牛牛日式火鍋放題 (北角匯二期) (已結業)

未試過食飯食到俾人鬧,有個戴眼鏡嘅態度超級差.1分鐘未起身會過嚟鬧你質問你做乜仲唔走,仲話俾你已經坐咗好耐，好似要佢施捨俾我留喺度坐多1分鐘咁. 我已經停了食嘢好一陣子，估唔到在非辦公時間，還有很多空位的時候，只是坐多一分鐘…..身位客人都會俾人鬧…點菜一定要用電話落單，倒湯都要自己倒。又要等湯煲滾才可繼續食。總之整個食飯嘅體驗都只係想賺盡你一分一毫的感覺。任何服務都話冇，所有都是公司規矩。如果你想去一間要受氣的餐廳，這間是你的不二之選

北角其實無乜放題，今日去咗北角滙睇戲，所以就響北角滙發現倒有間牛牛日式火鍋放題，我同朋友就入去試下。午市放題有兩款 - 分別是 60分鐘 或 90分鐘，因為覺得60分鐘不夠時間食我同朋友叫咗90分鐘 - 澳洲產頂級長期穀飼牛放題套餐 ($218) 包括有🥢澳洲產頂級長期穀飼牛 - 肉的質素不錯🥢美國頂級牛肉🥢嚴選特級牛肉🥢綠之草原羊肩肉 🥢丹麥產皇冠豚梅肉🥢1人1鍋 湯底 (🥢美肌豆乳鍋、🥢日式麻辣鍋)🥢火鍋配料都算幾多款可以選擇 🥢飲品也是任飲甜品菜單

今日去了北角商場北角匯一間餐廳「牛牛日式火鍋放題」食Lunch午市放題套餐有2個選擇「60分鐘 或 90分鐘」，因為唔想食得太趕，最後我們決定揀《90分鐘 - 澳洲產頂級長期穀飼牛放題套餐 $218》包括：🐮 澳洲產頂級長期穀飼牛🇺🇸 美國頂級牛肉🐂 嚴選特級牛肉🐑 綠之草原羊肩肉🐷 丹麥產皇冠豚梅肉《 1人1鍋 湯底》🍲 美肌豆乳鍋、日式麻辣鍋《火鍋配料》《甜品》整體來講：花多少少錢食 穀飼牛，絕對值得；羊肩肉及豚梅肉都唔錯總數💰：$480 (點菜總數 $436 + 服務費$43.6)

呢間邊爐間唔中都會過嚟食，以前好抵食，食物質素同埋服務員態度都好。個幾月無嚟，原來加曬價，加幅超過10%，另外無端端某啲湯底又要另外加錢。不過唔緊要，如果keep都水準都可接受。但係今日嚟到，加價後反而選擇少了，雪糕要自己「筆」，沒有之前的包裝雪條。服務員態度麻麻，明明食客唔算多，但好似好趕時間咁，問多句都懶理你，在走廊見遇到客人都唔會讓客人行先。到埋單嗰陣，餐廳竟然將我個細路收大人價！😠我小朋友得九歲，之前食咁多次到係收小童價。你要收大人價如果事先聲明無問題，我會衡量入唔入去食，但入座時無講明140cm以上收大人價，到埋單時至講，我就覺得有D搵笨。不過搵笨都係一次啫，你以後咪少咗一枱客囉，同埋亦都借此事提醒其他客人唔好中伏。😣

9 0 後 的 味 蕾有時番工返得好辛苦都想獎勵吓自己，lunch time 約埋幾個同事拆餐飽！-北角會開咗間任食打邊爐，仲要係一人鍋，每人揀返自己嘅湯底，肉分左等級，視乎自己需要去選擇-酸辣湯底幾正，酸酸辣辣好開胃，基本上淥完啲野食都唔使再點醬汁就已經好入味，好似食酸菜魚既味道-豬骨濃湯 賣相好似好濃，食落就冇咩太特別，嘢食淥完會唔會好濃豬骨味-每次都會比哂套餐包既肉比你，鍾意佢啲肉切得比較薄身， 好快一淥就熟，所以肉嘅色澤都係偏紅，唔會係偏黑色，代表啲肉都算新鮮，食完就可以再添加-雪櫃有好多唔同款式飲品，包括韓式嘅罐裝飲品，似普通放題店咁，不過佢哋最特別就係提供呢啲一杯杯用茶包沖好既茶，有好幾種茶葉揀-食咁多肉要飲番杯茶分解下🤪-除左咸食，仲有幾款雪糕任拎，大腳板係童年回憶呀-除咗肉之外，呢啲蔬菜、丸，麵都係任拎，佢地啲蔬菜好新鮮，我食左好多😋-最後埋單一位$130，食到飽，算好抵，佢既食物質素都唔錯，同埋餐廳環境舒適衛生，一班人烚吓烚吓真開心🥳

今日去左北角匯呢間牛牛日式火鍋放題。呢間無得打電話去bk位，所以想食既朋友就要walk in了。整體店舖環境好舒服，而且好乾淨，食落都好舒服。叫左澳洲牛set 一個蕃茄湯底 一個壽喜燒湯底，兩個湯底都好好味，啲湯係可以飲得👍🏻自助區有好多菜類可以拎，例如蕃茄、萵筍、淮山、娃娃菜等，仲會有糖心蛋、雪糕，同埋自家製嘅茶裏或汽水之類。整體都覺得性價比高，我會再去食😋#唯一有樣唔好既就係 夠鐘就會不停催你走

今日同姪女食lunch，佢話好想食shabu shabu，於是就去左呢間牛牛食火鍋。等位都算快，而且環境都幾舒服。食物、飲品和醬料都是自助形式。無論食物同飲品，種類都幾多。而湯底都有幾款選擇，我就揀左味道甜甜的壽喜燒。有三款心水食物較為值得推介：1. 蛋餃皮薄餡足，有輕微的蛋香味，內裏包着肉碎，整體口感不錯👍🏻。2. 肥牛肥牛鮮嫩，牛味幾香，性價比高，是回本之選。3. 紅薯粉寬闊的紅薯粉甚有嚼勁，好彈牙！好正！午餐人均消費大約$130，仲可以食到好飽好飽！真係唔錯😋！

時間剛剛到即刻收哂枱面既野，即刻唔俾我地繼續食，店內客人不多亦無需等位，員工態度一般，冷氣滴水，叫我地照食，話影響唔大。野食本身唔算差但款色不多，服務希望有待改進。

餐廳不設訂座只能walk in , 當晚2位食飯，約七點不用等位就可以入座，門口拎左飛之後沒有人帶位，要自己入去找枱，一去到枱到，已經放好左兩個火鍋，2碟澳洲穀飼牛、丹麥皇冠豚肉、八爪魚仔，我地簡左澳洲穀飼牛套餐$258/一位，九十分鐘，日本清酒任飲。食物方面：丸類 - 合格 有5款熟食 - 日本咖喱、台式滷蛋滷豆腐，白飯菜類 - 菜葉明顯變黃，非常不新鮮牛肉 - 可接受豬肉 - 可接受湯 - 自己加沒有service約八點左右，食到完結時諗住食佢既Oreo雪糕，點知已經食完，問侍應會唔會再拎出黎，問左三個人侍應冇人理我。八點只係第一轉，已經唔再加野，非常離譜。而且服務態度好差。唔會再有下一次！

🌟牛牛日式火鍋放題🌟 主打 一人一鍋嘅日式火鍋放題🔥, 選擇自己喜歡嘅湯底🥘, 及🥩肉嘅等級,其他食材自助拎🥬, 任飲任食90分鐘! 💗.💗我地選擇澳洲產頂級長期穀飼牛放題套餐🥩, 每位 $238.🥩澳洲穀飼牛肉味濃郁，入口軟諗！🥰.🐷丹麥皇冠豚肉豚肉嘅質素亦都係唔錯，帶有肉香！😍.🥘湯底選擇都有8款, 終有一款岩心水!💕.🥬自助區食材選擇豐富, 正！👍🏻🥤飲品都係任飲！🍨甜品係Movenpick雪糕及朱古力脆皮雪條！

作日去了北角很高興來食点無門口服務員令我一肚氣所以無食走人.事原當時六点沒有太多人一去我就話兩位佢就要我即時叫点餐我就諗下佢就話得四個餐不知你在門口諗完先啦我即時火都黎即時走人.你哋D管理層正是下D問題

朋友話好想食shabu shabu😍所以一齊去咗「牛牛日式火鍋放題」去食澳洲產頂級長期穀飼牛放題90分鐘套餐🇦🇺.湯底🍲牛牛秘見鍋其實係壽喜燒，甜味係好重🤎放牛肉落去就啱晒😜黃金酸菜鍋💛味道酸辣開胃😙.肉類🐮包括澳洲產頂級長期穀飼牛🐂美國頂級牛肉、嚴選特級牛肉🐄紐西蘭綠之草原羊肩肉🐏丹麥皇冠豚梅肉🐖頂級長期穀飼牛肉味濃郁，肉質軟腍😋豚梅肉入口有少少油香🐷都幾嫩👍🏻羊肩肉帶點羊騷味🥺.火鍋配料自助吧🍢主要係蔬菜同少量丸類🥬不過都有少見嘅羽衣甘藍、紅心蘿蔔🥕.熟食吧🥘有台式滷水、日式咖喱飯🍛咖喱飯都幾好味🤤.飲品吧🥤有自家冷泡茶🍵果汁🍹罐裝飲品.雪糕吧🍦有movenpick雪糕🍨大腳板雪條同埋Oreo雪條.24/4-25/4將舉辦「牛の戀大胃王比賽」🐮大家可以去挑戰下💪🏻

呢間位於北角匯2期嘅日式火鍋放題，地理位置可謂相當方便，同北角地鐵站A2出口只係一條馬路之隔, 基本上真係1分鐘行到過去不是講經。主打係「一人一鍋」半自助式Shabu Shabu，各款肉類海鮮係需要透過佢哋嘅QR code去落order，而蔬菜肉類就需要大家移一移嘅玉步出去攞啦。-小編同朋友都係嗌咗個黃金酸菜湯底，基本上嗌咗湯底等5分鐘都無，湯底同套餐包嘅肉類已經到齊晒，呢個位真係值得讚好appreciate。-套餐方面就揀咗：澳洲產長期穀飼牛放題套餐，主要包款咗5款唔同嘅肉類： 美國頂級牛肉、嚴選特級牛肉、紐西蘭綠之草原羊肩肉、丹麥皇冠豚肉同埋澳洲產長期穀飼牛。每一款肉都具別自己獨有嘅風味，但需要你真係要我從當中揀最鍾意，咁真係澳洲產長期穀飼牛贏咗。因為牛味濃郁同埋比較爽口，小編當晚真係隊咗幾十碟。-自助蔬菜/丸類：種類真係多不勝數基本上可以滿足大部分人嘅需要，尤其小編發覺佢哋嘅蔬菜真係處理得好乾淨，基本上係搵唔到任何邋遢唔乾淨位，咁各位都食得安心啦係咪先呢個時期wor仲要！-飲料/雪糕：佢哋提供自制冷泡茶同埋各大品牌飲品，小編就建議大家可以飲佢哋嘅冷泡茶真係好好飲，而且飲完都無咁大

有時候我都鍾意去食下shabu shabu放題，因爲鍾意食肉同埋可以食下唔同種類。最近去左係北角匯既【牛牛日式火鍋放題】，一人一鍋，8款唔同湯底可選。而且有5個level既肉同自選海鮮放題。我地當然就選擇左最貴$438既日本產頂級黑毛和牛連海鮮放題套餐。我自己就叫左美人豆乳湯，而朋友就叫左大地鰹魚湯。一上黎，店員會上左一人一盤頂級黑毛和牛同5款海鮮拼盤。其他食物、飲品同醬料都係係出面自己攞。肉肥瘦比例都幾靚，牛味重又唔會騷同過肥。另外推薦日本極級豚梅肉，完全無豬味，而且俾牛肉更鮮甜！海鮮的話我個人唔係好食，扇貝略腥，不過蝦新鮮、鮮甜。外面自己攞既食材我推薦鷄肉同jumbo蟹柳，鷄肉鮮嫩同豆乳湯好match，jumbo蟹柳本身帶甜味又吸收曬湯D精華，非常正！另外值得表揚係飲品唔只有soft drink甜既飲品，有冷泡茶既選擇！

好耐冇食邊爐放題，既然開放返晚市堂食，出去打返個日式邊爐先。呢間餐廳主打一人一鍋，啱晒有唔同口味嘅朋友。到步後要先喺門口揀定邊款套餐同埋湯底，一去到座位，店員已經將湯底放咗喺枱上，十分有效率。=========================澳洲產長期穀飼牛放題套餐 $258/一位日式蕃茄鍋微微酸，蕃茄味偏淡；而牛牛秘見鍋即係壽喜燒湯底。套餐包括澳洲產牛肉、美國頂級牛肉、嚴選特級牛肉、紐西蘭羊肩肉同丹麥豚肉，呢幾款肉可以任嗌，店員送上肉類嘅速度算幾快👍🏼牛肉質素不錯，肉味濃郁，亦唔會脂肪層太厚；切得好薄，所以入口腍滑唔鞋。而豚肉亦腍身，冇豬肉嘅腥味。配料同蔬菜可以喺出面嘅自助吧枱自取飲品有好多選擇有罐裝汽水、烏龍茶、啤酒，亦有橙汁、金桔檸檬汁、冷泡茶等等。甜品有Mövenpick雪糕、Oreo雪條，同埋超級大腳板，品種豐富。=========================牛牛日式火鍋放題📍北角渣華道123號北角匯2期1樓110-111號舖