牛牛日式火鍋放題 (海之戀商場) (已結業)

呢一間荃灣嘅火鍋店出咗名有多款唔同嘅湯底提供比客人選擇，有辣有唔辣梗有一款啱你🥰今次就率先試左關東壽喜燒鍋同藥膳麻辣鍋。關東壽喜燒鍋極具日本風味，係香甜嘅醬油味道。藥膳麻辣鍋夠麻夠辣，仲有好香嘅藥膳味道，中和左辣椒帶嚟嘅燥熱🌶️。跟住肉都有好多款，其中好少見嘅澳洲綠草原羊肩肉都有，羊味香而不羶。而極上牛舌則牛味十足，薄切有嚼勁。而海鮮種類都多達十幾款，全部賣相吸引，食落新鮮。仲有唔少得嘅小食炸物，最鐘意炸雞翼🐔同埋有夏天必食嘅雪糕🍦

好耐冇同男朋友一齊大飲大食，決定左一齊去食火鍋放題❤️身為精打細算嘅女朋友梗係要揀一間抵食嘅放題！最後我哋就決定去一間荃灣嘅牛牛日式火鍋放題。價錢方面我哋星期六去食就係$328，任食90分鐘。湯底方面都有好多唔同隻，我哋本身唔食得辣所以就揀咗兩個唔辣嘅湯底。男朋友就叫咗關東壽喜燒鍋，醬油味好重帶點甜味，好有日式風味。我就叫咗一個膠原豬骨鍋，補充下啲骨膠原😙除咗普通嘅小食、甜品、炸物、丸物等等佢哋肉類嘅質素都好好！極上牛舌精切完美厚度，恰到好處又有嚼勁。而澳洲綠草原羊肩肉肉質鮮嫩細緻，沒有羊隻嘅腥羶味。同埋海鮮都好多選擇又鮮甜呀！

朋友決定左要移民啦，臨走之前梗係要珍惜最後嘅時間同佢一齊傾吓計希望佢一路順風。佢揀咗呢間荃灣呢間任食火鍋店食嘢，一邊食一邊慢慢傾。我哋叫咗兩種湯底，一個係泰酸辣蝦鍋，另一個係極之鰹魚鍋。泰酸辣蝦鍋好有泰式風味，酸酸辣辣咁樣好開胃。而極之鰹魚鍋就係清淡又有鰹魚鮮味。肉類方面選擇好多元化，最鍾意食佢哋嘅丹麥豚腩肉同丹麥封門牛柳！豚腩肉肥瘦適中，入口肉質嫩滑，放埋落湯底到十分之入味。而牛柳賣相吸引，牛味香濃，都相當之唔錯。除咗呢兩款之外仲有其他，牛舌、牛小排、牛胸腹、羊肩肉等等。順帶一提佢哋嘅小食炸物都好正，唔算好油膩！煎餃子外皮剪得好趣內裏有有肉汁🥟，就算火鍋食到好飽我都忍唔住要要食多幾隻。

啱啱喺荃灣嗰邊做完嘢有個好長時間嘅break，所以就諗住揀間餐廳坐低慢慢食，咁啱就見到呢間日式火鍋放題店，可以90分鐘任食，見落雨都費事周圍行就決定入去慢慢食餐好嘅。咁多個湯底入面我就揀咗呢個傳統山椒味噌鍋，辣度對於我來講係啱啱好，湯底嘅味道都非常之濃稠。因為實在太肚餓所以決定要擺個出前一丁落去食😂然後就梗係要加埋我最鍾意嘅牛肉啦！有兩款我不停encore嘅就係丹麥王樣牛小排同埋極上牛舌，一個肉質非常之鮮嫩，另一個十分有咬口，兩款牛肉嘅味道都好香濃👍🏻👍🏻最後食到飽都不忘要食返杯CHOCOLATE ICE CREAM先肯收工🤣甜品係另一個胃呀嘛。

夏天都無阻我打邊爐嘅興致，今次就揀左呢間係荃灣海之戀嘅牛牛日式火鍋放題。睇完個meau 決定左叫Lv3 嘅任食火鍋放題個個套餐，佢話多達有85樣嘢食揀🤩仲係90分鐘任食！不得了不得了！仲要都星期一至四只係$308，五、六日同紅日都係$328，超抵食喎！未開始前就去拎左啲特色沙律，前菜打下底先，然後慢慢其他嘢等佢滾熟先食😙特別推介大家叫佢嘅海鮮🦞我叫左啲海蝦、扇貝、蟶子等等，總之乜都叫啲嚟試下🤪估唔到全部都勁新鮮喎！牛肉都有好多唔同嘅款，最鍾意食佢哋嘅丹麥王樣牛小排，肉質油花分佈均勻，較重油香。另外飲品、小食、雪糕都有好多唔同嘅選擇！

同朋友約好咗上個星期一齊食飯，大家傾好左嚟荃灣呢間日式火鍋店食火鍋放題🤩見佢地有好多選擇，搞到我地都唔知揀乜嘢食好。我地左諗右諗就決定好湯底叫呢個傳統山椒味噌鍋，湯底辣味適中，味道濃郁，不錯！肉類選擇都好多，無論係牛豬定係羊都有。牛肉方面最鍾意食牛胸腹同牛小排。牛胸腹肥瘦交替具有層次，肉味濃厚且鮮甜。牛小排油花分布平均，肉質鬆軟入味。而呢個澳洲綠草原羊肩肉都幾好食，一啲都唔會有好重羊羶味。最後甜品控嘅我最開心見到佢地有好多雪糕雪條揀❤️食返條熊貓雪條開心下先😍

好耐冇打邊爐啦所以就約埋朋友嚟到荃灣呢間火鍋店到食嘢，上網見到佢哋係任食只係三百幾蚊，見到咁抵食一早已經book mark左🥰火鍋湯底方面都有好多唔同嘅選擇，我哋就揀咗傳統山椒味噌鍋。一上枱就聞到香辣嘅山椒味，但好彩食落味道比味噌中和左，香辣而唔會太嗆！首先食咗佢哋啲小食特色沙律、前菜先。仲有我最鍾意嘅炸雞翼，雞翼炸到好香脆！正☺️配料方面嘅選擇都好多豆卜、丸物、餃子各式各樣都有齊。必食嘅海鮮同牛肉都好高質素，牛肉仲有個款唔同嘅部位選擇，賣相吸引牛味香濃。海鮮亦都係十分之鮮甜。最後去買自助佢就拎支Ooha，一邊飲一邊食！好飽🥰

同朋友去咗荃灣海之戀嗰邊行街，行完一齊食lunch就見到呢間牛牛日式火鍋放題。望一望見佢哋個價錢好抵食，平日時間去都係$308仲要係任食，因為我哋實在太肚餓所以就即刻入咗去食嘢啦。湯底方面揀咗一個關東壽喜燒鍋，湯底濃郁香甜😍另一個就揀咗膠原豬骨鍋，一望奶白色嘅湯底就知有滿滿嘅骨膠原，豬骨味都好香濃。呢個價錢係任食嫁，無論係豬肉、牛肉定羊肉佢哋都有提供。食咗咁多款最鍾意佢哋嘅丹麥王樣牛小排同丹麥封門牛柳。牛肉油花分佈均勻，入口柔軟，好入味。另外值得一試嘅就係佢哋嘅海鮮，款式種類都好多，而且全部都係好新鮮一啲腥味都冇！好鮮！

訂19:00，90分鐘用餐時間，夠鐘會即刻收曬枱上面嘅嘢，明明冇人等位，掉晒都唔俾你食埋佢，當時20:30，21:00 last order。待應態度惡劣，叫加湯叫咗幾次都冇人理，啲湯仲要係凍嘅。大家訂之前諗諗！

看開我食評的朋友都知我很少打負評.但這間真的不得不讓我打出來…昨日有一位非常難得一見的朋友回港相約吃飯.本想帶她吃好吃的舒服的火煱餐廳🍴誰知沒想到這餐廳的服務態度真令人反感…我們起初在門前的服務小生弟弟還以禮待人得友善非常細心又仔細的講解餐牌中的各種不同&分別..而我們光顧的時間還相當早大概是下午五點鐘左右.所以最後選擇了晚市的$288套餐..還很開心的坐下全海景的位置….但誰知惡夢的開始就在內𥚃的服務生😡先先是吃突然之間有位年輕的女服務生走過來，以凶神惡煞的語氣和我們説:「已經過咗好耐啦喎.喺咪加鐘？唔係嘅話係出面買單」我們當堂呆了😯事關從來都沒有任何一位服務員前來跟我們說時間已到/用餐時間只剩餘15分鐘這些說話..一走來第一句便以不友善的態度對待..真的無言以對..繼而服務員再看一看單據才說自己看錯了..我們還有22分鐘用餐時間🫤當堂除了反白眼都不知可以做什麼好🙄 還要一句道歉的說話都沒有便走了..真的心諗連自己都沒弄清楚便用這態度{真的很有待客顧上的態度}起初一次都算了.心諗她還年輕經驗不足便算.誰知第二次還厲害得很...不得不讓我打這篇繼而第二是我們用餐的時

過多10幾日Miss C 👩🏻就要去外國讀書+移民✈️，都唔知幾時會再見，今日特登約埋一班同事一齊食餐送別飯😢😢之前食過幾次感覺都唔錯，可以靜靜地傾吓計😊😊火鍋店有分定食同放題，我哋想坐耐啲所以就揀咗放題有90分鐘😄😄。另外自設一人小火鍋🍲，喺呢個疫情期間感覺都比較乾淨衛生，方便自在😋😋我哋就揀咗$168包一款牛🐂同一款豬🐖，QR code落單後2-3分鐘就會送上非常之快😁😁，兩款肉質同味道都OK，唔會切得好薄有啲厚度😚😚其他配料就自己出去夾，大路嘢冇咩特別正正常常😀😀但我記得之前食過有巨型蟹柳選擇，今次唔見唔知係唔係只有夜晚先有得食，午餐冇份就有啲失望😞😞

.GYU GYU SHABU SHABU🍲牛牛日式火鍋放題@gyugyu_shabushabu …………呢間火鍋放題店好有驚喜✨❤️✨因為有movenpick雪糕!!!!!❤️✨配料好多選擇!!!!✨醬汁有好多選擇!!!!!(重點!!!!有花椒油🌶👩🏻‍🦰叫左麻辣湯底😆但正常麻辣嘅麻度係唔會滿足到😂竟然有花椒油可以自由添加!!!😝呢點真係加滿分🥹🥹✨有自家製茶💁🏽‍♀️………..我地👩🏻‍🦰🧑🏻簡左澳洲產頂級長期穀飼牛🐮放題套餐✨($238)💰價錢正常，大部分都係大概咁嘅價錢💸…………👩🏻‍🦰鍾意食羊🐏又唔「穌」又有羊味😯唔錯😝薄薄地又唔會太飽，可以試多d野😚……….🧑🏻簡左番茄🍅湯🍲好濃番茄🍅味!!! 我地仲係自助區攞多左幾個🍅😂加落湯底😚………..整體幾鍾意呢間火鍋放題店😆✨放工時間唔洗點等位🤩上菜都好快👩🏻‍💼唯一缺點就係枱與枱有d近🙈………..味道：🌕🌕🌕🌕🌑4/5種類：🌕🌕🌕🌕🌑4/5性價比：🌕🌕🌕🌖🌑3.8/5環境：🌕🌕🌖🌑🌑2.8/5衛生：🌕🌕🌕🌖🌑3.8/5整體：🌕🌕🌕🌖🌑3.8/5……….

二佰幾蚊就可以享受個海景，邊食邊嘆你都咪話唔正😎餐廳近期成為我最愛！因為價錢合理又可以食到飽，重點係啲食物質素好好😳我每次都食得好開心好幸福💕打邊爐最緊要個湯底，餐廳勁多選擇有豬骨湯底，豆乳，酸菜，麻辣，真係咩味都有，我最後揀左壽喜燒月見鍋, 因為我鍾意佢個汁甜甜地😚朋友就無辣不歡, 所以佢揀左麻辣湯底, 我試左下佢個湯底都幾惹味! 😆我地揀左美國產頂級牛肉(任食), 牛肉都好夠嫩, 我地叫左好多碟😛 仲有佢既豬肉同羊肉都唔錯 尤其羊肉一D都唔騷☺️自助區配料有好多, 蔬菜、丸都有好多選擇! 真係花多眼亂! 飲品就有冷泡茶, 感覺相對健康好多! 😄最後要讚下店員既服務, 收碟好快, 我唔小心倒潟野都立即幫我處理🥹

勁耐無打邊爐啦，今日心血來潮就同男朋友黎個邊爐之夜❤️哈哈，順便慶祝終於可以堂食啦🥳我哋去咗呢間餐廳地方好就腳，係海之戀商場，食完行Donki買埋野一流呀😳餐廳好大坐得好舒服😌，而且好光猛，我喜歡💕另外餐廳提供多款湯底選擇，我哋揀咗個出面餐廳比較少嘅熟成蕃茄鍋，super yummy 🤤 蕃茄勁濃郁，對於我呢個愛好者真係好開心😄。另外仲有粟米🌽，丸，菜，烏冬呀任食❤️不過我哋係唔會食咁多架🫣因為要留肚打大佬，就係食牛肉啦🤤🤤🤤啲牛肉真係盤盤都咁靚，唔會話上完第一轉之後果啲肉就唔靚❤️另外真係要讚一讚上野食嘅速度好快👍🏻打完邊爐食埋雪糕🍦真係美好開心嘅一晚！

天氣突然涼左少少, 就梗係去食火鍋LA! 因為想試多幾款野, 揀放題就最岩, 貪佢唔洗就住就住叫, 呢間火鍋店係海之戀入面, 地鐵站一上就係 夠晒方便👍🏻餐廳擺枱都算鬆動, 好彩既仲有機會坐邊位, 可以望住個海景打邊爐, 真係好正🤩佢有八款湯底揀, 有幾款仲要係日式既湯底, 例如壽喜燒湯底, 出面比較少機會食到😉鍾意食辣既我就揀左個日式麻辣湯底, 澳洲產頂級長期穀飼牛餐, 麻辣湯底味道香濃, 有麻香唔會死辣, 穀飼牛既油花分鋪得好靚, 淥兩下就食得, 牛味仲好濃😚 另外個餐仲可以叫綠之草原羊肩肉同丹麥產皇冠豚梅肉, 兩款肉都幾高質!🥰除左肉, 外面既自助區都有好多野食, 蔬菜種類好多，連羽衣甘藍都有; 仲有各式丸類, 最正既係可以食埋movenpick雪糕😆😆😆