牡蠣小屋

營業中

休息中

最近想食生蠔🦪🦪問下朋友有無介紹 而朋友就推介呢間牡蠣小屋今次朋友經openrice 訂座, 所以唔洗等位. 訂八點鐘, 朋友大概7點30分左右就到左可以入座. 入到去環境幾舒適, 有吧枱位置三張榻榻米 而我地就係坐榻榻米超有日本風既感覺😀一坐低就叫左一支桃梅酒味道 唔算好甜 又帶有桃既味道我覺得唔差 女孩子應該會喜歡呢個味道接下來就係食物明太子玉子燒 必定要order ~佢入面既明太子都係流心的雞軟骨～佢唔係平時食魚生粒粒個隻雞軟骨連肉帶軟骨 好似雞翼咁 可以食落肚不錯鐵盒燒生蠔 🦪🦪🦪必叫! 用鐵盒燒 燒個陣會有陣陣香味 全場都聞到好香～同埋佢似半生熟既燒蠔～燒到剛剛好我地4個另外仲叫左4隻三重既生蠔佢會有staff介紹 今日之選係邊幾隻生蠔Staff都好耐心講解每一隻生蠔🦪既口感我地簡呢隻三重生蠔🦪係最大隻個款食落口都好creamy 真係好想食多一隻. 另外佢既刺生 都好新鮮! 拖羅好味👍🏼👍🏼👍🏼👍🏼👍🏼以下係我地食既小食串最後嗌埋壽司 4個人都食到飽飽成餐飯大概每人用左$8xx成餐飯就好似去左日本咁無得飛 唯有靠食物頂住檔先

日本料理一直是個人的最愛，上次來吃過一次這裡的料理，印象深刻，記憶猶新。鐵盒生蠔半打$220，採用了日本的廣島生蠔，加上清酒烹煮，帶出了蠔的鮮味，加上生熟程度適中，沒有過火，絕對值得一試。鹽燒吞拿魚魚鮫$148，平常吃刺身的時候，都會吃吞拿魚，不過今次就嘗試燒吞拿魚鮫的味道，吞拿魚燒烤之後，多了一層魚的鮮味，加點蘿蔔蓉的酸汁，可以減少油膩感之餘，又可以多了一層層次感。牡蠔豬肉鹽燒$38，生蠔的味道鮮甜美味，搶了豬肉的鮮味。雞翼鹽燒$38，雞皮香脆，內裏肉質鮮嫩。牛舌鹽燒$48，肉質爽口，沒有過硬。

今日放假，一於同老公去我地呢間新歡餐廳食晚餐，因為實在太好食啦！ 我地真係每次食完都讚讚讚👍話得牡蠣小屋，就每次黎都必食生蠔，隻隻肥大鮮美！😍😍 雖然生蠔涮涮鍋都要480，但絕對對得住個價錢嘎！ 可以一試，而我地就次次黎都會叫，一係就鐵盒生蠔🦪。 今次我地唔想食定食， 叫左串燒！ 超極超級超級好味呀！ 一萬個要食！ 爆推薦 黑和牛鹽燒！ 師傅燒到啱啱好！ 黑和牛都十分非常正！ 正到我地食果時係慢慢享受個質感！ 個味道！ 豬肉我地叫左頭4個！ 都係好好食！ 特別推薦白蔥豬肉！好fresh! 正！ 總之，所以串燒都好值得一試！全部冇伏！連燒茄子🍆都整到好高級！串燒食到好似去左日本🇯🇵咁！ 至於特上刺身，我可以講係無可挑剔！ 178呢個價錢食到呢個份量同質素！ 港島邊度有？ 連鎖壽司完全冇係冇得比！ 最後我地叫左杯啤梨酒，幾特別，用黎配串燒，正！

已經3年冇去旅行😭呢度嘅粒貝刺身脆卜卜令我回想起2019年6月石垣島之旅🥺😋呢度嘅日式裝橫+播放嘅日本綜藝節目+好新鮮嘅食材=大滿足🥰電梯一打開已聞到海鮮的香味，看到左邊大大隻的生蠔🦪，及右邊的日式tatami 座位已覺得好吸引。另一半看到生蠔，開心到不斷點食物，好誇張！前菜點了煙燻白蘿蔔伴芝士😍特別！超好味！這裏的串燒也超級好味。特別愛吃免治雞肉串😋👍🏻👍🏻食材超級新鮮，真的難以形容！全部也是日本蠔，肥嘟嘟😋粒貝卜卜脆！😋日本生蠔涮涮鍋好味！店員超級細心！教我們怎樣煮蠔最好吃，及何時吃菜最鮮味🥰今天另一半胃口很大😳還點了壽司及牡蠣茶漬飯😍我很飽也吃了一點點🍣👍🏻👍🏻好新鮮！

補寫食評用餐日期：2021年12月17日 星期五COVID--19全球大流行，抗疫２年，生活習慣改變了，其中包括：不聚餐工作日午餐，多數自己１個人吃，日本料理是個合適的選擇。自己１個人到銅鑼灣 L Square牡蠣小屋吃午餐，點了鮮魚壽司定食，包括以下的：#野菜沙律：普普通通，蔬菜不算新鮮。#前菜：高木羊棲菜，爽口。#鮮魚壽司：有８件不同的壽司，２件貝類、３件白身魚、甜蝦、蟹籽軍艦、玉子，魚生都很鮮味，飯糰size較小，男士吃會不夠飽。#味噌湯：顏色偏深，但沒有過鹹，不錯！#凍檸檬茶：微甜，挺好喝的！

OpenRice見到咁多正評就過嚟試吓，結果就係中大伏嘅開始， 我同朋友分別叫左個主食，然後因為呢度主打蠔，所以都叫左個吉列蠔試下，仲叫左杯hojicha latte飲。我叫左個kagura彩虹魚生飯，睇menu相賣相好似好靚，但係原來食法好奇怪，係要將個樽入面既魚生倒落去啲飯度自己撈黎食，咁樣將啲魚生塞入去個樽之後又拎返出嚟，其實所有魚生都變到一pat嘢咁，根本感覺好似食廚餘咁本來諗住魚生飯應該難食極有限，點知中曬伏。魚生唔新鮮不特止，個樽入面仲有啲奇怪醬汁，白色潔撻撻咁，撈落啲飯度變左有啲怪味，個口感好似食緊啲黏液咁，最後我剩係食左啲冇點到果pea醬既魚生頂下肚就算魚生唔好味唔緊要我仲有呢度主打既蠔，不過吉列蠔啲粉太厚，蠔本身頂唔係特別出色，仲有佢附送嗰兩個醬汁，深色啲嗰隻超難食，點落去即時冇晒胃口，即刻唔想食落去。呢一餐我同朋友都覺得超失望，名不符實。事後再同其他朋友傾返，都覺得呢間嘢超難食，野食完全唔值呢d價，唔明點解咁多正評，都唔知係邊度黎😑😑😑😑大家小心中伏最後我地唔想食落去，轉左去附近揾其他日本野食，完全係浪費金錢既一餐。

真係好耐無去日本啦⋯⋯⋯岩岩出左糧就決左對自己好啲！食好啲！想食蠔既我就搵到呢間餐廳，見到都好多好評就去試試啦～Book左14:00，但早左去12:20去到，都比我地入座，超好☺️環境唔錯，闊落又乾淨，播住日文新聞同有一位日本人既女士幫忙落單，思鄉情懷湧晒出黎😂😂😂我叫左彩虹魚生飯set lunch，我第一次食，佢將啲魚生放晒落樽仔入面，最底層白色既山藥，對我黎講好新奇又有趣😬朋友叫左牛舌set lunch，牛舌份量唔多，所以大食既朋友要留意返～我地再叫多左半打鐵盒燒蠔，侍應都有禮貌介紹點食既～不過無想像中咁好食，不過不失啦～14:30 last order我地坐到15:00左右都無趕我地走😄唔錯唔錯👍🏻

好想去日本食海鮮，好掛住日本嘅蠔，燒物 ，同和牛！終於俾我搵到一間喺銅鑼灣嘅日本料理，可以食盡日本嘅美食^^首先打頭炮嘅係-的矢岩蠔（手掌咁大隻）師傅即開生蠔，非常新鮮，蠔身飽滿，入口爽甜，帶輕微嘅海水味 。主食就叫咗set［期間限定］鹿兒島產和牛、生蠔刷刷鍋內容有野菜、生蠔、同入口即溶嘅鹿兒島和牛。鹿兒島和牛嘅脂肪同肉嘅比例差唔多係一比一。放入鍋滾幾秒就可以食。入口唔到幾秒就消失咗，牛脂味非常重，鍾意食和牛嘅食家一定要試吓！平時食十下十下嘅生蠔都好似有肌肉萎縮！未熟之前就手板咁大隻，熟咗之後就鵪鶉蛋咁細隻T.T但係呢隻生蠔，熟咗都一樣咁大隻，一咬落去啲汁就爆出嚟，蠔味極濃，非常好食。見呢間餐廳嘅蠔咁掂，就追加咗半打嘅鐵盒蒸蠔，雖然煮法好簡單，但食落口非常滑，蠔本身又鮮，再加埋清酒嘅甜，好快我就食半打。之後又見到對面枱食串燒，自己又忍唔住叫埋一份🤣有鹽燒雞翼、腎、雞髀肉，蘆筍、牛舌、五花豚腩，仲有蛋汁免治雞肉棒。燒物燒得好脆口，外脆內嫩呢隻生雞蛋嘅味極濃，顏色接近橙色，同雞棒嘅味道好夾。呢間餐廳嘅刺身，燒物，鍋物都做得好好，有太多嘢想試，不過今次太飽，下次我再嚟，試埋佢個明太子蛋卷😍

呢間位於銅鑼灣L Square嘅牡蠣小屋設計十足和式風格，一出𨋢就即刻有種置身日本嘅氛圍。座位除咗有一般嘅餐枱，仲有適合小酌怡情嘅吧台、和式風情嘅榻榻米等等，整個用膳環境都幾特別深刻。鹿兒島產和牛、生蠔涮涮鍋（追加烏冬）想講呢個涮涮鍋真係一流！主打嘅鹿兒島產和牛肉質鮮嫩多汁，口感彈牙軟滑，好似按摩緊個嘴咁舒服。不論味覺抑或嚼勁都可謂最高享受！生蠔都同樣令人滿意，大大舊嘅蠔，咬落去好多惹味鮮香嘅汁洶湧而至，一放落口就即刻精神曬！追加嘅烏冬都非常高質，如果怕唔夠飽嘅朋友都可以考慮下試埋個烏冬。麵嘅質地彈牙唔惗，絕對係高水準嘅麵底。串燒｜和牛、牛舌(醬汁味）牛舌帶有一份韌勁但又唔會太硬，輕輕一嚼就有濃厚嘅鮮香肉汁滲出嚟，正！和牛更加唔使講，完美咁表現咗「入口即溶」呢個term，完全係上等嘅肉地。特大吉列蠔表皮香脆，而內餡依然保留到多汁香潤嘅質地，配上兩種醬汁同沙律菜，食起上嚟更多變化同層次。牡蠔忌廉意粉意粉口感一流，軟硬適中，而且醬汁濃稠度同樣調教得啱啱好，加埋新鮮嘅牡蠔呢種食材，可以睇得出呢間餐廳無論用料抑或廚師嘅火喉都掌控得恰到好處。明太子芝士玉子燒軟滑嘅蛋、濃稠嘅芝士、香噴噴嘅明太子，

朋友好鍾意食牡蠣，前兩日佢考完試，我地就一齊去左銅鑼灣呢間牡蠣小屋食lunch。鹿兒島產和牛、生蠔涮涮鍋 $580呢款涮涮鍋有蔬菜拼盤、三片和牛同埋兩隻生蠔。唔好以為三片和牛好少，因為每片都有半隻大碟咁大片，所以三片其實係有平時打邊爐成大碟牛肉咁多，仲要呢個係和牛，啲雪花好靚，食落幾乎有入口即溶嘅口感，仲好重牛味，好食。生蠔好大隻，差啲想生食，不過呢個係要淥大約1-2分鐘，直至生蠔唔再呈現半透明嘅顏色就可以食用。生蠔食落好新鮮好濃味，正。蔬菜拼盤有幾款唔同嘅蔬菜，仲有蘿蔔同金菇。我地之後仲有加$48去追加烏冬，湯底淥鍋蔬菜、和牛同埋生蠔之後，烏冬再吸收埋湯底嘅精華，又彈牙又入味。明太子芝士玉子燒 $98玉子燒好大份，上面有明太子醬，入面仲有拉絲嘅流心芝士同埋明太子，充滿鹹香，好食。特大吉列蠔 $78$78有大隻吉列蠔，比起平時喺其他地方食到嘅吉列蠔大隻好多，炸到外脆之餘入面都依然有肉汁，抵食。

很久沒吃過生蠔，今晚預約了這家小店吃生蠔。餐廳燈光是橙黃色，配上木系裝潢，感覺既溫馨又舒服，有吧台、榻榻米、室外等用餐空間，座位靈活。晚市已經全場爆滿，生意很好。餐牌上提供生蠔、刺身、意粉、火鍋等，想大部分菜式都是以生蠔入饌。一場來到，我們點了幾款特色菜。⭐️鹿兒島產和牛、生蠔涮涮鍋$580有鹿兒島產和牛、蔬菜包和兩隻生蠔。湯底是清淡的昆布湯。鹿兒島產和牛雪花密密麻麻，涮數十秒，入口油脂充沛，非常柔嫩！兩隻生蠔非常飽滿，胖墩墩的，入口完全沒有腥味，口感一流，滑溜滑溜的，日本生蠔口感幼滑偏奶香。加上豐富的蔬菜包，例如蘿蔔片、金針菇等蔬菜，非常豐富。⭐️明太子芝士玉子燒$98有驚喜的明太子芝士玉子燒，玉子內餡有芝士和明太子，入口軟香且帶著芝士和明太子的鹹香滋味，很美味！⭐️牡蠔忌廉意粉$118生蠔乾配上意粉同樣出色，生蠔入口就像肉，有肉煙煙韌韌的口感，配上忌廉意粉，配搭簡單美味。⭐️KAGURA彩虹魚生飯$198賣相吸睛的彩虹魚生飯，魚生刺身放在玻璃瓶內，慢慢挖出來，有拖羅、三文魚籽、山芋蓉等，口感清爽，加上醬油漬物，整體味道更上一個層次。⭐️牡蠣餃子雞翼$68/隻炸得外脆內軟，裏面有有迷你小蠔和明

只要透過清蒸 焗烤等簡單的手法 便能輕鬆品嘗到牡蠣最直接的甘甜🦪.這裡店如其名 提供多款牡蠣料理菜式 並由日本人主理 以鐵盒盛裝著肥大的牡蠣加以清酒蒸煮 除了保留原有味道 更不會讓水分流失 咬下去爽滑清甜 味道鮮美 正是牡蠣最誘人之處.沾上蛋液和麵包糠 下鍋炸至金黃酥脆 咬下去肉汁鮮甜飽滿 蘸上濃郁的醬汁 風味絕佳 吃到最後炸蠔的表皮依舊酥脆有聲 不會因時間久了而變得軟塌塌💆🏻‍♀️.這裡由日本人開設及主理 裝潢充滿東洋風味 以牡蠣料理為主打 單單是牡蠣一種食材已經有十多種吃法 頗適合一眾愛蠔人士🦪

今日同朋友嚟試呢間主打生蠔嘅日式餐廳，餐廳位置好方便，地鐵站隔一個街口就到～嚟呢度梗係要試佢哋嘅生蠔菜式，所以我哋叫咗一個日本生蠔加和牛嘅壽喜燒涮涮鍋，入面仲包左份蔬菜拼盤。店員提示我哋先食蔬菜，令湯底吸收左蔬菜嘅甜味之後再落肉。生蠔兩隻都非常飽滿，灼熟咗之後都冇縮水，仲係非常Juicy~和牛有四片，肥瘦分布都唔錯，而且大大片食肉獸表示滿足。因為太好食啦之後我哋都再追加左一份和牛😋特大吉烈蠔炸蠔嘅粉漿做得好好，非常鬆脆，同生蠔creamy質地形成反差，正燒黑毛和牛定食定食入面包左一份白身魚刺身，等你食和牛之前可以清新一下味蕾。和牛係燒過之後再切片，所以外皮好香脆但係入面仲係好軟熟，豐富嘅油脂配搭白飯簡直係一流。明太子芝士玉子燒厚厚一大片，上面載滿明太子沙律醬，玉子燒嘅中間釀滿咗明太子同芝士，極邪惡，食完要跑返5公里

疫情前已知道有一高質日本生蠔料理餐廳，那生蠔一食上癮，食完必定會一來再來，講到咁勁，當然要襯節日來到慶祝一番！一來到「牡勵小屋」已見到不少大大隻生蠔，他們以温暖木系為主，給人一種溫柔舒服嘅感覺。 講到食生蠔，真係要必點這款1日限定10食嘅生蠔涮涮鍋，淨睇相片，已勁吸引了！明太子芝士玉子燒每次來到日式居酒屋見到有玉子燒都會必點，而這裡的明太子芝士玉子燒更是把明太子、芝士加入玉子內，輕輕切開，已做到拉絲效果，而且做到口感嫩滑綿密，蛋味香濃，真讓人回味。汁燒牛舌入口柔軟爽彈，嚼勁十足，非常香口。汁燒黑和牛不愧為黑和牛，入口軟嫩豐厚，油香四溢，甘香可口，牛味香濃！拖羅蔥花卷拖羅卷加上滿滿幼滑拖羅，毫不吝嗇滿瀉出來，油脂滿香，口感綿綿，再加上青香蔥花，更令味道更豐富。特上刺身定食當中已包括有是日特上刺身：牡丹蝦、拖羅、真鯛、帆立貝等…每款都新鮮肥美、味道鮮甜、油脂豐富。日本產生蠔涮涮鍋涮涮鍋來到時已令人流哂口水，那手肉厚飽滿，光澤鮮亮，隻隻手掌咁大嘅生蠔，店員提醒只需烚約60秒即可。先把日本大蔥、金菇、紹菜、甘筍，等放入鍋內，滾起再輕放生蠔，只需一會，鮮甜肥美，多汁juicy嘅生蠔就可以食啦😋。

無論午市定晚市都座無虛席，仲有唔少日本人嚟幫襯，證明確實好味！日本產生蠔涮涮鍋 ($480)生蠔新鮮大隻，成隻手掌咁大仲脹卜卜，視覺效果一流！就算熟咗都完全無縮水仲好飽滿，粒粒juicy，鮮味十足！明太子芝士玉子燒 ($98)份量十足，質感鬆軟，玉子燒包圍住澎湃又惹味嘅明太子同半融芝士，仲有拉絲效果，好吸引！三種食材互相融合，食落香香辣辣。拖羅葱花卷 ($88)拖羅蓉口感幼滑，滿滿嘅油脂滲入每一粒壽司飯入面，配上清新蔥花，令人滿足！汁燒牛舌 ($48)牛舌爽彈，好有咬口，口感一流！汁燒黑和牛 ($88)油脂豐厚嘅黑和牛入口軟嫩多汁，油脂喺咀入面融化，甘香可口。