14
4
0
開飯介紹
主打任飲任食涮涮鍋及壽喜燒，湯底有數十款選擇。任食配菜款式多，更有各類熟食和自助甜品區供應乳酪雪糕。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
有關獎賞計劃
食家推介
15.04.2021 牛気終於第一次來試屯門牛気，星期四夜晚不用等位，去到即入場，入場前選定邊一款任食，由最平$188(牛肩）、$258（牛小排）、$298、$348（和牛）$398...唔食海鮮唔使揀298 ， 298同258同樣係食牛小排，分別就係多咗三文魚刺身同埋幾款海鮮（包括大蝦、青口、花膠）；如果唔食海鮮嘅朋友，揀$258已經可以。可能人少嘅關係，所以我哋只有三個人，佢都比兩個湯底我哋揀，最後揀咗番茄同黑蒜油豬骨湯底，朋友話黑蒜湯底最好味。地方座位好寬闊，坐得好舒適。另外，醬汁任倒，但款式唔算好多，起碼無我最愛嘅芫荽，除咗平常醬油蒜頭芝麻醬之外，自己加咗日本雞蛋。唔需要寫紙，自動準左幾盆牛小排，牛肩、海鮮、刺身各一碟。因為得90分鐘，所以要爭取時間食自己喜愛嘅菜同牛肉，重點當然係食牛，牛小排同牛肩都非常之好食，牛小排就滑身少少，牛肩就比較濃味，兩款都咁好食；有機會當然想試食和牛，但價錢雖然比較貴，但任食嘅值得一試。蔬菜嘅款式其實主要三款，油麥菜、唐生菜、娃娃菜，但係呢三款都好新鮮好好味，其他菇類蘿蔔芋絲蘿蔔豆腐響鈴丸類粉麵...無限任添，其他熱葷甜品款式種類和味道都可以。唯一嘅缺點就係唔夠時間食，任食當然希望試食更多啲款式。飲品都係平常見到嗰啲，無乜特別，最特別係有一個棉花糖機，應該可以自製棉花糖，我見到隔離枱有自己揸住棉花糖。如果可以加錢時間延長任食，那麼就更加完美，就可以同朋友慢慢進食。為咗食牛，值得再來。
繼續閱讀
用OpenRice 訂位，仲可以賺埋Asia miles 。中午2個成人，食美國極上個餐，午市優惠每人減$40埋單人均$270。環境衛生乾淨，食材都新鮮，但自助吧種類選擇比較少。但有罕見嘅紅色蘿蔔，爽口又甜，盛載器皿乾淨，飲品種類 日韓台都有，甜品雖然種類較少，有日式糕點，軟雪糕和棉花糖要自己整,。仲有我最愛的泡芙。P.S湯底鴛鴦鍋要加錢，叫咗黑蒜豬骨 有大大舊豬骨 ，另外蕃茄湯 都有好多蕃茄，總括湯底濃，唔需要沾醬油
繼續閱讀
今次係第二次黎屯市分店食，一定要係六點前黎到，如果唔係就會有排等位😂😂平時都係食開昆布湯或者豬骨湯底，但今次想黎個激啲嘅，所以叫左個四川麻辣湯底⋯·揀左美國牛肩肉放題($188，另加一)，呢個價錢包左任食牛肩肉，豚肉，雞肉，出面拎嘅火鍋配料同埋熟食、甜品等等。牛肉唔會切到薄到透明，所以都食到牛味，唔會鞋同韌；豚肉同雞肉都唔錯，雞肉係雞腿肉，唔係雞胸，所以岩晒我呢啲唔中意食雞胸嘅人🤣🤣·火鍋配料有手打烏冬、拉麵、菜、丸、響鈴、蟹柳、炸魚皮等等；小食方面有味付螺肉、中華沙律、八爪魚、咖喱魚蛋、素翅等；甜品就有乳酪雪糕、抹茶雪糕、抹茶蕨餅、豆腐花、泡芙等，款式都好多🤤🤤飲品方面都係大路野，汽水、茶等等⋯蟹柳同抹茶雪糕係必食！！！佢嘅蟹柳唔係好假一食就係成舊麵粉果啲假蟹柳，係真係食到一條條絲嘅蟹柳，我估應該係真蟹柳🤣抹茶雪糕都好重抹茶味，可以加雪糕配料，我最中意加可可波😆😙我地兩個人食左五份牛，一份豚肉同埋雞肉再加啲係出面夾嘅配料已經好飽😂😂麻辣湯底係幾正嘅，真係好辣，尤其是淥菜同響鈴就會索晒啲湯🤭🤤如果唔係好食到辣嘅話千其唔好試呢個湯底自殺喔🙉
繼續閱讀
去左牛氣食午餐好抵，因為午餐每位減$40，所以折埋真係好抵，因為男朋友唔太食肉既關係，我地最後食左188個個餐，減左$40後每位都只係148，當然未計加一啦⋯⋯加埋兩埋都係$300幾就打到個邊爐仲抵過自己係屋企買料打。今次我地叫昆布湯底清清地，呢啲湯底唔會有伏簡簡單單，到黎到就上左兩份牛一份豚同埋一份雞，牛就無咩油脂但最平既餐算係咁其他配料亦中規中矩,但要提既係手打烏冬，小編覺得好好食，質感唔似平時食開既冷藏烏冬。飲品方面都有唔同選擇，亦非常貼心有唔凍既飲品供應。但當日好似人手唔足夠，所以都無咩人幫手 執枱
繼續閱讀
2020年12月25日 Merry Christmas我們的聖誕大餐來牛氣食午市涮涮鍋放題嚴選美國牛肩肉放題$188/位午市優惠，每位減$40折實後，埋單每位$167今日刺激啲選左四川風麻辣湯見佢紅卜卜，以為好辣，職員仲主動過嚟話幫我哋加水等佢淡啲，怕我哋辣，我地拒絕左服務員的好意，因為除左首啖覺得有少少辣之外，越食越唔辣，食到最後直頭一啲辣都冇，佢啲乾辣椒係裝飾嘅嚇得下人坐低冇耐就送上兩碟牛肉、一碟豬肉及兩件雞肉，首輪的肉類質素很好。到第二輪叫咗一碟牛肉，同所有同類型店嘅結果都係一樣，之後嗰啲牛肉都唔靚，顏色好靚紅卜卜，但係，有硬筋及牛肉都鞋啲。放喺出邊嘅蔬菜及種類都新鮮。所有食物嘅種類都唔算多，唔係好多選擇，蔬菜都算新鮮。佢甜品種類都有幾款，但係有一半都唔好食。佢自家嘅牛氣糯米糍，朋友食咗一粒，即刻吐返出嚟，佢話唔好食，我用手摸落去都係硬硬嘅，所以我都冇食到。今日午市熟食有茶葉蛋、辣魚蛋、蒸燒賣、日式咖喱牛肉、碗仔翅及雪耳糖水，除咗燒賣我覺得佢比較粉之外，其他食物質素都唔錯，個人推薦日式咖喱牛肉、碗仔翅、糖水。取食物餐具的器皿，裏面有水，食咗90分鐘，都沒有換過裏面啲水，其實都好嘔心，視覺唔好，衛生程度都做得唔足夠。今次嚟到棉花糖機有開，大人細路都排隊玩，不過好多人都唔識整，搞到四圍都係糖粒，同埋佢部機擺得太高啦，大人都要舉高晒手，先至整到。今日嘅雪糕有原味乳酪及朱古力味，兩款雪糕都唔錯，朋友就鍾意原味乳酪。
繼續閱讀