牛気 (The ONE)

營業中

休息中

因為疫情問題，所以各大食肆都要1.5米隔離。一早訂位，嚟到量完溫度就安排座位。然後安排到門口位置的第一張，然後我朋友唔想望向出面，同行街嘅人對視，於是坐我隔離，突然職員半點緊張，又半點激動，隻眼碌到勁大咁衝過嚟話「一定要有距離，麻煩你坐番去對面」。我地呆左⋯⋯⋯⋯⋯⋯⋯呢個時候，經理過嚟話「咁不如安排入面個啲空枱，入面反正無人」，隨即就調左位，我朋友就坐我對面。食到夠鐘，即使無晒人，店員都會繼續趕我地走。所以如果想搵一個可以慢慢傾計嘅地方，都唔好考慮呢間。我明白依家情況係相對緊張，但都希望唔好將呢份過度緊張傳到食客身上。緊張嘅同時，都可以保持客氣有禮。

牛氣已經多次Encore, 因為這裡環境地方新淨, 食材新鮮多款式, 亦提供罐裝飲品, 不是汽水機. 今天兩人來可以坐四人卡位, 不用與陌生人密切地坐在隔離枱,。我們叫了極上美國牛小排放題, 每人$258加一, 湯底叫左清清地北海道昆布湯底,   飲料有汽水，韓國飲料，無糖茶等, 食物種類頗多，生熟食物，蔬菜沙律等等, 日式小食都有, 而牛雞豬都系任食, 牛肉豬肉有肉味不太硬，對於食肉獸來說真的好消息，下次或會試一試海鮮放題，有蝦，青囗，帶子及石斑柳

疫情之下又想打邊爐，惟有揀d坐得闊落又企理嘅餐廳，呢間牛氣就係唔錯嘅選擇。佢有5個餐選擇，因為七點前埋單可以第二位半價，我哋揀左個澳洲和牛+海鮮放題，湯底方面都有6-8種選擇，我哋加$10要個甜豉油湯。澳洲和牛味道唔錯，牛味比較重，另外有牛小排同牛柳粒，不過每樣都係太瘦😆，打邊爐嘅牛始終都要帶少少肥先至好食。。。反而係個豚肉有啲驚喜，肥瘦適中，讚👍🏼海鮮方面，有蝦、帶子、蜆、花膠，蝦同帶子都算大隻，但花膠就比較硬身，所以都冇encore配料區有好多蔬菜，兩個人食唔晒咁多嘢，混醬區嘅選擇都好充足，睇落亦都好企理第二位半價算係好抵食，疫情之下如果想打邊爐可以一試

My second time at this restaurant which features All You Can Eat Japanese Hotpot 🌈 It’s good but almost hilarious (in a good way) how attentive their service is, they almost check to ensure there are no used plates on your table, which is highly worthy to mention for an all you can eat restaurant. This time I tried the HK$298 dinner set with unlimited servings of beef (牛小排, 牛肩肉), pork (豬肉片), garoupa (石斑魚), mussels (青口), shrimp (大蝦), fish maw slice (花膠仔) 😍♥️ Also, there are a few buffet station fo

今日想寫返之前同一個朋友喺The One食嘅晚市火鍋放題，宜家呢個時勢應該少咗好多人打邊爐gathering，甚至可能餐廳都取消咗火鍋，怕咗播毒。等疫情好轉，希望多啲人幫襯返牛気啦，因為啲嘢食都幾好食。我哋叫咗鴛鴦鍋，要番茄湯同清湯底，我都幾鍾意蕃茄湯底，好鮮甜。我同朋友今日都唔係太肚餓，所以可以食少啲肉，食多啲菜。火鍋放題材料種類繁多，單係菜類菇類都有十種以上，我推介菜肉餃子，打完邊爐嚟食，入邊有好多肉汁，encore左兩次。熟食方面，都有好多嘢揀，小甜薯唔錯，好甜。食到最後仲可以一人一杯雪糕！順帶一提，呢間餐廳嘅環境令人覺得舒服，就算打緊邊爐，都唔覺得嘈吵，空間感十足，而且衛生環境令人覺得舒適。而且服務員好好人，有友善嘅態度、好好笑容，讚！

同友人行完街,Lunch就係The One商場內食嘢.由於友人好中意打邊爐, 於是就同佢簡左牛氣. 一開始要攞飛, 都等左15分鐘左右, 可以食90分鐘. 一有位既時候,就要先係入口既接待處簡左要邊一個任食套餐同湯底. 咁地簡左個$188有牛肩肉, 雞肉和豚肉; 湯底就要左韓式泡菜湯底.2個人佢就俾左一張四人既卡位, 好濶落….坐低後,好快就上左湯底同賣D 肉, D肉可以再re-fill. 而出面就有自助Bar, 有菜, 有丸,有餃子, 有甜品,有湯,有飲品.仲有雪糕.講下個湯底先, 個湯底得個辣味,唔太感覺到有泡菜味,連少少泡菜都唔落. 感覺麻麻地. 牛肩肉同豚肉都係一般,同出現食果D差唔多, 但脂肪比例適宜. 而雞肉比想像中唔錯, 偏嫩. 蜂巢豆府覺得可以一試, 好short 湯,好好味.仲有炸魚皮,卜卜脆.食左幾轉添, 必試飲品有一款係可可朱古力, 朱古力味濃,朱古力控可以一試.而最期待既甜品雪糕有藍莓和紫薯味, 簡左2溝, 藍莓味太甜太酸, 紫薯味就唔太突出.黑糯米糖水,我幾中意, 由其是冬天, 女士飲左都特別好. 特別一提, 其中有一個穿黑色衫,應該係比較高級既服務員(或者係

平安夜晚餐西餐加價加得太勁，所以揀左食日式火鍋，雖然都比平時貴左少少，但都可以接受。我地揀左極上美國牛小排放題，算係較低階既級別，但本身都係想食牛為主，冇特別想再加錢要海鮮。牛小排出黎賣相幾好色澤鮮亮，肥瘦油脂分布剛好，所以前後食左三碟，雞同豬都係預設既但相對冇咁吸引，所以就淨係食完一碟就冇再加單。湯底揀左博多辛口湯，開始仲以為係地獄湯會唔會好辣，誰不知有啲淡冇乜味，可以再濃啲辣啲就好了，變相淥野都係靠本身食材既味。配菜係半自助式選擇，基本野都有，包括好幾種丸類，幾款菜類，日式d既就有豆腐，烏冬嗰啲，另外仲有少少熱食，我地試左個紫米露，都唔錯！飲品方面，汽水果汁類係包埋既，我地加左十八蚊要左梅酒，可以一位加一位唔加，呢個安排簡直係良心！仲見到有雪糕同壽司卷物，不過就已經飽到食唔落。我地仲like左Facebook 換左個三文魚刺身，不過等得有啲耐，想換既朋友記住一坐低就換～

The beef is really good. But they served lower level beet than my order after around 1hour.I don't know why they serve different level maybe there is condition about that in the menu I didn't check. It was Christmas eve so I didn't complain about that. The shabushabu was good overall.

一碟平凡豬肉大多數係雞件門口男生拚命叫我们一定要280$一味的牛肩肉套餐仲大大勉励我們只宜食280$的因為平一级的水平太差！？见大節假日一時粗心便中了伏最平常的昆布湯底很多菜沙拉～酱料什至雪糕不過到一个小时左右侍者一再提示我們只有一个半小时吃的到了2点26分女侍不是提示我们够钟而直接示意我们要離開看看四周生意不好沒人等位2人每人花274$根本吃不多少不抵印象最深刻匆忙得连相也趕不到拍自己都好奇怪！

此位朋友與我最喜歡的溝通方式就是「恰下恰下」食火鍋，不論是冬天夏天四季如是。尖沙咀 牛気，坐落於尖沙咀The ONE 4 樓，地點非常方便好容易找到。店面門口上面掛滿日式燈籠充滿著日本風情，裝修以啡色和黑色做主色，啡色餐枱和椅子，黑色的餐具🍴和擺設。90分鐘的放題，除了限定美國牛肉、雞肉及海鮮外另設有多款任飲任食食材：例如時菜，冬菇、牛丸，墨魚丸、魚蛋、魚滑、獅子丸、腸仔、烏冬、沙律、蕃茄、豆腐、冬瓜、白飯、炒飯、湯水、甜品、軟雪糕、糖水、棉花糖、汽水及啤酒，咁嘅價錢來說算是十分豐盛抵食，就是呢個原因吸引我回頭食。海鮮拼盤（限量）

one day with client, and didn't expect much and walk around in the one.going in and try eat this shop.look good décor and all food here.they do have lunch offer and little bit cheaper. so maybe good for night time hour.since with the moment with client and this is good to drink a little and chat.牛気  尖沙咀彌敦道100號The ONE 4樓L404-405號舖

今晚黎打邊爐，坐得有d逼，同另外2人 share 4人枱，中間連條gap都無。不過有枱比我地調位，都算係咁。食食下有隻小強行過，好嘔心，叫職員即刻清理，然後經理有提議調位，不過調黎調去咪又係咁。希望餐廳可以做好少少清潔。

每日要諗 Lunch 食咩係一件好難既事, 好彩有人總有好提議! 近日天氣涼涼哋, 好明顯又到左打邊爐同 BBQ 既好時候! 午餐每位減 $40, 我哋一致選牛肩肉, 豬骨湯底! 牛肩肉都唔錯, 雖然一碟比一碟失色, 但係都唔太差, 唔會好肥仲有牛肉味! 除牛肩肉仲有雞腿肉同豚腩肉, 不過呢2碟食左就無再追加喇 (你懂的!)。自助區基本菜, 瓜, 菇, 丸, 腸, 豆腐, 麵都有, 不過菜得2款仲要麻麻哋新鮮, 最好味係墨魚滑, 讚! 飲品都有好多選擇, 連純茶都有! 甜品都有好幾款選擇, 奈何當日雪糕機壞左, 無得食! 

THEONE 牛氣邊爐同男朋友，收工左行右行，最後都係決定打邊爐。叫左普通嚴選美國牛肩肉，每人＄188，豬肉，雞肉都可任點。我地揀左黑蒜豬骨湯，好似丁面果蒜味湯底。嚴選美國牛肩肉真心普通，比肥牛仲一般。。。好韌，吾算太有牛味。豬肉，雞肉都係正常野。自助區都係基本打邊勞料，腸仔，粟米，豆腐，丸類，菜類。比普通日式邊勞多小小既係有沙律自助區，有我喜歡的日本小紫薯。打完邊勞，店主提我地LIKE一LIKE佢地PAGE有雪糕送，雪糕係MOVENPICK，我地揀左士多啤梨味同咖啡味。可能我地揀最普通既牛肉餐，咁質量當然一般，不過值得一提既係，店員態度好，有禮貌，上肉都好快，呢個真心讚。

繼上次系銅鑼灣希慎食完牛氣，今日lunch同事提議去the one食牛氣午市都系有-40既優惠最平既set就系188，已包任食牛、豬、雞我地一行9個人就有4個鍋分別就叫左麻辣鍋（最辣既，好過癮）、泡菜鍋（味道好啖，又唔辣）、博多地獄鍋（小小辣，比較清）同蕃茄鍋（冇試過，太清淡）咁一坐低d肉就上齊啦，牛都唔錯，而且質素有高有低開頭個幾碟好似特別靚，而雞既數量就比較少不過我地都系主力focus食牛咁出面都有齊d大路野主要講下個餃子幾正，不過唔可以碌太耐會甩皮搵唔番舊肉芝士魚蛋都高質食落去會爆出黎！！蘿蔔好索湯，用麻辣鍋煮味道一流除左配料都有熟食牛肉炒飯味道唔錯仲有素翅飲添跟住仲有d日式小食、玉子壽司，沙律，甜品泡芙，雪糕（今次有鳳梨雪糕，比較少見，不過好淋，但味道好正）飲品都有唔少種類，各式茶，不過最正系適合嗜酒一族，+18蚊位任飲清酒+20蚊位任飲啤酒最後埋單160蚊位 都ok既種類算多，而且肉類任食，又有齊前菜沙律甜品飲品