影片
開飯介紹
以即刨高質牛肉為題的日式火鍋放題專門店，放題設有不同級數的牛肉和海鮮，而自助區備有多款火鍋配料、飲品、甜品等可任飲任食。
繼續閱讀
營業時間
今日營業
11:30 - 22:30
星期一至五
12:00 - 22:30
星期六至日
11:30 - 22:30
公眾假期
11:30 - 22:30
以上資料只供參考, 請與餐廳確認詳情
有關獎賞計劃
食家推介
相關文章
今次放工嚟食呢間牛摩，一直係我候選名單之內，因為佢嘅吉祥物牛摩仔實在太得意啦！所以湯底我特登揀博多美人骨膠原雞白湯，除了貪佢夠滋潤美顏，望住牛摩仔的造型啫喱溶化變成湯底感覺好治癒，雞白湯味道好濃郁，由於一人一鍋，男友點了港式番茄薯仔湯，酸酸甜甜十分醒胃。由於我們點了LV4特級牛小排（成人價錢$288）嘅任食套餐，連同其他LV1-3的阿古豚梅肉、精選牛肩胛及星級牛肌腹的所有火鍋配料都食到，都有超過30款之多，還未計出面任食的自助放題區的配料呢。先講特級牛小排，雖然好薄切，但油花分佈好靚，入口非常有牛味，肉質好軟嫩；牛肩胛油花相對較少，但肉質細嫩有彈性；至於阿古豚梅肉油花霜降部份多，入口仍帶有油脂甘甜，口感非常柔軟。其他火鍋配料太多就不逐一點評了，但個人最推薦是爽口的蟹籽墨魚滑，仲有海鮮類的大蝦、青口、帆立貝，全部都幾新鮮；仲有好多款炸物熟食，大胃王記得要食埋肉碎勁多的溫泉蛋牛摩飯，亦建議亦可以點多幾隻溫泉蛋，醮肉類一齊食更好食。自助放題區幾乎各式蔬菜及丸類均有，最驚喜係飲品區，罐裝汽水、茶類，甚至沙冰都有。最後係我最重視的甜品，除有北海道牛乳乳酪雪糕，仲有布甸、啫喱、糯米糍、麻糬、忌廉泡芙等，仲有爆谷，但我已經食唔落，唯有下次嚟再試。
繼續閱讀
呢日黎到調景嶺呢間牛摩打邊爐, 真係好出色! 我地叫左LV. 4 特級牛小排餐! D 肉真係好高質! 佢出面都有好多飲品機同埋罐裝野飲,仲有無糖茶添! 一D都唔驚加重負擔! 同埋佢仲可以一人一鍋! 我地揀左要壽喜燒湯底同埋沙嗲, 真係好香好好味! 出面仲可以拎丸同菜, 而電話就可以QR CODE落單, 有好多野食! 有炸物可以叫, 佢既餃子都好高質, 仲有雞皮餃子! 正! 好好食! 我地落完單其實D肉都好快就到! 真係好抵食, 仲要係黎足, 唔駛擔心唔夠時間食~!
繼續閱讀
今天，我和老婆來到了調景嶺的牛摩餐廳享受晚餐。牛摩以即刨高質牛肉為主打，是一家日式火鍋放題專門店，提供不同級數的牛肉和海鮮，還有自助區供應各式火鍋配料、飲品和甜品，讓我們可以隨心所欲地選擇。這次我們選擇了安格斯保樂肩的90分鐘火鍋放題，我們的湯底選擇了港式特濃沙嗲湯，老婆則選了猪骨濃湯。湯底的香氣撲鼻而來，讓人食慾大開。肉類的選擇非常豐富，牛肩胛和牛舌切得特別薄，熟得快又不會油膩，口感極佳。除了牛肉，還有豬肉、雞肉和羊肉等多種選擇，每一種都令人垂涎。海鮮方面，大蝦、青口、帆立貝和蟹籽墨魚滑都非常新鮮，讓我們的火鍋更添美味。自助區還有各式蔬菜、菇類和丸類，甚至連壽司都能享用，真是多樣化的選擇。飲品方面，有很多不同的選擇，牛摩也提供多種自製醬料，還有幾款炸物供我們選擇。自助區的甜品也很吸引，特別是雪糕機，可以自己DIY雪糕，增添了用餐的樂趣。整體而言，這次的火鍋放題體驗非常滿足，無論是食材的新鮮度還是自助選擇的多樣性，都讓我們感到非常划算。這是一個與老婆共享美好晚餐的完美選擇！
繼續閱讀
二刷牛摩火鍋放題，之前係其他分店食過，今次見到屋企樓下開左間，又出左新肉---保樂肩，就去左一戰～食辣愛好者既我，今次叫左麻辣鴨血湯同關東風壽喜燒湯底，落單時店員好好咁介紹有咩set揀，最後都係揀番新出既set保樂肩第一次聽呢個肉名，店員好好咁同我地介紹左呢隻係咩肉～安格斯牛保樂肩原來即係安格斯牛肩部既肉，通常都有好多結締組織同埋脂肪，肉質會比較豐滿，一上碟已經睇到好明顯既大理石紋。因為多脂肪，食落都會比較嫩滑d，牛既味道好濃郁，呢個價錢試到唔同部位既牛肉，好抵 😛湯底推介兩者我會比較中意壽喜燒湯底，真心好飲壽喜燒湯底本身都係大路野，但佢同出邊其他餐廳既壽喜燒有d唔同，呢度係再甜多d，落埋其他肉同菜一齊煮泥食，其他野食都吸哂湯底既甜味，超正！由其係落油麥菜同娃娃菜，個湯底加哂分！麻辣鴨血湯既辣度剛剛好，如果可以再辣多d就更好～鴨血數量本身都好多，唔會有腥怪味。任叫肉類/配菜/熱食App裡面仲有好多唔同既肉類可以再揀，雞肉好嫩滑又唔會乾爭爭。最surprise係竟然仲有牛角飯，仲可以任加溫泉蛋，隻蛋既蛋黃味勁濃，撈飯/當醬汁都係好正！任叫小食我地仲叫左d炸物同枝豆，炸蠔好夠熱，超脆身，裡面隻蠔大大隻又爆汁，係幾開胃同可以過下口癮。難得調景嶺開左一間任食放題，呢個價錢質素仲要唔差，個set多野食，飽住肚咁走，野飲仲要有好多選擇，仲要有生可樂，推介推介 🤩#台灣祭 #牛摩 #放題 #任食 #打邊爐 #優惠 #火鍋 #wagyumore #wagyumoreplus
繼續閱讀
最近已經懶到連打邊爐都情願出面食，慳返唔使洗碗，牛摩永遠係快靚正之選。特級牛小排雪花好靚，有一定厚度有牛味，大大塊食落好有滿足感。 最重要係全晚叫咗幾輪水準都好穩定，每次出品都好靚。阿古豚梅肉以我平時只食日本豬黎講，認證係高質嘅豬肉，食到豬肉嘅清甜。海蝦新鮮爽甜，蟹籽墨魚滑足料彈牙。炸物幾有水準，洋蔥圈、雞皮餃子、地瓜球同炸芝士都熱辣辣好夠脆，encore咗幾round炸芝士。 私心推介沙嗲湯底，配炸響鈴真係一流。
繼續閱讀