牛陣 (荃新天地) (已結業)

之前都食過牛陣，而今次見牛陣做緊泰國主題，身為泰國迷既我即刻同朋友去試！叫左個DIY冬陰公鍋，啲配料可以自己按口味加，自己炒香，然後再放冬陰公湯底。唔食得辣嘅就可以放少啲辣椒，好得意，好似玩緊煮飯仔咁🤣炒緊嘢個陣，店員仲係側邊一路介紹一路幫我地倒啲湯底驚我地整親，好親切🤣然後叫咗個$219既澳洲上級長期穀飼牛套餐，佢啲牛肉同埋牛舌係現場即切，好新鮮，好正😋😋套餐入面仲有泰啤任飲！甜品方面，食左個芒果糯米飯雪條，一見到已經覺得好吸引！入邊真係有一粒粒既糯米飯，而且椰汁味好重，又有芒果味，好似食緊芒果糯米飯咁，好特別！仲有haagen-dazs雪糕食🤤今餐真係泰滿足了！🤤

反應比員工聽 話牛肉肉質出現問題 好聲好氣話希望換過另一碟 但換黎既係話我地唔識野 牛肉切得薄係咁 並唔係肉質問題 但其實再薄既牛 都唔會係咁 叫佢見經理過黎溝通 不了了之 唔駛再黎

早兩晚去食夜晚，入座時無人招呼，無人問你要咩套餐咩湯座。一直想搵人查詢，但個個都話等等，結果十幾分鐘後先埋嚟問你要咩餐咩湯，但係就同你講入座嗰刻已經計緊時！牛陣啲套餐性價比頗高叫咗個$179套餐，價格唔太貴，食物質素亦唔錯！舖面環境不過不失，衛生上亦合格。但係呢間牛陣係食過咁多間分店入面服務態度最差經常無人service入座時無人理你，不停晒你啲時間，但到夠鐘嘅時候就會唔同你講啲咩趕你走，同你計到盡一盡！荃灣嚟講真係D-Park嗰間服務好好多。

今日兩公婆 ，瞓晏咗少少，中午兩三點鐘，都唔知食午餐定下午茶好，經過愉景新城呢間牛陣，見到上選定量套餐，都係69蚊去試試了……套餐每位包牛肉一份，其餘食物都係自助式， 蔬菜選擇有很多，而且有冬菇，金菇，海鮮菇 ，豆腐卜，新鮮蟲草花，仲有墨魚丸，日式咖哩用嚟送飯就一流！基本上淨係食自助式都夠飽了！除此之外，更令人驚喜係仲有hargandize雪糕 都係任食！講真如果禮拜六，禮拜日，諗唔到食咩好， 呢間牛陣食多些蔬菜都可以清下腸胃，而且呢個價錢真超值！

又到左冬天 咁凍既天氣就最適合打邊爐聽講牛陣出左個新既套餐 所以決定去試試佢有個特別既名就係冬戀美鍋 係濃厚既雞湯 望上去係乳白色 可以就咁飲左個湯先架佢包括美人和牛 脂肪分布平均 肥瘦適中 仲可以無限任食 不過佢一碟份量都好多 夠晒我地食而且佢會有一個蔬菜籃 仲有雞滑 十分豐富 如果未夠出面仲有自助區 你可以任夾你鐘意既菜同丸  最後 仲附上一個水信玄餅 你可以配埋黑糖食 認真唔錯仲有 出面仲有哈根大任食同乳酪雪糕   打完邊爐食個甜品就最好不過！

每次行親荃灣都會經過牛陣 今次聖誕節終於約到朋友一齊食咁岩見到佢地做緊一個美人鍋！已經吸引住我地 所以決定試下 員工仲叫我地飲左個湯先 個湯底認真一流 食得出係無加到味精！仲有雞塊添 之後重點當然係美人和牛 一望上去肥瘦分明 淥完一陣就好拎上黎啦食落口好有牛味 口感都唔錯 份量都好多 仲可以無限添加。 另外仲有一個蔬菜盤 入面有雞滑 蔥 冬菇 等等 除此之外 鋪頭都有一個自助區  入面有唔同種類既配料 例如丸阿 菜    最後仲有日本好出名既水玄餅  可以配埋黑糖一齊食 心滿意足啦～ 

今天是拍拖週年紀念，一早打去訂枱，員工回應很有禮貌。我們一心主供食牛肉及雪糕，已經很滿足，牛肉雖然簿了一點，但勝在夠新鮮，及叫refill來得快，不用久等。自助食物方面，款式略為少了點，如能增加多一點款式，必定更能大眾化。 今天的豆腐不知何解未有獨立碗盛載，不太方便。 特別喜歡這裡有Haggen Daz雪糕，不但有4款味道，在進食途中，店內還會更換味道，即有6款雪糕味道可食，硬有一款合你口味啦，只吃雪糕已很滿足了。

行過門口，亞仔堅持要食，好啦，反正佢未夠90cm唔計錢就食啦叫左個129黑毛和牛，無得追加，擺係出面既配料一樣可任食，牛非常非常薄片，薄到夾起都散，熟左牛味淡肉質鬆散，質素認真一般，有多款丸類，較好白魚蛋彈牙有魚味，菜都好多，連而家好興食既羽衣甘藍都有, 豆腐滑。最驚喜有haagen dazs雪糕食，有4款揀，正~ 反而配料質素比牛的高，驚喜服務好好，我出去攞野食個陣，有幫下眼睇住個仔，仲同佢加油食多d食快d~ 好友善

今日跟朋友去荃新天地逛街，中午餓了，但又很想吃肉類食物，看到牛陣午餐放題148一位，就來嘗試一下了，我從來都沒有試過中午吃火鍋放題，這次是第一次，比想像中的舒適多了，很安靜，座位寬敞，叫了鴛鴦鍋，一半是麻辣，另一半是柚子湯底，麻辣湯底味道正常，沒有太驚訝，但是柚子湯底我覺得很特別，有一股柚子的清香，牛肉上菜速度很快，店員的服務態度也不錯，最重要的就是吃火鍋還可以安安靜靜的享用，感覺不錯，下次還會中午來吃！

琴日氣溫跌破10度真係超凍呀！一凍就自然諗起打邊爐喇！一打開餐牌見到新出既冬戀美鍋 女仔又邊個唔中意美丫 真係見到個「美」字都要試下呀😂哩個餐既最大亮點係哩個鹿兒島黑毛和牛呀😍睇落雪花紋分佈均勻 食落好林又新鮮 琴晚食左3盆回晒本😂跟餐仲有牛舌同豚肉片 我一向都中意食牛陣既豚肉 薄切有肉味 正！又係可以任食既哩兩種肉😆仲有哩份蔬菜拼盆 果2個手作雞滑要特別介紹下 出面蝦滑魚滑就食得多 雞滑真係第一次食👍🏻 爽口又健康又好味！影下個自助bar 俾大家睇下啦😁 但當然係食得晒先好夾啦 最愛芝心丸 金菇 芝士腸😍蔬菜都有成10款揀👍🏻食左大量粟米 好甜呀！影近d個美鍋先～奶白色超吸引 勁大舊雞呀！店員介紹我地落料前飲左啖湯先 好濃既雞味好鮮甜！打邊爐飲可樂是常識吧！超爽呀。總會留肚食Haagen-Dazs雪糕既😆跟套餐仲有水信玄餅食 加入黑糖食不錯！

好耐好耐之前食過牛陣 覺得唔係話好特別早排朋友gathering話食牛陣個新鍋話好抵食雖然個餐都三百幾蚊但都真係唔錯既以食日本和牛黎講肉質鮮美多汁 仲要可以無限encore所以食多幾碟都覺得可以cover返條數既

一直都中意食日本和牛 燒肉中意 打邊爐都好中意用佢最近牛陣新岀左個美人鍋！！！個湯底係雞白湯底不突止 肉類方面除左可以揀澳洲穀飼牛 仲有得揀我最中意既日本和牛呀！！所以即刻拉埋個朋友去試試佢！我地目標鎖定 淨係要日本和牛！和牛切得好夠薄 拎黎打邊爐烚兩烚再點下醬汁放落口 味道一流！啲和牛好新鮮好靚 食落去入口即溶醬料方面都有好多選擇 比客人自己去揀佢呢個餐仲有配埋手打魚肉味道都相當唔錯架！咬落個口感好好好煙韌！呢個餐最特別係仲有個水信玄子做甜品配埋佢個兩個醬汁食落甜甜地 都幾特別架！

天氣太涷至岩去打邊爐早排睇岩左牛陣個美人鍋用雞白湯黎做湯底 都幾濃味架而且有幾款牛同豬比你揀 我就揀左至正個隻日本黑毛和牛每塊和牛都切得好薄 碌兩碌就熟～一放落口個下有種入口即溶既感覺！會keep住想食完再食 不停encore岀面都有唔少熟食拎架 有咖哩飯啦又有薯條呀 配菜呀 炸雞等等薯條仲有4種醬料比你仼揀！蔬菜類同丸類個啲都好多款式好齊全！我特別推介芋頭！碌到溶溶地真係好好食！同埋想食既要早少少去攞 拎多兩round已經無架啦！

最近天氣變凍， 朋友就相約去打邊爐，當日我哋喺荃灣行完街，本身諗住搵間酒樓去打邊爐，可惜英皇嗰邊已經full曬，一定有排等，咁就去咗商場裏面試一試。點了美鍋，任食美人和牛，含豐富蛋白質，鐵，鋅，維他命B12等等，聽落好似好養顏，最有趣係仲有煮食教學，輕涮5-10秒，即可食用，超級窩心。當然唔止牛肉 ，仲有蔬菜盆， 當中有我最愛嘅皇帝菜， 雖然唔係個個鐘意，但係啱曬我哋食。 飲食方面種類眾多都係啲雜丸菜麵之類。有熟食供應，有炸雞同薯條， 最有趣係有醬，美式沙律醬，同他他醬。 炸物都幾新鮮，食落口到熱辣辣。最後雪糕任食作完美結束。下次再嚟食過， 不過可以食過最平嘅餐，因為飲食選擇已經夠吸引。

位於荃新天地地下的牛陣，主打日式火鍋。今年十二月的天氣維持在攝氏十多至二十度，最適合吃日式火鍋，烚下烚下，吃個日本火鍋暖暖胃。點了一個冬戀美鍋放題套餐，當中包括：任食美人和牛、日本產特選黑毛和牛肉、澳洲長期穀飼牛肉，豬柳肉，豬肋肉。美人和牛其實是鹿兒島黑毛和牛後部肉，除了營養豐富，色澤和肉質更加是一流，脂肪分佈平均但又不會過韌，在湯中涮約十秒即可，師傅切和牛的厚度剛剛好，不知不覺便吃完一盤除了美人和牛，也可試試日本產特選黑毛和牛肉，脂肪會較為多一點點，味道也不錯。美鍋的湯底選用了自家製雞白湯底，味道濃而不膩，充滿天然骨膠原，湯中更會有嫩滑的雞脾肉。除了肉類，還有美肌蔬菜、油揚蔥卷、手作雞滑。賣相精緻之餘，又夠健康夠纖維。有別於蝦滑，雞滑的口感頗嫩滑，而且不會太鹹。頗令我驚喜的就是任食Haagen-Daz 雪糕。當天提供的味道包括焦糖、曲奇、士多啤梨和巧克力。能任食如此質素不錯的雪糕真的頗開心，質感幼滑。所以整晚也有食客輪住排隊拿雪糕。每人更包一客晶瑩剔透的水信玄餅，加少許黃豆粉和黑蜜，味道不會太甜太膩，平衡一下。套餐也包括任飲罐裝汽水和朝日啤酒，一邊吃shabu shabu，一邊喝啤酒