牛站(駅)麻辣火鍋放題

營業中

休息中

見朋友推介今日假日特意黎試下，我地食晚市#3號餐 $338+1，估唔到食物有驚喜， 種類多 裝修好靚，自助區整到好似去左酒店食自助餐,食物除咗一般火鍋嘅食材，比較特別既係有乳鴿小龍蝦Häagen-Dazs任食 ⋯啤酒都係啲大牌子，omg, Asahi 🤩🤩任飲…..之前食過嘅朋友話原來最近加左新野榴槤波波同芝麻雞翼 ，我真係幸運第一次就食到🫶🏻🫶🏻🫶🏻夜晚真係好旺場，我見d員工好忙 出去拎嘢食，順便放低啲碗碟俾侍應 佢哋都好有禮貌話”唔好意思啊 唔該晒 “之後就快手快腳過嚟清枱面。整體而言感覺唔錯 👍都有90分 。可以有下次,可能又有新野嘗試😉

呢間性價比超高既任食火鍋終於起旺角有分店創興2樓全層地方好寬敞選擇比觀塘同尖沙咀分店既選擇更加多自助區既範圍闊落麻辣湯/清甜椰子雞麻辣湯夠麻同辣，香港人選擇bb辣就岩岩如果想挑戰辣度中辣已經好刺激餐廳有油碟提供，解辣就一流椰子雞鍋好鮮甜，用黎煮蔬菜好好味SRF極黑和牛和牛油脂感好足落麻辣鍋好滿足點上油碟好濃郁既麻油味再加上有生蒜味牛味濃同牛肉軟熟海鮮有鮮蝦、剝皮魚、帆立貝估唔到任食都有剝皮魚呢隻魚肉厚魚刺少，食落啖啖肉鮮蝦好彈牙涼菜一定要試下佢既花椒魚皮好爽脆惹味鴨舌都一樣有得食好彈牙麻香味十足小小辣但夠晒麻甜品有哈根達斯任食好吸引仲有高價既gelato 真係超高質

-又又又打邊爐 點解？ 鬼叫台式火鍋店🍲愈開愈多咩🤭呢間位於旺角創興廣場2樓 (前身呢個位系日式放題)🔹120分鐘放題大滿足 ✅SRF美國極黑和牛片 $28810款湯底任君選擇 上次尖沙咀店食過沙嗲鍋 超濃郁🥘今次就叫多次睇下唔同分店系咪一樣味🫢讚讚👍🏻🔹任食肉類QRcode點餐📲SRF美國極黑和牛片、美國牛胛肉、美國安格斯牛板腱、手切封門柳、花雕酒雞翼、澳洲羊肉片、西班牙豬五花片、巴西牛脷托、美國豬梅肉⋯⋯仲有乳鴿都系任食‼️平時餐廳一隻都$98啦🫣一於食番夠本🔹餐廳自助區選擇都勁多 生食、蔬菜、熟食、飲品、甜品乜都齊而且位置超闊落 唔怕撞來撞去牛丸、粟米丸、長洲大魚蛋、芥末蟹子丸、羽衣甘藍、芋絲、丸、金菇、冬菇、麻辣豬脷、中華沙律、螺肉⋯⋯

本身滿心觀喜見你新開張就去下打邊爐，點完牛肉上左碟紙巾，舉手叫佢 ，有個職員見到我舉手直行直過，好啦，舉到有人理啦，仲要問返我轉頭呢碟咩嚟，乜唔喺我問你先啱咩？之後收走左件野，唔好意思都無句，唔會再去。

本人於6月11日中午時分打電話到旺角店預約6月18日下午6點，當時已一再向該接線職員確認，是否於7點半前離座，可享有折扣優惠，當時該職員確認可享有優惠。唯今日結帳時向職員提出時，職員一開始表示要5點半入席才可享用優惠。本人向職員展示貴公司宣傳單張寫明7點半前離座便可以享用優惠，該職員表示未能解釋，需向另一職員救助。唯另一職員表示今天是父親節，所以並沒有此優惠。請問貴公司之優惠，是否只作宣傳用途，企圖蒙騙消費者？

✏️佢嘅肉好高質，而且選擇多，亦都有Häagen-Dazs任食✏️我今次食好少少，叫咗佢最貴嘅套餐，先至$328，呢個價錢仲包埋蝦滑，廣島蠔，特級牛小排同埋乳鴿等等✏️佢嘅牛小排真係超級高質，令人食完再食✏️佢嘅燒鵝都唔錯，唔會太乾，味道剛剛好，有種好似食緊豉油雞嘅感覺✏️佢旺角分店都係新開左冇耐，地方非常之大，好寬敞舒適，而自助區比其他兩間店更多選擇更大，所以食物都會豐富好多✏️湯底好飲，叫咗個冬瓜薏米雞湯同埋個蕃茄湯，兩個嘅湯底都幾正

「牛站（駅）麻辣火鍋放題」可謂近日令我大開眼界嘅火鍋放題店， 以$288嘅價錢做出$488嘅質素，難怪可獨自租用旺角創興廣場二樓巨舖，因為真係唔怕無人食。裝潢新淨，座位闊落，坐得都幾舒服。火鍋自助區有大量優質食材及貴價甜品，甜品多達二三十款，連Haagen Dazs及EKSELENCE等零售價$25/件起嘅雪糕雪條都係任攞任食；飲品有逾二十呎長，高逾兩米嘅凍櫃裝住，仲有自家製冷泡茶如人蔘烏龍茶等；自助品食物應有盡有，連麻辣小龍蝦都有大量比你任拎。清酒、梅酒、燒酎全自助自己斟，任你飲，仲可以自己裝一壺埋位飲。牛駅秘製麻辣鍋 (小辣): 辛香濃郁，辣度足夠，麻度較低，唔會食到個口痺曬，但唔會有 (港式) 四川火鍋咁辣，差半度左右啦。辣度方面: 我食開譚仔大辣至特辣，當然能輕鬆面對；但友人食開譚仔小辣而已，所以呢個「小辣」佢唔太Handle到，食多幾件已經過辣，更唔好話食唔到腐皮、響鈴及蔬菜呢啲咁吸汁嘅配料，佢話辣到啲肉味都有啲遮蓋左。因此，奉勸大家唔係特別食得辣嘅，點個「微辣」試下味咪算。$288嘅和牛套餐已有多款牛肉選擇，包括美國極黑和牛片、手切封門柳、美國安格斯牛板腱、美國牛肩胛片、巴

今次係我第二次去牛駅，上一次係晚餐時段，而今次係午餐！以上次經驗，係多嘢食種類，所以趁今天中午有空，便去！ 中午，平均每人二百，但食物少到完全無嘢好㨂！得番自助區的丸丸！之前有得下單嘅蝦/雞子/ 疇魚滑😞等等全部都無！飲品收起最受歡迎的珍奶/ 梅酒！😔😞小食收起了小龍蝦/ 豬手！😞雪糕無Häagen-Dazs!😞花膠湯底無花膠😞講一講服務態度先！我明白佢哋要埋數，所以好早就催埋單！要客人拎住張單行出去埋，都算！最過分係埋單過後，服務員一而再，再而三咁叫你埋咗張單先！😡

「牛站」喺旺角開新分店啦🤩🤩之前去過佢地的尖沙咀同觀塘分店，已經覺得好唔錯！！而旺角店環境比其他兩間更加寬敞舒適，自助區都有更多選擇～值得回訪🙌🏻🙌🏻🐮SRF美國極黑和牛片套餐 $288/位✨湯底揀左清甜椰子雞鍋🥥，椰子味好重～裡面仲有好多雞肉😋😋肉類方面，可以任食SRF美國極黑和牛片、美國安格斯牛板腱、美國牛肩胛片、巴西牛脷托、西班牙豬五花片、澳洲羊肉片等～～我同朋友就瘋狂點牛肉！SRF美國極黑和牛🐮大大片，肉質嫩滑juicy～encore左幾次🤤🤤海鮮選擇都好多，包括日本帆立貝、鮮甜海蝦、紐西蘭青口、象拔蚌片、沙白等～全部都好新鮮❤️❤️另外仲有多款火鍋配料、冷盤、小食、甜品同飲品～～小食有麻辣小龍蝦、鹽酥雞、台灣一口腸等，估唔到仲有燒乳鴿🦆！燒乳鴿皮脆肉嫩，燒得啱啱好😍😍火鍋配料就有多款台灣直送的丸類、蔬菜、鴨血、寬粉、響鈴等～～最後食埋Haagen-Dazs雪糕做甜品🍨，回本冇難度😎😎

成日落雨，胃口好易差，但如果有惹味食物，我一食就會好肚餓。行開旺角，發現牛駅有分店，梗係又試下，點知同尖沙咀分店一樣有小龍蝦，又有珍珠奶茶，仲有我最愛既乳鴿沙嗲湯底菜，小食，飲品雪糕自助拎值得一讚係和牛成隻手掌甘長，淥幾下就食得，牛同羊肉都十分有味道湯底够濃已經提高肉質味道層次，已經唔洗點醬汁，醬汁有勁特別既花椒油汁，並不是每度也有蝦丸呈花形，自家製雲吞，仲有花膠乳鴿十分香脆，即叫即炸有暖櫃飲品，有凍櫃，又有清酒白酒任飲自助區雪櫃十分够凍，唔怕食物變壞，但太多食物花多眼亂自助區够闊落企理甜品有軟雪糕，涼粉芋圓，仲有Häagen-Dazs ❤️

係網上見到牛站係旺角新分店，上星期搵個幾個朋友一齊去飲飽食醉，以前去過其餘兩間分店，新分店嘅座位和自助區都更大、更寬敞。我地揀左美國極黑和牛片（$288）放題套餐，可以揀嘅都幾多，有肩胛肉眼、SRF美國極黑和牛片、美國安格斯牛板腱、手切封門柳、美國牛肩胛片等，佢地嘅牛肉質量都幾高，總有一款你鍾意。湯底揀左老黃瓜薏米瑤柱雞鍋，湯頭都幾清甜，配料十足。另外有多款海鮮俾大家任食，有象拔蚌片、日紐西蘭青口、鮮甜海蝦和沙白、水魷魚等。餐廳重有乳鴿王俾大家任點，鍾意食乳鴿嘅我地，當然唔會錯過，隻隻都烤得剛剛好，熱辣辣，勁正。另外點左手打墨魚滑、台北鴨血、醬爆糍耙，重有我嘅最愛水蓮，細嫰美味。食放題點少得食甜品。

食過佢尖沙咀分店，今次黎旺角店覺得餐廳空間更大，自助區食物款式更多，食得舒服😌今次叫左SRF肩胛肉眼SET $288/1位，湯底叫左老黃瓜薏米瑤柱雞鍋，肉類包括SRF美國極黑和牛片、美國安格斯牛板腱、手切封門柳、美國牛肩胛片等，一如既往高質👍🏻自助區包括前菜、生果、火鍋配料、熟食、甜品同飲品。其他就需要用Qr code 落單，包括海鮮。帆立貝、青口、海蝦、沙白、水魷魚等既海鮮會用冰盤上枱，所以好新鮮。火鍋配料多達三十多款，熟食更有小龍蝦、滷水豬手，所以淨係食出面自助區都已經好滿足🤭，而且可以用電話下單小食，例如台灣腸、鹽酥雞、醬爆糍粑、乳鴿等甜品方面，有Häagen-Dazs雪糕、榴槤雪條、各款小蛋糕（黑糖卷蛋幾好食😋）、三色芋圓仙草值得一題既係，飲品既種類都好多，除左一般既罐裝飲品、冷泡茶外，重有白酒、梅酒、波霸珍珠奶茶，各年齡層都岩飲🤣

牛站（駅）麻辣火鍋放題早排又同中同打邊爐，今次去咗旺角創興廣場新開嘅牛站打邊爐，前身係樂天放題，依家樂天搬咗第二度，仲好似改咗名！呢間火鍋店係用QR Code手機落單叫野食，出面自助吧就有熟食區、飲品區、甜品區、丸類同蔬菜都係出面拎，今次我哋揀咗最貴價錢（假期價錢$298）嚟食，1930前離座，任食2小時，湯底揀咗喇沙海鮮鍋同清甜椰子雞鍋。必食推介：SRF美國極黑和牛片、美國安格斯牛板腱、美國牛肩胛片、手切封門柳、巴西牛脷托、澳洲羊肉片、象拔蚌片、乳鴿王、日本廣島蠔、日本帆立貝、日本蟹棒、鮮甜海蝦、水魷魚、手打蝦滑、手打墨魚滑、美顏花膠、滷肉飯、醬爆糍粑、麻辣小龍蝦等飲品有自家製冷泡茶、梅酒、清酒、紙包飲品等甜品有haagenDazs雪糕任食、朱古力脆皮雪條、山水豆腐花、三色芋圓糖水，以及好多糕點等。6人總共價錢$1788，有加一服務費，下載「飯糰」手機程式做會員有九折優惠！個人口味總評分：9/10地址：旺角彌敦道593-601號創興廣場2樓#牛站麻辣火鍋放題 #牛站 #任食打邊爐 #香港美食 #hkfoodie #hkfoodblogger #hkfoodpic #hkfoods #

牛站係旺角最近開左新分店～之前係尖沙咀分店食過已經覺得好唔錯～今次試下新環境！今次揀左SRF美國極黑和片餐（$288+1），已經包埋海鮮，所有野飲野食甜品都係任叫任拎，無野限制一件咁，呢點非常好！湯底我地揀左香辣牛骨沙嗲鍋，唔食得辣既我我都食到，味道好濃郁，基本上我都無點過汁🤣索晒落啲配料到😋呢個餐必點SRF美國極黑和牛片同美國安格斯牛板腱呢兩款，前者口感柔軟鮮嫩，油花分布均勻，色澤紅亮，肉汁豐富，帶有濃郁牛肉香氣，後者肉質結實，肉紋分明，口感綿密😆海鮮方面，本身放題對海鮮都無乜期望，點知有驚喜，新鮮又大隻，日本帆立貝、海蝦、青口、沙白都非常鮮甜，其中特別既包括蝦仁棒棒、醬爆糍粑，海鴨蛋福袋，乳鴿都有😳呢啲都係其他放題少見，黎到都可以叫黎試下😝出面自助區都好多飲品同食物選擇，小龍蝦，豬腳薑，肉燥飯都有～連清酒，梅酒，啤酒都係任飲！中意飲酒既你飲完已經回晒本🤣好欣賞佢仲有熱飲區，照顧到養生唔飲凍野既朋友～甜品方面，haggen Dazs雪糕任食，仲要有熱門（朱古力）唔係淨係啲冷門味道🤣，韓國牌雪條都好多款，仲有啲自家制～選擇都好多🤤食完捧住肚走超滿足超抵食👍🏻地址：旺角彌敦道593-60

新開帳，前一手都係食市，全新裝修咗， 我哋2pm後入座有88折， 有幾個餐可選擇， 任食兩小時， 好多唔同類型嘅食物，食物水準都非常好， 好驚喜，lunch 有Haagen Dazs雪糕任食 ，有珍珠奶茶， 食兩杯雪糕都係返到。出面有好多唔同食物，雪櫃好凍出曬煙，甜品種類多，最後飽到無咩食甜品。唯一覺得係個牛質數差少少，唔知係咪因為揀咗最平嗰個餐。