牛站(駅)麻辣火鍋放題

營業中

休息中

午市火鍋放題任食四小時，可以慢慢食、吹下水，完全唔使趕住走，慢慢嘆😌揀咗SRF美國極黑和牛片 $218/人+$40仲可以升級海鮮今次同朋友主打肉肉，所以我哋冇加到💥先揀個靚湯底先～揀咗清甜椰子雞鍋，好香椰子味，飲落好清甜ღ 美國極黑和牛油花分布極細緻，肉質入口即化，超級嫩滑，牛香濃郁。 ღ 美國安格斯牛板腱肉質軟嫩帶Q彈，咬落有嚼勁但唔會韌，鮮甜多汁ღ 美國肩胛肉肉質緊實，筋膜豐富，咬感紮實，牛味濃厚ღ炸物紅糖糍粑炸至金黃，外脆內軟糯🤤ღ自助區有多款火鍋配料同飲品🥤甜品

牛駅 - 任食大頭蝦火鍋夜今日嚟到銅鑼灣一間火鍋專門店，放題嘅形式，喺港九新界都有分店，就係非常人氣嘅牛駅。SRF美國極黑和牛片套餐 $308有幾款唔同級別嘅火鍋放題套餐，我哋揀咗中價位嘅套餐，美國嘅和牛有返咁上下質素之餘，又可以食到海鮮，同埋出邊嘅火鍋配料專區、小食區等等。除咗任食大頭蝦之外，估唔到熟食都非常有驚喜，可以食到非常高水準嘅燒乳鴿！甜品都唔惹小，可以任食Häagen-Dazs雪糕，一定要留返quota食返幾杯！

食物無問題！職員亦勤快！間間商戶都話大廈嘅冷氣系統問題，所以唔夠冷氣！好似香港第一日有夏天咁…..😂 喂，唔好學埋大陸嗰套啦！我食到出哂汗！個客仲搶咗個風機對住自己！自私到爆！職員最後攞咗部私家風扇俾我用！怕熱既你！問清楚職員，搞好啲冷氣系統未先去！

牛魔王看過來！呢間火鍋放題店，牛肉款類勁多，仲可能係全香港最平有齊大頭蝦，乳鴿，häagen-dazs，movenpick任食嘅火鍋放題！一坐低就叫咗冬瓜瑤柱豬骨湯底，湯底夠晒濃郁，而且加咗冬瓜夠晒清熱氣，可以放心食我最鍾意嘅打邊爐！嗱嗱聲order返牛肉先，牛肩胛片、美國安格斯牛板腱、SRF美國極黑和牛，呢幾款自然係必食item啦，追求肥美嘅就食和牛，想要肉味爆燈嘅就牛板腱和牛肩胛片，而且上菜速度10分快，可以瘋狂享受肉類！海鮮選擇亦10分豐富，例如有爽甜海蝦、沙白、花膠、田雞、脆鯇魚片等等。當然重點係大頭蝦，食落去肉質爽實鮮甜，隻隻爆膏，真係大滿足呀！自助區選擇有好多，午餐肉同埋炸魚皮自然係打邊爐伴侶，打邊爐前又可以先享受一下前菜，例如醉雞翼尖、螺肉、中華沙律、雲耳，連麻辣小龍蝦都有，仲唔係flex！丸類例如牛丸、貢丸、花枝丸、墨魚丸、芝心丸、海膽丸，仲見到有特大皇帝蟹棒，即時心心眼！呢度仲有清酒任飲、夾糖、咖啡機、軟雪糕機，無論大人同小朋友都可以搵到滿足！

牛站算係近排食過性價比最高嘅任食火鍋！.食物嘅選項相對都幾多～120分鐘都唔夠食啊！.三個價錢 成人由二百幾到三百幾！冇錯，最貴都只係三百幾！呢個質素嘅放題嚟講 真心覺得好抵！.蔬菜有好多唔同嘅種類！平時既火鍋放題好多都冇！鍾意食菜嘅會好開心😂😂仲喺個製冷好強嘅櫃入面..相比其他集團嘅火鍋呢樣做得好好。.飲品嘅選項都算好多。.小食熟食亦都有小龍蝦都係任食～.甜品嚟講，味道我就覺得普通…啲雪糕都麻麻😗 係呢樣差啲～.同埋佢係會好準時咁要你還枱。

7:07入座，9:00 準時趕人走，8:30開始每10分鐘提一次9:00要走，最後5-6分鐘基本上每2分鐘提一次，個侍應仲係咁係側邊走嚟走去，驚死我哋唔知就夠鐘，食到冇晒mood，到9:00個待應乜都唔講直接收走個爐，碟同筷子，呢種趕人法真係高招，仲食緊直接收爐真係癲，食其他放題咁多次就算冇咁好食，起碼唔會未夠鐘趕人走，今次第一次食牛站，野食不過不失，環境ok，但咁嘅服務態度同呃鐘真係冇下次，比成300蚊受氣！好嬲

朋友介紹銅鑼灣牛站駅，有齊大頭蝦，乳鴿，häagen-dazs，movenpick任食嘅火鍋放題，實在太吸引，決定試試。餐廳非常熱鬧，好在有事先book位。❤️湯底的選擇多達十多款，我選擇了金湯花膠雞湯和胡椒豬肚湯。金湯花膠雞湯清淡而不失鮮美，花膠的彈性與雞肉的鮮香配搭，好滋補。而胡椒豬肚湯則以其濃郁的香氣和適度的辛辣感，令人回味無窮，特別適合喜愛重口味的食客。❤️肉類方面，牛站駅的牛肩胛肉和澳洲羊肉絕對不容錯過。牛肩胛肉肉質鮮嫩，油花分布均勻。而澳洲羊肉則帶有自然的甘甜，口感柔滑，無論是搭配任何湯底都能展現出其獨特的風味❤️海鮮方面，大頭蝦和海蝦的新鮮度令人驚喜，特別是大頭蝦，肉質緊實，鮮味十足，搭配蒜蓉醬，讓人一口接一口。鮮蠔的口感滑嫩，風味獨特，讓這頓火鍋更加豐富多彩。❤️在蔬菜的選擇上，皇帝菜和紫貝天葵等特色蔬菜平衡了肉類和海鮮的濃郁。🌟最後，無限供應的 Häagen-Dazs 和 Mövenpick 及其他甜品和水果為這頓火鍋畫上完美的句號牛站駅多樣選擇和高品質的食材，像我一樣是火鍋愛好者的必食之選。

今日中午又去牛站，4小時任食，環境乾淨，坐得舒服，出餐又快。員工手腳俐落，服務態度好，感覺非常愉快。肉類選擇豐富，有S R F美國極黑和牛、封門柳、美國安格斯牛板腱、澳洲羊肉片，樣樣都新鮮，肉質嫩滑，入口即溶。還有手打蝦滑、竹笙釀蝦滑、脆鯇魚片，彈牙又鮮甜，海鮮控必食！蔬菜方面也不馬虎，油麥菜、菠菜、莧菜、通菜都有，顏色繽紛，營養滿分。最驚喜係今日有荔枝！新鮮多汁，清甜無比，完美作結。火鍋控快試試，值得再訪。

昨晚放工約了朋友出銅鑼灣食火鍋放題，我們吃過不少放題，這店可算是性價比最高的了。我們叫了「美國極黑和牛餐」（$308）及鴛鴦鍋底（加$48），還有大頭蝦、乳鴿、Haagen-dazs任食，超值！火鍋配料及熟食. 大頭蝦巨型，而且很多膏. 乳鴿熱辣辣，肉質嫩滑，外皮香口. 多款牛肉（SRF美國極黑和牛片、美國牛肩胛片、美國安格斯牛板腱、封門柳）肉質軟腍，很香牛肉味. 脆鯇魚片彈牙，沒有骨自助區還有多款蔬菜、水果、熱葷。甜品Haagen-dazs 雪糕多款口味任食還有些榴槤製品，味道十分濃郁湯底（胡椒豬肚鍋、金湯花膠雞鍋）胡椒味濃，而且豬肚不少；花膠雞湯帶有紅棗杞子的香味，而且花膠、雞件真材實料。啤酒、汽水、果汁…任飲服務員有禮，而且很快送上火鍋配料。需有加一服務費

沙嗲牛肉湯底火鍋，味道超正，濃郁又香辣，啖啖都好過癮。火鍋自助區多火鍋配料，而且飲品種類多，雪糕控一定要食，有Häagen-Dazs movenpick, 留肚食幾杯，又有乳鴿，台式小酥肉叫左個中價火鍋任食，三款牛肉已經好高質素美國牛肩胛肉：肉質豐富，油脂分佈均勻，咬落去超滋味。美國安格斯牛板腱：肉質柔軟，味道濃郁，搭配沙嗲湯底簡直無敵。SRF美國極黑和牛片：入口即溶，肉香四溢，我地都叫左幾碟手包蝦肉雲吞：蝦肉鮮甜，皮薄滑口，浸咗湯底更加入味，真係好好味。估唔到都有幾款海鮮選擇♥️海螺片：口感爽脆，海味十足，搭配沙嗲味道特別夾。大頭蝦：肉質鮮嫩，吸收咗湯底後更加香滑，咬落去滿口鮮味。爽脆墨魚：墨魚肉質彈牙，湯底令佢更加入味，食落去超滿足。帆立貝：甘香滑口，鮮甜得來仲有啲彈性，搭配湯底好夾。

牛站真係值得食完再食佢可能係全香港最平就有齊大頭蝦 乳鴿🍦häagen-dazs同埋movenpick任食嘅火鍋放題🤯我要食勻晒咁多分店🫢今次daddy tuesday就同爸爸去銅鑼灣分店揀咗2號餐 SRF美國極黑和牛片湯底又想重口味 又想清加48蚊變鴛鴦鍋 要香辣沙嗲同椰子雞湯底等湯滾嘅時候 出去飲品櫃拎嘢飲同夾吓小食炸物先番到埋位 個鍋滾起 啲沙嗲味香到呢😍椰子雞湯飲咗一碗幾清甜 用嚟恰菜就perfect😋爸爸見有乳鴿食 都要我幫佢叫咗隻佢話肉質夠滑 唔會柴皮 先攻一輪海鮮🦐🐟海鮮有大頭蝦 脆鯇魚片鮮甜沙白 鮮甜海蝦 帆立貝等等樣樣都好新鮮我哋夾埋食咗40幾碟牛肉 痴咗線🫢每款牛嘅色澤都好靚SRF美國極黑和牛食得最多 美國安格斯牛板腱 美國牛肩胛片同封門柳都不相伯仲巴西牛脷托美國豬梅肉片火鍋自助區除咗菜都無夾到其他嘢食 因為今晚想主打食🐮🐮已經好飽啦！！都係嗰句 一定留肚食埋甜品同雪糕先走呀 🤩呢度連yogurt都有得食 真係夠體貼 🤭🤭鍾意飲酒嘅朋友 又記得要飲清酒同梅酒🍶食物質素絕對對得住個價錢🔥一定要book位 未到7點已經見到有人排隊啦收碟夠頻密 而且無出現漏單情況

打邊爐是不分季節的，今次我帶了媽咪去位於銅鑼灣的「牛站(駅)麻辣火鍋放題」💕 位於銅鑼灣的「牛站(駅)」，環境闊落，座位寛趟🪑，自助區放有超過45款配料及蔬菜🥬，醬料都超過20款🧂，飲品款式選擇也不少🥤 120分鐘放題是不同套餐 不同時段 不同價錢的🥰我地選擇了SRF美國極黑和牛套餐😎 SRF美國極黑和牛套餐 套餐除了SRF美國極黑和牛🐮外，更有美國安格斯牛板腱、美國牛肩胛、澳洲羊肉片、美國豬梅肉片🐷、帆立貝🦪、大頭蝦等十多款肉類及海鮮😍 火鍋湯底方面🍲，我們+$48點了鴛鴦鍋🥘，滋補消暑的冬瓜瑤柱豬骨鍋 配 順滑清甜的金湯花膠雞鍋🤩 套餐的SRF美國極黑和牛片，肉味香濃，入口肉質柔嫩多汁😍還有美國安格斯牛板腱和美國牛肩胛片，不同部位各有特色，每一啖都是美味❤️ 而海鮮方面，包括鮮甜的沙白、帆立貝、海螺片、彈牙的大頭蝦🦐，保證滿足👍🏻 我們都主打以下幾款食物，回本之選呀👇🔅美國極黑和牛片🔅美國安格斯牛板腱🔅美國牛肩胛🔅大頭蝦🔅沙白🔅帆立貝 餐廳的自助區款式繁多，包括各款蔬菜🥬、配料、前菜、熟食、生果等，最驚喜👀是竟然有燒乳鴿及魯肉飯供應，燒乳鴿外皮香脆、肉質嫩滑✨️ 大快朵頤後當然還要吃甜

鍾意食蝦嘅舉手🙋🏻‍♀️介紹返打邊爐放題都有大頭蝦任食蝦肉鮮甜爽口彈牙 蝦頭仲要勁多膏！仲有新鮮海蝦都係任食㗎～嚟過牛站嘅都知道 呢度出名配料多 無論蔬菜嘅種類定係丸類、冷盤、甜品、飲品都超多竟然比我試到紫貝天葵嘅新鮮版 我最愛嘅就係蛋餃、長蟹柳、大魚蛋真係唔係間間放題都會供應㗎當然唔少得要點牛肉啦 睇過色澤都知道好靚食多幾round即刻回本 麻辣小龍蝦都係必食item仲有炸乳鴿 香脆入味重點嚟啦 記住要留返啲時間同個肚嚟食哈根達斯雪糕平時閑閑地便利店買30幾蚊杯 呢度都係任食㗎！

呢間「牛駅」喺銅鑼灣廣場二期真係好方便，地鐵站行兩步就到，店內環境乾淨企理，座位之間唔會太逼，坐得幾舒服，傾計都唔使大大聲😆自助區選擇都幾豐富，丸類、蔬菜、飲品同甜品都齊全。特別要讚吓佢哋嘅台式丸同珊瑚蚌，丸類彈牙有咬口，珊瑚蚌鮮甜爽脆，比起一般放題質素好好多👍湯底揀咗豬骨湯，味道夠濃但唔會太鹹，打邊爐啱啱好❤️QR Code落單嘅選擇都唔少，最出色係美國肩甲肉同極黑和牛，肉質嫩滑，油脂分布幾好，淥完都唔會韌🤗乳鴿係意外驚喜，皮脆肉嫩，估唔到放題都有咁水準😍海鮮方面，蝦同沙白都幾新鮮，冇雪藏味，可以encore多轉☺️服務都算唔錯，食物黎得快, 換碟收碗夠快手，總括來講，真係值得ENCORE✌🏻

🔥 🔥 火鍋放題今日同朋友去銅鑼灣食火鍋放題🥩 SRF美國極黑和牛片 x 蟹皇海鮮鍋打邊爐點少得靚牛？SRF美國極黑和牛片入口即化，油花分佈如大理石，輕輕涮幾秒，香嫩多汁，肉香四溢。再配上蟹皇海鮮湯底，每一口都鮮甜濃郁🦐 海鮮盛宴 | 大頭蝦豪食大頭蝦係海鮮界嘅巨星，啖啖肉超爽口，輕輕燙一燙，蝦肉彈牙，鮮甜度爆表 🐦 獨特風味 | 乳鴿新食法平時食乳鴿多數烤或炸，今次放題竟然有乳鴿入鍋！意想不到地嫩滑，肉質比一般家禽更細緻，涮一涮後吸收湯底精華🍨夢幻甜品區 | Häagen-Dazs & Mövenpick 隨便食！火鍋食到尾聲，甜品區簡直係天堂！Häagen-Dazs 同 Mövenpick 任食