影片
開飯介紹
90分鐘任飲任食，包括美國牛肩肉放題、美國牛小排放題、澳洲和牛放題等，客人亦可另加海鮮放題。
繼續閱讀
營業時間
今日營業
11:30 - 23:00
星期一至日
11:30 - 23:00
*截單時間: 22:30
以上資料只供參考, 請與餐廳確認詳情
有關獎賞計劃
相關文章
係荃灣睇完戲搵宵夜食，見到牛気十週年慶典推廣，決定試一試，揀左level 4 套餐。湯底 - 風味沙嗲湯，濃郁花生醬夠惹味。 海鮮放題- 三文魚腩刺身肥美鮮甜- 帆立貝厚身嫩滑- 海蝦大隻彈牙肉類種類選擇多，特別推介2種- 澳洲穀飼安格斯牛（健康之選），脂肪分布均勻，肉質細膩豐富多汁，脂肪含量低，口感柔嫩清淡，帶有自然肉香。- 美國SRF 極黑牛（食肉獸之選），肉質豐富，有較高霜降程度，紋理明顯，脂肪含量高，口感濃郁多層次，帶有明顯肉汁甘甜感。蔬菜 - 本地水耕菜有驚喜，未試過羽衣甘藍、水蓮同石斛苗打邊爐，原來同沙嗲湯底好夾。- [ ] 紫色羽衣甘藍含有豐富膳食纖維，有助於促進腸道健康和預防便秘、改善眼睛健康、含多種維生素和礦物質，有助人體增強免疫力。- [ ] 水蓮低卡高纖助減肥、消水腫並且口感清爽脆嫩。其他熟食飲品多完化，特別自助雪糕機的雞蛋仔味非常好味。 十週年紀念品幾有心思。
繼續閱讀
呢日天氣低過10度，又有半日Off，可以食到午市火鍋放題，就約友人嚟如心廣場打邊爐🤩原來牛気呢間日式火鍋已經10周年，推出咗全牛宴，除咗火鍋用嘅牛肉之外，仲有好多小食都係用牛肉嚟製作🐮我哋叫咗level 4嘅放題套餐，肉同海鮮都好多選擇 。鍋底我哋呢次叫咗期間限定嘅味噌海老鹽湯，個鍋一上枱已經好香蝦嘅鮮味🦐 個人覺得用嚟淥海鮮好正，再增加咗啲蝦香。肉類推介SRF美國極黑牛同埋澳洲穀飼黑安格斯牛，兩款都係牛肉味好濃郁，而且唔會太過肥膩，我哋都嗌咗好多碟呀🐮 呢度連牛骨髓都有得食，入口軟綿綿。另外都推介大家食雞腿肉，係勁滑嘅雞肉🐥海鮮海鮮係呢個套餐嘅另一大重點，有即食嘅三文魚刺身，瘦啲或者係三文魚腩都有供應🐟 另外火鍋配料方面，有大海蝦、青口、日本帆立貝、爽脆水魷、小刺參、脆鯛魚片、墨魚滑同埋花膠。呢次打邊爐我哋就主攻咗呢啲低卡嘅海鮮，真係好滿足又唔會好有罪惡感呀☺️ 火鍋配料外面有自助吧可以夾到本地嘅水耕菜，真係好新鮮又多款式🥬 另外有啲丸類可以夾，排列整齊。QR code都有幾款幾推介嘅火鍋配料，手打黃金蝦丸呢個超正，蝦仁包裹住鹹蛋黃🍤 竹笙蝦滑同埋手工韭菜豬肉餃都好有特色。小食有幾款期間限定嘅推介，黃金蒜香生蠔同埋迷你吉列蠔丼🦪 另外十周年限定有北海道產馬鈴薯牛肉餅，都幾鬆軟。山椒拌魚皮，質地爽彈，調味又幾惹味。甜品有鮮柚楊枝甘露、泡芙、豆腐花、芒果布甸、即唧軟雪糕同埋即製棉花糖🍭 呢日嘅軟雪糕係帶有港式風情嘅雞蛋仔口味，雖然同食真嘅雞蛋仔有少少出入，但係我好欣賞餐廳嘅創意啊🍦飲品飲品方面主要有汽水 、無糖茶、台灣嘅荔枝烏龍茶同埋水果梳打等等🥤亦可以升級任飲日本生啤🍻呢間火鍋店幾唔錯，難怪可以屹立10周年，祝佢有更多嘅10年，等我可以時不時過嚟嘆美食啦😂
繼續閱讀
我同老公好耐無食火鍋，難得今日有機會二人撐枱腳，秋高氣爽最好食自助火鍋。近近地喺如心廣場，出咗荃灣西鐵站沿天橋行大概4分鐘即到。我哋點了level 4 澳洲穀飼黑安格斯牛+SRF美國極黑牛放題+海鮮放題，任飲任食兩小時，見佢咁啱做特價每位$298，一於試吓。兩個人坐卡位，枱面夠闊夠大，唔使驚點太多冇位放😂😂。有六款湯底俾我哋揀，最後我揀咗免費升級的北海道蛤蜊魚湯，清清地可以食到餸菜嘅鮮味。自助枱分熱食及未熟食物區，選擇多且擺放整潔，調味醬區域亦有多款醬料可供選擇。我比較欣賞佢有本地水耕菜專區，支持本地農作之餘，又可食到新鮮嘅蔬菜。熱食區我較欣賞他的關東煮🍢，蔬菜魚卷的味道很清新，魚卷入口浸滿了關東煮嘅湯底香味，而且軟熟唔會太硬。未開始點菜之前，店員攞咗一盤海鮮及魚生給我們先淺嘗，試完之後可以再繼續追加。大海蝦、帆立貝、青口、蝦滑、魷魚，花膠及挪威三文魚刺身。我特別欣賞佢嘅花膠，大大條入口軟熟且彈牙。主角澳洲糓飼安格斯牛出場，油花紋路分明，放入火鍋滾大約10秒8秒即食，牛則嫩滑，入口即溶。SRF美國極黑牛, 油花較安格斯牛少，入口牛肉口感較緊致。煙肉焗蠔入面有煙肉及滿滿嘅芝士，蠔入口彈牙，香口之選。吞拿魚魚生飯一啖吞拿魚一啖飯，淺嘗魚生飯之選。大雪櫃入面除咗有飲品仲有甜品，芝士蛋糕及泡芙等，仲有自製軟雪糕，我揀咗低糖牛奶味，仲加咗個無花果乾落雪糕度。另外，想highlight嘅係佢哋有湯圓作為甜品火鍋嘅選擇，有兩款味道包括花生及芝麻，粒粒獨立包裝。一餐入面食到咁多唔同種類嘅食物，超級大滿足。
繼續閱讀
牛気十周年喇！佢地喺呢個特別日子推出「牛気十年．烚出香港情🇭🇰🥘🔥」，一齊賀賀佢，一齊「牛気充天」啦喂yeah!! ·期間限定🔟【烚年】火鍋週邊美食 - 全牛宴🐮 及 港式情懷🇭🇰，全牛宴特色美食包括清燉牛尾湯🥣、牛肉小籠包🥠、咖喱牛筋腩🍛、北海道產馬鈴薯牛肉餅🫓，凡惠顧Level 5以上的套餐更可享「日本縣產和牛盲盒🐮🎁」～ 而港式情懷限定美食包括辣酒煮黃金螺、臘味糯米飯🍚、玫瑰雪燕蛋撻🥧、桃膠雪蓮子燉銀耳、雞蛋仔味雪糕🍦。·Lv 4👉🏻澳洲穀飼黑安格斯牛🐂 x SRF美國極黑牛🐃放題x海鮮🦐🐙放題（$338）呢個餐完全係食肉獸嘅福音🤗，牛牛愛好者一定勁滿足!! 有得任食澳洲穀飼黑安格斯牛🥓、SRF美國極黑牛🐃、特選牛小排🥩、PRIME美國肩胛肉眼等高質牛肉🤤，個人較喜歡澳洲穀飼黑安格斯牛，牛肉口感會比較柔軟😙；而不得不試嘅仲有SRF美國極黑牛，大大一片，全塊紋理勁吸睛🤩，牛肉味相對會比較濃郁。·而海鮮任食亦係亮點之一，日本帆立貝、青口🐚、大海蝦🦐、花膠、水魷🐙、墨魚滑、蝦滑等，想講隻大海蝦真係有我手掌咁大隻✋🏻，好有份量!! 花膠又係勁大條，係滿滿嘅骨膠原，女士恩物😍呀！另外，仲有挪威三文魚刺身🐠、壽司🍣、迷你魚生飯任食，即刻心心眼咗😻～·湯底我地仲試咗期間限定嘅🦐「味噌海老鹽湯」，呈橙紅色嘅湯頭完全係大蝦精華🤤，建議可以再加入蝦頭繼續熬煮，會更具蝦的鮮味呢～·火鍋配料、熟食、小食款式都好多，可以用📲QR code落單外；而店內亦有自助區自取，特別欣賞設有「本地水耕菜專區」🥬，有得食新鮮水耕石斛苗、小棠菜、小松菜!! 宜家更有期間限定嘅黃金蒜香生蠔🦪，燒得好香，蠔身亦唔會大縮水👍🏻；甜品有得食🧀🍰焦糖芝士巴斯克蛋糕好surprise🤩，另外仲有迷你雜錦脆皮泡芙、草莓大福、豆腐花、自製綿花糖等。·成個火鍋放題係勁多野食，超飽勁滿足😍😋!! 老實講一次根本食唔哂，要嚟encore多幾次先得啦👻！·📍牛気Nabe Urawa荃灣大河道98號如心廣場二期1樓104號舖
繼續閱讀
$338 食盡極黑牛＋海鮮＋刺身！牛氣沖天慶祝10周年！今晚同朋友去咗牛氣試佢哋嘅Level 四放題，成人每位 $338，見到最近佢哋牛氣沖天慶祝10周年，梗係要去支持下！湯底方面揀咗蕃茄湯同牛肉清湯。蕃茄湯酸甜開胃，唔會太膩；牛肉清湯就啱晒鍾意清淡口味嘅人，襯牛肉一流。重頭戲——牛肉：食咗澳洲穀飼黑安格斯同SRF美國極黑牛，兩款都高質。黑安格斯牛脂肪分佈靚，口感夠嫩；SRF極黑牛就真係入口即溶，油香撲鼻，係全晚嘅最愛！海鮮拼盤都有驚喜，蝦、青口、帶子樣樣新鮮，唔會煮完縮晒水，啖啖鮮味；仲有三文魚刺身，厚切肥美，冇雪味，喺放題嚟講真係好有誠意。整體嚟講，今次牛氣 Level 四放題體驗非常滿足，質素對得住價錢。牛氣10周年搞放題優惠，唔試真係走寶！如果你係牛魔王或者鍾意高質海鮮刺身，呢個放題真係值得一試！牛気 (如心廣場二期) (荃灣)荃灣大河道98號如心廣場二期1樓104號舖
繼續閱讀