牛極 (庇利金街) (已結業)

窮遊香港-人氣日式石燒牛扒今次第2次黎呢間 因為老婆鐘意食牛扒 冇計啦大概18:00唔洗排隊 都幾多人.呢間店幾特別 首先係自助點餐機落單有平有貴 最平$80就有牛肩排180g‼️店員建議 想重肉味可選擇牛肩排‼️如果想軟霖既建議牛柳等入坐 入坐後 可以先去自助吧拎野食先沙律 米飯 湯 水 醬料 都可以係出面任拎 加分（有柚子 麻醬 燒汁 辣汁 蒜蓉）.呢日大概14度 都幾凍先出去拎碗熱辣辣嘅⭐️日式牛肉湯 勁爽味道大概似 ⭐️牛肉羅宋湯 有蘿蔔洋蔥入面有勁軟既牛肉根位都唔錯.大概10分鐘 牛肉上台有張紙蓋住防止油彈到你 細心加分牛肉上台果時1成熟可以根據自己口味 自己煮如果石板凍左都可以叫店員幫你換.‼️繼續係好評既一間牛扒店（價錢餐牌可睇圖）.#牛極 (佐敦)地址：佐敦庇利金街53號地舖.⭐️評分：味道：5/5環境：4/5 新店 好乾淨服務：4/5抵食：4.5/5

前幾日早收工經過佐敦，見到有間新開既石燒牛餐廳，之前從來未試過，好似好吸引咁呢到係以售票機買飛點餐，而環境設計都好迎合上班族，岩哂lunchtime無乜時間但又想食得好既客人～點完餐就可以去自助區拎白飯、麵豉湯、沙律同醬油配汁等～醬汁配料有三種，包括燒肉汁、辛辣汁同蒜蓉～我就拎左燒肉汁同蒜蓉我就點左牛柳，上菜時侍應會係上面加一張紙巾，防止d油彈出黎～餐廳牆壁有標示提客人應該點樣烤牛排，非常貼心！烤左一陣終於打開，好厚切好有牛味，而且超juicy，好食到停唔到口切細細塊，再蘸埋蒜蓉同燒肉汁，不得了！每張枱仲提供3樽配料，包括黑椒、BBQ同喜馬拉雅山海鹽！

在佐敦地鐵站C出口，行不久就見到好有日本氣氛的「牛極」，想必是日式食扒的我9點到人不算太多，見不用排長龍就入去試試。.牛柳 $110 200g香濃的牛肉味！上菜時已是滋滋聲，1成熟，之後慢慢就會燒熟。牛肉十分鮮香，相信即使是1成熟食都無問題。.除了這兩類，還有澳洲牛仔肉眼、西冷，連日本和牛。.每個石燒牛的價錢已包「食次放題」，即是湯、米飯、前菜沙律任食！湯我飲了3碗 wow，麵豉湯，足料有紫菜、豆腐粒及白蘿蔔，加點飯當湯飯食一流！

今日同朋友去左尖沙咀睇戲前 友人提議去佐敦新開既牛極鐵板牛餐廳食晚餐 一向鐘意食牛扒既我當然舉手讚成每塊牛扒係可以自己決定生熟既程度 我比較鐘意食五成熟既牛扒 因為會比較嫩滑!而且餐廳亦會提供沙津吧、餐湯、白飯係無限量供應真係好吸引 同埋可以自己揀選鐘意既醬汁 我最推介自家製燒肉汁 因為真係同牛扒好夾今次就試咗呢度嘅兩款牛扒 分別係牛柳同埋牛肩排 而每一張餐枱上面都會有喜馬拉雅山岩鹽同埋胡椒俾你調味牛扒 餐廳仲會好貼心預備左即棄圍裙比食客 令食客唔會整污糟衫牛柳煎至5成熟既西冷牛扒 入面有好靚既粉紅色唔會過熟 牛扒輕輕一煎已經油香豐富 而且牛味重 完全係入口即溶 必食推介！牛肩排 紋理細緻且肉筋也少，味道濃厚而強烈 係牛口感柔軟的部位，肉味十足有富油花而且肉質鮮嫩

根據電台出名嘅風水師建議，原來食牛肉可以提升財運，所以今日同阿仔再去這間牛肉專門店食，希望係現時經濟不穩時提升財運。今日任飲嘅湯係麵豉湯，水準合格。其餘沙律及飲都是自助式，醬汁都有四款，我幾鍾意辣汁。今次叫咗一份牛肩排肉同一份牛柳肉，因為性價比較高。牛肩扒肉肉質比較結實，雖然都係110 克重，因為切牛肉嘅方法唔同，所以睇落比牛柳大份一啲，我最欣賞呢度嘅食法，可以因應個人喜好自己將牛肉切成唔同嘅大小，生熟情度亦可以自己調校，我發現牛肩肉設成小粒會好似好食啲。牛柳肉比較貴，所以肉質比較淋，就算好似都比較鬆身，鬆身啲容易咬，牛味兩個都差唔多，我個人比較鍾意食牛柳肉，加佢哋岩鹽更感受到牛肉嘅原味。

同一班朋友一齊去鋸扒 一入間餐廳已經聞到好香嘅肉味 真係令人垂涎三尺 餐廳環境亦都乾淨舒適 我地即刻急不及待坐低嗌嘢食餐廳有提供自助沙律、牛肉湯吧 仲有白飯都係任添 啱晒食量大嘅人! 牛肉湯有啲羅宋湯影子 少少番茄酸味加上牛肉鮮味 湯入面仲食到牛筋 真係令人忍唔住飲多幾碗!叫左200g牛柳 可以因應個人口味喜好決定幾成熟嘅時候切黎食 餐廳亦提供燒牛肉汁、辛辣醬汁、雜蒜、黑椒同海鹽調味 鍾意點match都得 充滿肉汁嘅牛肉配埋飽滿嘅白飯食 真係好滿足!

今日同個朋友行開佐敦順便食埋晚飯，我朋友見到呢間石燒牛扒好似幾唔錯就入咗去試下，石燒聽就聽得多，但食就真係第一次食。餐牌選擇有牛肩扒、西冷、牛柳、牛仔肉眼，仲有和牛添。我地見第一次食就叫咗個最平嘅牛肩同牛柳試下，係等緊啲牛黎嘅時候，店員同我地講可以去自助吧到拎沙律、湯同飯。今日個湯係牛肉雜菜湯，幾足料夠味，飯可以自己任添，啱晒啲大食嘅朋友仔。啱啱拎完湯同飯，個牛肩排同牛柳就送到上枱，速度都幾快。1)牛肩排 180g ($80)呢個係我朋友嗌嘅牛肩排，送上枱一成熟，之後可以自己燒到自己鍾意嘅熟度。個牛肩排牛味充足，切開見到都好多肉汁，入口唔韌，食落比較爽口，唔加調味料都夠晒味，拎黎送飯一流。同埋180g牛肩排只係$80，絕對係性價比之選！2)牛柳 200g ($110)同牛肩排一樣，上枱嘅時一成熟，好厚身。不過我第一次食，唔識掌握個火候(估唔唔到一切開就熟得好快) ，第一塊燒得熟咗啲，但都好夠牛味同多汁，之後個幾塊燒得好啲就梗係very good。比起牛肩排，牛柳佢比較淋口同多汁，同牛肩排相比，我梗加鍾意食牛柳，貪佢口感好啲同埋厚身啲，食落比較滿足，個人覺得5-7成熟最好，既有口感又ju

今天一支公找飯吃，看見試業中⋯⋯其實今天不想吃紅肉，但看見試業，不期然步入店舖內，真奇怪原來試新嘢已達到不能自拔的地步門口的午餐定食，由12:00-5:00，整整五個鐘，方便彈性上班時間一族。由於當日工作完事之後已兩點，故未算太多食客。吃肉的話，選這海鹽應該不錯。一入大門便看到這座售票機，又是AI 開始時代，自動售票，減省人手。先選定餐點，確定，放入紙幣入口，方便簡單運作，易明。之後到自助沙律、湯、飯吧，為自己斟茶遞水盛湯飯等，一手包辦，由於一支公關係，又沒有托盤提供，故筆者分了兩次來回才弄成沙律、茶、麵豉湯及飯等動作⋯⋯附設各式各樣的沙律醬汁、烤肉醬油等等⋯⋯日式靖魚燒$60~熱騰騰的石端上枱時已確吸引，甜甜的醬汁點上靖魚，配飯確是唔錯，但大餸者的話，一個人覺得份量頗少，相信下次點肉會更為合適。幸好沙律菜、湯、飯可以加添⋯⋯整體來說:無論價錢、服務都算唔錯，但自助沙律吧的位置，如有托盤提供，會較為方便。下次試肉看看如何。

是日一試最近開了多家分店的「牛極 」店內整潔，有條理，是半自助形式的。餐廳門口有售票機買飛，待取票再入座等待食物。（牛的來源來自：美國、日本、澳洲🦘）期間可於自助區取圍裙，而醬汁、沙律、湯、飯及檸檬水都是自助任添的。是日點了：200G牛柳 & 180G牛肩排🐂店員告知這2款肉質都是比較Soft。食物上枱，滿心期待😻😻～餐廳供應的牛是一成熟，放在熱石上燒，不到數分鐘，已經是心目中的熟度，入口陣陣牛香，肉質嫩，配上自取的蒜蓉+烤肉汁，或者是喜馬拉岩鹽都很不錯喔！喜愛餐廳自助形式，配飯的份量自己預計，女仔唔怕浪費，而男仔亦不怕唔夠食～最後想一讚牛湯😽雖然是任添，但質素不俗。有點像羅宋湯，入口有蘿蔔蔬菜+牛香👍🏻

星期一過開佐敦搵淡食，見到又開左間新石板牛扒店，寫住試業，最近真係越開越多。見呢間價錢都幾抵又入去試下。可能鋪頭新開，我地又比較夜食，人唔太多。鋪頭座位都有3-40個。另外同坊間石板牛扒店一樣係門口都有部賣票機，鋪頭新開會有員工教客人點用。兩個人一個揀左80g牛肩排 同 200g牛柳，由於都食過幾次，我地都自動波即刻去攞醬汁，飯，湯同圍裙。未攞完曬牛扒已經到了，牛扒雖然話一成熟擺上，但好快已經好熟。店員就建先切開一件件拎開會無咁快熟。 先黎試牛肩肉，比想像中滑，但牛味就唔係好凸出，都唔錯幾好食。再黎試牛柳，牛柳無牛肩肉咁滑但牛味都幾出，中意食牛味除左西冷都可以揀佢。鋪頭以快餐模式運作，價錢大眾化。一兩個人想簡單据下扒可以一試

舊朋友總是見得不嫌多，今次約左佢地黎呢間新開既石燒牛試下，一望入去就有隻牛牛，一睇就知係食牛，環境簡約得黎幾企理，靠門有部自助點餐機，餐廳後方有個自助bar比客人任裝飯同埋日式牛肉湯，牛肉湯好好飲超夠味，仲有啲牛根同牛肉煲到好稔，連埋湯既味道。米飯方面又幾有咬口，我自己叫左200g牛柳，店員提示所有牛肉放上熱石都係一成熟，客人因應個人喜好將牛柳切成細塊再放上熱石慢慢燒，牛柳好重牛味，好juicy, 5成熟剛好，配炸蒜，黑椒等調味真係一流，而且肉質嫩滑，提提大家記得拎離開塊切左先擺上熱石燒，如果唔係好易燶又唔熟！

今天下午過了繁忙時間，大約兩點鐘，終於有位。我和朋友可以食到這間，期待已久牛極熱石牛扒🤤😋我叫了牛柳200g，牛柳送來的時候，避免濺到衣服，上面有廚紙覆蓋，真細心 ! 打開了廚紙，聞到香噴噴的牛味，正呀 !在熱石上面，切開牛枊，可以自己控制生熟度，化身成専業廚師😜我朋友就叫了牛肩扒180g 。兩塊扒，都沒有筋膜，牛味濃郁，非常美味......調味方面，餐桌上有提供海鹽和香料。自助區，有燒汁，辣醬和蒜蓉可以自由配搭，增加美味！還有椰菜絲，白飯和餐湯，可以無限添加 ！真係食到你飽為止😄

牛極✨收工慢食石板牛✨ 今年好hit嘅石板牛，成日都排哂長龍，收工經過佐敦呢間唔洗排隊（可能因為已經9點）就諗都唔諗入左去。一樣都係選擇牛肉嘅種類，然後湯+沙律任食，想食幾多就拎幾多，唔怕浪費。牛肉揀左兩款：✨✨牛柳 $110 200g✨✨呢款真係大推！！ 肉質軟冧，加少少鹽同埋bbq調味料已經好正，食落一啲都唔似$110嘅牛。而且石板夠熱，試過第二間食到一半要換板好無癮，但呢度食到尾都仲熱辣辣。✨✨牛肩排 $80 180g✨✨同牛柳相比，肉質無咁軟冧，但肉味更濃，好濃好濃嘅牛味，鍾意食牛嘅人一定好滿足。飯同湯就不過不失，白飯偏硬，如果啲飯可以更加香軟就更滿足。

今日嚟咗新開嘅牛極試新野同附近有一間差唔多一樣嘅石燒真係差好遠呢間好食好多。有肉汁sushi唯一缺憾就係油煙極大如果着靚靚衫或者西裝一定成身油煙味建議餐廳如果有廚油煙味嘅噴劑會更加好

又再挑戰石燒牛扒，最近牛極開了多家分店，今天到佐敦買點東西，見未到晚飯高峰時間，立刻到9月尾新開的佐敦分店試試先。見餐單最經濟的牛肩排 180g 只需 $80，還有來自美國的牛肩扒及西冷、來自紐西蘭的牛柳、來自澳洲的牛仔肉眼、來自日本的赤身及富油脂的日本和牛，由 $80 至 $450，任君選擇，而沙律及餐湯及白飯也是自助任食的。最後選擇了比較腍滑的紐西蘭牛柳 200g，跟住就快手到自助區取沙律及餐湯，沙律菜可以選擇西柚沙律汁或胡麻沙律汁，今天餐湯為牛肉雜菜湯，有牛香，店員表示每星期都會更換餐湯款式。不到數分鐘，我的牛柳已經準備好，一成熟的牛柳放在火山熱石上，客人可切開小件在熱石上烤至自己喜愛的熟度，店子提供自家製燒汁、辛辣燒汁、喜馬拉雅岩鹽、BBQ 香料調味、黑椒及蒜蓉。牛柳果然如店員說，腍滑有肉汁，加岩鹽提鮮，加BBQ 香料惹味，加蒜蓉添蒜香，跟日本珍珠米煮的白飯最相襯。