牛気 (如心廣場二期)

營業中

休息中

Since it was my birthday week and I wanted to have hotpot, I chose this restaurant as they will have a free wagyu birthday cake for you if your birthday is within 1 week. (you can choose birthday celebration on openrice booking but you will also need to phone them at least 1 day in advance to confirm the "cake")The setting is pretty standard. You choose the meal and soup you want. Besides the meat, there was plenty of food to choose from. Everything was covered and best of all there was unlimite

今日兩個人去咗食午巿90分鐘,人均156一位,因為佢無咩其他特別吸引嘅食物,所以我地都係主力食牛,前半部分上食物嘅速度都正常,但5知係咪我地叫得太多次,到最後果半個鐘,佢有明顯控制上食物速度,要我地再5追問先比我地,大概等咗10分鐘先上比我地,我5知佢係5記得,定特登,但整體感覺都算合理

久違了的牛氣，之前經常幫襯旺角雅蘭分點。今次，點了$308餐，牛肉、雞肉尚可，豬肉一般，蝦是新鮮彈牙的，其他配料也尚算新鮮。服務態度係ok嘅，只係唔夠人手。侍應們就忙到飛起🤪，加湯都要等8分鐘。訂咗枱，所以不用等候。然而，未入座，在門口點餐已起錶計時，晚餐90分鐘，實在好趕，攞咗雪糕，吃第一口，就被提醒夠鐘了夠鐘了⏰。若可加錢買時間，會好一點。希望遲啲考慮推出120分鐘嘅餐單，貴一點也沒問題，希望多一個選擇。

早2個月去staycation食過旺角店牛氣一直對 日式火鍋 放題 念念不忘今次經過荃灣分店忍唔住encore不過就無再揀貴餐平平地嗰款有雞牛豬就ok.安排一張附近無人嘅卡位呢度全部bb椅都唔係highchair一張放喺椅上嗰隻加上我地喺卡位，其實完全無得綁好在阿仔呢日無周圍扭咋……不過近窗邊俾佢望街望車又坐得定d.我地揀左178一位嘅嚴選美國牛肩肉放題牛豬雞都可以任叫估唔到就算係最平餐啲肉質素都相當唔錯﹗平時少食牛嘅我地都前後叫4碟雞肉仲相當滑.自助吧都有好多嘢食但唔夠旺角店豐富甜品飲品都有好多選擇仲可以自己整棉花糖呢個價錢同質素值得ENCORE

$248+10% service charge，時限90分鐘(即係1.5小時)，極上牛小排放題，包括咗任叫牛肩肉，豚肉，雞腿肉，蟹子墨魚骨，另外出面枱面上有多種腸丸類，瓜類，菜類，有少量水果，雪櫃內罐裝飲品任攞，盒裝豆腐花，細件類蛋糕，日式和菓子，朱古力和抹茶味軟雪糕，自己搞棉花糖，上F.B.專頁讚Like再送多一盒movenpick雪糕。理論上夠曬食物，實際上在放題枱上掃咗半個圈，兼食完原本的牛肉，已經夠曬鐘，並不能多一轉，所以90分鐘係唔夠用，食物質素比較一般，下次都係要叫平啲嗰款package。

今日發左癲 竟然食牛氣最貴個款火鍋好小食日式火鍋食咁貴 但我見到佢個松葉蟹腳就心心眼一於就試一試啦, 之前在家火鍋係CITYSUXXX買D蟹腳仔都幾百蚊今次食呢個餐 $388+10%=426.8per head叫左5碟牛 都係好靚既再三文魚刺身 估佢唔到 又幾好食喎蝦滑 就一般啦 但係都幾好食青口 我就覺得麻麻地 無咩味 但老公話唔差虎蝦 好好食! 好大隻 肉質爽又唔痴殼蟹腳 見佢黎第一盤時 都開心 但估唔到黎第二盤仲開心係幾隻蟹腳痴埋 估唔到第三盤 更開心 仲大隻 連埋蟹柑隻隻都好大隻 好抵食帶子 普通急凍味道 唔差 亦說不上好花膠 幾好 比想像中好食 滾耐左 仲膠膠地 好好食螺 一般廣島蠔 比想像中好食 個樣平平無期 但無咩點縮心之餘仲要好飽滿第二盤第三盤甜品 都幾多大架 brownie cheesecake jelly 和果子之類但呢2款比較小見 所以試下 browine似蛋糕 唔甜既下面係紅豆沙團子 幾好食抹茶雪糕 勁好食呀 好香抹茶味 仲要勁冰凍 食到牙震

預先在OpenRice 訂座，去到不用等👍🏻。入座前店員已叫我們選擇款色及湯底，我們選了「牛小排放題」包括：🐮極上美國牛小排 🐮嚴選美國牛肩肉🐷特選豚肉🐥精選雞腿肉🐙蟹子墨魚滑🍅 蕃茄湯底🍲好彩點了牛小排放題，薄切一淥即食，不停追加😆，反而牛肩肉切得好大塊，有啲靭，沒有追加😕。 墨魚滑好爽好正👍🏻其他的食物，例如： 牛丸、魚蛋、午餐肉、龍蝦丸、🍅🥬🍦🥤都可以出去任攞。90分鐘任食放題，有啲急趕，本身唔太喜歡限時限刻咁食飯，幸好，食尾圍，結帳後，服務員也讓我們繼續坐🛋

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗呢間路過時成日都覺得好貴，因為門面只擺放90分鐘放題或極上肉嘅放題，講緊接近$200 或 $200+ ，對於lunchtime 得1個鐘又唔係太食到咁多肉嘅，真係有D貴！後嚟發現原來佢俏俏地係有個午市精選套餐放題，指定肉類大概100g，食60分鐘，特選豚肉$88，美國牛肩肉$108，呢種就啱晒我哋啦～ 湯底方面都多選擇，可選一款，我哋加$10有兩款湯底，揀咗四川風麻辣湯同番茄濃湯，我當然主要食麻辣湯啦😆 呢個湯底好濃郁，好香夠辣，唔使再加醬料都已經好好味（當然佢有多款調味料），仲發現入面係有鴨血嘅，認真唔錯！講返肉質，呢度嘅牛肩肉嘅肉望到已經覺得好靚，肉質唔錯，豚肉正常，唔會嚡口，以呢個價錢食到咁嘅質素嘅肉，性價比唔錯！出面放題區都有好多選擇，有熱食、壽司、沙律、蔬菜、丸、麵類、罐裝飲品、花茶、咖啡、甜品、軟雪糕！最重要嘅推介係1️⃣冬菇蟹肉素翅，個味好正，個個同事都會食兩碗 2️⃣ 奶皇包，我係勁鍾意食流心奶皇包嘅人，佢係黑金奶皇包，一咬落去係流心仲食到咸蛋黃味，勁正！呢度全部都係卡位，坐得幾舒服，食物質素頗高，食物擺放都幾整齊乾淨，性價比都幾

今日趁假期最後一日，去左如心二期堂食lunch行哂咁多間食肆，最後見到牛気嘅推廣（午市每位-$40）就決定入去食我地揀左$248極上美國牛小排放題，而湯底就揀左壽喜燒，入到去環境好乾淨企理，配料都幾多。前菜有熟蝦壽司🍣同沙律熟食方面有素碗仔翅，煎堆，咖哩牛肉飯而我最欣賞係雞蛋都竟然放係自取區內因為係其他日式火鍋食壽喜燒湯底，要加$10先可以有一隻雞蛋，而且呢到標明係日本嘅雞蛋，令食客放心飲品方面，除左一般汽水檸檬茶，仲有2款日本嘅波子汽水味同橙味嘅碳酸飲品。唔飲凍野嘅我就好欣賞熱飲區除左咖啡，烏龍茶包同玄米茶包外，仲有唔同種類嘅花比大家焗花茶👍🏻甜品方面有熱食嘅紫米露，亦有泡芙雪糕等等。不過令我瘋狂嘅係呢部綿花糖機！又好玩又好食講完咁多之後就到主角：牛小排啦！有牛味，而且唔鞋，豚肉都好食，另外個墨魚滑都好好味雞肉我就冇試過，所以比唔到評論湯底方面，個壽喜燒湯淡左少少，若果再濃味d就會好食d。不過總括黎講，呢個lunch都好抵食

中午去食放題， 一開始入坐嘅時候就講明要兩碟牛，豬雞唔要。 店員話收到， 落左兩碟牛， 但係之後只係出左了一碟。 既然係放題，一碟肉邊到夠啊？！ 唔知係佢故意定好心，放題就無限追加，就立刻加碼追加5碟牛。叫左2分鐘，終於有人理我， 我就落order 5碟牛，但係店員虛應OK，實質上就唔Show你。之後，肉食完，等咗十分鐘都無出肉，就問多佢哋幾次。佢哋話OK之後，先出3碟，每次出嘅碟都係出少幾碟。明明係放題，搞到好似限量供應咁。唔俾人食多碟，就唔好搞放題，直接單點算數啦。總結：出肉慢， 自己減Order， 服務差

打邊爐放題，朋友介紹試試這間肥牛，同佢慶祝生日要食豪啲，澳洲和牛任食套餐每位會平$50，包括有三文魚刺身，海蝦帶子，可惜得90分鐘食得比較趕，湯底選擇不多，但環境不錯，好滿足可以再去

第一份的牛肩比較好，色香味俱全，之後的就麻麻，不過如果想食飽飽的話，呢間都是不錯的選擇。但食個半鐘就會好趕，如果想好好享受一下晚餐的話，就不太適合。服務一般，或許太忙做到麻木左。

朋友問我慶生想食咩，我話好耐無打邊爐，仲想要瘋狂食牛個隻。哈哈，咁去牛氣食先，我鍾意牛氣啲牛，同佢間店乾淨過其他同類型嘅牛鍋店。疫情價有二人同行一人半價優惠，食九十分鐘個款餐就可以用呢個優惠。中午時段客人不多，基本上可以即刻入座，入座有口罩套送。店內還提供圍裙，有需要可以取用。是日選了麻辣同甜豉油湯底，朋友無辣不歡，我就覺得日式牛鍋一定要配甜豉油。肉方面揀了牛小排級別，個人喜歡呢款多於和牛，和牛太快膩了（雖然都好好味～）。牛小排都好滑㗎，仲有好香嘅牛味，好好味，好好味，好好味呀！仲有豚肉同雞腿肉都係任叫，雞我就一般啦，豚肉都好食呀，無牛肉咁滑但都唔會鞋口。仲有墨魚滑都係無限添，不過今日想黎食肉，所以淨係encore有牛同豚肉片，好似食左十幾盤，哈哈。飲品有不少罐裝揀，仲有熱水同茶包，加錢有啤酒無限飲。除了火鍋料，有咖哩魚蛋，燒賣等小食。醬料就梗係要大量日式麻醬，麻醬配牛肉特別正。食左咁多肉，又係時候食番啲菜，自助bar有各式蔬菜，丸類，麵食等。最後梗係食埋甜品，有和菓子呀～激甜好正，哈哈～仲有軟雪糕機，太飽就無食了。折完後四百幾蚊，兩個人都飽到爆呀，食得好盡興。

現在冇晚市，間間餐廳都要扭盡六壬救忙，避免關門，呢日想食shabu shabu，想起好耐冇去牛氣，避開Lunch time，2點半來到🥢原來現在做緊第二位半價，我冇問每位激減$50係適用邊個餐，反正一入咗已經計咗第二位半價，相對來講平咗更多🥢因為唔大食，所以我地揀咗$248套餐，黑蒜豬骨湯，主要想食牛.🥢第一轉的牛，賣相唔錯，比得大方，牛肉又大塊及有小小厚度，幾唔錯🥢第一轉的🐷同🐔，係用雞腿肉，難怪雞肉好滑，豬都唔錯，本來對🐷冇期望，食過邊爐的人都知好多時豬肉淥完有陣味，d肉又韌，我好怕，但是呢間完全冇👍🥢出面自助有🥗、🍣、魚蛋、飯、咖啡茶之類，而邊爐的食物比起牛涮鍋選擇唔多.🥢第二轉牛，竟然同第一轉一樣喔😆，值得加分...食過shabu shabu的人知我講緊咩，冇錯，好多時佢地第一轉牛好靚，第二轉開始走樣，我試過食幾轉，每一轉都唔一樣🙄🥢埋單價錢$422/2位，好抵食.🍲今次全場唔會爆，完全不用等位，一路食到走d外面都不用等位，入場當然要度體溫同搓酒精消毒雙手！有個高高瘦瘦的侍應哥哥值得讚許，好有禮貌至於，佢每次經過每一台都會問你要唔要加d肉，又主動執台，係佢的言詞同語氣看到出佢係

牛氣同其他牛x系列可以話係糧尾救星今日去開荃灣 突然想打邊爐 但又唔想食咁貴 於是去左如心廣場既牛氣我地本住無希望就無失望既心態入去食，今次我地揀左日式甜豉油同埋蕃茄湯底，湯底不過不失啦。至於肉方面，第一盤既雞牛豬拼盤永遠都係最高質，食落口唔鞋，正正常常。但之後refill既肉，都不意外地係鞋過沙紙，好硬好難咬。不過一分錢一分貨，呢個價錢算性價比好高了，出面有丸類、蔬菜、烏冬、公仔麵等等配料任拎，款式都算多，幾抵食！令我地最驚喜既係，竟然有魚蛋燒賣質素同7仔差唔多。飲品既選擇都幾多，另外又有少類款式既壽司、甜品、沙律，雪糕仲係任食架！