牛摩 (都會駅)

營業中

休息中

一直很想屋苑附近可以有一間性價比高的火鍋放題店! 終於俾我等到了😌 有多間分店的人氣火鍋放題<牛摩>登陸調景嶺商場😙 開業以來，長期受歡迎！ 今晚黎牛摩歎番個高質火鍋放題，90分鐘任飲任食好滿足！ -一人一鍋可以選擇兩款湯底。 我們選擇了 日式壽喜燒及博多美人骨膠原啫喱雞白湯！ 充滿骨膠原啫喱公仔十分可愛，加熱時慢慢溶掉，瞬間變成美味鮮雞湯-套餐有數款選擇，我們選了中價的<SRF美
國和牛放題> 這個套餐可以歎盡SRF 美國和牛、極上黑豚肉、牛肩胛！ 美國和牛片片色澤新鮮，油脂感不重，吃下去牛味濃郁。還有海鮮，有扇貝、手打墨魚滑、帆立貝、海蝦、青口，十分豐富-除了QR code 自助下單，還有多款任食自助配料。各款蔬菜、丸類及粉麵選擇。-甜品及飲品除了數款糕點外，這裡的綠茶軟雪糕很有驚喜！ 超滑超香！ 綠茶味突出，味道又不會偏甜

前日晏晝兩點幾去左牛摩食火鍋放題, 揀左呢個90分鐘餐, 任食美國Prime頂級牛肩😋😍 一人一鍋，唔驚衛生問題！我地揀左蟲草花湯及豬骨湯。揀左食咩餐之後, 店員會即刻比QR code你, 可以在網上落單, 方便快捷~~~我即刻行出去睇吓自助區有咩食, 見到有3個大飲品櫃, 選擇豐富, 有唔同口味嘅汽水/ 健康飲品 (e.g. 綠茶/ 冬瓜茶/ 菊花茶/ 仙草爽). 旁邊仲有芒果沙冰&葡萄沙冰機, 仲有咖啡機 & 果汁機 (橙汁/ 雪梨汁/ 提子汁/ 金桔汁)，真係未見過邊間火鍋放題嘅飲品選擇咁豐富！除左飲品之外, 當然唔少得甜品！ 見到有泡芙、蛋糕、和菓子、布丁、啫喱, 仲有上面嘅北海道牛乳雪糕機！唧完雪糕仲有多款配料！大家仲可以攞沙律作開胃菜，最驚喜係有涼拌海帶。睇番火鍋配料先，見到醬料區有好多選擇，有乾蔥, 炸蒜, 芝麻醬, 芫茜, 柚子醋等等。火鍋食材都好豐富，有韓國牌子公仔麵、蕎麥麵、烏冬、芝心丸、高質冬菇、年糕、魚腐、雲耳、蓮藕、響鈴、玉子豆腐等等，真係想打邊爐嘅食材都有！職員好快手送上一碟碟食材，prime牛肩真係幾靚，油花分佈平均，豬肉亦係中上質素；呢個餐仲包帆立貝、青

同朋友搵左間近地鐵站的任食邊爐，好滿意！環境光鮮又好乾淨，牛肉仲好高質SRF美國和牛set 湯底: 博多美人骨膠原啫喱雞白湯-湯底奶白色，少少厚身，滿滿的骨膠原感SRF 美國和牛-雪花比例完美！唔會過肥，牛味十分濃郁-薄切，大大塊，任食黎講真心高質美國極上黑豚肉-好濃豬味，唔會有肥膩感，襯埋骨膠原湯底好夾牛舌-爽口，估唔到牛味都濃，有驚喜羊卷肉-少氈但唔會over, 肥美！雞肉-係腿位，十分嫩滑海鮮-海蝦: 彈牙，高質-魷魚仔: size 唔大隻但非常爽口！來質好新鮮-青口: 大大隻，鮮甜出面自己夾的:-響鈴:用熱爐熱住，就咁食都好脆口-白魚蛋: 真的有魚味, 爽口-午餐肉: 已經煎過，輕輕一淥就好惹味-牛丸: 多汁肥美，彈牙

話說今日我同個女諗住去食lunch，有一個着黑色衫嘅男侍應招呼我哋，我喺門口睇set lunch嘅餐牌時候，因為未決定食乜，所以諗咗一陣。之後後面有個男人又喺度睇緊餐牌，個男侍應就係咁催我，我話可唔可以入去先決定，佢話唔可以，仲話唔通你坐低咗嗌一個餐我拉返你走咩（啲語氣好似覺得你食唔起咁嘅態度），未食已經一肚氣，我即刻走咗去食元氣🍣

餐廳座位闊落，環境衛生，成餐都坐得好舒服～👍🏻佢新推出咗PRIME美國頂級牛肩90分鐘任食放題，有各款牛同埋海鮮～ 啲牛都好靚仔，色澤靚牛味又重👍🏻 擺盤都好靚👍🏻博多美人骨膠原啫喱雞白湯👍🏻好得意有牛摩自己公仔個樣係到，係雞湯湯底，唔會太清又唔會掩蓋啲牛肉鮮味港式特濃沙爹湯食到粒粒嘅花生，口感上有啲澀身～自助區有壽司、爆谷、甜品拎，啲爆谷有燈照住焦糖又夠多，仲好食過出邊買嗰啲沙冰就偏甜

今日同朋友嚟到調景嶺嘅牛摩食晚餐，餐廳主打牛肉火鍋放題，根據牛肉嘅質素同食物種類分左幾個Lv，同朋友叫左IBP牛板腱放題，$239就可以食到美國IBP牛板腱、特選美國牛肩胛、牛舌，仲有海鮮帆立貝、魷魚仔同青口。火鍋湯底方面係一人一鍋，叫左博多美人骨膠原啫喱雞白湯同沙嗲湯。博多美人骨膠原啫喱雞白湯，賣相好可愛，湯底有滿滿嘅骨膠原，飲落雞湯味濃，清得黎又唔會太淡，好適合用嚟洽蔬菜，可以調味又唔會太油膩！而沙嗲湯底味道濃郁，食材都好容易入味，適合重口味人士！哩度牛肉質素相當唔錯，新鮮而且牛味十足！最好食係美國IBP牛板腱，牛板腱是附在肩胛部位的肉，因為這個部位經常運動，所以脂肪較少，有咬口，牛肉味濃郁。特選美國牛肩胛、牛舌都好好食，同朋友都重叫左好幾盤！牛肉配沙嗲湯底一流！可惜無公仔麵，用左拉麵去代替，自製沙嗲牛麵😋😋😋！除咗火鍋配料可以自己拎之外，仲有甜品、飲品、配料bar、壽司等等，種類繁多！最後自己整咗杯北海道牛乳雪糕，為哩一餐畫上完美嘅句號！整體而言二百幾蚊可以食到咁多樣嘢，牛肉質素亦好好，自己去單買牛肉嘅成本都唔平，呢度幫你整好晒又有湯底，又有好多其他嘢食，性價比好高！推薦！

前排同一位同事推薦呢間位於調景嶺嘅牛肉火鍋放題，話呢度性價比好高喎，一於黎試下啦！餐廳位於大型商場入面，搭地鐵去非常方便。餐廳裝修整潔，店員工作勤快。呢度有個好企理嘅自助火鍋料區域，可以自己夾丸類、菜類、菇類、豆腐、麵等，食材頗新鮮。醬料區都係全自助嘅！湯底選擇好多，除左好多火鍋餐廳都有嘅清湯、麻辣等湯底之外，呢度亦有比較特色嘅選擇，例如我地當晚選擇嘅「博多美人骨膠原啫喱雞白湯」同埋「關東風壽喜燒」。我地當晚食嘅係$199嘅「美國特選牛肩胛」套餐，牛肩胛脂肪分布均勻，牛味十足，而且切得啱啱好，唔會太厚或者太薄，所以口感好好。除左牛肩胛之外，亦可以無限encore羊卷肉、雞腿肉、豚肉等。我特別鍾意羊卷肉，因為好新鮮好juicy！飲品方面，鍾意飲啤酒嘅可以加錢order，我地當晚就無飲啤酒，因為樽裝綠茶、可樂等已經夠曬。甜品方面，呢度嘅雪糕係好高質嘅，好彩有留肚食。

過左中秋，近排夜晚都漸漸轉涼喇～最適合當然係打邊爐啦！今次黎到都會駅嘅牛摩食火鍋放題，呢度唔單只位置好方便，一出地鐵站就係，價錢仲相當抵！我地揀嘅餐係美國牛肩胛，都只係$199一個人！真係抵到不得了🤤🤤🤤而且呢度係一人一窩，多啲人黎食可以叫多幾隻味😋今次我地就叫左壽喜燒窩，仲配一隻無菌蛋，食起牛肉黎特別滑😋😋而另一窩就叫左個招牌博多美人骨膠原啫喱雞白湯，係成個啫喱狀咁上，好cute😍飲落係唔會油但又好夠味嘅雞湯，配番雞肉食更加正😋😋唔好以為價錢平就唔好食，其實質素一d都唔差，牛肉嘅油脂分布好靚，雞肉亦係雞髀肉，滑得黎啖啖肉😍加上任食唔同期間限定主題小食（今次係韓式🇰🇷）、飲品、同埋雪糕，質素仲要唔錯，真係性價比極高👍🏻👍🏻

又一個送物資返將軍澳的晚上，今次去左調景嶺打邊爐。由於湯底選擇上佢有港式同日式選擇，定位佢做大眾邊爐啦。餐廳應該新開，自助區啲野係好新淨同企理。醬料選擇好多，除左一般蒜頭辣椒，都有麻醬/柚子醋。成個自助區最令我surprise嘅係竟然有壽司，味道都正常。唔知大家有無留意到唔少任食火鍋都係每台只提供一個碟畀客人出去拎配料同菜。個人唔鐘意呢個安排，畢竟啲菜體積大，一個碟仔裝完返去一煮得幾啖，跟住又要行一轉。好欣賞呢到無配給碟，可以實現到生菜自由！湯底方面，因為一人一鍋，可以將肉放曬落另一半個蕃茄鍋到煮，我就用清嘅鏗魚清湯煮菜，避免啲菜吸曬肉嘅油。我揀左牛小排個餐，除左肉，仲包左啲海鮮，可以用QR CODE落單。試左幾款牛肉，整體每樣都唔錯，特別出色係牛小排。但唯一建議可以切厚少少，薄切的話牛肉口感唔夠突出，有啲浪費左本身唔錯嘅牛肉。海鮮方面都幾好食，特別係廣島蠔，encore左幾次。而海蝦都係彈牙新鮮。另一個出色位係啲丸！平時好少食丸類，但見佢有好多款特別丸，例如麻辣沙包、皮蛋紅薑貢丸等等，所以都有試。口味上係有驚喜，口感都唔係cheap cheap成口粉嘅丸。由於當日係台灣主題，QR C

湯底有七八款，一定搵到一款啱晒心水，除了多款豬牛羊都好好味，更有10多款蔬菜可供選擇，包括夠矜貴的羽衣甘藍。熟食方面也有熟蝦壽司、韓國泡菜、韓式炸雞、枝豆、炸魚丸和魚餅等，相當出色。飲品款式非常多選擇，除了罐裝汽水、特色韓國飲料、綠茶和解茶，又有沙冰和軟雪糕。甜品有泡芙，不同款式的蛋糕和爆谷。簡直超出預期咁豐富。整體性價比很高的一次放題消費。就算叫最基本的放題餐都好夠食，今次一家三個都食得好飽，很滿足，唯獨放題時間只有90分鐘，未能慢慢嘆。

之前新開張嘅時候嚟試過牛小排餐驚為天人，一直想再嚟，今晚想打邊爐又唔算好餓，就揀咗美國牛肩胛餐。連鎖邊爐好多時唔同餐之間肉嘅質素差好遠，要揀到中間價位先叫入得口，但牛摩完全打破咗我嘅既定印象。 特選美國牛肩胛賣相已經好得，油脂分布平均，食落牛味濃，厚度都足夠，完全唔會輕飄飄咁。 今晚encore咗幾次牛，好欣賞質素好穩定，同第一round差唔多咁靚，定價百幾蚊真係抵到爛。放題仲有得揀豬、雞、黃金花枝棗同牛摩飯，以我專攻牛、加一兩碟豬嚟講都好夠食，豬梅肉幾靚，整體嚟講幾欣賞啲肉，似平時AEON買嗰啲咁有肉味。自助區仲有好多款菜、特別嘅丸同響鈴，飲品特別，出面單點都要十幾蚊一罐，完全滿足晒打邊爐嘅慾望，一定會再嚟。

我多次光顧牛摩，並且我非常喜歡他們提供的美食和服務。首先，讓我說說他們的湯底。我通常會點沙嗲湯和壽喜燒湯。沙嗲湯是一種香辣口味，有著濃郁的香料和辣椒風味，每一口都帶來了獨特的辣味享受。壽喜燒湯則是甜甜的湯底，有著豐富的味道和柔軟的口感。這兩種湯底都非常美味，能夠滿足不同口味的食客。接下來是他們的食材選擇。牛摩一人火鍋店提供了各種新鮮的肉類、海鮮和蔬菜選擇。他們的肉類切片均勻薄片，容易煮熟且保持了肉質的鮮嫩。海鮮選擇也很豐富，無論是鮮嫩的蝦子還是鮮甜的蚌肉，都能滿足我對海鮮的渴望。此外，他們的蔬菜新鮮多樣，提供了豐富的營養選擇。我特別喜歡他們的豆腐和餃子，口感嫩滑，給火鍋增添了豐富的層次感。令我印象深刻的是他們的服務。無論是迎接客人還是點菜服務，服務人員總是友善且專業。他們總是及時補充湯底和飲料，確保客人的用餐體驗無懈可擊。此外，他們樂於回答問題，提供建議，使整個用餐過程更加順暢和愉快。最後，價格方面，我認為牛摩一人火鍋店的價格是合理的。考慮到他們提供的食材選擇、湯底品質和服務水準，我認為這是一個物有所值的選擇。總結來說，牛摩一人火鍋店是我非常喜歡的餐廳之一。他們的湯底選擇豐富，食材新鮮

很久也沒有吃過火鍋了！今次由我住調景嶺的朋友帶我那裡地鐵站附近的牛摩吃火鍋。我們選擇了美國安格斯牛頸脊海鮮90分鐘放題套餐，有美國安格斯牛頸脊，特選牛肩胛，IBP牛板腱，黑豚肉，豚肉，雞肉，羊卷肉，青口，魷魚仔，帆立貝，鴨血，溫泉蛋，溫泉蛋牛摩飯，牛摩飯，任君選擇。飲料吧也有很豐富的飲品種類，不同款式的汽水，解膩的烏龍茶，不同口味的冰沙，鮮甜的果汁，應有盡有。旁邊的甜品更是令人目不暇給，有各式各類的蛋糕仔，泡芙，布丁，雪糕等等。旁邊有不少自取的火鍋材料，魚片，生菜，粉絲，蓮藕等等的多不勝數，令我驚喜的是，在這間韓式火鍋裏有壽司提供。我們點了不少肉，肉質是肉眼可見的鮮美，美國安格斯牛頸脊放進鍋裡八九秒便熟透，再放進口裡，非常爽口彈牙，羊卷肉並沒有那種羊騷味，蘸上自己配好的醬汁，羊卷肉的清脆口感加上醬汁的點綴，味蕾達到了極致的享受。帆立貝，青口和魷魚仔嚐起來很鮮，小食也是很不錯，包括炸餃子，炸雞塊口感十分脆口，還有那些味噌青瓜，甜薯口感也十分爽。 希望下次去到調景嶺能再去吃這間。

在調景嶺站搵嘢食，上網睇到見到有呢間餐廳都好似好唔錯，夜晚打邊爐，放題食牛肉先揀湯底，除咗普通嘅蟲草雞湯底之外，我哋仲升級order了另外一個博多美人骨膠原啫喱雞白湯底，呢個真係未試過，一人一個邊爐，自己take care自己😆我哋用手機落單，餐牌有提供Wi-Fi，除左火鍋料，仲有熟食，另外出面自助區就可以自己整醬料、拎甜品-雪糕、整嘢飲、仲有各種蔬菜、丸類，自助區醬汁調味好多選擇。今晚主食牛，食牛肩胛肉，呢盤好靚，肥瘦相間。仲有羊肉&豬肉，都是一片片的羊肉口感食落幾爽，雞肉都有提供，煮熟既雞肉出乎意料咁滑飲品櫃好多野飲選擇，汽水、茶、果汁嗰啲都唔少，仲有芒果&提子沙冰旁邊仲有甜品 - 雪糕、蛋糕、泡芙、啫喱杯、布甸杯、糯米糍……有一點係食完想講呢間餐廳好好，坐位坐得舒服，唔會好迫。同前晚食飯有關，呢個就係無比較就無傷害🤔

呢日返工忙到lunch都冇食 放工好肚餓就搵咗呢間餐廳食返餐豐富嘅晚餐🍴 嚟咗呢間連鎖火鍋放題店食個90分鐘嘅晚市IBP牛板腱放題🥰湯底友人揀咗豬骨濃湯 而我就試吓特別啲嘅博多美人骨膠原啫喱雞白湯🐥 一上鍋嘅時候就要打卡啦 因為啫喱係有一個樣咁㗎 真係好搞笑 🤣肉類牛肉方面有IBP牛板腱 美國特選牛肩肉 牛舌 牛板腱同牛肩肉嘅肉質較瘦 所以幾重肉味🐮 牛舌薄身彈牙 另外仲有豚肉 雞肉 羊卷肉 魷魚仔 帆立貝 特別鍾意魷魚仔 魷魚有咬口 又唔會腥🦑小食而家餐廳做緊韓國祭 所以會有一啲韓國嘅特色小食😝 例如韓式脆脆無骨炸雞 紫菜粉絲卷 韓國傳統牛肉餅 炸雞醬可以喺出面嘅醬料區度攞 鍾意咩口味都可以 另外我仲叫咗炸日式餃子同炸雞塊 都幾香脆㗎👍🏻自助區出面仲可以攞各式各樣嘅前菜 壽司 蔬菜 飲品同甜品 比較特別嘅係有爆谷🍿 等緊個爐滾嘅時候食就啱晒啦 呢個火鍋放題都幾抵食 有好多食物嘅種類 加上係一人一鍋嘅關係 可以食到自己鍾意嘅湯底 真係食到好滿足😙