味道都中上，特別嘅係佢有紅蘿蔔仔，好清新食完啲嘢又想吹多陣水唔想走住，叫多咗個甜品oreo waffles 雖然價錢中上，但性價比幾高四大件wafflea灑上糖霜，配埋煉奶，搣開咗嘅oreo，兩球曲奇雪糕，一大pat cream同小支朱古力威化卷(黑白配啲friend) 好豐富，而且唔會太甜，為

暑假就黎完囉，完之前再同仔仔去下午茶一下；因為一開學仔就好忙，成日都6,7點食晚飯先回家呢今次就去左將軍澳單館入面間餐廳仔度下午茶啦。士多啤梨同荔枝綠茶，原價要34蚊；跟下午茶餐就半價。仔仔初初話一飲似藥水；但我又覺得OK幾好飲丫，士多啤梨好飲過荔枝。嘩，依個牛肉粒真係好伏，難食到死，睇餐牌時都靚靚地咁，出黎賣相極差D牛肉粒重要勁大舊又多筋，連個味道都唔得。真係一上枱就見到都唔開胃，唔明點解D侍應見到咁既款都可以送上枱比客人食。芝士肉醬薯條，依個成個份量同外觀都似樣好多啦；味道亦好得多。真係好彩跟住上既薯條賣相幾好，份量又足...如果都係牛肉粒咁既量同質素，真係當場投訴都似。講真，佢真係唔算平；門口個下午茶牌寫住4,50蚊一個下午茶，係好似唔貴；點知飲品只包熱飲，凍飲要加半價。而佢既飲品都唔平，即時變得唔抵食囉。尤其佢個牛肉粒，真係好趕客，原本飲品同薯條都幾OK的；都有諗過再幫襯。但係佢個牛肉粒，真係令我要比個劣評佢；賣相太差，又勁大粒又多筋又唔好味。好心唔識整就唔好Set出餐牌啦；或者個廚師放假就話冇貨賣晒啦。咁既款拎出黎比客食，唔反佢枱都真係有禮貌

睇完早場，想起住將軍澳同事提起坑口開左牧羊少年咖啡館分店。餐廳位於將軍澳單車館，位置有點偏僻，不容易找到。樓底高，設計寬敞，自然光線充足，環境簡潔光亮，應覺舒服休閒。到達時間有點遲，部份午餐已經售罄。和朋友各點一個意粉。和風三文魚籽蜆肉意大利粉：滿滿麻油香味，蜆肉鮮味，爽口靈芝菇，會''爆珠''的三文魚籽，加上我喜歡海鮮和炒意粉，好味道！不過朋友仔就覺得魚籽有點腥。鮮忌廉三文魚意大利粉：忌廉香滑味重，口感比較厚重，但不會太膩，配上三文魚、磨菇，組合不錯。可以半價加飲品。紅茶一壼上，可以同同伴吹水''hea''一個下晝。

將軍澳單車館近期開這間牧羊少年餐廳，主打悠閒風格，星期日我就和家人 到這區踩單車，順道到這食店吃午飯。餐廳面積大樓底高又寬敞，枱與枱之間的距離也不太近，整體給人一種舒服的感覺。我們點了幾款式食物，包括了:英式早午餐 $80材料尚算豐富:腸仔、火腿、炒蛋、三文魚、漢堡、甜豆、是蜜味豆、蕃茄、蘑菇和牛角包。未食已滿足了視覺，因為這些材料本身都沒有什麼廚藝可言，整體味道是不錯的，符合預期。鮮忌廉煙三文魚意大利粉 $66意粉充滿了忌廉香濃味道，三文魚配上蘑菇，再舖上芝士，提升了整體味道， 份量我覺得啱啱好，因為再多會好滯。秋葵胡麻餃子 $42滿滿的木魚絲覆蓋了秋葵和餃子， 秋葵本身有益，但味道帶澀，所以加了日式醬可以中和澀味，餃子煎得皮脆，餡料 味道尚可。這間餐廳營造了舒適休閑的感覺，得閒到這裏飲杯咖啡呆呆看書或思考一下也是一個不錯的選擇。

真係好難食，完全唔識煮。夜晚環境係好過早上，無咁嘈，唔洗點搵位。不過你再俾我一萬次機會我都唔會再黎，朋友個個話牧羊少年點好點好，我一啲都feel 唔到。另外佢地有個儲印花既app,完全唔得，嘥時間。

牧羊少年咖啡館😀呢一間其實之前都聽過好多人去食架啦～主要食裝修食環境😂終於搵到機會去試了😎💎餃子豬軟骨湯讚岐烏冬 hkd56 送一個今日特飲😉老實講佢個烏冬係真係超級勁爆咸！咸到頂唔順要叫佢幫我處理下😂完全冇味道可言囉因為已經咸到食唔出任何味真係去到係食境🤷🏽‍♀️💎雞扒火山辣湯讚岐烏冬 都係Hkd 56 😀送今日特飲呢個對比起雖然係冇咁鹹但都真係好重口味😞雞扒份量又小一般般呀😪咁啱我個日嘅特飲係益力多綠茶😅又係飲唔出任何味，味道勁淡😓完全冇下次呀！唔知係咪間間質素唔同啦不過下次應該都唔會再去架啦因為我覺得你價錢又唔係平，環境又唔係特別靚仲要味道唔好係唔會想再去👎🏾👎🏾👎🏾👎🏾👎🏾👎🏾

去 popcorn 睇完戲行過 o黎食 tea環境都幾好, o野食就 ok la薯條都幾少下, 味道都還可以芝士同肉醬都多心太軟賣相唔算好靚不過有兩球雪糕~流心欠奉, 不過不失 o甘 lor

牧羊少年一向都有靚環境，將軍澳既依間都唔例外！開係單車館地下，有開揚既水池景觀，餐廳內既格調同氣氛都好romantic❤️食物分面，我地兩個女仔叫左黑松露忌廉意粉、芝士牛肉薯條同埋京都窩夫（即係有原味窩夫、綠茶雪糕、士多啤梨醬、士多啤梨）。黑松露意粉方面呢，黑松露唔算濃，但有好大陣酒味，忌廉汁唔會好膩，只係意粉比較乾身，唔太容易分！芝士牛肉薯條就真係一般，cream sour同cheese同牛肉分開一層層放哂係薯條上面，就算單獨食個薯條都覺得好鹹😖最欣賞就係個窩夫！窩夫好香脆，可惜佢地無哂士多啤梨，就唯有以香蕉代替啦～綠茶雪糕就奶味較重，我個人比較鐘意窩夫點士多啤梨醬依間牧羊少年比較早關門，平日10pm就關，9點就last order, 想同朋友係度傾計傾晏d就有點困難啦😥