牛太 (已結業)

高質燒肉放題放工梗係要食好西, 獎勵下自己!!黎到荃灣, 原來荃新天地都幾多嘢食喎, 我地揀左牛太, 呢度環境好舒服, 設計好stylish, 感覺好young!! $288 燒肉放題, 食品選擇多, 有d係一件一件order, 可以試多幾款唔同嘢食!! 食物都好新鮮啊~ 有幾款牛特別好味🤤🤤🤤最好味應該係牛扒, 不過我都唔係好sure, 因為佢都係所有肉類放埋一齊上🙈特別d有羽衣甘藍沙律, 燒菠蘿~!! 嘻嘻~~ 食埋個Movenpick雪糕, 完美嘅一餐!

今日同老公去左荃灣行街，老公話想食燒肉放題，經過呢間＂牛太＂，佢嘅裝修已經深深地吸引住，老公就話試下呢間啦，餐廳內㸃菜都用Tablet㸃餐，想食乜就㸃乜，非常方便！肉類食品都好多選擇，我地試左牛肋骨、牛肋肉、牛仔骨同老公至愛嘅牛舌，牛舌另有厚切添呀，每款牛都有唔同醃制嘅味，有燒汁、鹽同辛辣，非常非常juicy ！而海鮮類我地就點左新鮮蝦、鮮魷魚、蒜，牛油帶子同蒜蓉牛油生蠔，全部都好新鮮喔，好有海水味！超級好味！最後仲有甜品MOVENPICK雪榚，餐廳環境衛生，服務態度也十分好，非常滿足嘅一晚，超好味，試過一定會再食！

等左成個星期先終於等到星期日，當然要好好休息下～去荃灣睇完戲，再慢慢係隔籬商場食返個燒肉LUNCH，梳乎到呢一入到餐廳就覺得環境好舒服，裝修得幾別致。最重要係坐得舒服－－梳化櫈來架！除左燒肉其實仲有其他LUNCH SET，但我地兩個食肉獸當然揀哂燒肉啦～以平板電腦自己落單，好處係慳時間得來又唔怕漏單。澳洲產和牛二品盛 $119澳洲和牛切得比較厚身，牛味幾濃郁，呢個價錢來講好超值。日本產黑毛和牛三品盛 $239想食好Ｄ可以揀日本黑毛和牛，紋路細緻好多，肉質更加滑溜。燒起來更加香口，油脂亦都更多，超正！兩個和牛都係SET來，包埋以下食品：白飯－任裝架！對於我呢Ｄ食量咁大的人來講真係福音，一共食左三大碗飯昆布湯沙律烏龍茶＋$5加系無糖可樂 （膳食纖維）＋$5之前係日本已經勁鍾意飲，我覺得同最原本的可口可樂味道差異不大，而家呢度都有賣喇～鍾意可樂又怕肥的朋友必點！整體來講，環境舒服好坐，上菜速度好快，加上牛肉價廉物美，係一個愉快的午餐體驗。下次會想來食晚餐燒肉放題！

經過荃新天地，呢到都幾多餐廳下，見到好似幾多人等位食燒肉放題，睇下個menu有分3個等級，就試下最平$218睇下質素如何先有獎杯標誌就係$218放題可以揀既野食啦，選擇都幾多下叫左d小食同牛油金菇，份量都幾多呢到提供tablet比我地點菜，都幾方便，但佢order既數量唔係逐碟計，而係一片肉咁計算，食幾多就叫幾多片，唔洗擔心叫多左或者小左今日既牛肋肉冇哂，所以叫左牛脊肉，雖然睇落都幾瘦下，但燒出黎都幾嫩滑，肥瘦適中牛油帆立貝都幾大粒呢到既牛舌同豬頸肉值得一讚，紋理分明，配埋燒肉汁幾正我地仲叫左好多腸，擺側邊燒一陣就食得啦，都幾多汁下雞腿肉比較厚，要燒耐少少甜品就叫左紅豆銅鑼燒，要較細少少火燒，咁就會做到外脆內軟既效果最尾仲燒埋香蕉tim呢到既份量同選擇都足夠，而且上菜好快，大胃王就最岩啦

華美清馥燒肉放題 $288 @ 牛太 (另有$428及$218放題選擇)荃新天地有大大個廣告牌宣傳，睇價錢睇黎係行高質燒肉路線😂，又走去試下先🤗，um…係牛魔王回本既放題黎！😍😍😍$288既燒肉放題包左73款種類既燒肉同食品，😂其實K一開始係無留意到幾多款，但就會覺得係pad上面有好多選擇😝。燒肉都分左兩款，一款係特選，另一款係普通燒肉，要回本，K毫不猶豫咁瘋狂點特選燒肉😂。特選燒肉係牛，分別有牛肋肉、牛脊肉、牛胸腹肉、牛霜降迷你扒。當中K最鐘意牛肋肉同迷你扒，兩者牛味重而且油脂均勻夠香，牛脊肉就會較多脂肪，牛胸腹肉就較韌啦。另外普通燒肉都包括左豬同雞，食下牛又食下其他都👌。仲可以燒埋海鮮，大蝦、蠔、帆立具同魷魚，都幾落本下😁。K都要左個野菜盛合，貪佢有齊幾款蔬菜唔使再諗，佢有粟米、翠玉瓜、洋蔥、冬菇同大蒜，不過燒起上黎都有d難度😝，所以直接放落錫紙盒燒😝。另外仲可以叫下沙律、涼拌、石鍋飯、拉麵、小食等。當中沙律仲有得揀羽衣甘藍，都比較少見放題有佢供應👍。仲有蕃茄牛油果、蕃茄他他、涼拌秋葵等，至於石鍋飯K都叫左個試下，都幾大個，3~4個人分就岩啦，而且幾足料味道又唔錯喎，值得佔一下我個

食燒肉梗係要食真網燒啦，呢間係荃灣荃新天地地下既新派燒肉放題就做到啦。難怪佢人氣爆燈，連我個荃灣老友都要帶我一齊去食呢度地方唔大，但係座位闊落舒服，裝修型格，環境氣氛都唔錯，重點係抽風做得好好，唔會有油益味Menu呢度午市除左有燒肉之外，仲有d飯set。至於晚市，就只有100分鐘任食放題，自選3款燒肉餐，價錢分別係$218、$288同$428。今晚我地就揀左$288呢個華美清馥燒肉放題，呢個餐有成73款選擇，仲包埋汽水任飲。而落單方面，已經唔係傳統既手寫單，變成tablet落單，既方便又易用，仲唔會漏單tim73款選擇入面，除左有各式既燒肉類，豬牛雞之外，仲有海鮮、蔬菜、沙律、前菜、飯類、麵食等等...而我最鍾意就係佢既特選燒汁牛胸腹肉，除左醃得入味之外，肉質嫩滑，再經過明火網燒之後，仲多左份焦香配埋碗黑松露醬油香葱溫泉雞蛋飯，簡直係完美至於其他食物質素都唔錯，唔會將貨就價。而埋單前仲有Movenpick雪糕食tim大滿足！

一號風球高掛嘅夜晩，風唔大雨好大。突然好想食日式燒肉，即時搵朋友一齊，去咗荃新天地嘅牛太開餐，鐘意佢食物質素好唔錯，裝修夠型格，座位好闊落，加上完善嘅抽風系統，食飽之後唔會成身燒肉香，而且，喺呢個風雨交加嘅日子，搭港鐵到荃灣站，沿住全天侯嘅天橋行過去，完全唔怕落雨斯濕，掃曬興，真夠爽。我哋六點半到，唔算多人，唔洗等位，即刻入座，即刻點餐，㨂咗店長推介嘅華美清馥燒肉放題，望住個平板電腦，食物選擇好多，牛、豬、雞、海鮮、野菜、沙律、麵、飯、小食、大食、甜品，全部有齊，不過，以牛魔身份，首輪當然專供牛肉。開爐點火，店員送上前菜，牛肉拼盤跟生菜，跟住自己點嘅牛肉都好快送到，叫咗霜降迷你扒、牛脊肉、同牛胸腹肉，放入爐燒一陣，肉香冒升即食，款款牛肉都好正，最鐘意霜降迷你扒，油脂好均勻，肉質好 juicy、嫩滑軟淋，而且仲有三種調味，鹽味、燒汁同辛味噌，自己最愛當然係鹽味，因為本身肉味已夠好，跟本唔需要額外調味，灑少少鹽，原汁原味，就係最好嘅食法。次輪食海鮮，叫咗海蝦、原隻魷魚仔、鹽燒帆立貝、牛油蒜蓉燒蠔，熱辣辣食入口，新鮮好味。跟住清一清胃口，食野菜，有自己最愛嘅燒菠蘿，好水潤。燒洋蔥都好香，好爽

6月對我來說是十分特別的日子，所以整個月也安排了不同的吃喝玩樂。今天來到了荃灣吃牛太，我們選了288燒肉放題，以星期日晚來說，不算貴呢。以放題來說， 環境舒適，座位與座位之間十分闊落，坐得很舒服，很不錯呢。而且這裏是以電子版下單的形式，很方便， 而且很環保。點了的食物亦很快便送上。這裏的食物款式有很多，而且電子版已分了不同類別，所以很清晰。菠菜清爽，很新鮮。芽菜很爽脆，味道清甜。泡菜不會太辣，很香。燒菠蘿我十分喜歡吃的燒菠蘿，因為菠蘿很清甜，不會太酸。酸酸甜甜，超合的的口味，而且十分解油膩。金菇 (日式蒜蓉牛油風味)烤了好一回， 邪惡的牛油溶化了，金菇索盡了蒜蓉和牛油的味道， 蒜蓉味道很白濃。流心芝士奄列芝士不會太流，份量剛剛好。 奄列配上芝士粉和茄汁，味道甜中帶點酸。還有很可愛的鯉魚燒呢！這裏的牛肉實在有太多款，不能一一盡錄。例如有牛肋肉、特選牛肋肉、中間牛肋肉、牛仔骨和特選牛胸腹肉等等。它的牛肉質量很好，而且肉和脂肪比例很好，而且紋理亦很美觀。烤牛肉的時候已經聞到十分香的牛肉味，咬起來的口感很嫩滑，牛肉的肉質都十分鮮嫩，所以味道很重牛肉的鮮甜味道。豬頸肉豬頸肉的肉質亦很不錯，黃金比

今日一家人去左牛太食晚餐4個人都選左$288@1既套餐，可以食100分鐘坐低就即刻點菜，竟然係用tablet點菜顧客可以按自己既需要選擇每碟既份量，肉都可以逐件計，咁就可以更容易預到份量樣樣都基本試過哂厚切牛舌同牛肋骨都好好食，食落有好多牛肉汁湧出黎，好juicy牛舌仲好爽口，食落爽脆牛咬口食完第一round仲加多左幾次單海鮮要左蠔、帶子同魷魚，樣樣都好新鮮，食落有海水味蠔同帶子加埋牛油落去燒仲香，encore左幾次魷魚燒得香噴噴，食落彈牙值得一提係呢到既熟食/小食都唔錯石頭鍋飯幾香，有明太子同芝士起入面醃製蘿蔔同泡菜都好好食，夠哂開胃最後一人仲有一個movenpick雪糕呢個價錢真係幾抵食

等佢開門，結果成間鋪咁多位都要搭枱！連屏風都唔放隔開，真係痴線！隔離仲有嘈到咩咁！雖然食物三牛、三豚唔差，不過完全冇賓至如歸既感覺！食牛角好過！真心唔會再想幫襯！！！

星期六起荃灣行街行到6點幾媽媽話唔想煮飯於是起citywalk搵野食知道牛太開左一排 一直都好想去試6點幾見都幾full下 拿拿聲攞位呢到每個位都好闊坐得夠舒服張枱又夠大唔會叫得太多野放唔哂店鋪設計都幾靚而且冷氣好足食完都唔會一浸燒烤味一家人決定要288個餐有多啲牛選擇坐低左發現係用tablet點餐 都幾方便但仍然有紙張menu 可以大大張比兩老睇叫左各款牛牛肋骨、牛肋肉、厚/薄牛舌、牛胸腹肉全部都好香牛味燒一陣就可以食得每種肉都有用唔用既醃製料醃製有燒汁、鹽同埋辛辣既口味我最鐘意燒汁夠哂入味 又juicy海鮮都幾正海蝦燒得燈紅食落有淡淡既海水味夠哂新鮮另外冷盆秋葵都好正沾一沾有wasabi既醬汁 夠哂fresh燒菠蘿都好好食菠蘿夠哂甜 水份又多最後食埋movenpick雪糕有朱古力、士多啤梨同雲呢拿味可以選擇夠哂滿足一家人食到捧住個肚走

等左半個鐘，跟住我地去左5分鐘廁所，返嚟一句見唔到人，就比其他人入左。完全當冇左件事咁就走開左。。。🙄🙄 跟住仲話你地等位期間系吾可以走，頭先有人排緊就比人入左，果陣仲要系由9點等到9點半，差果5分鐘，吾比我地入，連機都閂埋。永遠不再幫襯！！！態度問題

原本唸住同朋友搵間好味燒牛肉食的，在 OpenRice 找到這間牛太，comment 非常好，於是㨂了最貴的 $428 任食和牛，滿心歡喜可以任吃和牛，除了 order 第一次十分鐘後到，第二次 order 等了十五分鐘都冇到，其他野食就好快到，於是便追問，店員拿了一蝶不是我們 order 的牛肉過來，我們要求更換，又再等多十分鐘，最後到了卻沒有時間食了！因為是限時的！這餐廳的經營手法真的好有問題，兩人用了 $9xx 吃這餐，真的非常不值，不會再去了！

早於一星期前已經打電話到牛太訂枱，同好朋友食飯。整個電話都無問題，諗住滿心歡喜同姊妹試下呢間喺OpenRice 0負評嘅燒肉店。Book咗7點正3位嘅枱，我地早咗5分鐘去到，見到舖頭已經滿座，已經心感不妙，於是即刻同門口嘅男人報到，但佢只係叫我等等，咁自己早咗5分鐘，等等都好正常。點知等了又等，等了又等，等咗20分鐘去到7點15分，我再去問同一個男人有位未同要等幾耐，呢個男人話要我等多陣，咁即係等幾耐呀，佢話唔知咖，有人走咪俾枱你囉，我問佢，咁我訂7點又有咩用，咁不如嚟㩒飛，佢就話不嬲都係咁咖啦！之後一走了之😑哈，我真係唔知道原來呢間嘢請啲人係咁巴閉咁大排，咁嘅態度同訂位安排恕我不能接受🙏🏼***真心唔知佢啲正評點樣得嚟***

一心唸住同朋友食餐好飯，見到啲食評個個都讚，咁我同朋友就好乖咁先book枱，期待已久的一日終於到了! 我們都準時到達店前， 告知店員已訂位。店員只草草回應，要求我們在門外等候，並沒有告知要等幾耐， 當我們耐心等了20分鐘後，深感不妙，為何book了位都等了20分鐘仍沒有位子呢！ 不禁再找來店員問問，開頭個女店員則支吾以對，後來她再找來其他人來解答問題，相信是經理吧！ 他們才坦白告知我們，因為前一枱的客人加鐘，故暫時沒有枱提供。 十分氣憤是為何那些店員不正面告知我們情況的實情，讓我們等了20分鐘，要我們主動提問才給我們回應呢？ 這樣可以俾我們即時有另一選擇，不用白等20分鐘，而又餓著肚子，如果早知道佢地有咁既制度，我們一定會再book早一點食! 他們的安排太差了！ 永不光顧!