牛牛日式火鍋放題 (北角匯二期) (已結業)

疫情之下仲未返到我家鄉日本，好掛住當地既shabu shabu🇯🇵見到有post介紹呢間係北角既shabu shabu近我之餘仲要任食，即刻約埋我個大胃王朋友一齊去試下👯‍♀️Lunch會有60/90分鐘放題，我地揀左90分鐘食得冇咁趕我地揀左最貴既澳洲產頂級長期穀飼牛，配骨膠原同番茄鍋都好夾其實佢八款湯底都好吸引每款都想試，比個藉口自己下次再黎😌🔥😜骨膠原豬骨鍋湯底夠濃郁好重骨膠原，簡直係誠意之作朋友叫既熟成蕃茄鍋都好好味任飲任食真係好抵 (我地既策略係上枱冇耐就準備落下一round因為牛肉好快熟)🤣丹麥產皇冠豚梅肉既肉質夠腍幾好食配料選擇非常多，樣樣都好高質我地主攻牛同豬 (羊都好食唔會羶)每人差唔多食左8碟捧住個肚走連甜品都係任食 (雪糕雪條都係任食超抵)😮下次想試埋佢地既壽喜燒鍋同昆布鍋帶多幾個朋友黎試哂佢先得😌😘

早排疫情嚴重都冇出去堂食見佢確診數字降到三位數要約定朋友出去食飯聚下舊👯‍♀️今日去到北角匯呢間牛牛日式放題朋友食過話超正要encore牛牛主打人一人一鍋，可以揀自己鐘意既湯底唔洗share🤣👍🏻夠哂衛生同安全，任飲任食90分鐘我叫左骨膠原豬骨鍋、朋友叫左熟成蕃茄鍋🍅餐廳設有自助食品區、飲品區同醬料區醬料區比其他放題選擇更多有齊炸蒜、蒜蓉同蔥 (重口味可以無限追加)😌😚今餐食豪少少叫個澳洲產頂級長期穀飼牛喜歡食牛既朋友一定要叫呢個骨膠原豬骨鍋湯底夠足料完全感受到骨膠原係口腔入面游走 (已經飲左幾碗湯)有齊哂牛、豬同羊三款肉類 (Meet lover 記得bookmark定呢間餐廳)蔬菜種類夠特別，連羽衣甘藍都有甜品仲要Movenpick雪糕及朱古力脆皮雪條！大家記得留肚食啊😍😍😍超高質既日式放題下次要再食👍🏻

北角新開左一段時間北角匯商場集食肆、戲院、商店於一身仲要有免費泊車真係好方便🚘今日揸車去北角匯睇戲食飯直落睇完戲落黎見到呢間牛牛火鍋放題我地當然要試下餐廳提供多款湯底，有辣有唔辣任君選擇😌牛牛主打人一人一鍋既日式火鍋放題我揀左甜甜地既壽喜燒月見鍋，滿足下返唔到家鄉既慾望😎😘男朋友叫左熟成蕃茄鍋，大讚湯底夠濃郁醬料區都有幾款選擇: 日式燒汁、日式酸汁、芝麻醬同日本醬油仲要有殺菌認證，保證食客食得安心同放心😚👍🏻自助食品區都幾多野食，蔬菜夠新鮮，仲要有羽衣甘藍同蓮藕即刻掃左一碟返去打邊爐男朋友叫左兩碟羊肩肉自私食😜怕羶既我試左一啖又幾好食甜品對女仔黎講係另一個胃食到幾飽都要留肚食甜品有我最愛既movenpick雪糕真心高質既火鍋放題已經book定枱下次同屋企人再黎食🥰😘👍🏻😍

每逢星期六朝早都要去北角今日去到北角匯食lunch午市放題套餐有2個選擇「60分鐘 或 90分鐘」湯底有八款: 熟成蕃茄鍋、日式麻辣鍋、骨膠原豬骨鍋、黃金酸菜鍋、昆布鍋、另外可以加錢升級既芫荽魚白鍋、壽喜燒同豆乳鍋一人一鍋岩哂我地😍我今日就左我最愛既壽喜燒鍋，朋友食得辣就叫左個日式麻辣鍋同一般火鍋放題一樣坐低之後店員會比個QR code你落單餐廳設有自助區可以「混醬」😌🤣同拎火鍋配料食物種類應有盡有連超長蟹柳都有真心高質🥰😚我地今日揀左澳洲產頂級長期穀飼牛(任食)油花分佈好平均牛魔王既我地叫左好多碟牛肉羊肉豚梅肉都唔錯朋友好欣賞麻辣湯底壽喜燒配牛肉都好perfect下次要再encore~🥰🥰😘

總覺得大家身邊總有一個無辣不歡既朋友仔，我都唔例外🌶🔥麻辣控朋友今日話要同我試下呢間位於北角匯既日式火鍋放題我地今日叫左個中價既美國產頂級牛肉我見到呢個骨膠原豬骨鍋即刻心心眼😍😍之前美容院因為疫情關閉我都有一段時間冇做facial係時候補充返D骨膠原😚😎出面火鍋放題多數係食廈入面難得呢間火鍋放題係港島區高級商場入面質素應該都唔錯食物、飲品和醬料都是自助形式，種類同款式都幾多同幾特別除左牛肉任食之外，豚肉同羊肩肉都係任食 (出面好少食羊肉既火鍋)肉類幾大片質素好高，值得all-in食牛肉回本蔬菜都好新鮮，有火鍋必點既粟米飲品方面有汽水、仲有四季春同冬瓜茶呢個天氣打完邊爐飲返冰凍既茶既消暑又解膩食完好滿足，已經同朋友約定下次再黎食😘😘🥰😀

火鍋放題幾乎區區都有，試過好幾間都一般，今日終於比我搵到一間性價比超高既日式火鍋放題北角同荃灣都有分店，仲要開係商場入面，行完街上去食飯坐下就剛剛好😌北角匯除左有一田超市之外其實仲有好多食肆仲有近日重開既戲院今日揀左呢間牛牛日式火鍋放題，餐廳環境光猛望落好舒服一人一鍋唔洗爭之餘又可以試多幾款唔同口味😘男朋友最鐘意食辣一見到呢個日式麻辣鍋已經話要試下上枱見到個湯底已經覺得好辣，夠足料😎我就叫左熟成蕃茄鍋有自助食物吧、飲品吧同醬料區，火鍋醬油必落既炸蒜我地叫左幾碟綠之草原羊肩肉，口感唔錯唔會好大陣羶味好欣賞佢個蕃茄湯底夠濃，同牛肉好夾👍🏻👍🏻見到好多款好特別既丸，每款拎兩粒返黎試下，墨汁墨丸超好食幾乎每枱都有人拎既超長蟹柳，真係超抵店員上菜同收碟速度都算快 (之前試過其他餐廳堆到好高先肯過黎收)餐廳環境同店員態度都值得加分💯

呢啲日式任食火鍋真係開咗好多，呢間我覺得係其中一間質素幾高嘅。呢度有五個餐可以選擇，我哋今次揀咗中價位澳洲穀飼牛$248。呢度係一人一鍋，湯底我揀咗壽喜燒(+$8)，芫荽白魚湯(+$8)。醬油區選擇好齊全，熟悉嘅麻辣鴨血都值得一試。牛肉嚟到都算唔錯，未至於係雪花，但係都肥瘦適中，羊肉豚梅肉都ok。至於喺出邊自取嘅食物，選擇亦都好豐富，有超長蟹柳，仲有兩款爆漿嘅丸(唔記得咗叫咩名)都值得推介👍🏻。飲品除咗罐裝飲品之外，亦都有果汁，嗰餐啤酒都包埋👍🏻我見到雪糕就雙眼發光，因為movenpick係我最愛

今日嚟到北角北角滙，揀咗一間火鍋放題嚟到食晚飯，喺餐牌見到一個叫做三極級三筋肉嘅肉類，我唔知咩叫三極級三筋肉，我第一次聽（恕我孤陋寡聞😂），不過又想試吓佢究竟係咩料，所以就揀咗呢一個餐。三筋肉嚟到嘅時候望到啲肉嘅油脂都幾多，但係唔算有好重嘅油脂香味，不過佢嘅肉質算係好食，好淋好嫩有肉味，如果二百幾蚊食呢款肉，仲要係放題，我覺得係超值👍🏻，你仲可以選擇其餘兩款肉，不過瞬間就會比下去，另外豬肉佢都有兩款，我就特登叫咗西班牙伊比利亞豬嚟到試吓，又見到個樣都煮熟咗，有少少俾佢呃咗以為係牛肉，其實食落口都唔係好似豬肉，佢嘅肉質唔係鞋，都係好淋好嫩，幾精彩👍🏻。順帶一提呢度嘅雪糕係movenpick 👍🏻👍🏻👍🏻

我哋嗌左個價錢為218（服務費連埋250）嘅餐，內容包括兩款牛肉一款羊肉一款豬肉，自助食物吧，同埋飲品甜品。下菜係用QR code，上菜都算快。肉質方面係新鮮嘅，啲肉唔會發霉變黑。免費飲品方面選擇都算多，一般汽水同啤酒都有。甜品方面有movenpick，靜靜雞加咗啲分。但時間方面只有90分鐘到時會有姐姐催促你。整體來講都算唔錯。

大約8:15pm入座，可以食90分鐘但9:15pm待應廚房已經開始執野，d碗碗碟碟器皿執到好大聲，荒死你唔知佢10點收工，好似叫你好快d走跟住再過一陣已經行埋黎話，我地要洗碗倒野，問出面d野食仲拎唔拎？！好快手已經收哂外面d野食打邊爐愈食愈凍我都第一次，仲要臨尾開大個冷氣，開幾個風扇…你想收工都唔係咁架…野食冇問題，員工做野好有問題不過建議都係簡平d，食肉算，海鮮唔掂，冇謂嘥錢…. 不過都唔會有下一次

想搵間放題慶祝生日，同friend一起去呢間。店鋪環境好新，乾淨。星期二3點半d位多，唔使等，好多爸爸媽媽帶埋仔女去吃。加牛要掃Qode去加，丸都算多，叫咗個豬骨湯，水燒得有d快，有自助湯加。坐窗邊個景我覺得幾好睇，尤其係太陽打埋嚟個樣。見食評好多人話坐多咗會俾人趕，所以夠鐘就起身走，係有個姨姨會黑臉，但係見我哋學生都只係黑臉，然後仲會問做咩得一個要返學(3個人得一個著校服)，所以其實準時走固話係冇話態度唔好呢樣野囉。一開始我唔知要掃Qode落牛，服務員都會同自己講，講真算唔錯啦168 90分鐘。

我平時冇寫食評嘅習慣，但今次真係想表達吓。今次係第二次來食，見上次食過食物質素唔錯，所以再來食。帶位員話最遲8:30入場可以食到10:00。我哋當時8:30入場，正常90分鐘時間係食到10:00的。但何謂食到10:00？ 食到9:20，職員開始不停來收枱面嘅嘢，又叫我哋如果要配菜就快d出去夾，於是我就出去夾配菜，但出面嘅配菜已經唔太多，因為都冇refill，所以我只係夾咗少少就返埋位。點知返到埋位一陣，職員又想來執枱，但由於真係冇嘢收，所以果位職員直頭企喺隔離望住等，我望住佢，連隔離枱都望住佢，佢意識到先行開。到9:35左右，又有職員行來，今次係問隔離枱同我哋仲要唔要雪糕，咁即係收啦，所以我行出去拎咗先，出到去其實已經有另一個職員清緊，所以我只拎到雪條。因為枱面仲有肉未整熟，我見佢哋好似趕住收工咁，就拿拿聲整埋佢來食，職員見我食完即刻過來收嘢。收晒嘢之後有好幾個員工仲好開心咁一路傾計，一路慢慢抹枱。我見佢哋咁趕，我哋就即刻走。走果陣係9:50都未夠。俾錢果陣，我屋企人忍唔住講咗一句”無下次”，係經理幫我哋收錢的，經理問我哋點解，我哋講個原因俾佢知，個經理都好好，有同我哋道歉，同埋佢即時

購買外賣自選火鍋料，想搵個侍應拎外賣盒夾野，完全無人理，一班阿姐圍埋一齊傾計。等左一輪，終於有個外賣盒俾我，但就俾其中一個阿姐用勁差既態度質問：你俾咗錢未呀？明明一早俾咗單佢哋睇，轉個頭竟然咁問，十分無奈.完全唔想再幫襯呢間野，因為呢班阿姐態度差之外，仲要客人受氣。希望佢公司可以改變一下d員工服務態度！

天氣轉涼 準備同男朋友儲一堆脂肪過冬天所以男朋友話放縱去食餐豪啲 揀左間火鍋放題🤪 一直覺得放題都係食一堆cheap cheap野 好難得有間係高質野任食🤩🤩日本產究極級宮崎和牛及嚴選海鮮放題套餐 ($588)🌟A5和牛+海鮮任食🌟 食物:牛肉有6款 豬肉2款 雞肉1款 無奈我個胃試唔哂咁多🥲 我主要都係食牛類 A5和牛真係建議大家瘋狂食 十分嫩滑 油脂比例好好😆 而牛舌都幾爽口👅 而且肉類都有返咁上下厚度 唔似其他放題切到薄一薄🤤 海鮮類就有鮑魚 扇貝 鳳尾蝦 青口 海螺 八爪魚 都好新鮮 特別係隻蝦夠哂爽口😋😋不過我地就成日淥過左時間搞到縮哂水😩 小食自助bar會有少量小食 例如糖心蛋 麻辣鴨血 仲有和牛飯 放題尼講都幾特別 而且都幾好食🧐 另外仲有小食(吉列炸蝦 薯條 炸雞 榴槤炸彈 雞翼)😍 除左薯條其他都可以一件件叫 唔洗驚食好多 估唔到邊爐放題連小食都唔錯😮 即炸熱辣辣脆卜卜 超正🤤🤤 飲品甜品:打邊爐最緊要緊係飲品同甜品😙 飲品種類超多 有唔同嘅茶類 仲有菠蘿蘆薈 蜜桃烏龍etc 呢個餐仲可以任飲啤酒同清酒🤩🤩 甜品仲有Movenpick雪糕同唔同味嘅雪條😋😋環境: 餐廳

餐廳得番幾枱客又係非繁忙時間，我同朋友比咗90分鐘放題食完預備走。失驚冇神有個帶眼鏡嘅短頭髮阿姐走埋嚟態度勁差咁命令我地：「你地仲唔起身走, 已經坐咗好耐, 多過5分鐘」。我哋望一望張單回答有冇咁誇張, 我哋已經預備起身走。😅唔知咩服務態度，佢繼續態度惡劣用好重嘅語氣話：「好耐喇，好快啲走……」之後仲要全程「麗」住我。唔講我都唔記得咗自己係客人, 我都係第一次食飯比個侍應鬧同趕走。其實佢哋啲嘢食唔係真係咁差，但係咁嘅服務態度我一定唔會再去!!! 佢哋直情趕客！