牛極 (好順利大廈) (已結業)

差到一個點呀！雖然未係最差，但都接近零分！入到元朗本來諗住去食醉雞，點知佢得外賣，咁就求其係附近搵間野食，咁就入左呢間野，入到去要係自助販賣機order同比錢，都無咩所謂反正我入去果時一個人都無，咁我就order左個澳洲肉眼扒$11x 蚊，坐低後我問職員有洗手間，職員回應「我地無洗洗手間，你去商場」，心諗無所謂都係隔離姐，點知去到要密碼先開到門，心諗個職員係咪玩嘢，算～反正唔係好急，諗住可以順手洗個手姐！講返嘢食，個扒黎到，如圖無色，無味，不過總算「趙」得開，食到的！走去攞個白飯點知凍既，白飯要熱唔係咁難姐！個沙律菜正常嘅！食到一半有個滅蟲公司既人入嚟，頂我想食個飯姐！好彩佢唔噴d咩，係放d曱甴藥餌，但都應該等無人先！

已經唔係第一次食嘅元朗牛極疫情期間推出咗好多午市優惠例如有豚肉鰻魚等等都係$50-60一份 係幾抵食嘅但始終都係想食牛肉多啲於是今次叫咗份牛肩同埋牛柳今日嘅湯係洋蔥牛肉燉清湯比起之前嘅羅宋湯好似望落去冇咁吸引但飲落10分出色呢 濃濃嘅牛肉味配上洋蔥加胡椒清清地調味已經好出色重點係牛肉份量不減 大大嚿牛筋煮得好林好入味沙律方面都係得返菜絲 不過溝咗芝麻醬都係咁好味今次夠牛柳10分出色比起牛肩林好多 好有牛味 juicy!牛肩有嚼口 重牛味 仍然係招牌菜！

一直都好鐘意食牛扒，因為含有豐富嘅鐵質，適合女性補血經過雞地呢間石燒牛肉店，企喺門口已經有陣陣燒肉味傳出，而且有做lunch menu , 價錢都係$55起就有燒肉、任食沙律同牛肉湯飲。性價比好高呀！調味料有粉紅色鹽！少女心大爆發推介bbq 香草！會有燒烤醬味豚肉已經用蒜香調味好！主角係牛柳！係時候表演一下刀功入面既紋理肥瘦適中，沒有筋唔擔心難消化切成1 cm 厚任食既湯同沙律都製作認真！湯入面嘅牛腩非常多！

元朗雞地附近行多兩步就有一間餐廳係左近，今日同朋友去試牛極—鐵板牛專門店。一入門口就會見到一部自助點餐機，好似去日本旅行食拉麵～自己先點餐後再由店員安排入座。之後點餐機旁邊會有一區自助bar，可以任食的包括：沙律菜、白飯和湯。醬汁亦有自家製燒肉汁、辛味燒汁及蒜蓉。上枱的時候會有張紙巾在肉上鋪面，防止熱油彈到身上，這個方法可行又貼心。🔺牛柳 200g $115: 牛的熟度可以由自己控制，我將肉的每邊大概燒二十至三十秒，牛的肉質軟腍，油脂較少，勝在肉汁豐富！重口味人士可以試餐廳自家製燒肉汁，嘗一新味道。🔺 黑豚腩片燒 $60: 餐廳除了牛之外，還有豚肉和雞肉。今次亦點了一個午市套餐，所以價格更相宜。黑豚腩肉的肉質有彈性，不會太硬亦不會太軟。油脂在鐵板加熱燒過後，令豚肉香味撲鼻！

心血來潮好想食石板燒牛肉，元朗近近地一於食牛極啦。可能地方唔算好就腳，又可能係疫情原因，今日我包場。用自助點餐機揀餐，揀完就可以安座座位等嘢食。仲好貼心比你幾款調味品，按自己需要想落就落。牛肩扒最平，唔過$100就有交易，有唔同重量選擇，岩哂我，唔怕叫多左又食唔晒。上枱時石板燒到熱辣辣，切開牛肉再煎到岩自己生熟程度。澳洲牛仔肉眼，呢款貴少少不過都係$100鬆啲。肉質明顯軟熟啲，牛脂油香滿滿。隨便添加嘅食物有湯沙律同白飯，今日供應係清湯腩🤣

舖頭係係一條巷仔裏面，呢條巷仔裏面都有幾多食肆，今次就揀咗呢一間半自助嘅日式定食店食飯🪄♥-一入到去就會有部機俾你揀食物，隔離就有自助嘅食物，有飯有牛肉湯有沙律仲有各式各樣嘅燒肉醬，麻雀雖小五藏俱全‼︎🕊️-1.牛柳200g $115牛柳上到嚟大概五成熟左右，撲鼻而來嘅牛香味，油脂分布都幾平均，食落去唔會有牛騷味，啲肉就好鬆軟，好有口感，而且仲有牛汁，唔會乾得滯咬唔郁，隔離仲有啲青瓜同埋粟米，都可以減膩：）❤️2.白飯以及濃郁的牛肉湯‼︎🥩🍚首先白飯任裝，適合大食嘅朋友，啲飯都幾香軟，唔會硬得滯，牛肉湯煲咗牛肉嘅精華出嚟，而且仲有牛肉蘿蔔喺裏面，超級足料，而且唔會有味精，適合健康嘅朋友～3.菜類及調味料首先就有啲沙律菜可以揀，飲食均衡，而且仲有一啲牛嘅調味料，大家都可以斟酌地加，因為牛本身都幾濃味，建議大家可以加海鹽🧂總括嚟講成間餐廳嘅CP值好高，適合一啲又鍾意食肉又大食嘅人，滿足佢哋所有嘅需要❤️

放假太久沒動了，今天終於出去走走了，路過這間有種想吃肉的衝動，那就進去吃一下，順便解決午餐！牛肩排１８０Ｇ（８５元）雖然看上來是小小的一塊，但其實肉挺厚的，店員會先幫你煎至一成熟，然後送到來讓你按自己喜歡的熟度再用石板煎香，注意一定要盡快吃，以免過熟！這個的牛肩排中間是帶有嫩筋的，所以吃起來既帶有牛肉的香味，又有豐富的肉汁，而筋位就吃起來帶點爽的口感！而配的醬汁分別有辛辣燒汁，蒜泥和日式燒汁，我個人就喜歡日式燒汁，吃起來鹹鹹甜甜的，更能突出牛肉的香甜！而桌上也有提供岩鹽，黑胡椒等調味料，一定有一款對口味的！自助區還有沙律，白飯和湯可以任吃的，其中白飯可以加上紫菜粉，吃起來挺香的！

呢間堂食真係非常之好味😋諗起都想外賣拎走返屋企慢慢食。今日第一次去外賣拎走，我叫咗一個肉眼扒400 g五成熟牛扒返到屋企打開竟然變咗全熟真係好唔開心，成盒扒我食咗一塊仔跟住就唔食啦，成分扒俾咗貓食貓食咗幾舊都唔食啦連貓都嫌棄 $180好似咬緊紙皮咁樣我要嘅五成熟返到屋企竟然變咗全熟硬骨骨會唔會太誇張呢？有咩可能本身五成熟返到屋企係硬梆梆 $180一啲都唔值

今日公司好多野做，收得工都已經成7:30pm ， 肚仔開始打鼓，嗱嗱臨搭車落元朗揾食。一個人行吓行吓見到「牛極」，諗諗吓好似好耐無食牛，唔使諗一於今晚就食佢。最後選了牛肩棑（$80/180g)，包埋湯、飯及前菜，性價比極高。終於牛肩排上檯了， 試吃了一口，嘩 ～ 就係呢種味道啦 …… 係會令人念念不忘嘅味道。廚師煎了兩成熟便上枱，最合我心意，之後我可以自己鐘意煎幾嫩幾熟，完全由我自己控制。我個人愛較嫩，更能吃到牛嘅肉質、肉味同更有肉汁，今天完全比我嚐到了。再讚一讚，餐廳提供的沙律菜超新鮮，還是雪凍凍的，配上芝麻醬，這樣才是吃沙律的享受。另外，仲提供檸檬水，供客人可以自助飲用，非常之細心！仲有，個菜湯不單有很多料而且又夠熱，天氣凍凍地喝真係perfect！最後，全部給我吃光光，吃飽飽，大滿足回家休息去。一間絕對會再來的牛肉專賣餐廳。

星期日晚大約六點三去到, 餐廳已經幾乎全滿, 等了大約五分鐘, 安排了我們坐靠墻的一行, 正常係三人位, 但靠邊的地方放了些出外賣紙的機, 大約變成2人半的位置, 兩個大人一個小朋友 坐得比較逼.原本想點兩個餐三人食, 但店員說每人都要點一個餐, 因為餐湯, 飯, 沙律係任食的,點了一個A4和牛, 一個牛柳, 一個牛肩胛, 點完就出事了.因為張橫枱真好窄好細,  放低塊石板及一碗湯,及沙律, 已經幾乎無位置了.所以要拎住碗湯係手上飲,  飲完才去裝飯, , 小朋友更麻煩, 因為小朋友要痴埋枱吃飯, 但煎牛扒時無彈油的, 所以食得好狼狽.讚的地方有.牛肉的質素唔錯,  即使80元的牛肩胛,  都有肉味, 牛肉湯好好飲, 好多料及牛肉, 單係牛肉湯撈飯已經夠飽.沙律亦夠新鮮,  不停的補給, 唔會有空碗的情況較差的主要是環境比較逼, 橫枱更不適合帶小朋友來200幾的A4和牛,  反而帶筋, 有點失望.調味的牛肉汁不及牛角那些日本燒肉店.

今日去撐枱腳，又係屋企附近搵嘢食，搵到間石燒牛，一於試吓。不嬲都鍾意食牛，所以一直都想試吓入到去好似日本餐廳有一個自動售賣機所有食品都係先買後上菜的，有大份有細份，我哋想試三款，所以叫咗三款，兩個人食。叫了牛肩排，日本和牛和牛柳，分別係180 G-200G個石版好熱，燒完個牛，唔煮得太熟，再加埋蒜蓉同埋醬汁，放入口，肉嫩多汁，牛肉唔鞋，好新鮮佢志在有白飯同埋羅宋湯，好齊全！總括嚟講，食物好味，地方都好闊落，有日本燒牛肉餐廳的風味

牛極係我其中一間飯堂，每到糧尾時都會第一時間諗起佢，皆因午餐食牛極，已經可以飽到唔使食晚飯，極度抵食。今次食最平嘅牛肩，唔使$100已有交易，180g份量都足夠，白飯、沙律係自勝任裝嘅。最最抵食就係佢個羅宋湯，足料到一個點呀，我每次都飲兩碗以上。紅蘿蔔煲得好軟身，最正就係有啲牛骨邊肉一齊煲，湯味濃郁，牛肉軟稔，好滿足呀。講返塊牛扒先，今日呢塊肉味幾濃，而且肉質幾嫩滑，洒少少黑胡椒就已經好好食，重口味人士可以點埋蒜蓉同燒肉汁，送飯一流。

見今日晏晝冇嘢做就去咗食牛肉~入到去係自助點餐，然後交紙等餐上嚟順帶一提記得拎找錢，U差啲唔記得==U點咗份混切牛，交咗紙就去夾沙律飯都未裝就已經上咗份牛，可見有幾快手~*啲菜幾新鮮爽脆，淋咗柚子醋好開胃飯身偏淋，飯素冇乜味好sad:/可能因為U太慢又掛住影相啦~有啲U翻得太遲而搞到煎得太耐有啲鞋不過慶幸嘅係仲有啲係翻得切，仲係3-5成熟牛本身冇乜味，U就加晒檯面三種調味料，都ok湯係食晒嘢先飲，勁熱但勁好飲冇西芹，得紅白蘿蔔洋蔥同牛肉，挑食嘅小朋友U表示好開心🥳有啲鋪頭嘅湯會煲到啲渣冇味，但呢間嘅紅蘿蔔稔得嚟仲有本身嘅味存在 niceeeeee牛肉原本冇期待過，但宜外地超級稔基本上一咬就化開晒喺口，但有一舊唔知係煲好耐嘅筋定肥膏，U食落唔太慣唔太舒服qq*綜合而言，都算ok嘅一餐，環境尚可，又有圍裙提供，不過檯面好油，記得唔好放任何嘢喺檯面下次過嚟再試下牛舌hehe

位於元朗雞地食街既石燒牛喺門口嘅自助落單機買自己想食嘅肉顯示曬所有款式 主要有牛肩牛柳西冷今次簡左180g牛肩 牛肉羅宋湯沙律飯醬汁都係自助形式佢嘅自家製燒汁係食過最好味的如果有得買就好了拎野食期間未返到位份牛肉已經到左台面基本上只輕輕煎了兩面便上台因為石頭溫度及保溫能力很高而且上枱時有廚紙蓋住 唔會彈到一身都係油牛肩肉質滑嫩 好重牛味 唔會太肥膩配搭自家製燒汁同蒜茸 可以食三碗飯呀我本人比較怕怕見到血淋淋即使煮到熟曬牛肉都唔會銀白飯使用日本珍珠米 粒粒有咬口 口感一流湯亦十分足料！超讚！

如果用4個字形容牛極，一定係窮人恩物。不過價錢有齊大大塊牛、任食沙律、白飯任裝、足料羅宋湯任飲，真係抵到一個點呀。今次食既係牛柳，$110有200g，女仔一定夠食。牛柳肉質軟滑，鐵板黎到係一成熟，建議可以等三分鐘先揭起塊紙巾，咁就唔會比油彈親。我會一邊切一邊食，啲牛辣一辣兩邊就食得，牛味幾濃，點燒肉醬同蒜蓉食好好味。羅宋湯從未飲過咁多料既羅宋湯，紅蘿蔔、薯仔、仲落左超多牛肉。啲牛肉每塊都帶小小筋，仲煲到好腍好腍，忍唔住飲左兩三碗，超飽。