牛気 (The ONE)

營業中

休息中

两个人选择的一人三百多的，和牛挺嫩的，虾很大，食材比较新鲜，就是汤底味道一般，饮料选择也多，总体来说还可以，如果不是爱吃肉可以选择100多价位的比较划算，座位比较宽敞这点不错。

我同朋友第二次食，兩次都係和牛加海鮮餐，加多30分鐘，好夠時間唔洗趕。用壽喜燒湯底，和牛烚到7至8成熟，唔加醬油都好好食！我朋友就用送既個隻雞蛋點和牛食，佢話咁樣仲滋味，不過我唔食生雞蛋，所以就就咁食。任食海鮮既話，全部都好新鮮。蝦同三文魚就最吸引，蝦夠大隻，三文魚當刺身食或者烚黎食都好好味。第一次去就啱啱到唔洗book位。第二次就好多人，但因為book左位，所以就唔洗等。所以建議book位，準時到就唔洗等好方便。

噚晚六點幾去到The One，去到四樓睇下食乜好！見到牛氣唔使等位，即刻衝過去我地兩大一小挑選了一個嚴選澳洲和牛+海鮮，因為職員話如果你挑選左個餐，小童只收平牛的價錢，即$148，咁就抵啦⋯⋯呢度好多特別的配料，仲會輪流添加⋯⋯亦都好企理乾淨仲有部棉花糖機比小朋友自己整⋯⋯不過不失！超濃芝麻，好正讚好牛氣Facebook ，送Movenpick其實有時去食嘢，我覺得服務態度都好緊要。尋晚，雖然佢哋好忙，但我覺得佢哋態度好好，問佢哋野或叫佢地追加都非常友善！

經過The one ，由於一直都想試一下這間，除了牛一，牛陣，牛八之外另一間以食牛為主的任食邊爐。另外3間，本人一向都是食最低價格的種類，這間也不會另外，188元/位，可以任食牛雞豬。此間餐廳的其中一個特點是會提供沙律，壽司，小食等等可以即食的食物。種類雖然不算多，但五臟俱存。一般打邊爐的食材，當中較為特別的有墨魚丸。極上美國牛小排，脂肪比例不差豬肉的脂肪更小，但肉味更重第二碟牛，牛的質素不能保持，這碟牛的脂肪過多以且不平均抵玩指數:只有牛的質素幾好，其他較好的有墨魚丸。另外食芝麻八爪魚的時候，因為沒有解凍，食的時候食到一舊冰，出品不太可靠。另一可取之處，相比牛八牛氣，他的甜品的種類比較多，好像有豆腐花，布甸等等。飲品的種類，牛一比較多。

星期六晚來說，等位時間唔耐，大概30分鐘已經有位，今日選擇左最平$188一個人既任食套餐，入面已包含牛豬雞。今次特別少少，重點推介係：服務真要讚下店內員工，雖然店員極力推介我地食高一級牛時，而我地都係選擇最平，店員都冇黑面🤗。會主動拉椅比你坐。見你拎到兩手都係，會主動幫你拎。主動加湯。主動收碟。一連串主動行為加笑容，加分。食物：牛，第一碟牛，雖然係最平，但質素都幾好，幾重牛味，唔會太肥。第二碟牛，冇第一碟咁好，脂肪較第一碟多，分佈唔平均。第三碟，冇影低，但質素同第一碟相約。豬同雞雞都可以，唔會太嚡。豬就反而略為嚡左少少，可能瘦左少少。其他任食食物：墨汁墨魚丸，好好味，食左幾粒，入面有少少墨魚粒。蟹棒，同類其他任食牛店，唔見有蟹棒任食，但依間特別少少，竟然有。質素就一般，一落去湯到，就好快已經散開。提外話：依到任食熱食，相對多，連春卷，紫米露。此外，連沙律都有。但飲品種類比較少，建議加入多少少，比人選擇。

天氣稍涼就又係時候打邊爐啦，好喜歡食牛牛的朋友就可以試試呢到既90分鐘任食放題晚市有幾款牛牛放題選擇，由$178到$318 幾種牛的級數選擇，鍾意食牛的你甚至可以一試呢到極上澳洲和牛套餐加上任食火鍋配菜選擇種類頗多，丸類都相當有特式和新鮮更有熟食、壽司、炸物等甜品有奶凍、多款口味軟雪糕配雪糕筒、百福豆腐花、甚至棉花糖Like 佢地Facebook 仲會送Movenpick 雪糕 今次就選了極上美國牛小排放題($248) ，揀左豬骨湯底，湯底都幾濃郁牛小排的質素都很好，厚度適中，脂肪分佈平均，口感不錯整體上餐廳坐位寬敞，坐得舒服，食物質素高，材料新鮮美味

話說我都好鍾意打邊爐，特別鍾意涮牛肉所以我都幾常幫襯某知名日式連鎖火鍋放題店架，但依間叫牛氣嘅火鍋店我就未試過，咁岩火鍋穩起，就試試佢。見佢有好多款放題既套餐選擇，但由於係食午飯嘅關係，又唔係真係好鬼肚餓嗰隻，所以就揀左60分鐘放題套餐（即係只有一盤肉，並非任食肉類，但其他火鍋配料都係任食嘅）。今次只係小試牛刀，我哋一個叫左美國豚腩肉 （88蚊），一個就美國牛肩肉 （108蚊）值得讚下嘅係佢哋用嘅電磁爐係好快滾熟啲湯，所以唔怕食到中途想熄一熄火但又驚再開火時好難滾熟啲湯，比起出面部分既火鍋店好用我哋個湯底選擇左博多豬骨湯，個色澤都幾靚，而湯好入味，算係不錯首輪略略拎左啲火鍋配料試一試，其實出面有好多配料拎，都係大路嘢，但值得一提嘅係，佢都有好幾味熱食俾大家拎，又有少量壽司同埋沙律吧等等。印象比較深刻嘅係其中一款甜品竟然係X福豆腐花依個就係美國牛肩肉啦，都算靚靚地既，份量對於午餐唔想食太多既人黎講幾好依個就係美國豚腩肉，都不錯整體來講，對比起我經常幫襯嘅牛X鍋，只比較最基本個級數既肉，同埋60分鐘放題的話，依間牛氣係肉類方面小勝一籌既，數量都多一兩塊咁。但唔知點解硬係覺得，人地牛X鍋既食

被門口午市$98任食的字眼吸引，但當然埋單並不會是這個價錢，因為有分60分鐘及90分鐘時間、亦有分任食牛肩肉/豚肉/雞肉海鮮等，豐儉由人；我們選既是90分鐘任食牛、豬及雞，連加一每位$156。湯底選擇甚多，我們選了較少有的黑松露雜菌，味道很香，牛肉很新鮮美味、豬口感較鞋，另有少量熟食及雪糕供應，而其他火鍋配料選擇不多，約20款左右，都是蔬菜類為主。

星期日6:30到達，7成滿座，兩個人揀左$258嗰款食90分鐘，有好多款配菜任食，如想要海鮮任食衹加$50，又有咖喱牛肉、牛肉炒飯、白飯、燴素翅，還有多款飲品！

Long time have not been here to have lunch hot pot. my friend came to tsim sha tsui and would like to have lunch with me, so I suggested hot pot.I ordered bone soup this time. The soup was normal, not really any special taste. The food there were all very fresh and delicious..The icecream had very strong taste of chocolate. Would be better if more milky.

經過門外看見餐牌，睇入店舖內都非常多人，其實時間 五點半左右，食晚飯未免太早吧，但每人平 $40.- ，食完早餐後，沒有時間食午餐，可以試下啦。。店舖在尖沙咀大商場內，裝修，座位都一流啦，食物自選價錢，算得很多的什項，菜，醬料盤，汽水，啤酒，韓式飲品，甜品，少量款式壽司，熱食，炒飯，魚蛋，豬肉，入座時需要選 放題，任食種類，我提議 鍾意食牛的朋友，選牛小排餐，抵食，牛小排，牛肩肉，豬腩肉，雞肉任食，加什項，已經感到食不完。12345678]

好耐無食邊爐放題~今日朋友仔帶我到尖咀the one 牛氣打邊邊，因為周末關係、人流非常旺，只係等位都等左1小時，不過無辦法……90分鐘任飲任食，真係吸引唔少人等候。淨係呢個飲品櫃……正正係門口已經好吸引，7彩繽紛多款不同選擇。佢具有6款湯底，而我地就揀左北海道昆布湯底，清清地都好味。揀完湯底，當然出去揀食物啦！睇下呢張食物枱嘅種類繁多，完全照顧到不同人仕，而且食物材料新鮮，侍應哥哥更會不斷補充食物，唔驚無得食。等到肚餓又怕恰唔切嘅朋友，牛氣好細心準備少量熟食及沙律吧，所以可以邊食邊等。食到咁上下，總要食番個甜品先至完滿。而我最愛就係呢個芋頭及抹茶軟雪糕，入口即溶、味道濃郁，自助式自斟自食，可以揀要脆筒或者杯都得。90分鐘歡樂時間就係咁好快就完啦！

爸爸喜歡打邊爐，所以今年的父親節就特意帶爸爸到這人氣十分高的「牛氣」慶祝。我們選了極上牛小排加海鮮放題，放題時間由入座起計90分鐘 。自選食物也有很多，如果每款吃一件的話，相信已經很飽了。當中爆醬芝士魚蛋裏面嘅芝士極多，而烏冬配上芝麻醬亦十分美味。甜品都有好幾款的，例如奶凍、百福豆腐花、芒果黑糯米、香芋及綠茶軟雪糕、自製棉花糖等等…我較喜歡的是芒果椰汁黑糯， 而小女生十分喜歡自製棉花糖， 軟雪糕可加上配料，小女生最喜歡的是百香果爆珠。飲品也有很多種，除了汽水和啤酒，也有芒果汁， 蘆薈奇異果汁及鮮奶忌廉等等。每兩個人可以自選一款湯底,今次我們選了蕃茄濃湯、三文魚味噌湯和豬骨湯。牛小排的確香滑，而豚肉及雞件也不錯， 我們一共吃了七碟牛小排。海鮮方面， 翡翠螺爽口香甜，青口肉質鮮味，最驚喜的是大蝦，十分彈牙爽口，我們六位成年人一共吃了接近30隻。 三文魚刺身 亦都十分肥美。90分鐘時間略嫌短了一點，不過大家也吃得很飽呢！

某月某日 , 我和家人就在這家位於 尖沙咀 The ONE 的 牛氣 吃日式火鍋放題 ~ 放題限時90分鐘 ~ 客人可以任取放在吧檯的 蔬菜、粟米、菇菌、飯、丸丸、麵條等等生料 , 未計火鍋任食肉類 .... 就是每款只吃一件都己可以飽肚 ~   還有自助 棉花糖機 、乳酪機 ~ 我們點了 極上澳洲和牛放題 $ 398 , 包括 ( 三文魚刺身、極上澳洲和牛、嚴選澳洲和牛、極上美國牛小排、極上美國牛肩肉、日本帆立貝、日本廣島蠔、大海蝦、紐西蘭青口、日本魷魚、加拿大翡翠螺、巴西雞腿肉、美國豚腩肉 )    湯底 , 我們點了 " 棉花糖壽喜燒 " , 侍應生還即席炮製 .... 1 ) 侍應生先爆香牛脂肉 , 2 ) 再下大蔥、洋蔥爆香 ....3 ) 侍應生從 棉花糖機 弄一球棉花糖 , 4 ) 侍應生把棉花糖放於鍋內5 ) 再下些甜醬油湯 , 繼續煲直至滾起 ~海鮮 , 日本帆立貝、日本廣島蠔、大海蝦、紐西蘭青口、日本魷魚、加拿大翡翠螺 ; 海鮮的味道都鮮美可口 , 日本廣島蠔 更是蠔味濃郁 , 大海蝦 亦爽口彈牙 ~丸丸的類別還算多的

原本系聽人講旺角戈間好出名，不過同朋友行行下尖沙咀見到就忍吾住食左先，烚下烚下點都系正既。叫左個美國牛肩肉放題，有牛肩肉、雞腿肉、豚腩肉，系價錢最平戈個，但估吾到質素都吾錯呀牛既條紋都幾靚呀，但食落牛味都重，豚腩肉同雞肉不錯，吾會太難咬 幾有口感，不停refill既我表示真的太飽了出面亦有好多配料可供選擇 超讚有各款丸類、菜、沙律配料等等，食到最後仲可以拎埋甜品食 (有yogurt同埋雪糕架🍦)想吾飽都吾得啦～