牛牛日式火鍋放題 (海之戀商場) (已結業)

夏天都無阻我打邊爐嘅興致，今次就揀左呢間係荃灣海之戀嘅牛牛日式火鍋放題。睇完個meau 決定左叫Lv3 嘅任食火鍋放題個個套餐，佢話多達有85樣嘢食揀🤩仲係90分鐘任食！不得了不得了！仲要都星期一至四只係$308，五、六日同紅日都係$328，超抵食喎！未開始前就去拎左啲特色沙律，前菜打下底先，然後慢慢其他嘢等佢滾熟先食😙特別推介大家叫佢嘅海鮮🦞我叫左啲海蝦、扇貝、蟶子等等，總之乜都叫啲嚟試下🤪估唔到全部都勁新鮮喎！牛肉都有好多唔同嘅款，最鍾意食佢哋嘅丹麥王樣牛小排，肉質油花分佈均勻，較重油香。另外飲品、小食、雪糕都有好多唔同嘅選擇！