牛牛日式火鍋放題 (北角匯二期) (已結業)

我同朋友都好鍾意食shabu shabu，於是今日我同朋友就約左去北角匯牛牛日式火鍋度食放題，任飲任食非常抵之餘仲要食物非常之高質素！我地叫左以下既食物：兩個湯底我地都非常滿意，膠原豬骨鍋🐽入口品嚐時感覺到滿滿既膠質感同濃郁既豚肉香味，岩晒我呢啲貪靚既港女，而另一個蕃茄湯底🍅亦味道亦非常鮮甜，充滿清甜既蕃茄鮮味，淥牛肉一流！呢碟澳洲綠草原羊肩肉🐑係我同朋友至愛，羊無羶味又易入口滑嘟嘟！仲有碟極上牛舌🐄真的要誠意推介俾大家！牛舌係牛舌芯既位置，牛味極重又煙韌，好食😋而呢度自助區亦有好多餐具方便客人自取，非常user friendly!❤️

今日朋友帶左我去北角滙既牛牛日式火鍋放題到食任飲任食打邊爐，我地食到停唔到口，因為實在太好食！🌟膠原豬骨鍋🌟湯底充滿豬肉既香味，鮮甜香醇，同啲火鍋配料一齊食令湯底更鮮甜！🌟關東壽喜燒鍋🌟味道濃郁香甜，放火鍋配料落去淥個陣滲透晒啲肉到，令每件肉都充滿香甜鮮味！🌟丹麥豚腩肉🌟豚肉非常薄切有光澤，肉質煙韌彈牙，充滿濃濃豬香，仲一啲都唔老身！🌟牛胸腹🌟同樣非常薄切，充滑牛肉脂香，入口即溶！非常之好食！🌟丸🌟無論墨魚丸，龍蝦丸，牛丸定其他丸，每粒都非常大大粒同彈牙！

朋友係上網搵左一間係北角匯既牛牛日式火鍋放題，話有好多食評，於是佢今日就帶左我下試食！以下係我地試食報告：😋我地好鍾意食羊，於是我地嗌左個「澳洲綠草原羊肩肉」！羊肩肉非常嫩滑唔老身，充滿羊獨有既香酥味！再放落去個「膠原豬骨鍋」🫕豬味更加出晒嚟！而湯底鮮甜充滿膠質不在話下，非常好味道！🤤🤤而呢度裝修非常之靚，牆身有大大隻牛既解剖圖清晰講解牛既位置，食野之餘仲可以長知識！仲有一幅好靚既日文字畫，非常岩晒打卡！🥳而自助區又有多款雪糕供客人選擇，同餐具方便客人自助拎取！❤️😍

孤獨精又出動了，一個人最啱去食一人一鍋!☺️想食幾多拎幾多，應有盡有。🤪位置舒坦，夜晚食飯有好多人，非常熱鬧。😚我個人比較鐘意食正餐前食啲Fresh嘢打下底，o係出面沙律櫃拎咗好多時令蔬菜，食落去好新鮮，吸滿曬啲湯汁。大讚馬蘇里拉芝士片、蕃茄卡布里水牛芝士沙律、和風胡麻豆腐沙律，味道清爽唔Guilty!❌我係叫左個丹麥王樣牛小排餐，好想介紹吓牛胸腹！首先肉質鮮嫩、油脂分佈均勻🥰所有肉切得好薄，肉味香濃。😚滾耐左都唔會老。😋關東壽喜燒鍋果然係正宗高湯的香氣和食材的鮮味的簡單日式火鍋湯。一人一鍋打邊爐，配上高汁嘅肉又爽口好吃，下次帶多啲人過嚟再試過！

今時今日疫情底下約底朋友食飯係非常難得，能夠係北角匯既牛牛日式火鍋放題食飯更加非常難得，因為平時非常多人，同食物太好食！唔講錦多先黎兩個湯底！蕃茄🍅湯底係我同朋友至愛！因為佢唔係一般平時打邊爐用茄膏而成，而係用非常大個新鮮既蕃茄熬製，湯底非常入味鮮甜同好清新！而另一個膠原豬骨鍋口感細膩奶滑，充滿濃郁香味！食物梗係無得輸！丹麥豚腩肉🥓薄切嫩滑，入口充滿肉汁同湯底精華，正😄海鮮🦞亦係我地讚不絕口！蜆，帆立貝，蝦等每隻非常彈牙鮮甜同脹卜卜！一個字正！而各款丸類🍡亦好食都不得了！蝦丸蝦味濃郁，炸魚蛋彈牙爽口，貢丸豬味濃郁，墨魚丸亦有粒粒墨魚肉，炸魚蛋亦十分彈牙，非常之有口感！

已經係第N次黎打邊爐！無論炸第同打邊爐都係非常之水準同食物質素一流！👍榴連皇炸彈🤩炸得非常香脆可口！入口濃郁芬芳既榴連香飄晒出黎，同充滿啖啖榴連肉，鍾意榴連既朋友唔可以錯過！日式章魚燒🤩亦是非常推介！章魚大大粒，原隻章魚之餘亦非常彈牙，炸得外脆肉軟，非常好味道！唐揚魷魚鬚🤩同樣炸得脆卜卜，亦非常煙韌彈牙，十分好味！膠原豬骨鍋🤩湯底亦非常好味！骨膠原豐富，亦充滿豬香味，好好飲！丹麥王樣牛小排🤩亦非常棒，必食之選！牛味濃郁，口感嫩滑，同啲豬骨湯好夾，正！

上openrice見到北角匯既牛牛日式火鍋放題有好多好評，於是今日就同屋企人一齊去任飲任食！🤩我地先叫左兩個湯底，一個係「膠原豬骨鍋」，豬骨鍋材料豐富，有原隻新鮮豬骨熬製，令湯底非常鮮甜，而且仲有好多骨膠原，岩晒我同媽媽👩而另一個湯底係「關東壽喜燒鍋」，每啖湯底充滿甜甜的味道，同啲火鍋配料好夾！🤣主角我地就食左「丹麥王樣牛小排」，牛小排非常嫩滑唔老身，入口散發出啖啖油脂香，好食到流晒口水！🤤而蔬菜非常鮮甜爽口，冬菇芋絲彈牙，娃娃菜爽甜，唔鍾意食菜既我都食左好多！😀

好耐無食過打邊爐，又唔想食港式個啲錦傳統，於是朋友布左我去北角匯牛牛日式火鍋放題店到食日式火鍋！😍先讚下呢度湯底！我地今次試左膠原豬骨鍋🍲，豬味濃郁，湯底口感細膩濃郁，而且充滿膠質，口感層次都好豐富！☺️而極之鰹魚鍋🍲味道亦很鮮甜，無魚腥味不特止，反而仲散發出鰹魚既鮮香味！湯底鮮味清甜，正！我地無牛不歡，食左丹麥王樣牛小排🥩！牛小排油花分佈均勻，質柔軟、入口即融！👍海鮮🦐🦑性價比高，任點任食之餘同每樣非常鮮甜，紅魚柳鮮甜嫩滑，蝦，黑魚，帆立貝嫩口彈牙！全部都非常好味！🥳自助區蔬菜🥬亦非常多選擇，每樣都新鮮爽甜，娃娃菜食到爽爽聲！🤩

放假同朋友仔去做瑜伽，順便夜晚喺附近食好西。我哋就搵咗一間日式火鍋放題，啱晒做完運動肚餓到飛起嘅我哋呀🤣再加上我真係好鍾意食火鍋😋本人係喜歡先食雪糕🍦再開始食正餐。夏天大口大口👄👄食，真係好爽~特別讚一讚日式福袋又美味又美觀，好掛住日本食開個D 啊丹麥豚腩肉肉質柔軟，且帶有濃濃的香甜氣息🌀味道還不錯。丹麥豚腩肉每一片都切得好薄，擺落湯淥10秒已經好快食得，好嫩滑食唔停口😋😋😋傳統山椒味噌鍋（走蔥），其獨特的香濃味完全將日本旨味的極致體現。餐廳超級清楚介紹晒所有餐廳嘅套餐同埋價格！超級公開同透明，下次做完瑜伽我決定要試多幾款湯底🤭

疫情期間又想打邊爐，選擇一人一鍋的日式火鍋最適合不過。💯🔍關東壽喜燒鍋湯底鹹淡度適中，香濃醬油味，味道帶有少甜，配牛肉一流。 [😋好味指數: 4.5/5]🔍美肌豆乳鍋湯底白雪雪散發着豆香味，口感似用牛奶打邊爐，味道唔錯。[😋好味指數: 4/5]🔍雜丸 丸類選擇多，例如魚蛋，牛丸，豬肉丸等等，口感爽口彈牙。[😋好味指數: 4/5]🔍丹麥王樣牛小排牛小排油花少分佈平均肉味濃，牛肉片厚薄均等，肉味散發出牛香，口感細嫩。[😋好味指數: 4.5/5]🔍炸物 炸物外脆內軟，而且粉漿薄薄一層，咬開仲係熱辣辣出晒煙。[😋好味指數: 4/5]

放假約咗好朋友一齊去食晚飯，好耐冇打邊爐今晚就一齊shabu shabu~🥢📌海鮮拼盤種類有好多例如扇貝，魷魚，蜆等等，海鮮新鮮，食落有海鮮嘅鮮甜美，而且口感爽口彈牙。📌蕃茄湯底蕃茄味超濃，沒有加入任何配料，令湯底只有純蕃茄味，隨着湯底翻滾，蕃茄味越煮越香濃，味道酸酸甜甜，好開胃。📌極之鰹魚鍋鰹魚鍋，清清淡淡無甘heavy，鰹魚味好香濃而且湯底無乜油，健康之選！💪🏻📌牛胸腹牛肉色澤鮮紅，牛肉紋路清晰肥膏不多，但仍然可以保持肉質細嫩，唔會太韌。總體而言食物水準不錯，而且餐廳環境舒適空間闊落。🏠

😎難得今晚唔需要湊小朋友，一個人去當然要食好啲，所以我今晚決定食一人火鍋❗️等緊湯底到達前，食住啲前菜頂下肚餓先😜螺肉同八爪魚仔味道適中，有幫助開胃嘅作用，八爪魚同螺肉都好爽口。💕魚柳的肉質厚實唔會鬆散🐟✨值得推薦澳洲綠草原羊肩肉，油脂平均唔會好肥膩，而且半味濃郁，味道唔算好羶，好滋味！♥️由於我唔食得辣所以揀咗膠原豬骨鍋🍲，湯底材料充足味道濃郁，而且湯底嘅味道唔會蓋過食物自身嘅味道。🥢

身為火鍋愛好者一年四季都要打邊爐❤️，之前無意中發現左呢間火鍋店，一試愛上返唔到轉頭。😯😯打邊爐一定要食羊肉，😎聽朋友推介呢到的澳洲綠草原羊肩肉，🐏羊肉食落肉質新鮮肥瘦適中，唔會有臭味。平時打邊爐都唔點叫海鮮，一嚟驚唔新鮮其次放左落湯底一定會縮水而且會撈唔反。💫不過今次既蝦同魷魚又無甘既情況，肉質爽口彈牙。🌞今次試咗兩份湯底分別係極之鰹魚鍋🐟同蕃茄湯底🍅。兩款湯底有好大對比鰹魚鍋味道較為清甜而蕃茄湯底味道濃郁，各有各口味。💕餐廳屬於任食類型而且餐牌選擇很多，食材新鮮，鍾意食火鍋都可以嚟試吓。🙌🏻🙌🏻

突然好想食日式火鍋，貪佢一人一鍋夠晒衛生，於是就同我公司同事放工去北角打邊爐😂。餐廳位於北角匯商港，店內佈置和風帶點少女風😻，顏色色彩繽紛。🌈⚫️，湯底味道濃郁，油脂份量少健康之，配搭不同食材。🙈⚪️，新鮮爽口，種類多，清洗得好乾淨沒有污糟物🌟⚫️，色澤較深色，油脂較小故肉味較濃。😌⚪️，豆腐豆卜豆味豐富，浸魚湯底十分入味👍🏻⚫️，好大條，味道鮮甜爽口，蟹柳肉質一絲絲。⚡️

北角匯有好多不同種類的食肆，其中一間日式火鍋店尤其吸引❤️，火鍋仲要係任食，趁放假嚟個Shabu Shabu。🍲餐廳湯底選擇好多👍🏻👍🏻，選擇了美肌豆乳鍋及關東壽喜燒鍋。未食已經聞到好香豆乳味😋，每食一啖都覺得幫皮膚護膚緊，又可以享受美食同時又可以美容，一流享受。🥰🥰另外關東壽喜燒鍋，味道較為清，咸到適中，同樣惹味。🔥餐廳仍都有唔少配菜提供，打邊爐必備的丸類及蟹柳，🍡丸類選擇多而且都爽口彈牙，而蟹柳品質唔錯能夠咬開一絲絲🙌🏻見到餐牌中有牛胸腹選擇，🐮牛胸腹脂肪分布平均質地柔軟，薄薄一片唔需要淥太耐時間，唔會韌或鞋口，👅打邊爐好好食。