牛気 (The ONE)

營業中

休息中

中午行街時經過見到有牛気，就決定夜晚黎食。用手機APP可以攞飛，攞左飛再慢慢行過黎。七點黎到已經好多人等位。入面坐位唔算多，呢間舖以火鍋舖黎講算好細。枱仔細細，鍋大大，放完個鍋、碟、餐具、肉類、配菜、飲品、醬油碟，張枱已經滿晒，好迫。揀左極上美國牛肩肉，每位$188（假日會貴$10，平日$178)。牛肉都幾有牛味，每盒牛肉都保持水準，唔會越叫越差。豚肉同雞肉，我冇食，但睇樣都不錯吧：有壽司：呢款都OK既，蟹子夠脆:配料選擇幾多:有罐裝汽水，個人覺得汽水機啲汽水好難飲，欣賞原罐上。仲有幾款甜品，只試左燉蛋，好好食，嫰滑美味有軟雪糕機:仲有茶同咖啡同棉花糖:最難得既係送MOVENPICK雪糕，個人覺得MOVENPICK雪糕好好食，尤其係雲呢嗱味，係咁多個雪糕牌子中最出色的，仲有啖啖雲呢嗱籽，香好多，好食好多!

看了Facebook的宣傳而慕名而來，之前試過了位於旺角雅蘭店，印象不錯。新店的裝修比起旺角店更為貴氣及通透，位置寬落，舒適度足夠。可能是因為新開張，午市人流不算多。放題可選60分鐘或90分鐘，價錢當然有相差。平時如果Lunch只有1個鐘的吃飯時間，60分鐘就比較划算。是日放假日，當然選擇90分鐘，可以悠閒地慢慢嘆。4人選擇了極上美國牛小排+海鮮套餐，每位$248，相對於晚市，便宜了$40。店內設置自助吧枱，供應不同種類的蔬菜，丸子，沙律，壽司，熟食，甜品，雪糕。飲品柜相對於其他同類型食肆，選擇較少，但有我大愛的忌廉牛奶。聽聞牛小排肉只有尖沙咀店限定，即牛肋骨上的肉，色澤通紅，透薄。肉帶油花，遍佈均勻，放入滾湯中涮上10秒即可。入口肉質軟腍多汁，和平時吃的牛肋骨有截然不同的體驗。海鮮有蝦，青口，魷魚，翡翠螺，其中我最愛的是大大隻海蝦和爽口彈牙的魷魚圈。大蝦比我手掌還要長，肉質飽滿結實，一定要嘗試一下。海膽丸子，還有芥末醬魚蛋是我比較喜歡的款式，Encore了三次，吃到一半，當然需要吃一點蔬菜中和一下肉類的油膩。最後要推介的是豚肉，平時吃的豚肉偏老，如同雞肋，但這裡的豚肉肉質軟腍，沒有渣

朋友係尖沙咀返工, 難得主動約食LUNCH, 當然一口應承。落雨天, 佢話穩陣D, 去商場食。於是行左去附近The ONE, 因為佢L4, L5出名多野食。見到牛気新張, 裝修靚, 價錢睇落都好抵, 唔使多諗, 就決定幫襯。 人不是太多。由於想靜靜地傾下計, 於是要求店員俾最入邊既位座我地。午市套餐都有分60分鐘任食同90分鐘任食兩種, 細心! 我地想坐耐D, 所以點左90分鐘既牛小排+海鮮。壽喜燒湯底。好快, 一碟三文魚刺身即奉上, 正! 而牛肉軟冧, 又好好味! 薄切美國豚腩肉, 唔使煮太耐就可以起筷, 點上最鍾愛既蔥蒜, 滿足! 海鮮有翡翠螺、大蝦、青口、鮮魷.... 最鍾意大蝦, 肉質彈牙, 鮮甜十足!  雖然係午市, 但自助吧選擇都好多 (最鍾意就係蔬菜有幾多選擇!!!) 大份大份咁放入鍋度, 水一滾, 睇到都回心微笑..... 呢度真係可以再來, 見到佢餐牌選擇真係種類好多。午市平至$78就可以烚下烚下 (真係隨時平過一個A餐...) 我地一定會再來, 希望好快試下佢晚市。