牛角次男坊 (荃灣廣場)

營業中

休息中

一直都只係食過牛角，牛角次男坊就未試過，原本以為都係燒肉，但男朋友個次同朋友食完話我知係牛肉飯先知原來同牛角唔同！男朋友不停話好食，下次帶我試下，終於前兩日有機會食了～其實之前經過都見到排好長龍，好彩果次我哋唔使排嗰陣已經入得去，入到去佢哋仲會比個籃我地放袋，呢個確實值得一讚！因為系門口排隊時已經要落定餐，所以傷去冇耐就已經有得食～我叫左個期間限定的鰻魚飯，男朋友照舊叫左個牛肉飯，一放到來真係好似相咁，好大碗！仲驚食唔晒～鰻魚飯冇失水準，味道唔算話好有驚喜，不過份量就好十足，好大條又好有肉地。我都試左幾舊牛肉，甜甜地，好有嚼勁～驚佢哋有唔同嘅期間限定，下次可以再試下，又或者可以試吓馳名的牛肉飯！

平時食牛角就自己燒肉食，今次一於黎試下牛角副線<次男坊>即叫即燒既燒肉丼飯😆🍴次男坊丼 - 升級美國產SRF極上和牛 (配次男坊燒肉汁) hkd88+70丼飯上燒肉堆到成座山咁，賣相夠吸引，雖然入面塞左堆芽菜，但其實牛肉份量都好多。微辣既燒肉汁配上美國產SRF極上和牛幾惹味，但略嫌燒得過火，令到有d乾！🍴燒鹽麴牛舌丼 (配經典牛角燒肉汁) hkd78牛舌份量好多，賣相同牛角既牛舌一樣，但都係燒得過火，食落不好嚼。整體黎講，都係寧願貴少少去牛角食，質素更好！

去日本食牛肉飯就食得多，返到黎香港有時都口痕想食下牛肉飯。星期日係荃灣經過見到牛角，但依間牛角唔同d，唔係食放題燒肉，係以龍珠做主題既牛肉飯。我當日食既係主打牛肉飯同牛舌飯，其實menu可以揀埋飯既份量同埋可以加刺身，依個餐包埋麵豉湯既。味道方面，牛當然無日本咁正啦😂😂但汁既味道都唔錯，送飯都好好食既，整體都okay ge。

印象中只是第一二次來「牛角」吃飯。那天過來打羽毛球，順便逛宜家，晚餐原來是想過對面街吃新開的「蘇媽·蘇媽」，不過人太多，就回來吃牛角。這間「牛角次男坊」好像不同於「牛角」，尤其是正在和龍珠crossover，牆上貼了好幾張海報，可加錢換其精品等。我們每人點了一個飯，加一罐雪碧。飯有甜和辣味選擇，不錯！半自形式，在門口排隊，先付錢，然後有人帶你坐下，端上面豉湯，後上飯，如要水的，staff會請你自己在自助吧斟上。牛肉丼 - 選了甜味，飯墊下，淋有少許醬汁，上面用牛肉鋪成山尖上來，視覺效果一流，味道甜甜的；juicy又好味；配菜中有一樣紅色的有少少的辣，絲狀；還有不少的芽菜；另外插上4片紫菜。料都很多，讚！牛舌丼 - 選了辣味，飯一樣，配菜只有䓤絲；牛舌薄切，沒甚口感，un，咬許久才呑得下，不建議叫。會再來，不過會捨牛舌選豚肉，見隔離枱的豚肉不錯！

之前見呢間野排哂隊好多人食，不過過一陣熱潮又好無咩人啦，今晚就同男朋友試下一直都好想試既牛肉飯先。一去到原來係喺門口點左餐再比試先入去坐低，等左一陣好快有人送上餐具同麵豉湯，見到好多人加左可樂飲，因為呢度叫一個飲加$9就有一罐可樂，都算平，出面餐廳可能加十幾蚊先有，然後好快有牛肉飯，其實呢間野除左食牛肉之外仲有豚肉，我食既係豚肉飯上面仲有一隻蛋，佢仲有得揀三種口味：有辣既、醬油味（好似係）同原味，我就試左醬油味，男朋友個碗係牛肉飯都係要醬油味，一黎到覺得個飯好似好細咁，食落其實都幾大碗，因為真係一碗滿滿的飯上面鋪上一塊塊肉，我就食唔哂，但男仔可能岩岩夠，我最後食剩左就比男朋友食埋，總括對我黎講，個份量OK既，但唔知係咪太多肉攪到成碗野好油咁，連個碗邊都好油，男朋友都係覺得太油同埋太咸，可能下次揀原味會好d，最後都係覺得食返對面豚王好似滿足開心d，哈哈。

一家大細去荃灣買家品，荃灣廣場最方便，有一田同aeon喺隔離，可以揀到啱用嘅嘢。行街之前要醫一醫肚，荃灣廣場都有唔少餐廳，大部份都係連鎖店，見佢個名比較特別，就去望望啦！點知原來都係牛角集團，不過見有位就入左去坐了。環境都算闊落，原來入面轉角仲有好多坐位，唔算好迫，所以都幾適合一家大細。佢門口好大個龍珠招牌，店內又播住高達嘅日本歌，有日式裝潢。佢喺先喺門口購票，再帶位入座，主要有豬同牛，我地兩個人每人叫左一款，每個丼有麵豉湯。豚肉有溫泉蛋，我嘅至愛，好好味，豚肉都算滑，唔喺好韌同鞋果種，份量也唔少，配埋蛋汁更滑。而牛肉丼就無溫泉蛋，但配有紫菜，不過個配搭有啲怪，哈哈！牛肉都唔錯，份量都唔少，我地配嘅醬汁唔同，牛肉果種汁有少少辣，豚肉就偏甜，兩個醬汁味道都幾好！價錢就正常價吧，大型商場價位，無乜人又唔駛趕住走都算幾好了！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨ 

已有好一段時間未踏足荃廣，發現有多間食肆加盟，今次被牛角次男坊的龍珠deco吸引到，便決定一試 ～menu只有幾款丼飯選擇，包括牛、豚肉、牛舌及鰻魚丼，另外可以加toppings如海老、帶子、拖羅蓉等。今次點了次男坊丼及柚子豚肉丼～次男坊丼即是牛肉丼，牛肉份量很多，味道不過不失，醬汁惹味，有小小辣，肉底有很多芽菜，一齊食口感豐富～價錢＄88另外柚子豚肉丼，豚肉份量亦很多，柚子醬汁不錯，酸酸甜甜可抵銷油膩感，玉子是溫泉蛋 我個人比較喜歡豚肉～ 價錢＄78以上價錢包麵豉湯，晚餐黎講都ok 惟飯底偏小，男仔可能唔係好夠飽～

有時食日本野食壽司食到曬就會想熟既野，咩牛丼都成行成市。食牛角食得多，但知道佢出咗丼飯既分店就忍唔住去試下其實我覺得個豚肉丼唔錯，豬肉片塊塊都好大塊，入口都好滑唔鞋，肉質會近梅頭個款鬆化有彈性。燒汁好香跟埋粒粒煮得分明既日本米，混合曬個半熟玉子令個丼飯多了一份生氣，多了一份靈魂既層次感，口感更加豐富。友人叫咗個燒牛丼。對比豚肉丼我覺得會有少少遜色，因為個牛肉片油脂不夠，燒得太乾身有少少柴，但分量搭夠。下次真係食會食豚肉丼

晚上6:30左右，趁無乜人排隊緊係要試試牛角品牌副線！餐牌上的丼款式唔算多，但個個都好似好吸引！睇相d肉多到呢～簡直係食肉獸至愛，首先到Counter點餐，略嫌點餐程序有點麻煩！嘩～～得左5分鐘左右就有得食啦！同餐牌上面個樣差唔多，睇見就流晒口水🤤豚肉係選用丹麥豚肉眼，肉質軟腍不韌，肉厚度適中不薄，豚肉表面燒至微脆香不會過晒火。肉汁夠晒惹味！米飯乾濕恰到好處！再篤穿流心蛋撈混一齊食堅正！份量夠晒大份環境方面，始終係商場內，有一定的整潔度！

與友逛荃西，聞有肉丼店，其味道非常，決過黎嘗試，店近港鐵站，唔怕搵唔到。牛角次男坊丼（次男坊燒肉汁）$88另計加1初次到來，理所當然，點其名菜。餐附味增湯，出吾其所料。主食枱至，肉塔奇高，打卡可薦。醬滿沾牛肉，口滿佔肉汁，濃郁非常！除燒肉汁，另設“牛角飯燒肉汁”。碗伴紫菜、椒絲，與飯、肉百味交錦。飯碗不大，本想未飽，豈料低估，餐盡肚滿。總體而言，值得一試！賣相：味道：觀其肉，感其壯，汁油瀉！豚肉丼（柚子風味）$78 另計加1肉嫩汁鎖，厚度適宜。柚汁初嘗，柚味淡而屬味鹹。飯伴以溫泉蛋、柚皮、葱粒，可與肉並吃。賣相：味道：

星期日黎到荃灣西晚餐，到到都座無虛席。見到今期牛角同龍珠合作，覺得幾搞笑，就決定試一試。😂今期做緊呢但溫泉蛋柚子汁豚肉丼。雖然，底下個飯吾算多，同豚肉的份量幾是二比一的份量，但加上溫泉蛋，食完個感覺有少少流。但整體都幾fresh同香。然後再叫左個牛角推薦的牛肉丼，揀左個吾辣的汁。牛肉質素吾錯，比起豚肉香口好多，食落口吾乾身。整體不過不失，食一次都就夠，反正荃灣美食如雲，可以有很多地方能取代，吾算有太大驚喜。

呢間主打食即叫即燒嘅燒肉丼, 每次行過都見到咁多人喺門口排隊, 今晚特登夜 D 黎食, 唔洗點等就有位｡牛角次男坊丼 加配牡丹海老係餐廳嘅人氣推介, 因為個丼飯連燒肉會堆到成座山咁, 話說會堆砌到 16cm 高, 份量十足 !! 牛肉係用左美國牛肩胛肉, 肉香味濃郁, 口感較爽嫩, 配上微辣惹味嘅特製燒肉汁, 味道一流 !! 另 +$60 加配左 2 隻牡丹海老刺身, 蝦肉夠晒肥美, 而且啖啖肉, 燒肉配海鮮, 無得頂呀 !!柚子西班牙豚肉丼豚肉鋪滿成個丼飯嘅表面, 豚肉口感較軟腍, 中間放左隻溫泉蛋, 篤穿個蛋黃撈埋沾滿惹味燒汁嘅白飯一齊食, 味道甘甜, 又點會覺得唔好食呢 !?!

牛角集團旗下食店之一食過2次 終於的起心肝補返個食評先！今次因為係換龍珠叉電器而去食 嘿嘿 先講服務 不錯 本來一早已售罄 之後再三查詢下 原來可以留貨 店員馬上處理 呢樣抵讚，有效率！呢度用餐係先付款點餐，然後有店員帶入座，再會送餐！2次用餐都點左唔同既丼飯。。第一次叫左震撼豚肉丼，碗上鋪滿豚肉，不過可惜唔夠熱，扣分！ 第二次去叫左長豚肉丼，呢個正呀夠淋 又入味 入口即溶既感覺。好好食！希望可以再陸續推出更多新丼飯啦🤩

雖然我唔係動漫迷，但係shopping經過呢間餐廳都俾佢哋啲超大動漫主角紙板吸引咗。橫掂到咗食飯時間，我哋都唔周圍搵，索性喺度食。餐廳主打係食燒肉丼，一於捧場試下。叫咗一個【王樣，豚肉丼】和一個【豚丼】，一齊share。呢個造型好趣怪喔! 成個胡鬚佬咁。尺幾長的燒豚肉，juicy 得來又入味。呢一個的賣相就相對平凡一點，不過啲燒肉堆到成座山咁，其實都幾震撼架。山頂仲有好多吞拿魚蓉添。飯裡面有好多芽菜、紫菜，而且啲汁好濃味。溫泉蛋係流心的，食起來好黏口，幾正。兩個餐都跟埋味噌湯，調味啱啱好，不會太鹹或太淡。

最近聽了牛角在荃灣開了一間牛角次男坊，我一直很喜歡吃牛角，但奈何吃燒肉一定要一班人一起吃才有風味的，所以開了這間牛角次男坊，十分方便我一個人也能來吃。我叫的是特大蒲燒鰻魚丼，我一直很喜歡吃鰻魚飯，尤其是這個是期間限定的。鰻魚的尺寸十分長，而且環比整個碗長，賣相十分吸引，鰻魚肉厚身而且軟熟，而且鰻魚汁令人齒頰留香，配上蛋絲更加配合。而朋友選的是豚肉丼，是柚子風味的，我們對期間限定的東西是抗拒不了。豬肉是選用半肥瘦的，所以不會太油膩，還有一隻溫泉蛋，雞蛋味道濃郁，配上豬肉飯十分香。