牛牛日式火鍋放題 (海之戀商場) (已結業)

好耐冇打邊爐啦所以就約埋朋友嚟到荃灣呢間火鍋店到食嘢，上網見到佢哋係任食只係三百幾蚊，見到咁抵食一早已經book mark左🥰火鍋湯底方面都有好多唔同嘅選擇，我哋就揀咗傳統山椒味噌鍋。一上枱就聞到香辣嘅山椒味，但好彩食落味道比味噌中和左，香辣而唔會太嗆！首先食咗佢哋啲小食特色沙律、前菜先。仲有我最鍾意嘅炸雞翼，雞翼炸到好香脆！正☺️配料方面嘅選擇都好多豆卜、丸物、餃子各式各樣都有齊。必食嘅海鮮同牛肉都好高質素，牛肉仲有個款唔同嘅部位選擇，賣相吸引牛味香濃。海鮮亦都係十分之鮮甜。最後去買自助佢就拎支Ooha，一邊飲一邊食！好飽🥰