牛角次男坊 (荃灣廣場)

營業中

休息中

今日同住荃灣既朋友吃晚飯，佢帶我黎左牛角次男坊，我先知原來牛角唔係得平時既燒肉店，仲有定食店，呢間真係好味～！入去時，做法有啲似快餐店既叫餐方式 ，先點餐，拎個牌後入座，店員就會將食物送上～豚丼（西班牙豚梅肉） - 82HKD平時不太好豬肉既我覺得呢個真係有驚喜，調味做得好出色！朋友甚至鐘意佢多過牛！黎到呢度，真係要叫一個豬一個牛試曬佢！豬肉口感幾爽，撈飯同温泉蛋一齊食真係完美～👍🏻👍🏻👍🏻👍🏻👍🏻 牛角次男坊丼（美國肩脊肉）-93 HKD牛味好香 醬汁份量啱啱好肉片有啲位燒得好脆口 好好味✨雖然肉既底部有芽菜墊住，並唔係全部由牛肉堆疊，但牛肉份量都好足料了～👍🏻👍🏻👍🏻👍🏻👍🏻 呢個set價仲包左味贈湯好飽好滿足！

今日同老公撐枱腳，近近地在荃灣廣場食晚飯，知佢無肉不歡，又愛好牛肉，呢間牛角次男坊就可以滿足到佢喇！位置當眼，就在商場入口處，好易搵，餐廳係自助式～自己搵位，自行出櫃枱落order付款，跟住有個號碼牌，隨後店員送餐到你跟前。簡約的開放式環境，簡單又不失格調，座位多，坐落不會有迫夾感，出餐也快～我地叫咗次男方丼和豚肉丼，跟麵豉湯次男方丼係美國肩脊牛肉，買相好吸引，好高的一碗，用＂山＂來形容也不為過。配菜有芽菜和紫菜，牛肉燒到微焦，有炭香，煮得剛好，入口即溶，牛味濃。豚肉丼，係西班牙豚梅肉，有隻半熟蛋伴飯，豚肉好多，鋪滿整個丼，而且好厚身❤️軟滑爽口，用燒汁煮好惹味～老公好滿意呢餐，不用升級已經夠食，而且肉量多，食用獸必食！由於自助形式，所以免收加一，而且佢地而家仲有個競食比實，到7月18日的星期一至四，指定時間於限時內食完可免單，最快的一位仲有獎金添，快D嚟挑戰下~

晚市時間，到達荃灣廣場牛角次男坊 ，排隊都頗多客人﹗餐廳以快餐形式經營，有自助服務站，供應熱水和室温水。點餐後服務員會給予餐號給客人，店員會根據枱上餐號送到客人面前。由於食物新鮮製作，所以需要耐心等待。牛角次男坊丼(美國肩脊肉)$93: 丼飯以數十片燒過牛肉片砌成，堆成一個富士山仔，旁邊有三片紫菜，外形狀觀。燒牛肉片惹味，肉味濃郁，放在飽足的大碗飯上，配以特製燒肉汁，拌飯一流。 肉片下有大量芽菜，有脆脆咬口。而米飯是日本產越光米，口感軟糯。套餐所附味噌湯，十分滿足﹗

今日嚟到荃灣呢一間新開嘅牛角次男坊，食佢哋好出名嘅燒肉丼，平時嘅刺身丼就食得多啦，燒肉丼都係第一次食！我同朋友一人叫咗一個，我叫咗一個西班牙豚梅肉丼，配上佢嘅燒肉汁！另外我個朋友就叫咗個美國肩脊肉嘅主打牛角次男坊丼，堪稱係招牌！而我哋都有配有一個味噌湯，價錢都唔超過$100一位，其實都唔算貴喎！先講咗個味噌湯先，我懷疑係因為配合香港人嘅口味，所以個味增湯唔算好鹹，幾好，相對容易入口！個牛角次男坊丼一上枱就令到我哋兩個都覺得好驚喜，啲肉砌到鬼死咁高，而且冇一忽望到入面既飯，肉嘅份量真係超級多！仲有幾條有少少似七味粉味道嘅辣椒條係上面，配上肉同白飯食一流！而佢既美國肩脊肉真係燒得剛剛好，而且肥瘦比例好，配上燒肉汁食真係好惹味，不過我都幾建議大家可以試吓吾加燒肉汁，就咁食佢嘅原味，我相信絕對唔會令你失望，食返本身燒肉嘅鮮味！至於個西班牙豚梅肉丼賣相就冇前一個咁突出，不過味道亦都唔差過佢，相對牛肉來講，豚肉嘅肉質更加滑，加上中間嘅流心蛋食簡直一絕！而且都係分量十足！整體來講，兩個都好好食～

主打丼飯的日式料理🍱 原來是牛角旗下的餐廳。有各種丼飯，如燒牛丼、豚丼、 鰻魚丼、牛舌丼等。另外可以加配刺身，例如海膽、帶子、牡丹蝦等😍初次到步先叫個招牌牛角次男坊丼。500g的燒牛肉堆到成16cm高，好澎派的畫面🤣燒牛肉採用美國牛肩胛肉，配上燒肉汁頗juicy，不過略嫌飯粒黏身。飯底還有很多芽菜，用上紫菜夾埋一起吃好爽口，又是另一種風味。另外還叫了豚丼，一樣不錯。燒䐁肉採用了丹麥豚肉，再配上溫泉蛋和燒肉汁撈拌很惹味🥰丼飯套餐包配送麵豉湯都不用$100，算是性價比高的日式快餐😆

好耐無去過荃灣廣場鳥， 一貫大商場作風，店鋪流轉量好大，已經無印象呢間次男坊前身係咩鋪，但除左呢間對我嚟講新開嘅舖頭之外亦有幾間唔同樣新食肆，最後因為見到排隊人數唔係太多所以揀咗呢間， 今次同友人點咗兩個丼，分别係次男坊丼同柚子豚肉丼。開頭見到都擔心會食唔曬，但係原來碗中有玄機。 所以份量都算係正常唔會係太大分 。次男坊丼即係牛肉，有些少辣，味道還可以但略嫌味精太重食完之後相當口渴。 反而柚子豚肉丼少少甜感覺既清新，值得一試。p.s. 因為都幾多人等位所以你當佢食快餐咁，唔好諗住可以坐耐啲， 人多聚會其他地方會比較好

一向我都係牛角既忠實fans，而身為金會員既我，竟然一直都無去試呢一間牛角次男坊。一直知道牛角集團旗下呢一間新餐廳係以大堆頭肉丼做招牌菜。今日咁岩朋友想食肉，但又唔想燒，就提議不如黎依度試一試。呢間牛角飯採用既方式係門口先點餐，然後再入座，感覺比較平民路線，亦似日本local餐廳既運作方式。係門口諗左一陣，我地決定叫一個豚肉飯，一個牛肉飯，咁就可以兩樣都試哂。因為只係第一次食，所以無叫到上級，諗住如果好食下次就返黎再食，反正金會員唔洗排隊（偷笑）牛角次男坊飯呢個就係招牌既次男坊飯，一放上枱我地已經感覺到佢既肉量非一般多！係超級多。好彩我同我朋友係share黎食，如果唔係一個人真係唔會食得哂。碗飯有幾塊紫菜係側邊，一大堆燒牛肉下面係吸哂牛肉汁既芽菜。碗飯入面有唔少蔥，增加左好多香味。牛肉燒得岩岩好，有d個邊有小小脆口。佢個汁帶小小微辣，令你更加開胃會想再食多d肉。豚肉飯相比之下，呢個豚肉飯就無咁大堆頭，但係佢吸晴既地方係有隻溫泉蛋。大家都知道，食飯黎講，溫泉蛋可以係好重要架另外，佢蔥既份量比牛肉飯多好多好多，撈落飯食勁香口。豚肉呢就無牛肉切得咁薄，同埋個汁都無咁濃味。如果唔食牛又無咁重口

第一次經過依間見到好吸引，擺盤好靚，今次趁早收工，嗱嗱聲去試下好唔好食牛角不嬲出名燒牛，我地就叫左一個燒牛，一個豬試下好唔好食餐廳係喺外面揀左想食咩，俾左錢，再入去揀位，等店員拎嚟，我地今次揀左B1 同C1。好快個豬就嚟左先喇，好誇張，好多肉，仲有一隻流心蛋，佢個汁調得幾好食，加埋d葱，正！加上豬肉佢唔係薄切，偷工減料咁，佢係有厚度，個邊燒得燶燶地，不錯勁誇張既牛肩脊肉，好食！薄切，多汁，份量十足，一啖肉一啖飯，食肉獸應該會勁開心！佢份量都足夠，唔會收你90幾元，俾d hea 嘢你食，食完感覺好滿足不錯不錯

今日特別肚餓好想食飯，醒起上次係荃灣食過，就去左次男方食。今次早左冇咁多人排隊，但都要等左一陣買飛。自助買左飛先入座，日本風格。坐低之後都係比較快就有野食！我地2個人一個叫左豚肉丼一個叫左牛丼。豚肉多汁有流心蛋，勁香。佢用西班牙豬，好嫩口。個汁撈飯好野味，好快就清哂d飯。牛丼係招牌飯，好高呀！真係打卡必叫。紫菜好大塊，牛肉多到食唔哂之余，仲有芽菜都好多！飯就係珍珠米。仲有麵䜴湯跟，唔會乾。餐牌上仲有刺身海膽可以追加，水係自助任針架！

#牛角次男坊丼 $93牛角次男坊丼係用咗美國肩脊肉份量大家都見到有好多 堆到成座山咁🤣而且牛肉都算大塊 又夠味唔會乾 唔會油膩下面仲有好多芽菜墊底 食落多個層次醬汁有少少辣 加埋牛肉食 幾惹味😆一個丼飯仲有麵豉湯跟埋😆-#豚肉丼 $82唔好以為豚肉飯冇牛肉飯咁吸引豚肉丼係用咗西班牙豚肉豚肉有好多塊 蓋哂成碗飯🤩而且全部都好大塊 仲好腍添啲肉好入味😍而且仲有溫泉蛋 可以撈飯食不過我最欣賞嘅係啲汁啲汁辣辣地好惹味 撈飯食一流！🤤

喜歡食牛既朋友有福啦～❤️呢度既牛肉丼飯牛肉好誇張⛰成座山咁呀 喜肉人士必備‼️.牛肉有成10多片 而且富滿肉汁 超ᴊᴜɪᴄʏ!!!🐂牛肉底下係芽菜 紫菜飯 好似牛角飯咁但無咁多紫菜飯底下好多醬汁 記得拌勻食啊～估唔到牛肉同芽菜都幾夾 好爽口 多重口感呀👍🏻會顯得燒肉無咁膩。.呢度大部分丼飯係配埋麵豉湯的🙌🏻.唔食牛既人士唔洗灰心呢度有豚肉丼 鰻魚丼 仲有多款刺身可以加配緊有一款岩食💜.依家仲有一個大食王比賽3分鐘內完食呢個牛丼飯即可免費食最快完成既挑戰者仲有獎金同一年ᴍᴇᴍʙᴇʀ會藉‼️

正所謂豬百日偷生一刻閒😂🤪早前有朋友介紹🤤🐮小肥趁返工前食下最愛嘆下牛牛丼🤤🐮🍚位於荃灣廣場既牛角次男坊🐮🍚雖然距離港鐵站比較遠🙉🙇🏻‍♂️但有「天空之城」之稱既荃灣可謂四通八達！由A1出口直行沿住南行天橋過黎都算方便😆呢度簡約環境裝修🙈簡約又帶點日式牛丼店既感覺😆🍶煮出既牛食配材卻可以說得上牛中之魔🤤🐮牛角次男坊丼份量十足既牛肩丼😆煎香約七成熟既肉眼雖然唔係入口即溶既口感🙇🏻‍♂️但肉質依然夠滑嫩之餘亦好Juicy😋食落一啲都唔韌😆🥩而伴著住既紫菜絲同埋蔥花🤤賣相誘人之餘亦充滿口感🤤🤩而且有十分惹味微微香辣既醃芽菜作伴🤤令丼食更為豐富☺️

滿滿的牛肉丼啊⛰ #肉食人士 必備!!!呢間牛角次男坊開左大約4個月一直係收藏口袋名單入面依家終於有時間去食啦❤.我地揀左牛丼同豬丼同朋友開心sʜᴀʀᴇ就最正2種肉肉都試到！無論係牛定豬 都一樣肉汁好ᴊᴜɪᴄʏ ᴀʜ!!!啲肉食極都有 牛肉底下係芽菜 一齊食好爽口。飯底有紫菜 雖然未到牛角飯咁多紫菜但我都好滿意‼仲有好多燒肉醬汁係底拌勻食效果會更佳。.豚肉丼有溫泉蛋♨係面頭 飯同樣有紫菜肉肉係燒過 好香 又淋身 適合不食牛人士🙌🏻.丼飯係配埋麵豉湯 慢慢食 飲下湯都的確很不錯💜

今天工作來到荃灣廣場，路過「牛角次男坊」，之前見勁多人排隊，今天可能時間尚早，不太多人，一於食個燒牛丼。餐廳是快餐店形式，先排隊買票，再由服務員送餐，自己取水，座位寬敞舒適。餐廳主打即叫即燒燒肉，主要有燒牛丼、燒豚肉丼和鰻魚丼《牛角次男坊丼》(美國肩脊肉) $93每個飯都配一碗味噌湯，牛肉疊到像一個小山丘，視覺效果震撼，感覺需要花點功夫才砌成，其實下面是用芽菜和飯堆砌。牛肉片薄長，8成是瘦肉，2成肥肉，我選了牛角甜燒汁，味道不錯。

2點幾先出門食個lunch揀左呢間屬於牛角下線去試下燒肉丼🍖應該係為咗提高效率客人要先喺門口落單再由店員安排入去🧾🐮燒鹽麴牛舌丼🐮的確，牛舌既份量好多而且味道醃得唔錯燒牛舌配少少鹽麴去調味簡直一流但好多筋💢10塊入面有4-5塊都嚼唔爛點食阿大佬🙁🐄次男坊丼🐄一座小山一樣咁高既燒肉😍對食肉獸真係致命誘惑肉質都算好，起碼嚼得到先😃如果可以多啲蔬菜平衡下就更好la