牛大人台灣火鍋吃到飽 (形點 II)

營業中

休息中

屋企人以家都好鐘意左食牛大人，今日我地去左形點 II 期食牛大人，一如以往都係食澳洲極上和牛套餐，可以品嘗到多款肉類，而且餐廳每人送上澳洲M9和牛牛丸2粒，和牛牛丸，一咬開爆多汁又彈牙，和牛味濃郁。今次我地點了鴛鴦鍋，阿嬤養生濃湯鍋和台中蒜蓉雞鍋，台中蒜蓉雞鍋入面有成大舊雞肉，蒜頭都好多，蒜味勁出。牛肉性價比好高，澳洲和牛M5牛肩卷必食，肉質軟腍，牛味濃郁，我地亦點了安格斯特選牛板腱和安格斯牛小排，滾一滾就食得，encore 左好多次，食肉獸必食。除了牛肉，QR落單有多款台灣直送海鮮漿類、海鮮大大隻，台灣直送餃類，其中台中小食都一定必點，真豬小香腸、士林鹽酥雞、即炸午餐肉，每次上枱都細細份，可以食多幾款。自助區位置好大，有十多款不同醬料，三十多款火鍋配料，擺放乾淨企理，飲品自助區有熱飲、紙包、罐裝，必飲牛大人自家茶類，大大支，解膩一流。食到飽一飽，餐廳會送上Movenpick雪糕或仙草黑白配。

《牛大人》真係食極都食唔厭😋假日5時入座都只係$288任食，已經係最靚牛套餐「澳洲極上和牛吃到飽」，牛肉款式比較多，上腹牛五花、美國PRIME極級肩里肌、安格斯特選牛板腱、SRF美國黑牛後腿肉、澳洲和牛M5牛肩卷、安格斯牛小排、安格斯一口牛肉粒、手切封門柳，真係嗌多幾碟都抵返晒啦呢個價錢👍🏻另外呢個餐會贈送澳洲M9和牛牛九2粒～特別推介：♡ 台灣濃香番茄鍋湯底鮮甜中帶有微微酸味，濃郁蕃茄味道，香氣四溢～♡ 澳洲M9和牛牛九一啖咬落去好Juicy，牛肉味香濃，濃厚脂香，超好食😋♡ 澳洲和牛M5牛肩卷油花分佈均勻，肉味濃郁，好嫩好滑😋♡ 安格斯牛小排鮮美滑嫩，肉汁相當豐富😋♡ 梅甘酥脆薯外層酥脆嘅蕃薯，配上酸甘甜嘅梅子粉，會一口接一口停不了口😋

牛大人係我成日都會記掛住嘅任食火鍋🍲無論湯底、飲品、食物種類都較多同好食👍🏻佢有一個自助嘅區域有醬料、蔬菜、丸類、粉麵、飲品…🥬🥦🥤🍜飲品我每次都係飲白桃烏龍同冬瓜茶 解渴又解辣☺️湯底方面我最愛嘅就係佢地嘅牛大人秘方麻辣鍋🌶️暫時我食過麻辣湯底我偏好牛大人♥️可能佢用材料係中咗我對麻辣嘅喜好💘咁我地好似平時一樣都係叫澳洲極上和牛嗰個餐🥩還掂都係食所以揀個多選擇啲嘅食得爽啲😌喺任食火鍋嚟講牛大人嘅肉質真係都幾好唔係嗰啲一食落下覺得好”鞋”好差嘅肉😋食到最後 每人都會有一個甜品 係雪糕或仙草 作美味嘅ending所以牛大人係可以encore完再encore嘅火鍋😍😍

嚟到元朗形點食肆真係包羅萬有, 台式火鍋放題真係可以食到飽, 肉類海鮮多選擇。牛大人嘅極尚和牛套餐真係好抵食, 三百幾蚊, 食足兩個鐘, 性價比好高。白玉酸菜鍋酸菜配以油香五花肉, 酸得嚟有肉味, 酸香滋味。和牛好有質素澳州和牛牛丸大粒爽脆, 彈牙又有牛味。SRF美國黑牛後腿肉, 安格斯牛小排和澳洲和牛M5 牛肩卷肉質幼滑, 淥幾淥好快熟, 每款都食咗幾碟。鮮蝦大隻鮮甜, 鵝腸和牛柏葉都很爽脆, 私房鴨血辣辣地又香滑。台式小食都有幾款, 梅甘酥脆薯, 香腸和鹽酥雞就最啱口味。蔬菜類好新鮮, 蕃茄, 唐生菜, 粟米, 蘿蔔.....等砌到蔬菜盆充滿色彩, 好睇又好食。台式冬瓜菜和金桔椰果都好正, 冰凍清甜又潤喉。食完火鍋還可以揀雪糕或心形雪條, 夠曬窩心。

今晚喺元朗形點牛大人食台式火鍋放題, 天氣涼涼地, 食客都相當多。澳洲極上和牛吃到飽, 揀咗眷村白玉酸菜鍋湯底, 酸酸地都幾醒胃。和牛真係好正, 肉味特別濃郁, 重點出擊澳洲和牛M5牛肩卷和安格斯牛小排, 淥幾秒已經食得, 一啲都唔肥滯。澳州和牛牛丸大粒勁彈牙, 口感爽脆。海鮮類都幾啱食, 鮮蝦大隻清甜, 鱸魚片好甜滑。韭菜水餃和高麗菜水餃都好好味, 皮薄幼滑, 韭菜餡清香惹味。辣辣哋嘅私房鴨血和山水滑豆腐好香滑, 食咗幾碟。蔬菜新鮮又多款式, 最鍾意食唐生菜, 粟米和南瓜, 加個新竹米粉, 有上湯米香又順滑。小食都好正, 尤其是鬼馬松露油條和爽脆炸魚皮, 香脆可口。多款汽水和健康花茶, 還有台式飲品, 最鍾意金桔椰果, 酸酸甜甜加埋爽脆椰果, 冰冰涼涼好解喝。食完火鍋仲可以食返杯雪糕, 呢餐真係食到飽。

店員自己整錯單，1200 搞到 1220 先可以叫到野食，但店員唔肯補返足 90 mins，仲要廕後搵個唔咸唔淡既廣東話店員話聽唔明你講咩，要我地講普通話，貼錢買難受。職員每隔10分鐘就嚟講一次剩幾多分鐘夠鐘啦，剩20分嚟一次10分嚟一次5分嚟一次，5 分果次仲提話唔可以出去拿雪糕，到我執緊野戴口罩要走啦職員都仲要走過嚟講多一次夠鐘啦，感覺真係好差好似一直趕人走又怕人食咁樣，做吃到飽怕人食就唔好做啦，真係好肉酸，食餐飯催人還枱催幾次，而且仲要係店內空枱超過3分1情況下一直催人離開。

牛大人真係唔知食過幾多次，次次都覺得好正！今日帶埋阿爸黎，佢超滿意，食到好開心🤣佢話d牛好靚而且份量好多！其他配菜選擇都多到佢食唔曬😹食緊既時候仲即刻約佢d朋友下次黎食今次都係照舊最貴既$328極上和牛吃到飽餐，雖然已經係最高level，但我覺得呢個價錢真係好抵啦，安格斯牛小排同澳洲和牛M5牛肩卷真係勁好食😻好嫩好有牛味呢！呢個餐先有既和牛牛肉丸都係我最愛，入口爆汁超好食，打邊爐配菜牛筋、鴨血、芋頭貢丸、各類手打漿都係必食！蔬菜選擇都好多，皇帝菜都可以任食真係超爽超級推薦紅燒牛骨湯底，唔會辣但係都夠曬味，無論菜定係肉都好夾！另外台灣鳳梨雞鍋都唔錯，如果想清淡中都要夠味就揀呢個啦除左打邊爐，牛大人既飲品都係好出色，台式冷泡茶、各式台灣飲品都有，不過我最鍾意都係冬瓜茶，同出面二十幾蚊杯既一模一樣呢

今晚天氣凍凍哋，就同朋友去牛大人打邊爐，好掛住佢哋啲靚靚牛肉😍我哋選了最貴果個澳洲極上和牛餐，價錢真係好抵，三百幾蚊任食👍🏻和牛勁靚，牛味勁香濃。美國SRF黑牛都唔錯，比較有咬口。我同朋友食咗20碟牛肉，太好味了😂重有好多火鍋配料選擇，澳洲M9和牛牛丸真係好正，好彈牙，一咬落去，啲肉質噴晒出嚟，好食到不得之了😍蔬菜都有好多選擇，真係花多眼亂，而且勁新鮮，店員refill 嘅速度都好快。重有唔少得嘅台灣美食滷肉飯，好似去台灣旅行一樣。飲品都勁多選擇，牛大人真係唔會令人失望，保持高質，牛肉都係勁高質，同朋友聚會歎美食嘅一好好地方。

#chuchu食在元朗📍 牛大人又凍了🥶又係時候打邊爐！2024 First Eat牛大人！任食火鍋嘅first pick✅今次第一次食YOHO分店！8點前都好full！—————————————————————❣️ 澳洲極上和牛吃到飽 $328.🍲 湯底-河嬤養生濃湯鍋其實係大骨湯底，用嚟煮牛肉味道好夾，湯入面有好多菜！仲有其他好多鍋底選擇！.🥩肉類今次嗌最貴個餐，全部肉都有得任叫，不過嗰日冇曬牛胸爽！- 澳洲和牛M5 牛肩卷 牛味濃！好好食！望落油花唔多但切得好薄，好易咬，如果淥嘅時間啱好正- SRF美國黑牛後腿肉牛味超重！但可能係部分唔同，相對較有口感- 安格斯牛小排都好有牛味，脂肪比例啱啱好，牛小排充滿雲石紋，好易咬，記得淥一淥好拎上黎！- 手切封門柳新鮮！肉味好濃， 唔算好肥但肉質好滑！食得多肥牛，食下呢啲都好啲🥗配料自助區有好多選擇！超多蔬菜呀，丸呀都有！🍡澳州和牛牛丸跟餐送嘅！每人有兩粒，牛丸超好彈牙，超juicy，一咬啲牛汁湧出黎，好濃！如果有得加單就好🤭🌾水蓮呢個係QR code 落單，香港好小有得買！有時都會賣晒，口感好爽，冇渣！好味！🧊滑類今次餐咩滑都有，黑松露海鮮

各位食友，想同大家傾吓昨日去咗間唔洗太破費而食到自己臉開花嘅好地方。入面嘅牛肉選擇，多到你眼花撩亂，搞到手足無措～🐮首先，佢哋嘅牛大人秘方麻辣鍋，啱晒鍾意一啲嘢辣嘅朋友。湯底夠哂味，帶有麻辣的麻香和辣勁，每一啖都令你熱血沸騰。🌶️話說呢啲澳洲m9和牛牛丸，每一粒都夠晒彈牙飽滿，一咬落就會爆汁，內藏嘅肉汁甜度恰到好處；而安格斯牛小排和和牛牛肩卷肉質嫩滑，食落去就好似溫柔咁溶化喺口裏面。跟住我推介下海鮮，尤其係現撈嘅海蝦，彈性十足，仲有沙白蜆，肉質清新得黎又鮮甜，真係可以話係海鮮愛好者嘅中意選擇。當然啦，少唔免啲蔬菜和其他小食。屋企大細老幼都鍾意嘅豬血糕和鴨血，質感Q彈，吸齊湯汁後更加入味。而水蓮同山水滑豆腐咬落去那份爽口，簡直冇得彈！捧腹離場嘅我，只能說行到飯局，無悔牛肉之旅，期待下次再戰！🥘🍲🥢

走到這間牛大人，真係有種眼前一亮嘅感覺！食嘅係澳洲極上和牛吃到飽餐，首先就係台灣鳳梨雞鍋嚟頭湲！湯底酸酸甜甜，雞肉鮮嫩咁入味。講到牛肉，呢度個SRF美國黑牛後腿肉真係無得頂，吃落去實在太滑口，滿滿牛香，冇一丁點鞋口感。跟住嗰啲牛媽秘制滷牛筋，口感爽彈，撈埋湯汁一嘢，味道正到炸啦！唔得唔提墨汁漿同章魚珍珠漿，實在太夾！同海鮮火鍋入面嘅墨魚滑、蝦滑一樣好食，但又多咗啲新鮮口感！而丸子同各款蔬菜都好多選擇，喜歡嘅菜可以用手機掃碼再加單，真係夠哂心思。嗰啲小吃都好值得一讚，尤其係魚香皮蛋豆腐同脆薯，唔只夠晒味道，仲夠得意！總括來講，呢度啖啖肉，款款新鮮，飲品、食材選擇都多到數唔晒，食完真心覺得正到爆！下次朋友聚會，我一定會再黎！👍🏻🍲🥢

見Openrice有優惠就book左嚟試，一早經Openrice預付左錢，服務費到現場再比，book左1點30分，一到就即刻有位，現場3分1嘅枱係空嘅，入坐後揀好湯底10分鐘左右上湯底，15分鐘上第一輪落單食物，上餐好慢，菜同丸類就係自助式，用餐時間大約過左60分鐘，職員就拎單過嚟叫埋單，埋單後不能再手機落單食品，只剩自助區嘅菜同丸類可以繼續食，埋單後職員每隔10分鐘就嚟講一次剩幾多分鐘夠鐘啦，剩20分嚟一次10分嚟一次，到我執緊野戴口罩要走啦職員都仲要走過嚟講多一次夠鐘啦，感覺真係好差好似一直趕人走又怕人食咁樣，做吃到飽怕人食就唔好做啦，真係好肉酸，食餐飯催人還枱催幾次，而且仲要係店內空枱超過3分1情況下一直催人離開，第一次食吃到飽遇到咁嘅情況，牛大人呢間吃到飽冇下次唔會想再食

牛大人由佢得一間店，食到而家開咗咁多間分店，型點2期嘅分店仲要喺常客。今晚冬至一早喺OpenRice 度訂位仲比晒錢預訂，埋檯前都知道鴛鴦鍋喺要另加$50，亦都知道今晚特別日子要每位再加$20，ok!因為我知道依啲收費，自己行入去食依餐飯。食物同服務態度都無問題，繁忙日子都保持到服務質素，但問題喺亂收錢。喺OpenRice度比晒餐費，知道10%服務喺埋單比錢，但喺牛大人竟然將餐費10%，然後鴛鴦鍋另一張單再收10%，我原本應該要比嘅費用係$50鴛鴦鍋+3個人餐嘅服務費（總數：97.4）。佢夠膽拆成兩張單，一張$92.4（3個人餐費服務費）+另一張$55（鴛鴦鍋及服務）總數變成$147.4。嘈完一輪，合番做一張單，跟住精彩喇。$20人頭繁忙時間附加費都要加10%服務費，咁樣做生意都得！！！！！一早寫明晒我照入去食無問題，但係淨係寫$20，無寫明人頭費都要附加再額外10%服務費就唔合理，我實搵消費者委員會投訴。

今星期開始轉涼梗係要黎牛大人打邊爐🔆澳洲極上和牛吃到飽我地揀左牛大人紅燒牛骨鍋店員提示有少少辣更加岩哂我地口味湯底成大支牛骨好足料〰️澳洲和牛M5 牛肩卷牛味濃得黎又軟淋好好食～一睇雖然油花唔高但完全唔會韌我地encore 左幾碟〰️SRF美國黑牛後腿肉依款牛味更加重但可能係部分唔同，相對較有口感〰️澳州和牛牛丸牛丸好彈牙而且一咬牛味係湧出黎一人兩粒岩岩好〰️澎湖花枝漿〰️章魚珍珠漿叫左佢兩款必食既滑花枝章魚係一粒粒係d 滑入面好有口感〰️私房鴨血點可以唔叫台灣鴨血台灣黎就係特別嫩滑！外面仲有大量台灣直送既食材可以自己拎質素都好高仲提供左多款啤酒見到有款芭樂鹽小麥好似幾特別下次一定要點黎試下除左啤酒類，仲有好多牛大人自家飲品選擇甜品有多款雪糕同冰草凍揀冰草滑捋捋，配埋珍珠有咬口

最近天氣開始凍啦 好適合食火鍋🤣同男朋友去左元朗行街 就去左呢間好出名既台式火鍋放題食晚餐🥰當日大約七時 已經坐無虛席👍性價比好高 好適合一家大細/朋友聚會去用餐❣️火鍋湯底有10多款式選擇 有麻辣、鳳梨雞、蕃茄、養生濃湯等 最後我地簡左好多人食既牛大人紅燒牛骨鍋🥰佢係採用左牛骨、牛肋骨、洋蔥、紅棗、八角、肉桂等材料熬製 用左先燒後燉既方式 令到個湯底濃郁 香料味重 作為火鍋湯底 同牛肉真系好夾🥢🔸食物方面🔸🐮安格期牛小排 🐮手切封門柳 🐮一口牛肉粒牛小排油脂較多 入口即溶 當日最鐘意食呢款🙈肉味香濃 較厚身 肉質鮮嫩 配埋佢地秘製的沙茶醬牛肉醬 即時encore多幾碟🤣🦆鴨血推介 質感好彈嫩 唔會一夾就散 火鍋必食🐙章魚珍珠漿 🦑墨魚蟹籽漿 🐷豬肉漿爽口彈牙 新鮮無比 每一份大概三粒左右 口感豐富🍨食到最後可以叫每人一杯甜品 每人可以選擇仙草凍或者Häagen-Dazs雪糕 食反杯我最愛既曲奇味 真系好滿足🔥