牛角Buffet (雅蘭中心)

營業中

休息中

牛角下午茶真係好抵食難怪大排長龍，要提早係app領位。必食推介有：1. 烏龍茶雪糕配燒窩夫😍官方教學，換過新鐵板烘熱個窩夫/熱香餅，外脆內軟，配埋茶味雪糕，清左燒肉的油膩感2. 馳名牛角飯😋白飯，加燒肉汁，加芝麻同大量紫菜，小tips係配埋任領的泡菜同wasabi雞肉，撈埋一齊，真係超好食！埋單大概百幾蚊一位可以食足90分鐘，可以揀2款肉，有1.5倍份量，對於唔想食太多肉又想過下口癮的人，就剛剛好。Buffet仲有勁多野食任領，關東煮/沙律/大量前菜/菇/菜都有，大胃王都唔怕！

本身已經book咗3.30，遲左5分鐘就叫人重新拎飛。合理？一拎過張飛就要等30幾個位，本身book位唔係應該預留比個客人先？預多5分鐘都咁難？態度仲要極為差 眼超超又串串公。book位呢個機制根本要改。。好彩整體野食都ok，啲牛有牛味，一口牛入口即化，啲牛咬激都唔斷。入面既waiter態度好好、幾nice，但門口個嗰真心唔掂，我記得佢系戴眼鏡，另外門口個斜路差啲跌親，希望下次再嚟個陣 佢不在。完😊

因為疫情所以選擇叫外賣，點知攞返屋企發現少左個溫泉蛋，打電話之後牛角態度好好，表示可以即時補償返送到屋企，抵贊！服務超級無敵好，啲肉都好好味，以後一定會多光顧！

好多人下，等左半個鐘以上先入到去。任飲，想飲乜都得，都幾多選擇。個沙律自己shark幾得意，蕃夠新鮮。只食小食同埋關東煮，其實都已經好滿足。小食款色不多 但都有數款，算係咁啦！燒肉已唔係重點了，不過燒豚肉一般 反而雞膇幾入味，又夠juciy。紫菜炸雞飯（唔記得左個名添），唔錯，食完佢再飽飽，不得了。blue berry cheese cake好一般。其實有幾款軟雪糕任你自己整，，朱古力好好味，但最好味係佢個cone，千其唔好用waffle整雪糕，唔好味，。又林又淡無蛋味，一定要試cone。定食都可以任飲同任食熱食甜品，無嘢講啦！

通常講起牛角 一定係諗到堂食燒肉啦呢排疫情嚴重 同事有時會叫外賣係公司食我就跟大隊啦牛角燒牛肉飯啲牛肉超過十片鋪到滿晒 完全睇唔到啲飯仲有支細裝道地茶 折完唔洗60蚊好抵食呀不過啱啱見到呢排openrice外賣自取有6折痴線勁抵 唔知優惠到幾時呢等我食多幾次先

相信好多人都食過牛角~但係食Lunch又未必諗起佢喎所以想同大家介紹下佢個好抵食嘅Set Lunch😉-🌟60分鐘燒肉定食 Set A（$85）呢個set好豐富有多款前菜（泡菜、沙甸魚、螺肉、章魚）同沙律🥗連湯都有2種選擇（牛肉昆布湯/周打蜆湯）仲有煮得好腍好入味嘅關東煮🍢當然唔少得必食既牛角飯啦🍚至於主菜就有燒肉任選兩款Set A有豬肉、雞肉同內臟可以選擇🥩今次就點左全豬宴！豬頸肉、豚扒同豚肉🐷當中最好食係豚肉又腍又多汁😋不過只係得一碟真係唔夠我食🤤但唔洗驚！出面仲有好多蔬菜可以拎黎燒甜品方面亦都有好多選擇例如蛋糕、大福、木糠布甸、泡芺、栗子撻🥧銅鑼燒同窩夫仲可以放返落盤度燒返熱仲有好好食既雪糕添🍦當然唔少得飲品啦！鋪頭有汽水果汁機同咖啡機☕️🥤可以話諗到咩都有得飲-限時60分鐘所以會食得比較趕記住早少少去~預留排隊時間呀😉

今天正在想食什麼外賣之時，朋友跟我說openrice首次下單叫外賣可減$20，終於我試了一下最保守的一個飯，溫泉玉子蒜香牛肉飯。我預計領取外賣的時間是1點15分，我1點已到餐廳都已經可以領取。 領取後他們會先叫我檢查一下有沒有什麼問題。光看的大小， 我覺得飯的份量不會很多，很怕吃不飽。誰知道，像我這樣大食的人，吃完後都有6-7成飽，即使沒有在openrice下訂單，折扣後都是大約$50，送茶/汽水， 不過他們店舖提倡環保外賣餐具每套需要加$2所有醬汁和溫泉蛋都是分開上， 我很意外的是溫泉蛋都會分上， 這樣可以確保在領取途中都不會影響溫泉蛋的外觀。牛方面， 本身聽朋友說肉質好像都很不錯，可能抱有太高的期望，我會覺得是不過不失。 然後底下的是滿滿的紫菜和珍珠米，不過整體來說，這個價錢cp值都很高， 大家可以一戰。

牛角真係我成日都會去既燒肉店~通常都喺食300-400個價位有好多餸可以叫~我地依d牛魔王，當然瘋狂叫牛肉~哈哈仲有次次都唔可以少既牛角飯~其他地方食放題都未必會食主食但黎牛角既話牛角飯真係唔可以錯過~哈哈

不嬲都係牛角放題既fans, 但之前都係去開奧海城嗰間, 旺角呢間叫牛角buffet既係第一次嚟. 一心以為攞住金card會員一定好快有位(因為奧海城嗰間係), 點知sorry, 店員告知就算金card條隊起碼都要等個半鐘. 咁想食都係要等啦..... 等足個幾鐘後, 終於入到去啦. 原來牛角同"牛角buffet"唔同既地方係, "牛角buffet" 多咗幾個自助區. 飲品, 沙律, 雪糕都係自己嚟既. 就好似你平時去火鍋放題咁囉店入面其實比較迫, 攞住野飲既時候其實都幾怕撞到人肉類海鮮方面同其他分店無異. 自己睇相大鄉里部份嚟啦. 話說本人係牛角玉子飯既忠實fans,  點完肉之後,  係menu度揾極都揾唔到玉子飯既.  即時向職員求救. 佢就話牛角飯既材料係出面自己攞既, 至於隻玉子呢, 就係menu度order. 我即時兩眼發光, 因為食咗咁多年牛角, 我都覺得如果碗飯可以多d蛋汁, 多d紫菜就好啦. 而家話比我聽我可以自己加.........發逹啦. 即係好似去合益泰食腸粉可以任加芝麻一樣, 即時加哂分. 所以我地每人都ORDER左雙蛋諗住嚟個雙蛋玉子飯, 哈哈哈.....勁

同朋友聚會就好鐘意去牛角，燒下又食下，好過癮咖！我哋通常會揀午餐或下午餐時段去食野，因為佢有set叫夠晒抵食！呢次就想食豪啲啲，試試牛角buffet~我地叫咗lv2 buffet呢個餐有牛、豬、雞、魚，同埋最重要金菇！野食多到就嚟放唔晒hahahah..不過醉翁之意不在酒，實不相暪，我最鍾意食嘅係牛角飯。牛角buffet呢度採用自助方式，自行盛飯，添加紫菜、蔥、燒肉汁，咁我就唔客氣。一口氣落勁多紫菜，勁好食，俾錢淨食牛角飯我都願意呀！其他肉燒完都好好食，唔會太肥，同個飯好match

💛牛角 燒肉放題 Buffet🥓🥩👧🏻啊妹係不折不扣既牛魔王🐃成日都嗌食牛角牛角旺角既放題店成日大排長龍😭又難Book 位 不過好在有得拎電子飛 慢慢行住街等🤪同一般燒肉放題一樣都係有得揀級數落單都係電子方式📱上菜都乾淨企理👍🏻疫情其間都要求食客一定要帶口罩先可以出自助區黎野食😷自助區有一般蔬菜🥬飯🍚冷盤🥗雪糕🍨甜品🍮等等👩🏻家姐👧🏻啊妹次次黎都必定會拎佢既飯+醬油 +紫菜🍛高D級數level 3仲有+啊妹最愛既流心蛋落飯🥚攪勻 再配🥓燒肉食好正 主角🥩牛肉新鮮重牛味私心推介大家叫level 3既西班牙牛腹肉 勁肥美唔韌😝🦐海鮮都好新鮮 私心推介🌽牛油栗米+🍖牛肉粒 必食而且仲有唔少熱食 🍤炸物🍲烏東等等比我地唔好牛肉既👩🏻‍🦱媽媽食

同朋友間唔中都會去食牛角，不過今日朋友有張coupon月尾到期，加埋今日會員仲有85折，既然咁有得平，我哋就決定食豪啲！第一次試牛角buffet有兩款menu，一個平啲，最多揀兩款肉。我哋就揀咗貴個款，肉係任食，仲送多個燒肉拼盤添。Buffet同平時牛角唔同，就係佢有個自助bar有唔同菜可以夾返去，我哋最開心係自助裝牛角飯！！！可以裝大量紫菜超正呀！整體嚟講，性價比超高。不過環境就不完美，可接受，佢通風麻麻地，一入去已經煙霧瀰漫，食完個lunch成身都係燒肉味

💕最近天氣涷左就好想食燒肉 今次去左牛角食Lv3可以係90分鐘內任食和牛同埋其他燒肉 仲有自助吧👍🏻加多$30可以升級任飲Asahi 好扺👅-Level3 任食既係美國SRF極上和牛 算係中間價位既肉和牛食落都好香肉味 油脂分布幾平均食落好軟腍 整體質素比坊間嘅燒肉放題高質啲👏🏻牛舌分左鹽味同埋麵豉醬 感覺麵豉醬咸左啲牛舌雖然係薄切 但係都幾大塊 食落都幾爽😳一口牛比較難掌握火候 好容易燒到過熟 一般般-出邊既自助吧一定要拎牛角飯 之後再加溫泉蛋！燒肉放題食飯好似好蝕底咁 但真係好味到每枱都有拎咁濟紫菜既咸香加埋溫泉蛋送飯係冇得輸🥰另外出邊仲有幾款沙律、汽水、雪糕關東煮可以任食暫時喺香港都未搵到第二間超越到牛角嘅性價比👍🏻如果你哋有食過好食嘅燒肉 都可以推介下😋好味評分😋：5 /5🌟🌟抵食指數🤑：5/5 🌟🌟餐廳環境 🤪：5/5🌟🌟價錢💰：$308 +1 任飲啤酒+$30地址📍： 牛角Buffet 旺角彌敦道639號雅蘭中心2樓209-213號舖

第一次食lv4 整體都ok對比左美國和牛同澳洲和牛 發現澳洲和牛係好食過美國和牛，唔煙韌，燒得啱啱好既就入口即溶美國和牛就肥啲，食到牛肉既香味，不過食到後面就難咬飲品正常～飯可以試少少（食太多會飽）甜品方面 泡芙最好食（可以轉下口味）第二係烏龍茶味雪糕 第三係牛奶味雪糕窩夫🧇唔好食 好粉、似蛋糕、又冇味整體黎講 想食好啲就俾貴啲 覺得貴但對食物冇乜要求lv2都得 lv1選擇太少....環境ok～有時燒野太大煙 抽風就一般般

每次同朋友生日都會去 牛角到食燒肉放題大家都唔使就住食 食得開心啲😄我哋通常都會嗌level3 Level3 嘅牛肉其實已經好靚 見佢雪花鋪滿成塊肉 而且又唔會切得好薄 咁樣就冇咁容易返轉嗰陣整爛舊肉 而且唔會咁容易鞋 不過用餐時間得90分鐘就好趕