牛気 (The ONE)

營業中

休息中

星期一晚一家人去左尖沙咀The One牛氣食火鍋放題，食左最貴果款，極上澳洲和牛個套餐，佢除左套餐包既肉食之外，出面餐枱仲有好多其它選擇，有生菜、油麥菜、皇帝菜、菇都有好幾款、南瓜、丸類、手打拉麵、手打烏冬等等，而且仲有新鮮雞蛋，呢個我真係覺得超正。一開始佢就每樣都上左一份，食完我地先再叫覺得好食果D。極上澳洲和牛食起上黎係好食過嚴選澳洲和牛，好滑同好有牛味，極上牛小排都滑過嚴選澳洲和牛，但今次既豬就差過上次好多，d肉完全唔滑，仲幾粗下，今次我哋一共叫左四盤極上澳洲和牛，但佢只俾左3盤，第四盤佢就俾左嚴選澳洲和牛，呢盤仲要係最後order，結果食到非常唔過癮，口感即刻差晒，早知叫個極上牛小排仲好。佢嘅帶子依然都係好好食好大粒，熟左之後雖然縮細左，但都唔係細好多；螺就唔好食，蝦好大隻，而且都算新鮮，唔霉，不過肉好實；蟹腳估唔到都幾好，冇雪味，仲有少少蟹肉既甜味，不過食落太麻煩，只食左一轉就算，冇再order lar。

開始入冬有小小凍，正係打邊爐既好時候，附近其他台式火鍋店早係六點未到已經全場滿座，呢間仲有位就去食下。唔係第一次食，價值合理都算高質既放題。加左十蚊轉左鴛鴦鍋試下麻辣湯底，越煲越辣都幾惹味，唯一係得一舊鴨血🤣個套餐包左任fill牛小排，豚肉，雞髀肉同墨魚滑，基本上就咁已經好飽。肉都算高質，幾滑。出面自助區比較驚喜係有蟲草花同羽衣甘藍，仲有日本蛋可以點牛肉！飲品唔算多，但有得加28蚊清酒任飲，但味道較淡。另外甜品都有d失望，雪糕好多碎冰。最後係90分鐘真係有d趕，下次可能加貴少少食120分鐘滿足d!

看了一部熱血的日本動畫鬼滅之刃無限列車篇後，想吃一下日本料理，途經牛氣火鍋料理，於是就入去光顧吃火煱，這次點了蕃茄湯底和六塊豚肉　幾分鐘後湯煱和豚肉也來了，之後去沙律吧夾東西，夾了冬菇，冬瓜，蓮藕，餃子等配料後就回座位開始吃，豚肉和其他配料也很新鮮，味道很好，和蕃茄湯底很配合，加上調好的醬汁吃味道更加好，還有蟹肉素翅的味道也很有蟹肉味，吃了一輪之後就吃軟雪糕，吃了朱古力和綠茶加朱古力兩款口味，朱古力味很濃郁很香，綠茶味也很有綠茶香味，兩款口味也甜道適中，來回吃了好幾大杯，還有精美的手工糖可以吃，服務員的態度也很好，整體上很不錯，下次再來光顧

同朋友行完街，諗唔到食咩好，經過呢間牛気，之前係屯門試過一次幾好食，今次一於再翻兜！兩間分店都係同樣既set，但其他放題式夾既食物就有啲唔同，the one呢間選擇多啲，仲有個南瓜湯，好甜好好飲😋我地仲瘋狂encore個牛，唔好以為任食質素就會參差，個牛同啲雞既肉質都好嫩口，性價比超高！食完之後去fb share佢地個feed仲可以有movenpick雪糕送添呀！呢到既staff仲好快手同好有禮貌，鐘意打邊爐既你可以一試！

有食過the one呢間同旺角果間🙈都係覺得呢間高質好多🥰🥰🥰🥰叫野食又快 又多款揀今次叫左個貴少少嘅plan有得食牛小排🥺🥺🤤好食到停唔到！！！！！！

好耐無出動啦，今晚決定同老公出外搵好野食，打邊爐蟲又咬我地，決定去the one行個圈搵食先～離遠見到牛牛椅向我地招手，咁一於簡佢啦“牛氣”門口個位哥哥好親切啊我地叫左海鮮牛小排餐，泡菜同豬骨湯底，濃好香濃啊，牛小排好新鮮，海鮮好好味，飲品又多款式，個紫米飯甜品超讚啊，忍唔住食左3個，服務非常好，加水快唔使叫，仲會搵手檔住先加水，仲有自助吧都好多款式，個豆腐超滑囉，上fb like,仲有M未雪糕食，今次出動非常滿足，絕對會再黎食過架

少有連鎖店服務態度咁好！牛肉好新鮮，一定唔係cheap野hea食客！食咁耐見佢啲食物都定期轉下新野，係個到食過冰菜，超好食！壽喜燒，豬骨湯係我個人最愛！接待員服務態度超正！

為朋友慶祝生日，她選擇了這家！我都點了個$348set,甜豉油及豬骨湯底！個人偏愛甜豉油湯底！海鮮不錯，澳洲和牛不過不失！豚肉也ok, 自助bar, 朱古力味雪糕都幾濃朱古力味，合格！整體環境服務都算不錯！

真材實料、食材有質素食個午市火鍋放題，食完和牛追加食物落單，無論係牛定係其它食物追加，食物上檯時間較快，無拖時間上食物想落幾多碟，落單後都會上食物吾同其它放題火鍋，會拖食物上檯時間牛小排、和牛夠薄夠滑，有口感食物有質素，無用check食材，食過就知美中不足是有部份食客，取食物時無戴口罩‼️有點而那個。。。服務員態度很好，依個吾錯如果服務員見到客人❌無戴口罩出去取食物，會勸告一下戴回口罩才取食物更好、今日下午用餐隔離個檯取食物無戴口罩😒

During the covid-19 pandemic, hygienic issue should be the first concern but the restaurant failed to do so. They arranged us to sit closely next to a couple of stranger when the restaurant was so empty and each couple can sit separately. I believe that the couple who sat next to us already asked the staff to move to somewhere else but the staff didn't allow! This doesn't make any sense when you have enough tables for sitting separately therefore it shows that the restaurant doesn't concern hygi

早前在The One吃晚餐時，路經牛気發現正做優惠，4pm-7pm前結賬離座可享二人同行一人半價😳這個時段食客比較少，感覺較安全，於是趕緊約朋友平日下午來打邊爐😌不過要有心理準備這時段員工亦比較少，一個撐全場完全忙不過來，所以服務相對一般。👉🏻食物：4.5/5全部食材都令人相當滿意😋▪️湯底湯底是火鍋的靈魂，湯底已決定了一半的分數。非常欣賞這裡湯底的濃度，基本上不用再沾醬料，食物掛上湯已夠味。豬骨湯更能看到有一大件豬骨在內，真材實料😋▪️澳洲和牛看到肉的顏色、紋路就知道高質素🤤 每片都大、厚薄適中，沒有多餘肥膏，但入口仍嫩滑有牛味👍🏻滿足愛啖啖肉的朋友！第二次再encore 肉質同樣好、份量一樣多！▪️安格斯牛柳粒大讚！第一次打邊爐牛柳粒竟然口感嫩、不會韌，非常難得！🤩而且帶點油脂，一咬就令口腔充滿牛味及油香😋 不過第二次再點就略嫌太肥、有筋。▪️海鮮有大蝦(新鮮彈牙)、帶子(鮮甜超大粒)、花膠(大又厚，女士最愛)、青口及蜆(乾淨沒有沙)。▪️豚肉及雞肉因為太專注吃牛所以我沒有吃🙈朋友說不錯。

$78起，午餐，一塊肉加任食其他配料。覺得幾抵食，走入去試下。疫情，加上平日中午，坐得好舒服，亦都一定要帶口罩拎野食。不過野食種類極少，唔食得蟹嘅人入去前要諗清楚。無正常丸類腸類菜類，好多蟹棒、芝士蟹豆腐咁。好普通，出去再食過。

香港日式火鍋放題實在不少，有水準的就不是太多，這餐廳基本的牛肩肉也牛肉味濃，小牛排就很平均，好食，鷄豬肉也可以。時間及胃口關係，沒有試海鮮，看來不錯，自助區也品種多，又可點壽司，90分鐘基本上試唔齊。一進店就開始計時，要選定才進比較好，the one 平日車位足，消費可免費2小時。

邊爐店有好多，而之所以仲食牛気，係因為呢度分店差異唔太大，而且有日式麻醬，而且牛肉質素靚！假日晚市90分鐘極上美國牛小排$258，價錢適中。牛柳粒會伏之外，牛小排、牛肩肉、豬腩肉都唔錯，叫到最後個輪先係肥淋淋。我最欣賞既餸就係京蔥、蟲草花、蟹柳、響玲～墨丸都幾香～芝士粟米湯咁既丸～試完唔會覺得好好味brownie好食！蛋撻就一如既往，其他飯後甜品擺得好靚，質素唔太差～紫米露係稀的，不過睇到都覺得正。雪糕就直頭唔掂，唔係乳酪雪糕都唔想食，原味試過都係怪怪地⋯

復活節假期最後一日出尖沙咀打邊爐，可能是因為疫情關係，成間餐廳都坐唔夠一半人，所以雖然訂了晚上8點鐘，我哋提早到達都唔使等可以即刻入座。我哋經Openrice 訂座，於晚上6-8時入座可享全單75折優惠，十分抵食。揀左個極上美國牛小排，湯底選擇豬骨煲。美國牛小排味道唔錯，比牛肩肉鬆軟好食，安格斯牛柳粒即我覺得太厚難咬開。其他食物及飲料選擇豐富。可能而家太少人光顧，我哋9點幾食完時離開時，職員都已經收晒食物預備收舖。