牛扒先生 (康怡廣場) (已結業)

繁忙工作中，中途都可以用美食慰籍一下，食一餐賞心悅目嘅半自助午餐，真係可以開心一日。麵包鬆軟有果粒，好好味，南瓜湯濃度味道適中。沙律都有十幾款，款款都好味到不得了，基本上唔食主菜都夠滿足。我叫咗七成熟牛柳，份量足，入面冇血水粉紅色，肉質嫩滑，有肉味，有水準。甜品多款式，真係要有兩個胃先至可以品賞所有甜品。總結，其實中午半自助餐，真係抵，主菜有水準，沙律甜品同晚上全自助餐差唔多，價錢都係$15x至$18x, 視乎你揀那一款主菜，真係可以飽到唔食晚餐架，正

有空檔就來mr steak食好dd, in terms of個任食前菜和甜品啦~ 平日lunch時間唔太滿, 一點來到都有位直入, 唔知係唔係因為糧尾呢?有半自助餐的choice, 有意粉, 燒春雞 ($118), 黑豚 ($138)去到 肉眼扒 ($188) .. 等.包埋一杯飲品~另有lunch的, 又係有意粉呀, 碟頭咖哩飯, 豬扒薯菜等等, 由$68肉醬意粉包個湯/沙律, 不過+$42就可以變身成成半自助餐同包埋一杯飲品啦~ 所以點都有一樣岩成班人~今天餐湯係南瓜湯, 味道尚可, 自助的還可自取面包~排隊取了一大碟前菜, 各有所好, 有人攞多d木瓜, 有人攞大量番茄, 仲有豆腐同cold cut等等, 大滿足的lunch可食到菜嘛今日我地叫好少少, 叫左黑豚同肉眼扒(medium)黑豚厚又大, 有少少overcook, suppose slow cook內肉是紅紅地的, 不過外面煎得香, 而肉質就是juicy, 好味~ 肉眼扒比想像中薄切, 不過比返質你, 有牛味又淋(沒有梳打粉), 配埋滑薯蓉都好滿意~甜品有豆腐花，cupcakes, tarts, 麵包布甸等fair pr

<< Mr. Steak 牛扒先生 🥩 >>Mr.Steak牛扒先生的半自助晚餐 包括有自助沙律、甜品吧、餐湯、主菜及餐飲😋沙律吧款式都幾多的，有芝麻豆腐、薯仔沙律、木瓜沙律 甜品種類款式多，有朱古力蛋糕、水果、泡芙、芒果布丁、麵包布丁等等。▫️迷迭香燒雞 + 醬烤燒豬肋排豬肋排夠軟 不過醬汁太多的關係 較為有點咸 而香燒雞肉質較嫩 整體都不錯.▫️香煎三文魚柳、芝士焗帶子三文魚煎得幾香、唔會老左、煮得剛剛好而餐飲係固定左熱水蜜桃茶🍑

今次有朋友生日於是我哋一行六人就去試下啦，咁其實呢間嘢係半自助餐嚟嘅，咁我哋呢就每人叫咗一個主菜啦，另外就可以出去出面食嗰啲沙律呀，同埋甜品嘅，咁其實我覺得嗰啲甜品唔錯嘅，咁有幾樣嘢係幾好食嘅，一個係啫喱喇，另外一個係豆腐花，仲有佢啲芝士餅 都唔錯嘅。咁另外我哋仲可以食嗰啲沙律呀，因為有陣時呢食得太多肉都想食下啲沙律。主菜方面，我覺得個烤雞係值得推介嘅。 最後埋單大約每人200蚊左右啦，都唔錯啦，又唔算好貴，但係又有得食到半自助餐

同男友慶祝半年，又唔想食酒店既自助餐，就簡左呢間試試。book左7點鐘，去到大概等左5分鐘左右入座，枱與枱之間較擠迫，呢個時段都好多人食，加上枱之間距離不夠會覺得有啲吵。服務人員態度一般，想要多包濕紙巾及刀，等了好耐都未見有人比我地，謂有自己去拎下，可能太忙今次叫左一個豬手同蕃茄肉丸意粉做主菜，意粉蕃茄味不足，肉丸肉質有啲乾，蕃茄醬不夠，可以不用試，有啲失望。但另一款豬手反而超級有驚喜，好好味，豬手皮脆卜卜，做到外脆內軟既口感，而且肉質是嫩的，不足之處是豬手根部位置有啲靭，但不影響整體評價，極力推薦！！！！！沙律吧及甜品採用自助形式，質素不過不失，甜品總類較少，可以10樣只有2,3樣是好吃的，而且refill速度有啲慢，甜品可以先拎，因食完主菜再拿甜品，已經被其他顧客整到好嘔心

絕對是洒店級數早餐， 環境舒適，輕鬆歐美音樂伴着你品嚐豐富的早餐， 我落單叫一份有菜沙律，魚柳，雞扒， 咖啡茶， 跟住任食厚切多士， 任食麥皮， 但係又唔需要去酒店咁奢侈， 真係無得彈！因為係平日客人不多，環境實在太幽靜，我捉住經理問， 仲有冇第二間分店有早餐任食多士及麥皮， 佢答我全港只此一間， 係商場要求佢為客人設想，提供埋早餐， 啱呀做得對，因為唔係一定要隔離嗰間X記茶餐廳，俾多個選擇， 兩個人共消費$100一定可以飽到今晩！

難得今朝同屋企人一齊食早餐，原本諗住去飲茶，不過實在太多人等位，於是就去咗Mr. Steak食~~叫咗個炒滑蛋雞扒，雞扒好大塊，差唔多有成塊面咁，切落去好嫩滑，雞皮煎到有少少焦，脆脆地，配埋個燒汁更加好食。滑蛋反而冇乜味道，雖然炒得幾滑，如果加返啲鹽應該會好d另外，加咗$8要咗個蕃茄黑豚肉通粉，味道算唔錯，以$8黎講性價比算高，有好濃厚嘅蕃茄味

Mr Steak的半自助晚餐知名已久，今早到餐廳吃半自助早餐，早餐麥皮，多士任食，加一主食及飲品，我點了一份炸魚柳配香草雞扒，魚柳超大塊，大過手掌😅，夠香脆嫩滑👍，香草雞扒味道醃得剛剛好，不太鹹😋，這麼大份的早餐主食，加埋多士，麥皮，最適合大胃王🤭

原本聖誕節冇book到枱都唔知食咩好機緣巧合之下見到呢間餐廳個陣係六點半左右，仲可以walk in，唔使等位啊比起小店鋪嘅節日餐牌變化，哩到相對個變化少啲價錢算合理，係半自助形式，揀好一份主菜個到嘅前菜同甜品都可任食自助形式前菜都多選擇，有唔同款式沙律、一款湯同餐包，當晚係蕃茄湯。我哋揀咗menu嘅第二同第三款烤豬扒同煎三文魚柳，都好味上菜時間都唔會太急，可以食到2 round前菜另外一提，係有限時，1.5小時用餐時間，所以想食多兩轉前菜同甜品就要食快啲啲啊

ㄧ年ㄧ度聖誕節,雖然大少快考試,都要食嘢㗎。上次揾Mr. Steak 食buffet食到滿肚腸肥。相隔多月又唸起佢。不過今次揾太古呢間試吓,唸住下午半自助餐,唔使食太多。怕爆磅嗎!估唔到啲沙律款色不少,而且各有特色,龍虾湯同蕃茄湯我都飲完一碗又一碗。正!羊架西冷我都試過,雖然我是牛魔王,但我鍾意羊多啲。最後我又点會走雞甜品吖!滑豆花,朱古力蛋榚等通通食埋至走。值得ㄧ提,雖然今日是聖旦,人多就ㄧ定㗎啦,但攞嘢食嘅人又幾好喎,大家排隊攞嘢食,不用爭先恐後。食都食得舒服啲。

叫人排隊又唔安排隊次序叫。 安排超混亂。 簡直不知所謂。 經理以及員工嘅質素超差.叫人排隊攞飛， 叫入坐嗰陣就求其指一指就得㗎啦完全唔使順序。 簡直離曬大譜。 食物又唔新鮮， 完全唔掂。 其他分店好過佢多多聲。 真係令人懷疑係咪同一個集團。

我同朋友曾經在青衣城及銅鑼湾分店吃過其半自助餐十分滿意。於是今天去太古城逛街，顺度去康怡分店用餐，可惜因為安排入座時混亂不堪，本來我們排位是頭三位，但入座時居然不分先後。以後，都不會再去這分店，以免只有等待和一肚子的氣。

今早約9:45去食早餐，向穿黑色制服（應該是在場內較高級的職員）落單及飲品，之後我和老公輪流出去排隊拿多士。當時見之前鄰座排完多士返來就有嘢食和飲品我也不以為意，跟老公一路坐着等，又見一對男女在附近入座，再過5分鐘，飲品食物隨隨逢上。哇！我們已等超過15分鐘，我即舉手問侍應，佢check完返來問我們想要咩，未落單！耐心等待換來未落單！侍應知道是那個黑衫落單，叫佢過來。佢一過來，拿着餐牌，再confirm 我們食咩飲咩，話自己頭先做緊嘢, 依家整。我其實嬲嬲哋，黑面答了句「即刻呀唔該！」。呢個黑衫男竟然擰番轉頭，叫我冷靜d，有不滿可以選擇離開！哇！你無嘢嘛！身為上級，你自己落漏單，你發爛渣？！我老公不服走前向他理論，佢話係我哋態度唔好所以佢跟翻我哋......我知道呢⋯⋯做服務業係會有氣受，但明明係你唔啱，你仲要撩交鬧？其實應該離開果個係你lor! 唔好影衰你d同事、同業！

呢間係由我位叔叔介紹😆因為我係極小過去太古行街食飯🤦🏻‍♀️叔叔book左星期五三位7:30。我早到左半個鐘，而且人齊，侍應姐姐安排帶位😚一直以為me.steak 一定係得牛排食，睇到menu ，會有意大利飯、豬、牛都有啊😱而且價錢食晚餐黎講，幾nice。主菜（自己揀，價錢就係呢個數再加一），有自助前菜、甜品、湯品，擺係近門口的bar位，任食，無錯！連埋主菜係任食1.5小時）野飲只包括一杯冷/熱蘋果汁/咖啡/奶茶，如果飲晒另加要$8杯！水係任飲，免費。有staff 會不停為你張枱針水，收碟。當晚侍應哥哥/姐姐好努力，而且有禮貌。前菜區不停fill 野，從未停過手！未見過咁快會refill 前菜☺️前菜區有：三款沙律菜😍、好多款沙拉、沙律入面有牛油果粒😍火腿☺️、抹茶餅😍、豆腐花、彩色啫喱、湯有番薯湯。主菜亦好好味😍份量好足😚睇睇相啦😚埋單每人大約：$220（是乎揀左邊款主菜啊）☺️聽叔叔講lunch 都有做半自助午餐，價錢會比晚上平！book 定位會放心d😚

Happy Friday!返工辛苦左一星期,係時候對自己好d!!約同事食返個Semi-buffet先得!!這間牛扒先生位於地鐵站附近,行2分鐘就到,餐廳寬敞舒適,即使人多時候都唔會覺得好擠迫, 仲有一排落地玻璃,可以透到自然光,環境不錯!Lunch有2款,一款係普通Lunch set,另一款係Semi-buffet, 一個主菜外仲有沙律和甜品吧,精選餐湯任食任飲,我地來呢度目的就係食Semi-buffet,當然眼中只有Semi-buffet,我地簡左普羅旺斯香草豬柳配香蒜蜜糖汁& 芝士蟹肉菠菜焗鯛魚柳配紅酒汁!!首先我地出去拎左碗番茄雜菜湯,湯料超多,每飲一啖都食到蕃茄,薯仔,蘿蔔,洋蔥!!蕃茄味道濃郁,酸酸地令人胃口大開!!之後出去沙律吧,各式各樣的沙律,通粉多到一眼睇唔哂!!仲會將食物雕刻出不同的立體公仔和花朵,真係好有心思!!甜品都有好多選擇,每樣都細細粒,咁就可以食得多d款色啦!最後行左2轉沙律＆甜品吧!!拎左2大碟返位食!!真係好好味!!首先來到既主菜係<普羅旺斯香草豬柳配香蒜蜜糖汁>, 豬柳醃得好入味,肉嫩多汁,香味十足!! 加上幼滑既薯蓉,真的不錯!!&#