牛角Buffet (雅蘭中心)

營業中

休息中

同朋友間唔中都會去食牛角，不過今日朋友有張coupon月尾到期，加埋今日會員仲有85折，既然咁有得平，我哋就決定食豪啲！第一次試牛角buffet有兩款menu，一個平啲，最多揀兩款肉。我哋就揀咗貴個款，肉係任食，仲送多個燒肉拼盤添。Buffet同平時牛角唔同，就係佢有個自助bar有唔同菜可以夾返去，我哋最開心係自助裝牛角飯！！！可以裝大量紫菜超正呀！整體嚟講，性價比超高。不過環境就不完美，可接受，佢通風麻麻地，一入去已經煙霧瀰漫，食完個lunch成身都係燒肉味

💕最近天氣涷左就好想食燒肉 今次去左牛角食Lv3可以係90分鐘內任食和牛同埋其他燒肉 仲有自助吧👍🏻加多$30可以升級任飲Asahi 好扺👅-Level3 任食既係美國SRF極上和牛 算係中間價位既肉和牛食落都好香肉味 油脂分布幾平均食落好軟腍 整體質素比坊間嘅燒肉放題高質啲👏🏻牛舌分左鹽味同埋麵豉醬 感覺麵豉醬咸左啲牛舌雖然係薄切 但係都幾大塊 食落都幾爽😳一口牛比較難掌握火候 好容易燒到過熟 一般般-出邊既自助吧一定要拎牛角飯 之後再加溫泉蛋！燒肉放題食飯好似好蝕底咁 但真係好味到每枱都有拎咁濟紫菜既咸香加埋溫泉蛋送飯係冇得輸🥰另外出邊仲有幾款沙律、汽水、雪糕關東煮可以任食暫時喺香港都未搵到第二間超越到牛角嘅性價比👍🏻如果你哋有食過好食嘅燒肉 都可以推介下😋好味評分😋：5 /5🌟🌟抵食指數🤑：5/5 🌟🌟餐廳環境 🤪：5/5🌟🌟價錢💰：$308 +1 任飲啤酒+$30地址📍： 牛角Buffet 旺角彌敦道639號雅蘭中心2樓209-213號舖

第一次食lv4 整體都ok對比左美國和牛同澳洲和牛 發現澳洲和牛係好食過美國和牛，唔煙韌，燒得啱啱好既就入口即溶美國和牛就肥啲，食到牛肉既香味，不過食到後面就難咬飲品正常～飯可以試少少（食太多會飽）甜品方面 泡芙最好食（可以轉下口味）第二係烏龍茶味雪糕 第三係牛奶味雪糕窩夫🧇唔好食 好粉、似蛋糕、又冇味整體黎講 想食好啲就俾貴啲 覺得貴但對食物冇乜要求lv2都得 lv1選擇太少....環境ok～有時燒野太大煙 抽風就一般般

每次同朋友生日都會去 牛角到食燒肉放題大家都唔使就住食 食得開心啲😄我哋通常都會嗌level3 Level3 嘅牛肉其實已經好靚 見佢雪花鋪滿成塊肉 而且又唔會切得好薄 咁樣就冇咁容易返轉嗰陣整爛舊肉 而且唔會咁容易鞋 不過用餐時間得90分鐘就好趕

下午大約四時半到旺角牛角buffet 取票，等到七時半才有位， 100 分鐘食得趕。 飲品ok， 甜品不好吃，前菜麻麻，沙律冇乜人吃，價錢方面，選 Level 2 巳經$318再加一，會員有九折。重點想講衛生方面，入座時發覺張凳好污糟 🤮 ，現在因疫情關係，分了一批人只做𢴇枱，但𢴇枱員會在你食緊嘢時突然申手過來𢴇，佢戴住藍色膠手套，會不時碰倒我嘅杯，碗，感覺不清潔，佢有次仲將我食緊嗰碟金茹移位，成隻手指申入去碟菇度，搞到我唔敢食..... 其實佢對膠手套巳經好污糟，黃黃哋，見到都唔開胃，仲申手搞你啲食物，講真，疫情期間我都唔敢再幫襯 🤮，都係牛大人，安平燒肉乾淨好多 🤔

一路都想食牛角buffet好耐，所以真係要一早book定枱，book左兩個星期後嘅星期六朝早11:30。好彩有book到因為如果冇book真係排到晏晝都未有得食！如果想食嘅話最好打電話去問佢最快幾時有位。揀咗佢哋食豬同埋雞嘅Level 1 Set，呢一個餐係冇牛嘅。整體來講係好食。如果要食牛嘅話可能就要揀Level 2以上，同埋佢weekend嘅價錢係貴少少。必定要食嘅係佢個牛角飯，自己可以加醬料同紫菜！期待咗佢個朱古力大福好耐😭可惜當日佢冇朱古力味，佢哋所有甜品都做得好好！未食過佢哋嘅大福草餅真係一定要試🤪

［日式燒肉放題］牛角 🍖 平時去食牛角嘅小編嗌開Lv3 SRF和牛 今次小編挑戰LV5 嘆 日本鹿兒島A5和牛 同大家睇吓同平時有咩分別日本鹿兒島A5和牛 🐂 HKD698/1個人（小編平日食）入面款色好多 小編都唔特別介紹 不過我自己覺得一口牛比薄切/牛肩脊肉好食 同原味嘅肉係最好食 因為本身和牛油脂好多 其實你都唔能夠食到last minutes 反而性價比方面LV3比較好 因為食到最後一刻都仲食緊 不過LV5真係食一個鐘 不斷燒已經好飽 Rating5👍🏻為滿）味道：👍🏻👍🏻👍🏻👍🏻環境：👍🏻👍🏻👍🏻抵食：👍🏻👍🏻📍：牛角Buffet (雅蘭中心) (旺角)旺角彌敦道639號雅蘭中心2樓209-213號舖

上年疫情前基本一個月會去牛角食2次左右，自己都好鍾意食燒肉，一直都對牛角情有獨鍾，每次燒肉都首選牛角，平時app取票，來到都要等半個鐘左右、但係我都係回頭客，因為質素唔錯。但係每去一次服務態度就變得越來越差，一開始多人都勉強接受，覺得都辛苦客人多員工要不斷走來走去工作，少少的不耐煩都忍受了，睇在食物唔錯的份上。後來疫情期間停了幾個月無去幫襯，心思思，放寬了限制之後就即刻再去，但係服務態度真係差，以前係用ipad落單，後期轉了用自己電話，我話信號差，詢問可唔可以用返ipad落？一個員工話唔可以，我再追問我電話又快無電，好難落單窩。跟住另外一個先俾左部ipad我點嘢食。中途好幾次漏單，發現太耐無上嘅嘢我請員工幫我跟一跟，然後都係無上到，再之後揮手想問問員工係咪唔記得幫我跟跟，竟然掉頭走，當睇唔到🙄️食得實在無奈！！！戈一餐之後本來打算以後放棄牛角啦，點知食完有銀票派，加埋都有幾百蚊，而且只要超過五十蚊就可以使用，無限制，於是就再去左一次啦。結果都係服務態度不佳，疫情本來生意慘，要限制人數，應該飲食業都沒有之前咁辛苦至啱，而且服務嘅客人相對應少左，點解d態度都係咁差的呢？？有時候送來用錫紙裝嘅

牛角係香港好出名嘅烤肉連鎖店相信對好多香港人黎講都唔陌生以前一直食牛角都係單點今次係第一次試佢嘅buffet估唔到質素都唔錯😆肉嘅質素唔會因為係buffet而差左而且職員換網都換得快服務質素幾好下次可以再去食

幾樣野要慶祝又好，因為冇得去旅行又好，街都少出所以食飯budget多左又好，總之就黎左牛角放題食Lv4。平時死慳死抵既人，Lv4已經係最高級，Lv5諗都冇諗過。不過lv5既牛就算物有所值，咁多雪花既牛，唔係好拆得又唔怕滯既人又食得落幾多舊？我地Book左枱，接近唔洗等。如果係拎飛要預時間，住得遠既人唔早d出門口，要食到係有難度。Lv4一坐低就俾左碟咩肉都有d既併盤，然後之後我地都係叫lv4先有既肉。A4 A5雖然少食，但都有食過，果個油脂既比例高到入口就成口油。呢度Lv4既肉，叫做係肥瘦適中再偏肥多d，燒肉黎講，我覺得呢隻肉燒出黎，完全係我expect既口感，而且牛味都幾夠。王樣既肉睇落好似幾正，日本牛角既menu都有，所以都叫左兩塊黎試下。口感當然不及上面果隻肉，但調味確實唔錯。下面張相，後面果兩塊就係。叫左三四round，食左少少牛角飯同埋其他野。飽完就開始滯，一餐頂左成日，八點都未覺餓。計番兩餐飯既價錢，其實都抵食丫？

牛角Buffet可算是我最常光顧的餐廳之一，能夠大快朵頤之餘肉類質素實在比坊間大部分燒肉放題高得多，所以人氣有增無減亦無可厚非，但感覺上水準似乎有所下降，不及以前稱心如意。晚市時段大約下午五時半才開始派籌，但一早已經不少人在門外等候，即使準時到達亦大概等到六時才獲安排入座；另外感覺上餐廳內的油煙好像亦比以前更大。放題分為五個等級，正價價錢由$248至$838不等，當然等級愈高肉類質素就更高，而食物選擇亦會更多。我每次都會點第四級的澳洲和牛放題，星期一至四每位$388，而星期五、六、日、公眾假期及其前夕則每位$428，物超所值，美中不足的是100分鐘對我而言實在並不足夠。自助區更有沙律、汽水、甜品等任均選擇，而且疫情期間每份都裏上保鮮紙確保衛生，食客外出拿取食物時亦要戴上口罩。入座後不久便會送上包括豬牛雞的燒肉拼盤，之後可以自行再用平板電腦加單。肉類當中個人最喜歡澳洲和牛牛胸腹，油花分布平均，燒過後油脂豐腴又不失肉味，質感肥美軟嫩，每次都能夠吃上逾十盤肉，但大多數到後期送來的肉類會因解凍時間不足而保持冰硬則略為扣分。主食方面豬軟骨拉麵或飯水準比較飄忽不定，有時豬軟骨熬煮得軟腍入味但有時卻

上星期六想食燒肉放題，諗咗好耐都唔知食邊間嘅時候，朋友話唔好食放題，不如食牛角啦。咁我咪上openrice睇吓附近有冇牛角，但比我搵到一間牛角buffet係旺角，咁我就打電話去問下有冇位，原來係要walk-in。星期六3:00去到門口都仲有好多人等緊位，我等咗大約半個鐘先到我，喺門口等入座嘅時候已經要揀定食邊款buffet，我同朋友都一致決定要食得好啲所以揀咗LV4澳洲和牛放題，每位$388。LV4澳洲和牛有入口即溶嘅感覺，相當好食，但係就好油，唔會食得太多。 我哋亦都有order LV3嘅美國S R F極上和牛，其實質素都唔差，但係同LV4澳洲和牛比較，確實LV4係好食好多。牛角平時食一個普普通通嘅牛和定食得幾片和牛都要百幾，高質素少少嘅燒肉盛合都要五百幾，所以$388嘅和牛放題我覺得可以接受。食過唔少和牛放題，我覺得牛角buffet係有水準嘅保證，如果我再食燒肉放題，我一定首選牛角buffet。

其實我冇喺香港食過牛角，之前食係喺日本食覺得超美味！而家冇得去日本，喺香港食下過下癮先。專登揀咗中午時間過嚟食，因為我貪平，見佢晚市好貴。中午有套餐，我揀咗最平嘅兩款肉$118/100分鐘，初頭我以為100分鐘係嗰兩款肉類任食，原來唔係，係只係有1.5 倍份量嘅肉，同埋自助小食甜品飲品區。肉類份量來講呢，1.5倍咗其實都係得幾片好少，一啲都唔過癮⋯⋯唯有去自助區拎多啲蔬菜頂下肚。自助區有冷熱飲品，有幾款果汁汽水，熱朱古力咖啡等等，小食有泡菜、玉子（好難食）、沙律（自己落場嗰隻好食d)，仲有幾款甜品，同埋自己整嘅雪糕機，雪糕有西瓜同埋牛奶兩隻味，千祈唔好食西瓜味，一個字伏！仲有牛角飯係可以自己任食嘅，呢個算係最好食。埋單平均每人一百二十幾蚊，性價比一般。如果係咁我情願食嗰啲漢陽苑或者校長燒肉放題。仲有，雖然服務員態度非常好，尤其門口帶位嘅同埋收碟嘅員工，佢哋有收碟專員又真係幾好，但係衛生情況一般，我張枱有螞蟻喺爐邊行嚟行去。

星期日5點拎飛係Haagen Dazs食完雪糕上返去就啱啱好入座😝(等左20分鐘左右😚)牛角放題分Lv1-Lv5🌟我地簡左Level4澳洲極上和牛🐂假期早割計埋加一$426一位入座後先會送上2份拼盤，有雞肉、牛舌、豬腩肉、牛腹胸🤎呢到用QR code落單，上菜速度快！而且亦冇漏單情況👍🏻店員服務態度都好好有禮貌😝環境都乾淨企理坐得舒服🥰🌟澳洲和牛牛腹胸 呢130分鐘最主力食呢個😋從賣相都睇得出質素唔錯，肉質軟淋 油脂分布均勻 唔會太膩同時充滿油香，牛味香濃突出越嚼越香最推介原味/燒汁🤤🙌🏻而澳洲和牛一口牛同上級牛肋肉就正常質素冇牛腹胸咁正不過都可以嗌少少試下😛 另外仲嗌咗少少Lv3既美國SRF極上和牛板腱肉)睇下有咩分別🤨Lv3亦係比較多人揀既🧚🏻‍♀️果然肉質太過瘦 食落比較韌 ⋯食完Lv4再食Lv3都有幾明顯既對比反而薄切唔錯 口感軟嫩 牛味重😋食得過！牛油粟米同金菇兩樣都好香好好味！蒜蓉帶子就超鹹！！😣赤蝦大大隻 但肉質唔夠結實彈牙 蝦味亦唔突出🦐炸物(墨魚餅、魷魚圈)更係一個伏..凍曬又硬..食牛角點少得牛角飯 🤩呢到自製形式可以任加大量紫菜、醬汁、蔥花🍚仲可以加埋隻溫泉蛋就咁食

完全明白疫情之下堂食有困難，中午12點拎完飛，前面有40張飛，諗住點都會食到啦，等到3:30前面都仲有23張飛，問佢仲有無機會食，6點後無堂食，佢都仲話答唔到，3:45先話得3張枱4:10會埋單。叫人自己決定等唔等，真係未見過咁差安排，今日都唔係第一日禁堂食，你可以做幾多張枱生意唔會唔知呀，去得咁遲先話應該無得入，完全浪費人地時，管理勁差！！！