牛角次男坊 (荃灣廣場)

營業中

休息中

今日同兩老食飯，突登出左黎荃灣食。上網又見到牛角次男坊用某張信用卡有折，所以就去左食牛肉飯。2個套餐加兩個小食，比正價便宜40蚊～特上牛角次男坊丼配蟹肉沙律。牛肉寫明話用美國SRF和牛，我唔係好清楚到底有咩分別不過牛肉份量好多，肉味香濃，唔會好鞋不過肉類黎講我都係比較鐘意可以自己燒或者揀幾熟，因為我prefer唔好全熟蟹肉沙律好大一球，蟹肉好多，沙律醬少，唔錯。豚丼配吞拿魚蓉。牛角啲肉類質素真係唔差，平時唔太鐘意食豬肉既我，都覺得佢既豬肉幾香幾好食，佢連豬肉既肉味都濃，而且燒得香，都幾正。吞拿魚蓉唔腥，不過同時都無乜味，一般般啦！前菜既中華沙律正常發揮。雖然係二人餐，但係因為佢肉類真係多既關係，食得好飽。。。兩個飯上面既肉三個人分，個個都食到好多，cp值黎講都算唔錯。

聖誕節出去行下街 唔想花時間等位 之前都想試 咁岩見呢間有淨少少位即入 叫左圖個2款 都ok既 價錢黎講覺得算係咁 愛黎止下丼飯癮ok 以香港常餐都可以賣成$50蚊 呢丼飯抵食好多

牛角次男坊真係我既近期最愛！！點解佢既分店係那麼少呢！！幸好荃灣都係我成日留連既地方，肚仔餓呢度都係我自不然會想起既餐廳今晚同男朋友（應要求由友人改叫男朋友了）係荃灣食晚餐，雖然依家開了新商場多了很多特色餐廳，但係因為想食丼飯所以都係選擇黎牛角次男坊由於係會員既關係有九折，唔洗一百蚊食一大個丼飯！成座山咁！呢個係男朋友叫既牛角次男坊丼穴子定食，有一小碗中華沙律同細樽裝解茶我點既餐係豚丼配蟹肉沙律定食來個近鏡，上面有一大堆蟹肉、豬肉就密鋪平面了丼飯蟹肉係凍的，好多蟹肉味很鮮！份量好多我都分了一半俾男朋友吃丼飯有蔥花同牛角汁，好香好好味！一啖肉一啖飯口感十分豐富！男朋友既丼飯我只有淺嘗，所以俾唔到咩COMMENT，但都得到了一半穴子穴子燒得香、配以鰻魚汁甜甜既味道，好食！配以解茶解下膩，成個晚餐都好圓滿啊！

跳左全日舞，氹到暈要好好補充能量食飯就一定最好不過一行入荃灣廣場就見到牛角次男坊牛角次男坊 係食燒肉（包括牛肉，牛舌，豚肉 等等）今次係我第二次食第一次食個時係，俾錢先後搵位今次有少少唔同係搵咗先後俾錢買野食上次就食 次男坊丼蟹肉沙律定食 飽到上心口今次決定食少DD我最後揀咗燒鹽麴牛舌丼定食我男朋友揀左豚丼定食 ，忘記影相😟😟😟不過都係食到 飽到上心口兩個餐都有少少配菜-中華沙律下次要再食多次 👍🏻👍🏻👍🏻👍🏻

我哋今次大鄉裡出城諗住坐定定點個日本餐食下當坐極都冇人嚟招呼嘅時候原來先發覺要喺外面點餐🙈點完餐嘅時候佢就會畀番一個牌我哋 之後就會送到我哋前面我點選咗一個燒牛舌間定食成碗飯好豐富牛舌好多 肉汁好鮮甜跟住就叫一個叫做牛角次男坊丼配鴨肝碗飯肉多紫菜多有芽菜墊底 成碗飯好豐富最後點選個兒童餐畀小朋友食加個雪糕泡芙小朋友都食得好開心 兒童餐都好豐富仲有個飲品㖭我哋眼闊肚窄驚唔夠食 追加咗一個牛角飯見到成碗飯都鋪滿紫菜好似好吸引 所以我哋點選味道都好好食不過實在太飽我哋食咗半碗整體而言係一間高級嘅快餐店 擺碟靚出餐快 有下次嘅餐廳

打著牛角嘅出品，牛角次男坊剛開時已經想試。黎到當然不得不食牛肉，叫咗牛角次男坊丼定食。$88定食包埋道地解茶、小菜。上菜時目光已被成個牛肉小山丘所吸引，蓋過成碗飯。牛肉上有滿滿嘅燒汁，送飯一流，燒汁比較濃味，食得多會有少少鹹，好彩有枝解茶。牛肉有大約7-8片，每片都好大片，啖啖肉好滿足。牛肉唔係肥牛，唔會有好多肥膏，但都冇燒到乾曬嘅情況。話明係燒肉，肉嘅油脂出曬黎。雖然好邪惡，但間唔中一次半次冇所謂啦。下次仲想試下豚肉丼！

2019/12/24同男朋友去嚐新 開左咁耐第一次去食因為平安夜男朋友早左收工 可以去撐枱腳男友叫左牛角次男坊丼配鴨肝定食官網說係匈牙利優質鴨肝 入口即化但係可能無乜人真係點呢個食 所以廚房整得麻麻鴨肝唔夠熟 外表唔夠金黃 口感唔夠脆btw可能因為煎得唔夠耐 我同男友都瀉左一日亦可能我食物敏感 剩係試左佢半塊鴨肝 第二日全身風癱除左肝之外 牛肉夠香好好食 略嫌邊位太乾身丼飯本身加左大量芽菜增加高度芽菜炒得爽口 唔會太老 鐘意芽菜會覺得加分而我自己就叫左豚丼配穴子定食豚肉都係好食 只不過有點太老 邊位硬左dd豚丼會配京蔥 而我對京蔥麻麻地京蔥偏生望落無炒過 反而如果佢配洋蔥會更好穴子方面 肉質細滑 煮得剛好 可以再燶d口感都係略嫌唔夠脆/硬 入口感覺好軟咁穴子外表唔係我鐘意既口感 不過都好食飯食方面 略嫌太硬 用既係珍珠米但係可以再落多d水 因為肉又硬飯又硬會食到好攰整體黎講 係好食既 對得起價錢但係如果佢可以每個細節位花多一分鐘個定價可以再高d 所以而家既水準只係對得起價錢最後 其實都係要睇返當日廚房心情可能今日心情唔好 所以先會失水準始終煮野食既廚師們 都唔係食客控制得到

收工同朋友去左荃灣廣場🥳，因為順便想睇下有咩聖誕禮物買，購物一下，刺激一下香港經濟。順便來食呢間牛角次男方，佢哋最出名成座山咁高嘅牛肉飯🐮！所有飯都配有前菜和飲品，汽水或茶，我哋兩個都叫咗茶，支茶幾好飲！..📍辛芝味豚肉丼定食🐷（$83），豬肉片唔會太肥，配上辣辣地嘅芝士汁，正😋👍🏻！..📍牛角次男方丼定食🐮（$88），成座山咁高嘅牛肉，好吸睛，牛肉下面放咗啲芽菜同紫菜絲，好味😋！..

老公話想食飯，提議食呢間燒肉飯，有豬又有牛，岩哂不吃牛的老公但吃牛的我。👇🏻👇🏻👇🏻巨型餐牌👇🏻👇🏻👇🏻閒日的中午時分非常少人，可能未到真正的食飯時段，我選了牛舌丼而老公則選了豚肉穴子丼。我的燒鹽麴牛舌丼飯🐮配麵豉湯👇🏻雖然望落去碗飯好細，但最後我係食唔哂d飯家...牛舌差不多有10片，非常薄，燒汁配埋珍珠米好好味😋麵豉湯超熱，有誠意👍🏻📌建議餐廳配埋柚子醬比客人，柚子醬配牛真係絕配！我老公的豚肉穴子定食🐷研究左個餐牌一陣先知穴子原來係鰻魚！我印象中好似係第一次食白雪雪的鰻魚，因為每次食鰻魚都有超多鰻魚汁，根本食唔到食材的真正味道...今次終於食到了！雖然有少少骨，但好易咬碎，有少少入口即容的感覺。豚肉有少少韌，但加埋汁同珍珠米都幾好食。不用收加一，會再幫襯！👍🏻

牛角燒肉旗下既高質燒肉丼😋味道好正而且價錢幾抵！值得一試👍試過3款丼，覺得牛肉丼>豚肉丼>牛舌丼1️⃣牛角次男坊丼（牛肉丼）$93😍d牛肉疊到山咁高，賣相一流！仲要傳黎陣陣燒烤香！ 食落d牛肉仲好濃牛味、好鬆化，襯埋d紫菜食都唔錯，紫菜唔會好快淋，食果時仲脆！2️⃣豚肉丼 $89豚肉冇牛肉咁濃，但個醬汁加番分，鹹中帶少少甜，幾開胃，豚肉丼有隻溫泉蛋，送飯一流😍😍😍 ！3️⃣牛舌丼 $79牛舌都幾淋，而且幾香，但較為薄切😢冇牛肉丼同豚肉丼分量咁多，但鍾意牛舌既朋友都可以一試👍！ ！ 總括黎講，依間餐廳性價比好高，唔洗$100食到咁大碗燒肉丼，而且有麵豉湯同野飲，真心抵玩！ ！

今日同事話要試新野，就帶左我黎呢度，之前經過已經想試，終於有機會，我叫左個牛舌丼，而家做緊$59，仲送纖。解茶上菜都好快，黎到飯唔太熱，可以即食，牛舌夠淋，汁好味，一人份量剛剛好商場冷氣夠，而且半露天，光線舒服😌

可能在澳洲還未吃夠日本菜，今晚依然想吃日式晚餐。我這懶人既想吃燒肉，但又不想自己動手烤，最好當然有人給我烤吧，牛角次男坊正好滿足我的願望。牛角次男坊各款烤肉丼均非常吸引，而且只是79元起，不用加一服務費，以便宜的價錢就可享用到高質烤肉，教我們如何抗拒，哈哈。先來媽媽的豚丼(西班牙豚梅肉)，原本透明的蓋子瀰漫著乳白色的蒸氣，足見烤肉即點即烤，熱騰騰的。打開蓋子，看到這香香的醬汁與西班牙豚梅肉配飯，整碗丼飯超對味的，尤其肚餓是更為下飯。豚肉在飯上鋪得密密麻麻，溫泉蛋在豚肉中央盪漾著，多麼垂涎欲滴。豚梅肉塗上醬汁，反覆燒烤，醬汁均勻地吸附豚肉上，媽媽超喜歡，鹹中帶點微甜，拌飯一絕。豚肉厚度切得剛好，鮮嫩多汁，完全不乾柴。牛角次男坊丼(美國肩脊肉)像一座牛肉山，高高在上，就像跟我說來攻頂吧，快些吃上它們。肩脊肉以檸檬汁提味，突顯牛肉的鮮甜味，牛角次男坊丼無論在烤功還是肉質上，都下足功夫。柔嫩的肩脊肉連同飽滿的飯粒一起吃，牛汁滲透飯粒，下飯無比，至今回想仍回味無窮。隨餐附上的味噌湯，我們往湯裡一撈，沒想到配料挺不少的，裡頭大量豆腐，海帶，洋蔥，味道不死鹹，很快被我們喝得乾乾淨淨，一滴不留。

今日一田特價，行完見到有間次男坊，香味香到我未入去到聞到，入去發現佢地似足日本遠廳，又係先買票再有人送餐，我同屋企人叫左一個牛丼，豚丼同一個期間限定。睇相就知擺碟好靚，雖然疊得高，但係好易食到飯同肉。先講牛丼，日式牛肉味道夠濃，配埋紫菜同飯食，味道更昇華，肉質又鬆化，最令人難忘係佢地的飯底，好重米香。之後再講豚肉，豚肉就配有溫泉蛋，蛋味流落豚肉上非常吸引，再將飯搭配食，更是驚豔。再講期間限定，佢配上牛肉與菠蘿以及溫泉蛋，菠蘿味道酸甜，將整碗丼飯的油膩一掃而空，令人愈食愈昇開胃。總結而言，餐廳地理位置優越，鄰近多個購物商場，而環境舒適，價錢方面亦公道，食物質素亦不錯。

從來不打食評的我🙄為左你地 今次真係 要破例一次因為原本 我係牛角粉絲個個月都一定最小要食幾次個隻但呢到碗野完全五掂..........無記錯的話 $179一碗的和牛飯啲牛超級韌 真係無法想像點解可以將啲和牛煮到咁啲飯淋到成pat嘢咁最難食係中間無啦啦有一大堆芽菜而堆芽菜係完全冇味嘅😂😂😂個汁又好甜 不太好食的......其實我覺呢個概念係幾好但係啲食物，真係煮得差真心食吉野家好過...........🤦‍♀️

來過荃灣廣場好幾次，每次經過都總見到長龍出現， 仍未有機會與牛魔王會面…今次晚了收工過嚟荃灣找另一半先醫肚才歸家，巧遇牛角次男坊竟然沒有人龍… 決定一試！ 難得沒有人龍…示意服務員兩位，小妹愚昧未知此食店原來要入座前在門口收銀處落單付款後才可入座，即時要看餐牌立即決定真有點難度…但服務員簡單指示放在收銀枱上的圖像…選擇一二三四五…😳原來只得五款…🤭係咁多😳五項之中選兩項🤔又不會太困難😏是但點兩款吧… 其中當然必選排頭位No.1的「牛角次男坊丼」，同店名一樣的…相信是招牌菜，再選「王樣！豚肉丼」🍖🍚🤤最近經過荃灣廣場，心思思又再訪此餐廳招牌「牛角次男坊丼」，仍然保存食物質素👍美味牛肉😋吃得飽飽滿足🤤 但反而「王樣! 豚肉丼」就不太吸引了☹豚肉太乾鞋口… 回來翻看之下才發現今次消費平了？🧐 原來分別是食品定價不同了但免收加一 ?🤔哈哈…反而平食了👍👏😋😋