牛站(駅)麻辣火鍋放題

營業中

休息中

牛站絕對係近期火鍋放題天花板今日Book 左銅鑼灣分店，星期五6:30pm 入座2小時任食。 今次我簡左最基本既牛肉套餐，因為朋友講過普通放題配菜巳經好多選擇好夠食！-出去任選區又真係好多選擇，丸類最特別係有醬爆（咖哩）魚蛋，好特別，好味。 菜都好多任君選擇！-而我印象最深係有好多款酒類任飲燒酒/ 白酒/ 清酒/ 罐裝啤酒/ 日本果汁味汽酒-甜品都有好多款，有d 一口甜品/ 哈根大師雪糕/ 韓國牌雪糕/雪條等-最基本套餐既牛都好食，雖然牛味唔算好重，不過都好正，因為唔算太愛肥的牛肉片，呢隻係適中的！ -放題岩哂自己想食咩就簡咩，偏食都唔洗煩惱 難得地我比全五星呀！不過就要注意120分鍾要準時交台，因為真係好多客人呀 如果想坐得耐既就要考慮簡唔限時的火鍋喇，但我就好夠食啦-重點係，咁多選擇，望落乾淨又有質素連加一都係$295

首先嚟緊嘅係台式湯底，佢哋嘅龍蝦頭湯底真係好鮮甜！湯底濃郁，龍蝦嘅味道好出色美顏花膠同竹笙釀蝦滑都係好滑好嫩，令人嘴唇都會舔唔曬。海蔘，佢嘅口感好鮮嫩，有淡淡嘅海味，真係好滋味。美國牛肩胛片同安格斯牛板腱都係好嫩好多汁，肉質鮮美，入口即化！而SRF美國極黑和牛片就更加係頂級享受啦，肉質嫩滑，有嚼勁，咁嘅牛肉真係叫人愛不釋手。總括黎講，呢間台式火鍋放題店真係係食物方面做得好出色！湯底鮮甜，小食多款多味，肉類質素高，真係掂啊！

多選擇之《牛站》食過2次尖沙咀既《牛站》，真心覺得抵，今次再黎到銅鑼灣《牛站》，餐廳非常大，裝修新淨，入門位置仲有竹形拱門，感覺好似去左日本，每款套餐按不同時段收費，湯底有多種選擇，今次揀左椰子雞鍋同牛骨髓湯底，椰子雞鍋味道清甜，牛骨髓濃郁。牛肉方面都有好多選擇，美國極黑和牛SRF、美國安格斯牛板腱、美國肩胛肉，三款唔同牛肉油脂分布平衡，肉質幼嫩，口感豐富。自取區都好多選擇，有多款前菜、小食。蔬菜有豆苗、水蓮、皇帝菜，今期仲有蛇𡙡同糯米飯，小食類仲有乳鴿，味道不錯，唔會炸到乾哂同太鹹，熟食小龍蝦好新鮮，紅糖糍粑味道唔算太甜好食，海鮮青口同蝦、鮮味十足。飲品區同樣多選擇，喜歡飲酒既朋友可以盡興一下，清酒，白酒，燒酒，梅酒、啤酒，全部放題任飲，真係好鬼開心，仲有台式珍珠奶茶，椰汁芋圓等，不過我欣賞都係有熱飲櫃，岩哂我呢d養生唔飲凍飲既人。甜品有牌子雪糕雪條，仲有雪糕機比你玩。總結，呢個價錢有得食好質素既牛同咁多唔同既酒飲，真係抵玩抵食。

香港人是貪新鮮，這家火鍋放題勝在選擇多，價錢平。我選擇了龍蝦頭鍋，鮮味中帶有鹹香。前菜選擇多樣，包括了雞翼、中華沙律、哈密瓜和蕃茄。接下來就是火鍋配料了，他們提供了一系列豐富多樣的食材。澳洲和牛丸、花枝丸、貢丸和白魚蛋等食材，鮮美可口。菜、蓮藕、水木耳、豬紅、萵筍、南瓜等蔬菜提供了豐富的營養和口感。還提供了日本雞蛋，非常適合在火鍋中涮煮。當然，這家餐廳的打邊爐放題還提供了多種肉類選擇。美國特級肩胛肉眼片、美國牛肩胛片、巴西牛脷托和澳洲羊肉片等，除了打邊爐，這家餐廳還提供了一些台灣特色的美食，例如台南牛肉羹和台南鹹肉飯。最後，還有糖水和白酒、真露等飲品。糖水的種類繁多，有各種口味的甜品可以選擇，無論是清涼的涼糖水還是滋補的燉品，都能滿足不同人的喜好。而白酒和真露則是提供了一種完美的搭配，能夠讓用餐體驗更加豐富。

趁天氣仲未回暖，就梗係再去多次牛站打邊爐，今次就揀咗銅鑼灣呢間分店上次試咗雞湯，今次就試吓鴛鴦，麻辣湯（中辣）同埋沙嗲湯，麻辣湯真係好夠辣，唔係太食得辣嘅人要小心啲嗌，特別鍾意沙嗲湯，唔會搶到牛肉嘅味道牛肉方面，美國極黑和牛真係好大塊，脂肪比較少，美國安格斯牛版鍵嘅油脂就多番啲比較啱我口味丸類嘅話特別鍾意食蛋餃同埋貓貓肉掌，真係好啱影相海鮮方面都有唔少選擇，包括魷魚、青口，帶子、大蝦等，大蝦爽口彈牙去銅鑼灣分店嘅嘢飲同埋甜品會有唔同嘅選擇，今次試到一隻日本嘅抹茶雪糕，真係非常好食

第二次食呢度嘅火鍋，忍唔住要分享俾大家。好鐘意呢間嘅環境氣氛，好熱鬧，熱騰騰甘三五知己圍埋一齊食，好正!通常我哋都係揀中位價錢任食。飲料：有各款酒（清酒，梅酒。。）， 各款冷泡茶，汽水，果汁。。。醬料：多款，中西泰式任你混蔬菜吧：有各款菜（生菜，菠菜，豆苗。。。）仲有各款丸，生果熱食：有炸物，台式香腸，午餐肉台式香腸係好食到停唔到口甜品：呢度啲甜品雖然款多，但好食嘅不多雪糕：都係嗰句，款多但好食不多。建議你食返 Hagan Dazs。軟雪糕都係麻麻哋湯底：幾好，夠香濃。選擇都多肉類：豬，牛都好食。魚係最好食，脆口。最想介紹係糍巴，超好食。個黑糖係流心嘅，外脆內軟。

是日平日嚟到食午餐，佢有定量同放題邊爐食，但係中午都冇咁多時間同胃口食咁多，計過度過就覺得定量set好夠食。 價錢由$88至$178都有，視乎你食豬、羊、牛、half-half咁。今次試胡椒豬肚鍋，係辣咗少少，味道係ok。朋友叫椰子雞鍋勁香，佢地話唔錯。 定量嘅肉有150g都唔少，今次叫咗$108嘅牛肩岬肉，都幾靚，食落都有十幾件，食完勁飽。套餐包一個飲品，出去自取嘅。 另外出面嘅醬汁、菜、丸類都可以任拎。係甜品、響鈴又或者佢有棟牌話收題限定先拎得嘅就唔可以拎。整體質素唔錯，幾滿意.

之前試過星期六去旺角牛站，試過walk in都安排倒入座，今日諗住去銅鑼灣呢間試下，我今次三人冇book位，諗住walk in等位，問咗原來今日電話訂枱已full，如果我要食到4點，要等有人no show或取消先可以安排入座，12:30後先會知，如果食到兩點就可以即入座……我照攞飛先，大概差不多12:25開始叫飛，但只叫二人枱，由A1叫到A6，於是我問係咪有二人取消的，就比二人飛，我三人的，就要等有三人取消先有枱，佢話有一張三人枱未到，如果吾嚟就比我，隔咗陣，佢話吾好意思，三人果張嚟咗，所以如果我要的話，要等到兩點後（兩點後？我駛乜仲響度食呀？）…………真係令人好失望的安排，我係咪應該攞一張一人飛，一張二人飛先大機會有位？？三人四人五人walk in 想食吾駛諗了，要咁啱有三人或四人或五人的booking取消先有機會，早知佢no show／取消的意思係咁解，我吾會等……二人枱飛，有二人取消就可以安排，等三人枱的，冇三人取消就冇得安排，吾知咩玩法，有六張二人枱，都吾可以將兩張二人枱改比三人坐，做法死板，得失客人，咁早嚟攞第二個飛（三～四人），都吾及後來先嚟攞飛的十二人，完全係失敗的安排！

近排又轉涼，諗唔到食咩，去打邊爐就最好不過喇平日晚市時間打再平D，人均三舊食到捧住個肚走個場好大座位好寬敞，坐得舒服開枱先簡湯底，+$40可以簡雙湯底，龍蝦底好濃郁好鮮味，打邊爐前建議先畢碗飲先三款牛肉片都夠新鮮，口感彈牙，肉質有嚼勁龍蝦湯底本身味濃，好建議碌下豆苗、皇帝菜等容易索味的蔬菜丸類選擇都多，鮮蝦丸同大蟹棒都好食甜品方面比出面放題更有心，除左榚點類，仲有自家製楊枝甘露、喳咋、芋圓，試到好多野雪榚款式都唔少，哈根大師都成四款，食多幾杯先走

銅鑼灣呢間分店星期六未夠12:00已經有人排隊想make sure有位 就記住訂座先啦我見仲有包廂感嘅位置添不過就見係坐4-6人啱啱起身都係點冬瓜元貝湯底（其實聞到旁邊嗌個麻辣湯底好吸引）唔係太想食肉 點咗個至抵嘅價錢就夠了$198 特級肉眼餐有美國肩胛肉同特級牛肩胛肉前者比較瘦，牛肉味比較濃後者就比較薄身帶少少脂肪 入口比較易咬個人就比較鍾意食瘦啲嗰種今日嚟嘅主要目的反而係食吓蔬菜有南瓜，粟米，萵筍，金菇、娃娃菜、豆苗、蘿蔔南瓜煲熟咗真係好香甜 另外仲有炸咗嘅芋頭淥一陣之後就會變到好棉好粉好好味鍾意多種類嘅我 喺屋企食又點可以樣樣都買呢？另外重點在鴨血、鹽酥雞、韭菜餃等等竹笙蝦滑都好吸引㗎呢度嘅白桃烏龍冷泡茶都係我至愛飲返幾支都已經回本另外甜品仲有哈根大師㗎！我嗰日幫襯仲有四款口味嘅正常細杯裝添！而且仲有醉雞卷、麻辣小食、新鮮生果供應款式真係多到數唔到，我個肚都裝唔到😛

<人氣最強高質火鍋放題>🤩呢間火鍋放題, 應該係我食過咁多間入面最高質, 最多食物火鍋料選擇既一間😍 肉類和海鮮類, 係用 Scan QR code 落單的. 另外自助區有飲品, 甜品, 前菜, 丸類, 菜類, 生果等, 款式超多, 而且連清酒, 啤酒都有. 直頭多到你唔知揀邊款好.淨湯底已經有好多俾你揀, 而且仲經常有新款. 今次揀左冬瓜豬骨湯底, 好清又潤喉.飲品要特別一題, 係連珍珠奶茶, 鴨屎香檸檬茶都有😍真係估佢唔到, 令我好驚喜. 另外甜品區當然唔少得有Häagen-Dazs 啦😋 仲有其他種類既雪糕雪條, 連糕點, 布甸都有好多選擇.🤩肉類方面絕係高質. 我揀左個SRF肩胛肉眼套餐{$298}😋 ~ 牛肉分別都有幾個唔同部位選擇. 上盤靚, 仲會mark清楚係邊個部位, 肉類鮮嫩而且易咬口, 有口感有牛味, 正!🍲餐廳: 牛站(駅) 麻辣火鍋放題(銅鑼灣) 🥩地址: 銅鑼灣駱克道463-483號銅鑼灣廣場二期11樓

我一早就聽聞呢間火鍋放題性價比好高，選擇又多，適逢新年，梗係要約埋屋企人去擦餐勁㗎啦😋當日（平日）雖然我哋冇book位，但六點幾去到已經有好多人，所以我建議大家預早book位會好啲！我哋揀咗美國極黑和牛片（$298一位），同埋鴛鴦鍋（麻辣+豬骨鍋）雖然我哋叫嘅肉唔係最貴嗰種，但其實質素已經相當唔錯！除咗肉之外，呢度嘅火鍋料選擇真係好夠多，有海鮮、熟食（例如：芝麻雞翼，最特別嘅係有乳鴿），出面仲有唔少丸類、菜類、小龍蝦、水果、甜品、飲品（有清酒、梅酒、白酒、啤酒、珍珠奶茶😝任飲等），簡直你講得出嘅都有！最值得一讚嘅係呢度嘅衛生相當唔錯，好乾淨！去打邊爐最驚就係污糟，食完會肚痛，但呢度真係算好乾淨！香港最強嘅火鍋放題，牛站真係算係數一數二！

🐮牛站(駅)麻辣火鍋放題有4間店，今次去銅鑼灣二期的新分店。晚市有三款套餐選擇，今次點了2號的SRF美國極黑和牛片套餐，平日成人每位$258up，不同時段不同收費 (需加一服務費)入座後以QR code下單快捷方便，先選一款的湯底：有豬骨、麻辣、椰子雞、胡椒豬肚等十款選擇，而今次點了蕃茄湯底。除美國極黑和牛套餐外，連自助區的食物飲品多達百款：蔬菜類、丸仔、海鮮、水果、粉麵、熱盤、炸物、甜品、雪糕(有Häagen-Dazs)、糖水、酒精、飲料等放題餐廳環境寛敞舒適，有多個梳化卡位，明亮清潔，仲有自家圍裙非常貼心。食物亦新鮮多元化，可以客製醬料，更有台式的特色小食。120分鍾無限任飲飲食非常滿足，岩哂一大班朋友聚會🍻📍牛站(駅)麻辣火鍋放題銅鑼灣駱克道463-483號銅鑼灣廣場二期11樓 (港鐵銅鑼灣站 D2 出口, 步行約1分鐘)

任食台式火鍋$298 +$48 鴛鴦湯底龍蝦湯🦞椰子雞湯🥥🐔睇到張相都有一個超大個龍蝦🦞所以都幾重龍蝦味😄椰子雞都幾香😆一個比較重口味一個清淡啱啱好海鮮🦑🦐🦞覺得呢間台式邊爐性價比超級高😜有巨量嘅選擇😂海鮮可以揀任食凡立貝😄魷魚😀鯇魚😂青口😗種類都幾多選擇😊而且佢都洗得好乾淨😇完全冇沙😉同埋都算新鮮肉類🐂🐷🐑佢自己叫牛站都幾多牛嘅部位可以揀😀呢一個雖然唔係最高級嘅餐😂但係都食到和牛😁安格斯😊封門柳😊仲有基本嘅羊同埋黑毛豬😜仲有一啲平時唔係好經常食到嘅材料😂例如係田雞或者係雞子菜類🥦🥬🍅🥕呢個真係相當有驚喜😄食到好多平時真係食唔到嘅菜類😊例如係冰菜🧊紫色嘅白菜😂紫色嘅羽衣甘藍😊水蓮菜😆花生苗😂豆苗😊菜嘅種類嚟講真係算非常之多😆仲要好新鮮非常爽口丸類🍡🍢基本台式火鍋嘅配料都有齊晒😆例如係百葉豆腐😂豆腐磚😆蛋餅😇豬紅😌鴨血😃萵筍😌印象最深刻係佢個牛丸好彈牙甜品🍭🍬🍫🎂🍦種類非常之多😃除咗有無限嘅Häagen-Dazs雪糕🍦仲有諗到係任食或者係放題見到嘅雪糕佢都有齊晒😉仲有蛋糕😃燉蛋😂泡芙😀甜品真係眼花撩亂飲品🍺🥃🧃🥤呢一個又係另一個好驚喜嘅位😗因為佢有超過40款嘅無酒精飲品😉有一啲典型嘅台式

牛站主打台式放題火鍋🍲，餐廳裝修別緻，環境整潔😝，共有三款套餐及多款湯底選擇，按照不同時段收費🤑，今次我就試左二號套餐🥰✨2. 美國極黑和牛片套餐 (7:00PM - 9:00PM) $298- 湯底🥘 (另+$48)我選擇了鴛鴦鍋，分別是藥膳牛骨鍋🐮及香濃蕃茄豬骨鍋🐷，藥膳牛骨湯底味道濃郁😍，藥材香味重，蕃茄豬骨湯底加入大量新鮮番茄🍅，味道酸甜開胃😛- 前菜🥰日式前菜有中華沙律、螺肉、麻辣魚皮🐟等，味道正常🤣- 肉類🥩多款新鮮肉類提供‼️，分別有美國安格斯牛板腱、手切封門柳等，✨特別推薦SRF美國極黑和牛片，肥瘦均衡😛，油脂平均，輕輕一淥就可進食👌🏻，另一亮點是燒乳鴿皇🦤，坊間較為少見，乳鴿外層油潤焦香，肉質嫩滑，肉汁豐沛🤤- 海鮮☺️沙白新鮮飽滿，帆立貝、青口鮮甜多汁，另有蝦滑、水魷魚🦑、脆鯇魚片🐟等選擇- 蔬菜🥬多款新鮮蔬菜提供，包括有冬菇🍄、金菇、生菜、油麥菜等選擇，當中最特別有水蓮菜、冰菜，口感爽脆🤣- 丸類😗丸類選擇較為特別，其中企鵝丸外型吸引🤪，口感彈牙多汁，薯來寶外層爽彈入內包著煙韌年糕，口感不錯😎- 炸物😋鹽酥雞🍗香脆可口，醬爆糍粑外酥內軟，紅糖流心效果明顯🤩，值得一試，