牛角Buffet (雅蘭中心)

營業中

休息中

今日經過旺角，突然好懷念家鄉既烤肉味道出發行街之前已經係app度拎定飛，旺角比較多人，等左差唔多一個鐘已經算快，不過一d都唔悶，因為附近商鋪應有盡有，行到肚餓開餐就啱啱好我地三個人入去，職員好好幫我地安排左張長檯，有兩個爐，咁就可以唔洗爭爐人人有得燒出面仲有野飲自己針，可以根據自己份量，每次針少少🤏飲多d唔同既野飲仲有紫菜飯自己裝，少飯多紫菜滿足貪婪的我另外緊係唔少得掃qr code order大量溫泉蛋啦🤭不過最緊要食得曬，唔好浪費牛肉超新鮮，油脂分布得好好，有肉味得黎仲有和牛一貫有的香味，配搭溫泉蛋飯一齊食簡直絕配食飽之後從返童真，自己擠軟雪糕，仲有六個口味自己揀，每個味都可以少少咁試，唔怕肥又滿足到個胃

我同老公 同埋 一班朋友 都係牛角buffet嘅常客，今次我同老公黎食LV 5嘅日本鹿兒島A5和牛放！😋✨✨每片牛肉油花分布平均，有着大理石油花，入口即溶，呢個價錢食到A5質素和牛，又可以食埋其他野食！😆😆✨有勁大粒嘅帶子、鵝肝、甲羅燒、鮑魚等等嘅食材，呢個高質放題非常之超值！✨✨另外仲有日本嘅雞肉，每次黎都會燒雞肉，雞肉味好正！餐牌仲有好多種類選擇，但今次揀LV 5，當然今次主力食和牛啦！🤪加$60仲可以任飲酒精飲品！梅酒、菠蘿酒、柚子酒、清酒！🥃🍶一邊食和牛，一邊飲梅酒，感覺超正！😚💛✨

牛角BUFFET 而家有3間分店,呢間係旺角雅蘭中心分店位於2樓位置用餐時間為100分鐘,分5等級,最平價錢由$228起! 有29種食物或食材可選擇!唔食牛就可以選呢個!如果想豪食少少,可以考慮下澳洲和牛,一樣咁出色同美味 一位$388起!可以食到129種唔同食物, 當然主攻澳洲和牛啦 包括牛腹肉 一口牛 牛板鍵必食上級牛肋肉 另有多種野菜沙律前菜自助任取任食 汽水甜品茶咖啡任飲!海鮮方面有池魚 大蝦 扇貝 牛油廣島蠔 原隻大魷魚 用餐時間有限,先主攻和牛食到佢回本!次輪先點海鮮 和牛油脂平均又肥美甘香只需以鹽調味已經非常美味 另外可以夾一碗沙律菜夾埋和牛一齊食,個感覺無咁油膩!每位另加30蚊有任飲日本啤酒不過時間有限,唔建議升級咁多!燒肉醬汁有鹽醬,燒汁,黑椒鹽,肉質高品質唔需花巧同太多調味自助吧入面可以自己整返碗牛角飯都相當好食平均消費$400評分8/10地址： 旺角彌敦道639號雅蘭中心2樓209-213號舖

平時食lv3 生日俾個籍口自己Lv5食6點前入坐有早割優惠鹿兒島黑色和牛係好食既！質素唔錯！不過真係食得唔多 太油膩地方坐得舒服冇甘大油煙擺盤都幾hea下上次係銅鑼灣食價錢係平啲，不過坐得唔舒服又太大油煙兩個鐘都食得好辛苦

一直都聽身邊嘅人講牛角有幾好食、有幾多人排⋯牛角公司話送個牛角金卡會員俾張家朗🤣有金卡會員真係好開心⋯因為星期日想去一試呢個牛角buffet,5點幾拎票（1-2人）已經係排緊364🤦🏻‍♀️而當時叫到271⋯⋯講緊單單1-2人已要等100幾張票，未計其他人數嘅票號⋯如果要食真係要一早拎定票好幸運我朋友有金卡會員🤣優先入坐 堂食仲有85折⋯我哋選擇左LV 4澳洲和牛 $468嗰個⋯可以只加一人飲有酒精飲品 幾好但只得100分鐘食，如果烤肉嚟講時間短左啲⋯嚟多20分鐘會更好⋯一埋位 我地就點左啲和牛⋯有美國和牛 有澳洲和牛，我覺得美國和牛都唔錯，如果嫌澳洲貴左啲，其實食美國都唔差⋯所有和牛都好重油香味🤤雪花分布平均甜品款式都多，3.6牛乳雪糕🍦 好香，仲有朱古力大福 多種口味的雪米糍⋯疫情期間大家都驚外出食飯，佢幾細心，salad 菜已經分好左，用個樽一樽樽咁裝好，啲前菜都有用保鮮紙包好，好衛生⋯會再去食👍🏻👍🏻

旺角雅蘭呢間牛角係buffet形式，同普通牛角或者放題唔同，多左炸物🍗🍤，同埋有少少自助bar可以自己整牛角飯🍙，拎沙律🥗，關東煮🍢。但呢間實在要等太耐🌝！即使同朋友一齊拎飛都要等到頸都長，book枱連冷門時間都好full，所以無啲耐性等真係好難食到呢間buffet…呢次慶祝朋友生日所以諗住食好啲，揀左LV4，多左海鮮🐟、上級牛肋肉🐮同埋我地最愛既黑糖牛油蕃薯條🍠(真係好香好好食，鐘意食蕃薯既唔可以錯過)！①肉類必食上級牛肋肉！同普通牛肋肉真係差好遠，香好多🖖🏻，口感亦都無咁鞋。雖然未到入口即溶嗰個程度，不過都相當唔錯。唔食牛既人都可以試佢既雞🐓，都幾滑，雞爽肉就爽口彈牙啲👍🏻，豬🐷就推薦豬頸肉。②海鮮半殼扇貝、蝦都唔錯，不過剝蝦太麻煩🤣，所以無叫到好多。牛油帶子都ok，不過少少膩，偏鹹。青口同蠔就普通，牛角既海鮮係比牛失色😕，所以都係食肉同炸物多。③炸物七味炸雞翼、炸薯角同日式章魚燒都係普通野，純粹屎忽痕叫下😂，等野食熟既時候攝時間食。雞翼都類似某牌子好出夠既氣炸雞翼，所以唔使係牛角食都得🙌🏻。炸芝士蜜糖年糕就唔錯，真係拉絲芝士😂，同埋出面少見啲，推薦試下。④自助區牛角飯有得自己整就

食過好多好多次牛角buffet 同定食 而食Level 4都已有幾次 今次再encore🤩🤩Level 4入面既選擇必食推介係王樣！牛胸腹肉同王樣！牛板腱🤤🤤🤤香濃既牛肉味加上燒香氣再配牛角自家配料汁🤤好難唔令人陶醉👍🏻👍🏻👍🏻本人獨家食法 燒好既和牛會配上溫泉蛋汁 濃香四溢 加陪滋味😋😋仲有仲有必食雞泡魚乾🐡 燒一燒 更香口 配酒一流 之前食好多次都會加$30任飲生啤 好抵飲!!!!扇貝都好正 配上多多既牛油同蒜蓉 愈燒愈香😙王樣！魷魚🦑都好新鮮 爽口 記住唔好燒太耐會變硬 但記得上次食既時候係成舊上 今次則係切件上 有比較有傷害🥲仲有每次既最愛芥末八爪魚🐙💓💓大愛 爽脆 yum yum yum!!!!!😍😍廣島蠔相對比較參次 因為有啲比較細又有腥味😥😥

燒肉盛盒定食好味指數：😋😋😋抵食指數：💲💲💲💲環境舒適：😌😌😌環境衛生：🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：定食有玉名黑牛、澳洲和牛、美國和牛。數款定食中，這是較高級的一款。牛肉脂肉均勻，呈現美美的雪花紋。當中最喜歡的是牛腍肉，夠腍身，又有牛的油脂香味。除牛肉外，可在自助餐區取食物。食物種類繁多，有2款沙律、數款前菜、關東煮、牛角飯、各式飲品、軟雪糕、甜品等。每樣都試的話，足以飽得捧著肚走。建議多付點錢，選100分鐘，可以享受一下食物。60分鐘會太趕急。最欣賞是有專人收污糟碗碟。疫情期間，衛生做足是很重要的！

次次經過都係超多人係門口等位，今次預早決定黎食早割時段，4點幾就已經係佢個手機app📱到攞飛，去到5點半先岩岩有得入。​​掃qr code用手機落單，揀左lv2套餐，都有晒基本既野食。每款肉都有幾種唔同調味揀，叫左好多轉牛舌食，薄身而且爽口唔鞋。全部肉類🐂🐖🐓都好食，抵佢咁受歡迎日日排長龍。👍🏻👍🏻👍🏻​​自助區既選擇都唔少，飲品有自動汽水機🥤，最中意飲佢個橙味汽水，唔知點解唔出罐裝呢，次次都係餐廳呢d汽水機先飲到。甜品都有幾隻味既🍦雪糕揀，忌廉泡芙都好好食。​​

其實有時係旺角返工都會去早小小去食lunch話說聽網上評語話牛角lunch都幾好食點知今日親自去食真心好失望今日點左setB既100分鐘.1.牛既份量超少 牛肉粒只有5-6粒牛肩肉只係6-7片 超超薄 薄到熟完縮埋一舊咁既份量 少到真係街邊叫碟50-60蚊乾炒牛河既肉份量差不多！.2.自助Bra選擇少得可憐網上聲稱既牛角飯好食只係珍珠米+肉燥+紫菜味道一般 宜家好多午餐自助餐都有既野食 唔算咩特別.果關冬煮真係離譜 蘿蔔皮勁厚既絲 之後果汁完全無味 其他野就好似食用水烚熟既丸類味道 無味可言.定食自助餐配料 少得離譜大蔥+冬菇+ 洋蔥+粟米就係呢4樣俾你燒 真心想你無啖可食！之後果雪糕🍦正常有兩個味揀少量甜品難食到食唔落埋單163蚊講真 如果牛角 唔想做定食放題 可以唔鬼做囉！一個令人失望既一餐 160幾蚊都唔知自己食左咩 只記得果小量牛肉 仲要薄到離譜！Suggest 公司增加可以食落口既配菜囉例如：南瓜/菠蘿/牛油金針茹/番薯...其他定食放題都會基本提供合理既配菜問心呀叫你燒蔥+洋蔥+菇...食唔落口既野如果要慳到咁 不如唔好做啦😹真係唔會幫襯囉 仲叫我排隊 慳小小啦！

牛角Buffet❤️❤️太耐冇食烤肉，突然好想食😍😍雖然冇得✈️✈️韓國食韓肉，食住先😋😋遲d有機會要再✈️去食烤肉😋😋我們叫左LV3 美國SRF安格斯和牛放題，都好多野食揀😋😋我們叫左d牛肉、海鮮、蔬菜等等，牛肉好好食，燒完都仲有肉汁，以放題來說👍👍仲有生品，岩哂鐘意食甜品的人😋😋整體評分：4/5環境：4/5味道：4/5地址：旺角彌敦道639號雅蘭中心2樓209-213號舖

牛角放題，我又嚟啦😍😍每次聚會唔知食乜好，就會有人提議不如牛角放題啦，之後大家就會好開心話好呀好呀。因為有金會員卡，所以冇book位嘅情況下都好快有位，呢張金卡真係好好用，大家俾心機食多啲啦🤪今次我哋平平哋叫咗level 2，美國見島特選和牛放題，我哋研究過呢個level又抵食又好食。不過和牛只有兩款，一款係肩脊肉，一款係一口牛，最好食一定係和牛肩脊肉，一定會不停refill，食極都唔夠，一口牛反而冇再叫，好難燒，出面lung咗入面都未熟。另外我哋都有食牛板腱同牛舌，都ok嘅。仲有，一定要食燒菠蘿同燒蕃薯吖，好甜好好味😋不過出面自助區嘅嘢食就有進步嘅空間，尤其係甜品，除咗雪糕其他都好hea🤣沙律都可以做好d。

事源生日，梗係要慶祝吓啦，老公話要去食燒肉放題，之前試過牛大人，仲有其他已經唔記得咗名嘅舖頭，印象最深刻嘅都係牛大人，但係試完牛角buffet之後，牛大人係我心目中嘅地位就下降咗啦。因為生日嘅關係，老公話要食到盡，我哋嗌左lv.5嘅嗰個最貴嘅七百幾蚊一位嘅和牛任食，佢啲肉一嚟到，見到啲雪花紋已經流晒口水，仲要係厚身，唔似出邊其他燒肉店，出到嚟啲肉係簿切切，重點係佢七百幾蚊唔係剩係得一款日本和牛，佢係有10幾樣選擇，仲要好似芝士年糕都係最貴嘅呢一個餐先可以叫，當然我都食唔到咁多，除咗啲牛好驚喜之外呢，佢仲有有汽嘅果汁，礦泉水，同埋有啲小食添，但係小食呢就麻麻哋，個時做會員就好似係$100定係$200 ，然後即刻有九折，所以叫做免費送咗個會員俾我。仲要生日有優惠儲分雙倍。另外要提提大家，因為牛角buffet超級多人等，都好難book，但係勝在佢有個Apps，你可以喺四五點嘅時候就咁定飛，遙距拎飛，然後就可以等叫Number入座。我坐住喺Office由四點幾撳到五點幾，因為我要咁岩係7:30可以去食，好彩個天都比我撳到，可以去呢個牛角buffet試吓。

第一次食牛角放題😋如果想返嘅話可以喺佢個app訂座或者提早係個app度攞飛可以節省等候時間午市去食嘅話除咗可以食到燒肉任食set仲有一款係肉冇得fill 只可以揀兩款肉，但係可以喺出邊自助吧拎嘢食我就食咗第二種，100分鐘嘅話肉嘅份量會比60分鐘多一半同枱既人可以揀唔同嘅set咁就可以食到唔同款嘅肉肉嘅份量有啲少不過因為出邊有自助吧所以都食得飽自助吧有甜品雪糕冷盤蔬菜同飯，選擇唔算好多我覺得入邊最好食嘅係牛角飯飯加燒肉汁紫菜 配埋燒肉一齊食超夾，好好味另外佢嘅關東煮都好食👍至於雪糕都有四五款口味可以揀

去過幾次 環境好鐘意 乾淨 食物質素好好，我唸香港燒肉放題哩間系真系數一數二咖啦💖會繼續黎會介紹朋友過黎，希望可以keep住質素，d牛口感好正，好似去佐日本咁哈哈哈