影片
開飯介紹
主打任飲任食涮涮鍋及壽喜燒，湯底有數十款選擇。任食配菜款式多，更有各類熟食和自助甜品區供應乳酪雪糕。
繼續閱讀
營業時間
今日營業
11:30 - 23:00
星期一至日
11:30 - 23:00
*截單時間: 22:30
以上資料只供參考, 請與餐廳確認詳情
有關獎賞計劃
相關文章
鍾意打邊爐既我，覺得一年四季都合適。呢日去咗日式放題火鍋餐廳既牛気，任飲任食，好滿足呢～店內地方非常闊落，感覺以日式風格設計，裝修別具一格，環境潔淨舒適。讚好牛気社交平台專頁，即可獲得禮品一份 及 。餐點主題：韓風祭 ～ LV4 澳洲穀飼黑安格斯牛 + SRF 美國極黑牛放題 + 海鮮放題 牛気最新推出既韓風祭，有多款特色既韓國食品，蜂蜜炸雞翼配韓國蜂蜜芥末醬、韓式醬豬手、韓式炒飯、韓式芝麻拉麵、泡菜餃子、韓式蘿蔔燜牛肋條、韓式上湯小籠包等等，樣樣都咁吸引，一於點咗先。蜂蜜炸雞翼配韓國蜂蜜芥末醬雞翼炸至金黃香脆，入面嫩滑有肉汁，點埋韓國蜂蜜芥末醬，少少甜，帶有芥末辛香，口感層次豐富。韓式炒牛肉喜歡食少辣既人就唔好錯過呢款啦，牛肉用上韓式香辣調味料醃製後，肉質嫩滑，微辣好食。韓國泡菜餃子呢款係手工餃子，粒粒餡料飽滿，只要輕輕淥下就可以食得，皮薄餡靚，裡面又多汁，好滋味。韓國年糕條年糕放入火鍋湯底一陣，直至變到軟身即可食用。年糕煙煙韌韌，有嚼口，吸入湯底更美味。韓國芝麻拉麵 & 韓國辛辣麵辛辣麵就食得多，今次試吓芝麻拉麵先，麵條好掛湯汁，彈牙爽口，成碗好快就食晒。火鍋湯底有多款選擇，亦有北海道昆布湯、秘製牛肉清湯、完熟番茄濃湯、黑蒜豚骨湯、日式牛骨濃湯(微辛)及川椒麻辣湯(辛辣)等等，想一次過試2款湯底亦可 +$10。揀選鴛鴦湯底，北海道昆布湯清甜味道，以及黑蒜豚骨湯，味道濃厚豐腴，十分鮮味，濃而不膩，香氣十足，配料食材新鮮，放入湯燙一燙，吸收晒海鮮湯底嘅精華，食起上嚟更鮮甜更好味。澳洲毂飼黑安格斯牛 - 色澤鮮艷，肉質軟嫩，充滿濃厚嘅牛肉香味，每一啖都香氣十足。SPF美國極黑牛 - 賣相已經好吸引，品質極佳，脂肪分布均勻，入口即化。美國肩胛肉眼 - 高質素嘅牛肉，肉質結實有嚼勁，油花豐富，濃郁嘅牛肉風味。日本帆立貝 - 厚身嘅帆立貝，肉質爽口，帶點清甜。挪威三文魚刺身 - 三文魚肉質非常嫩滑，有著清新、鮮美嘅口感。花膠 - 花膠都幾厚身，滋補養顏又可滿足口感。大海蝦 - 肉有彈性，蝦味重味道鮮美。自助吧熱食 :吉列炸蝦 - 炸到外層金黃鬆脆，蝦肉鮮味同彈牙。意式蕃茄肉丸 - 肉丸彈牙，吸收醬汁嘅味道，酸甜好開胃。紅酒燉牛肉 - 牛肉燉至軟身，鮮嫩多汁，吸入左濃厚嘅紅醬汁，紅酒香味散發出來。日式蟹棒冷豆腐 - 口感清爽，開胃小食。脆炸薯條 - 金黃香脆，薯味濃郁，點埋醬汁更滋味。自助吧甜品 :焦糖芝士巴斯克 - 外面焦香，內裡濕潤柔軟，芝士味濃厚。咖啡拖肥味雪糕 - 幼滑嘅雪糕，每一口都有濃郁嘅拖肥同咖啡味，食咗好幾杯。脆皮提拉米蘇大福 - 外皮煙韌嘅大福，包住帶點酒香嘅提拉米蘇，口感層次豐富。自助區擺放多種食物及飲品供應 : 有機菇菌、本地有機農耕蔬菜、新鮮丸類、粉麵、醬料、關東煮、前菜小食、湯品、水果、特飲、雪糕雪條、甜點等等，款式實在太吸引啦。
繼續閱讀
牛気🔟周年 今期做緊🇰🇷韓風祭🇰🇷韓流襲牛気😆多咗好多韓式食品，啱晒韓迷韓式泡菜🌶️、甜蓮藕、酸甜蘿蔔韓式醬豬手，蘿蔔燜牛肋條、醬油熟蝦🦐韓式爆辣雞鎚🍗、蜜糖炸雞翼韓國年糕條、韓式芝麻拉麵、辛辣麵🍜韓式泡菜餃子、手工餃子🥟米酒大福、銀耳杞子燉雪梨🍐LV4 澳洲穀飼黑安格斯牛+SRF 美國極黑牛放題加海鮮放題成人$338 ▶️ 特價$298火鍋湯底鴛鴦鍋揀咗最新嘅韓式雪濃牛尾湯，乳白色嘅牛骨湯夠清甜，仲有一大嚿牛尾，另一邊牛肉清湯。🐮澳洲穀飼黑安格斯牛、SRF 美國極黑牛🐄，脂肪少D，肉味濃，除咗牛，仲可以食雞🐔同豚肉🐷海鮮有大大粒日本帆立貝，h花膠夠滋補養顏，小刺參幾爽口，脆鯛魚片估唔到係脆肉鯇咁脆🐟仲有挪威三文魚刺身🍣夠肥美韓式醬油熟蝦🦐，蝦肉彈肉，醬油夠鮮味👍🏻甜品區馬卡龍、黑芝麻豆腐花、米酒大福、芝士蛋糕都好有質素😋如果你鍾意韓式美食，又係火鍋控，就千祈唔好錯過今次嘅韓風祭🇰🇷韓韓出狀元📚一齊集5️⃣字俾應屆DSE考生只要身份證有個5️⃣字就有禮物🎁打咭上載社交平台有免費牛気御守一個
繼續閱讀
為了抗衡寒冷🥶天氣，同同事決定打邊爐（在吃貨的世界，所有事都可以係食嘢嘅理由😂😂）超鍾意食牛，就決定試下「牛気充天」的牛気🐮我們選了Lv4餐，職員話現在慶祝「牛気十周年」，期間限定嘅特色食品亦都可以食，感覺真係好抵😍🔸Lv4餐✨澳洲穀飼黑安格斯牛✨✨SRF 美國極黑牛✨賣相吸引，油花非常靚，好似大理石紋咁。一啖入口，牛味濃，口感柔軟嫩滑，真係超正👍🏻👍🏻✨牛骨髓✨口感好特別，滑滑捋捋，都幾好食。✨海鮮✨選擇非常多❤️日本帆立貝非常大隻，大海蝦🦐非常彈牙，墨魚滑🦑口感爽脆，食落鮮味十足。仲有花膠及小刺參，前者養顏，後者爽脆，口感好豐富。✨蝦滑✨他們的蝦滑，是一大包上枱的，蝦肉含量超過95%😍自己落手整，唧大大條都唔心痛，好玩又食得過癮。✨竹笙蝦滑✨竹笙蝦滑外軟且吸飽湯汁，但裏面非常實在及彈牙，食落好得意。🔸 「牛気十周年」主打全牛宴及港式情懷系列，真的超級豐富。✨黃金蒜香生蠔✨✨香濃牛尾湯✨✨風味咖喱牛筋腩✨✨北海道產馬鈴薯牛肉餅✨生蠔🦪大隻又肥美，蒜香味十足。牛筋腩炆得非常軟腍，入味。牛肉餅炸得外脆內軟，一口下去，入面餡料滿滿。✨臘味糯米飯✨✨雞蛋仔味雪糕✨✨玫瑰雪燕蛋撻✨✨辣酒煮黃金螺✨✨桃膠雪蓮子燉銀耳✨雞蛋仔味雪糕真的很特別，食落有啲似吉士忌廉味，非常好食。玫瑰雪燕蛋撻，非常酥脆，雪燕份量比想像中多，有意外驚喜。✨自助區✨有多款蔬菜、丸類、關東煮、馬卡龍、乳酪雪糕等超多食品可以選擇，豐富程度令人心花怒放😍😍，性價比真的很高👍🏻👍🏻喜歡款式多嘅朋友，絕對不要錯過。想睇更多介紹，馬上Follow我啦😁。#火鍋 #海鮮火鍋 #牛気 #屯門火鍋 #屯門 #屯門美食 #屯門好去處 #big_big_foodie #big_big_foodie食勻屯門
繼續閱讀
@牛氣呢間位於屯門市廣場的日式放題,星期一至星期五（11:30-17:00）60分鐘半自助午市放題,由$88起,可選擇豬,雞,牛和湯底,出面自助區有火鍋配料,熟食,沙律,甜品,如果要求唔高,呢度真係性價比之選熟食（不定時轉換款式）咖哩魚蛋,燒賣,泰式肉碎炒飯就必定有,而今日就做緊青咖哩,之前有試過牛肋條,咖哩牛腩,和風牛肉,香辣燒雞翼/雞槌.......甜品有巴斯克芝士蛋糕,巴斯克榴槤芝士蛋糕,泡芙,麻薯,馬卡龍,自製棉花糖......總結：呢度啲食物唔可以話好好食,只可以話一般般,不過如果又想抵食,又想食得飽飽,呢度確實係一個吾錯的選擇,如果五點前入座仲可以當埋early dinner,食埋唔使煮添🤣🤣🤣我就係常客啦😜
繼續閱讀
想食高質又多樣化的火鍋放題？？卡卡定必推介這間火鍋放題店最近她們推出以「韓風祭」主題，真係唔可以錯過~除了有靚牛肉及海鮮選擇之外更有不少美味具特色的韓式食物特別要讚這裡所提供蔬菜是來自本地的水耕菜除了平時常見的蔬菜之外今次仲比我發現添加了矜貴的食材 #石斛苗 及 #黑松茸菌估唔到能吃到鮮甜味美而有質素的蔬菜真的欣賞公司不停推出不同主題及不斷提高食材的質素就這用心經營，完全值得卡卡經常回訪及支持香港食肆❤️今次選了 Lv 5 澳洲極上和牛 + 海鮮放題 同阿仔考試前打氣，當然要食豪DD加上而家惠顧Lv5或以上級別放題套餐即可免費升級 #日本特選和牛肩胛肉眼 無限任食！正呀！油脂分佈平均，肉味冧滑及入口即溶呀!牛脂在口中浮游太幸福呀！😍還有上等澳洲穀飼黑安格斯牛🐄及美國肩胛肉眼🥩兩款牛肉味肥瘦適中及有濃濃牛味套餐更有任食肥美新鮮的挪威三文魚刺身🐟及多款海鮮選擇：日本帆立貝、青口、蠔等多款新鮮美食主題「韓風祭」提供多款正宗韓式美食放題任食~無限享用！先食韓式泡菜、甜蓮藕及酸甜蘿蔔開開胃再來個爽彈麻香味濃的醬油熟蝦 韓式炸雞當然唔少得🤭蜂蜜炸雞翼配韓國蜂蜜芥末醬及韓式爆辣雞槌辛辣一款唔辣，一款辛辣，完全滿足不同口味的我倆當然唔少得韓式年糕條及韓式泡菜餃子唔夠飽？仲有韓國芝麻拉麵及韓式炒飯就連韓國辛拉麵都有呀！夠哂“韓”呀！好似去咗韓國食飯一樣~估唔到嚟打邊爐都可以食到多款韓國美食呀‼️甜品重點必食軟雪糕‼️皆因雪糕幼滑兼奶味超濃郁‼️草莓牛奶及低糖牛奶是期間限定😋仲有其他品牌雪條雪糕選擇添！其他必試甜品：軟糯香甜的米酒大福、清潤的銀耳杞子燉雪梨、少甜的馬卡龍、楊枝甘露、滑滑豆腐花及自製棉花糖等等....次次來牛気火鍋放題總是覺得幸福滿滿的大滿足呀！📍牛気屯門屯盛街1號屯門市廣場一期3樓3235 3236 3237及3239號舖
繼續閱讀