牛陣 (荃新天地) (已結業)

過年絕對是一個放肆狂吃的日子，年糕、笑口棗、邊爐、盆菜等等，總之就是吃不停。今次又有口福了，和朋友拜完年後，正苦惱吃什麼的時候，經過餐廳門口，傳來陣陣香味，一於決定打邊爐！聽店員介紹，今期推出限定壽喜燒套餐，之後還可以加湯變打邊爐，正呀！牌子上有介紹壽喜燒的食法。套餐主要包括牛肉、豬肉、牛舌、帶子、魷魚、蠔、蔬菜盤，還有自助吧內的任食材料。每位會送一隻日本生雞蛋，打勻之後用來蘸肉食就最正！店員會主動幫忙及介紹正宗壽喜燒的食法，他們先將和牛脂肪落穫，逼出油份，再炒香京蒽和洋蔥。之後就可以開始燒肉。將和牛輕輕烤十數秒，加少少壽喜燒醬汁，再蘸上蛋汁，好味！壽喜燒醬汁頗濃味，帶少少甜，清香的蛋汁能中和其濃味。薄薄的牛舌及豬肉質素不錯。加入鰹魚清湯後，就可以打邊爐啦～自助吧有不少蔬菜、丸類、麵可供選擇～亦有炸雞及薯條。由於早段encore了不少肉類，所以點都要吃多少少菜補番～這裡難得有提供我喜歡的冰菜，加分！

香港打邊爐嘅鋪頭越開越多，五花八門今次就嚟到荃新天地 本身諗住食牛陣旁邊嘅烤肉店 但係到最後都係揀咗牛陣打邊爐呢間牛陣今次係第二次嚟咁我哋大約八點鐘左右就到左 大概等左15分鐘就已經有位 我哋揀咗黑豚肉及嚴選牛肉套餐$199而湯底就係白雞湯底order完之後就去拎醬料咁開餐之前就去咗拎啲餐前小食 炸雞同薯條雖然小食就得呢兩款，但佢哋都提供左四種醬汁食完餐前小食跟住就開始食火鍋！！！黑豚肉同牛肉唔會好肥 亦都有好多嘅配料提供 其中蛋餃 就比較少見 而且味道都唔錯 咁經歷一輪 瘋狂飲食後就到甜品啦咁甜品方面咁佢哋就提供左四款雪糕最後客人為一路都冇留意餐牌其他嘅嘢跟住聽到隔離枱有人就order生蠔先至發現原來消費$219以上嘅套餐就可以追加生蠔 魷魚仔 同帆立貝

星期日又係出去搵食既時候！今晚去牛陣食冬蔭公湯底+澳洲和牛自製湯底完全冇得輸加入各種香料 用牛油煎過香濃惹味下面既係澳洲和牛油脂分佈平均 食落嫩滑仲可以冇限添加簡直係牛牛fans既最愛海鮮都係任叫有幾款選擇魷魚 帶子 蠔同蝦都幾新鮮其他蔬菜丸類都係自助應有盡有尤其蔬菜仲吸滿哂冬蔭公湯食落極度juicy滋味打邊爐點可以唔飲啤酒！泰國象啤酒精味道唔會太重 極易入口最後仲有芒果糯米飯雪條夠哂驚喜新意應該其他地方都冇得食濃濃既椰奶同芒果味 食落有粒粒糯米飯口感豐富仲有Haagen Dazs雪糕焦糖味is always my favourite 自助形式 鐘意裝幾多都得食到好飽

依家勁多牛乜牛乜日式火鍋，今次第一次食呢間，唔敢太平唔捨得太貴就叫左$179嚴選牛，點知d牛好勒又厚，無乜牛味大失望！..之前食會不停encore 牛，今次食左兩碟就算，最尾幾片唔想浪費更硬食咋！豬肉反而好食一點。叫左sukiyaki 正常味，另一係咖哩味，唔惦，無咸味用咖哩粉開的。其他配料正常普通。應該唔會再食

等到頸都長埋，終於等到毒魔上映，第一時間緊係拉另一半去睇。劇情比網上評論好得多，鐘意超級英雄片既話不妨一睇。睇完戲當然係去搵食喇，秋高氣爽涼涼地，所以我地決定去牛陣打邊爐暖一暖個胃。因為時間尚早，所以唔算太多人，等左一陣就可以入座。我地見佢依家主打DIY冬陰公湯底，所以就做一做勇者試試新野。未幾，侍應就將一盤冬陰公香料送上，詳細咁同我地講放鮮蝦、香料既次序、時間等等，比我地一試親手炮製既體驗。因為套餐包左任飲泰國象啤，我地梗係唔輸蝕叫左枝黎試下，入口冰涼微澀，冇苦味，女士們都岩飲。第一波肉類終於率先送上，澳洲殼飼牛。色澤嫩紅，油脂條紋分佈都唔錯，因為用機切既關係，所以厚薄度都好均一。除此之外，仲有牛舌、豚肉同廣島蠔等各類既海鮮都係任點，質素絕對係放題之上，值得翻點再翻點。食左一輪肉類後，總要搵d菜黎食下調劑下。出面有個丸類同蔬菜自助bar。種類都唔少，秋葵、羽衣甘藍都有，一於樣樣都夾啲黎食下。再望過少少就會見到一個雪糕櫃，連Haagen-Dazs都係任食，點忍得手唔食返兩三球。最後係跟餐既芒果糯米飯手工雪條。你地無睇錯，係用芒果糯米飯而制成既雪條，充滿香濃椰奶香，咬落仲會食到點點米粒。

荃新呢間比愉景新城更闊落 店員服務亦很好 prefer呢間多啲!!.🍲$219澳洲上級長期穀飼牛套餐, 所有牛/火鍋配料/Haagen-Dazs雪糕/飲品任食, 飲品任飲🍲.新推出泰國DIY冬蔭公鍋 真的不兒戲 有大蝦,魷魚 湯底夠酸夠惹味🍲未加餸都已經飲咗碗😎牛肉新鮮亦唔乾唔韌🐮海鮮的蠔也意想不到的甘甜🐚自助配料選擇多同乾淨 仲有好少見嘅羽衣甘藍 發現夾牛肉食幾正💁仲有秋葵同泰式木瓜沙律!.最正緊係有任食haagendazs😍😍味道唔係行貨 froyo亦很好 夠杰身🍦每人一支芒果糯米飯雪條🙆 食咗9球😌😌

忙碌的九月捱到尾聲，很久很久沒跟家人吃餐好，吃餐好的意思是要滿足爸爸的食量，媽媽的口味，和小朋友有地方坐，在香港地要附合所有要求，我暫時只能想到牛陣。撞正有泰式火鍋主題，以酸辣冬陰公湯做湯底，好似幾開胃，一於試一試。自己湯底自己煮！先煎香所有配料，再倒特製冬陰公湯底，禮成！真的非常香濃，風味也不俗，尤其是用來煮海鮮，配撘最佳！至於牛肉和豚肉片，老顧客了，對牛陣的肉十分有信心，品質和價錢對掛勾，從不漏單，一叫即有，吃放題的節奏是很重要的！外面的配料和醬料新鮮衛生，泰式主題更新增了東南亞氣氛濃厚的茄子和青木瓜絲，泰式酸辣醬，花生碎乾蒜片等等，想不到用來點牛肉蠻刺激的！香茅茶，個人覺得喝這個比喝罐裝飲品更好！這個泰式火鍋包任飲泰象啤，對於喜歡喝一杯的朋友來說絕對吸引！雪糕是小朋友最愛，不能缺少唷！任食90分鐘真心夠，吃到尾還送了幾條芒果糯米飯雪條，超多芒果肉，啖啖椰奶香，而且真的有飯在入面，挺特別的！泰國主題非常不錯，不知promo到甚麼時候？希望在完結前再來一次！

去咗牛陣打邊爐，試咗新出美人鍋，泰好味，原來冬蔭公湯底打邊爐係咁正。而且價錢非常抵食，每位219 加一。首先抄香配料，然後加入冬蔭公湯底，已聞到很香嘅冬蔭公味，好想快d食。待湯底煲滾，就可以開始打邊爐啦。跟餐嘅海鮮有鮮墨魚仔、帶子、蠔。除了任食豬肉片、牛舌片、澳洲上級榖飼肥牛，還有任飲泰國象啤牛舌片好有牛味，朋友至愛。澳洲上級穀飼肥牛色澤非常靚，肉味濃，食咗好幾round，同冬蔭公湯底非常夾。雪糕方面係我至愛嘅Haagen-Dazs還有芒果糯米飯味雪條，非常有創意，很香椰奶味同芒果味，味道一流。

上星期老公🍋突然說起好久沒吃🤔，為了要好好滿足他😎，人妻🐷當然二話不說就跟他來了😉。剛好正有夏天的期間限定套餐✨，還要是人妻🐷大愛的冬蔭公湯底💘，世上真的有比這更美好的巧合嗎🤩？另外店內也有另一優惠✨，只要惠顧滿了指定金額💵，就可無限追加海鮮配料🌊，真的是大滿足呀😍！店內設有自助位置😲，有多款火鍋配料🔥及蔬菜🥒等任君選擇，但記得要乖乖的🤫，千萬不要浪費喔😘~冬蔭美鍋🌶：店員先放下了多種香料🌱，再幫我們熱了鍋🔥，先把香料全都炒一下🥢，再把湯緩緩倒下🥣，香氣非常濃郁😍！本來還怕會不會太辣🧐，因為氣味也頗刺激的😳，但喝了一口湯🥄，辛辣度是還好的👌🏼，可能我們都比較能吃辣吧😅。海鮮配料🦐：分別有蠔🌊、帆立貝🐚及魷魚仔🦑，肉質肥厚👍🏻，加上新鮮度不俗👌🏻，是除了肉類外另一好選擇😋。澳洲谷飼肥牛🐮：單單看牛肉外觀已是很有光澤✨，加上脂肪分佈平均❄️，輕輕的一熝已很鮮嫩🤤。牛舌👅：口感軟脆😋，彈性豐富👍🏻，咀嚼起來教人回味無窮😍。豚肉🐽：肉質鮮嫩柔軟😌，完全沒有豬臊味😉，油脂甘香🤩，鮮味十足🤤。比利時朱古力雪糕🍨：最後當然不能少的甜品🍰，店內提供了知名品牌的雪糕🍦，每人吃了兩球😋，加上了朱古力醬🍫，入

相約姐姐在荃灣食晚飯，她很少外出食火鍋的，牛陣其他分店已食過不少，今次就讓她試試這個不會在家煮的冬陰功湯底 + 限定的糓飼上級牛肉套餐啦!  這個湯底還包泰國啤酒(象啤)任飲，包海鮮，送多10分鐘用餐時間，吃飽後再加送芒果糯米飯雪條。現場看到切肉機，好像是即場切出，擺放食物的雪櫃還散發出霧氣來，地方寬敞，坐位也很鬆動，不錯!我雖不大肚餓，因為由早上食到晏晝，但看到姐姐食得很滋味，很感恩她很開心。姐姐臨走取了餐牌單張，還說下次過來試午餐冬陰功窩底。看上去，像很淡的味道，但是當你加添，海鮮下去，湯底越煮越濃，因為生蠔,元貝魷魚，可以任叫任加。添湯的時候原來也是加入冬陰功的湯底的，外邊還有一處是放泰式醬料的，我們可以試試另外風味。先來了兩盤雪花肥牛，一盤牛脷，一盤黑豚肉。所有牛脷都是姐姐食的，她說很好味，牛肉及牛脷灼至轉顏色，便即食用，這樣便不會 “鞋” ，腍腍的帶點牛味入口，好味道! 我們可能是心理作用，需把牛肉完全轉色才放進口中，朋友看到的話應會說，不是這樣食的，哈哈!薄薄的豚肉，灼的時間也很短速，轉顏色灼多1分鐘即食，也是很腍軟可口。生蠔很新鮮肥大, 姐姐食了數隻，我也食了兩隻。蔬菜看

見有少少秋意又可以黎打邊爐喇～唔想雞煲咁heavy今次呢個泰式邊爐就啱晒喇！少少辣，但夠香，用黎淥菜淥菇入晒味！野食款色無乜大變係變左個泰式湯底有啲gimmick可以俾我地自行爆炒雜菜先加湯不過我地咁懶，都係餐廳代勞啦～😛個湯滾緊嘅時候，我地就去拎啲配菜多左好多菜選擇，打邊爐都可以健康嘅！雪櫃有好多飲品選擇仲有泰象啤，asahi同白色可樂！我就自己去搞左杯泰式香茅茶仲可以用香茅黎搞，幾趣怪！味唔算好濃，都幾有特色！食到尾甜品都係好重要嘅一環呢度嘅haagen daz永不讓我失望今次泰式promotion仲有iseeisee 雪條送！平時單買都好貴一支㗎，回晒本！

放工勁肚餓，二話不說馬上去食放題，家人一向喜歡食牛肉火鍋，是晚就到了牛陣食餐勁嘅。平時通常食壽喜鍋，試過上次限定的美人鍋好正，是晚見有新出嘅冬蔭功鍋又試下先，啱晒啦，老媽子勁愛冬蔭功湯。店員先送上湯底料，有香茅南薑等正喎。爆香配料後就可以加湯去滾，過程可自己炒或要求店員幫手，唔…好香好香呀湯底完成，酸酸辣辣嘅香味湧埋黎，自己整又好似好真材實料咁喎，偷偷地飲番兩啖先。跟餐的海鮮，蠔鮮味肥美豬肉片都幾滑，又唔太肥，最怕白色一片個啲。牛舌片，勁正，濃郁牛味又有咬口，encore左好多。牛肉要了上級穀飼牛級數，都幾滑又唔算肥，同樣encore左好多次醬料有新款嘅泰式酸辣汁加魚露，跟湯底勁夾仲攞左平時點開嘅麻醬加芫荽，貪心啲咩口味都食下嘛。起筷自己區依然有喜歡的秋葵，新野有泰式青茄子bb，平時食青咖哩有一兩粒㗎咋好矜貴，用黎打邊爐又幾爽甜喎飲品有一般汽水，啤酒等，限定嘅新野有泰象啤任飲，同埋呢款香茅茶包，好香微甜正，攪攪棍用上香茅條，雖然唔會出到香茅味，但咁樣夠型嘛雪糕有四款哈根大師口味，個人覺得焦糖核桃味最正。仲有限定期間嘅芒果糯米飯雪條，芒果酸，椰汁香甜，入面真係有飯粒，好特別，真係好似食緊

邊爐我就打得多，但親自整個湯底出來，就真係第一次見到牛陣有得玩DIY冬蔭功湯底，仲要係任食放題，價錢又唔貴，當然第一時間要來試啦～呢個就係湯底所需的材料。酸度、辣度都可以自己調節，然後店員會幫手加湯。好快冬蔭功湯底就完成了，我一邊食仲一邊直接飲～超正澳洲上級長期穀飼牛套餐$219/位註明係純種安格斯黑牛，不含激素，非基因改造，可以放心食用食落牛味香濃，顏色同紋路都好吸引除左牛肉，仲有豬肉可以食當然唔少得同冬蔭功天生一對嘅海鮮建議食果陣連埋湯一齊飲，鮮甜加酸辣，perfect match!除左肉，仲有好多唔同蔬菜喺自助區，種類很多，淨係菇類都有幾款，個人最鍾意秋葵同脆玉瓜，因為平時少d見到haagendazs 雪糕都可以任食象啤任飲，不醉無歸芒果糯米飯味雪條重點推薦!!!呢個雪條勁好味又特別，真係還原左芒果糯米飯嘅味，濃濃的芒果和椰奶味，仲食到糯米粒，絕對要試!我仲想買多幾條來食非常高質素的放題，DIY冬蔭功湯夠特別，食物種類多，仲要價錢咁平，值得推薦~

知道牛陣出左冬陰功湯底自助火鍋，所以今日特意過來試，一開始我地要處理個鍋底，距有好多配料用牛肥肉爆炒一輪，之後再羅湯水，有得意。我地叫$219澳洲上級榖飼牛套餐，一開始有個海鮮盤（蠔，墨魚仔，帶子每人一個）一碟雪花牛，最特別還有牛舌，一碟豚肉。肉類汽水係無限添加的，需要跟服務員落單，其他蔬菜，雪櫃類自行出面夾，品質也不少那就只說我自己喜歡的（金針菇，娃娃菜，蘑菇，生菜，好粉的南瓜跟芋頭，白蘿蔔⋯⋯）我們2個人吃了6碟牛2碟豚肉，好飽哦，最後因為食冬陰功湯底所以每人會有一條芒果糯米飯雪條，味道不錯，質感麻麻，創意非常了得，裡面真係有飯的😂，我還是比較喜歡哈根達斯雪糕，有蜜桃味，草莓味（我喜歡的），巧克力。它是一大桶任人裝的，喜歡雪糕人士最愛⋯