牛大人台灣火鍋吃到飽 (形點 II)

營業中

休息中

近排天氣一凍又想去打邊爐，牛大人真係食極都唔厭，就算食最貴個餐都只係$328/1，性價比好高！🤎極上和牛吃到飽 按人頭附送2粒澳洲M9和牛牛丸，如果可以encore就不得了，粒丸又紮實又彈牙，牛味濃郁又juicy，非常正▪️湯底: 牛大人紅燒牛骨鍋味道濃郁惹味，用嚟煮牛肉味道好夾▪️肉類多款牛肉任食，當中包括安格斯牛小排、澳洲和牛M5牛肩卷、SRF美國黑牛後腿肉、豬雪花肉片等等。個人最愛安格斯牛小排，肉味香濃，油花分布平均，另和和牛牛肩卷大大塊，口感軟嫩，好高質▪️海鮮有數款海鮮，好似係海蝦、沙白、魚片等，仲有章魚珍珠漿、蟹籽墨魚漿、干貝鮮魚漿等魚滑，全部足料又彈牙▪️熟食熱門台灣小食例如鹽酥雞、甜不辣、皮蛋豆腐、梅甘酥脆薯同香腸都有▪️自助區有大量丸類、蔬菜、麵食、飲品，款式包羅萬有，仲有醬料區係出面▪️甜品可以揀芋圓仙草或者Movenpick雪糕

最近突然好想打邊爐，諗起好耐冇食過牛大人，今次就嚟食佢嘅極上和牛吃到飽晚餐！😎湯底方面揀咗鴛鴦鍋，有牛大人紅燒牛骨鍋+ 剝皮辣椒雞鍋！牛骨鍋本身以為佢係唔辣嘅，點知有微微辣，味道都幾濃！剝皮辣椒雞鍋都係微微辣，湯底比較清甜！最掛住嘅當然係澳洲M5和牛牛丸啦，爽口彈牙，咬落去充滿牛味又多汁～牛肉方面最中意SRF美國黑牛後腿肉同埋安格斯牛小排！啲肉都重牛味，油脂分布得好平均，唔會食到好漏～小食方面叫咗鹽酥雞同埋魚香皮蛋豆腐，兩樣都好味～甜品每人可以叫一個雪糕或者仙草～最後就當然唔少牛大人嘅招牌自家樽裝野飲啦，最推薦白桃烏龍同埋洛神花茶！極上和牛吃到飽晚餐 HK$338 + 鴛鴦湯底 HK$50

成日都要排隊先可以食到，夜晚排的話會比較耐，反而中午經過去食還好，估唔到排隊又幾快下👏🏻自助美食區都有好多選擇，而家都係台灣直送的🤗阿嬤養生濃湯鍋以鮮、濃、香為題，用了大骨原湯做湯底，加入大量新鮮蔬菜烹製，不失為必食湯底之一😇福建燕餃這是使用燕皮做的餃子，屬於福建小吃之一，瘦肉用木錘子打成肉泥，打成紙片般薄，再包在餃子裏🧐台式蝦餃蝦餃與平常在茶樓吃的蝦餃並不一樣，屬於比較長身的「蝦餃」😆真味牛肉漿食落去好似牛肉丸咁樣，不過牛肉味更濃郁🤠干貝鮮魚漿有一些干貝在表面，挺特別的，每一口不僅能吃到新鮮旗魚的滋味，還能嘗到鮮甜干貝的鮮味😊章魚珍珠漿必食之漿，海水味很濃郁，再加上粒粒章魚粒，正啊~😜蟹籽墨汁經烹煮後依然嫩滑爽口，每一塊蟹籽墨汁漿都充滿蟹籽同墨魚粒安格斯特選牛板腱牛板腱是附在牛肩胛部位的肉，比較有咬口，肉味濃😋澳洲和牛M5牛肩卷必食和牛，位於牛的後頸 ，油花分布比較均勻，肉味濃郁，脂肪亦較甘香🔥SRF美國黑牛後腿肉比較少見的一種牛肉部位，肉質比較紮實，不建議煮太久😉好味指數：9/10性價比指數：8/10餐廳名稱：牛大人台灣火鍋吃到飽餐廳地址：元朗朗日路8號形點 II L3樓A316號

今日朋友生日去左牛大人打邊爐叫左極上和牛果個餐～可以盡情食了😍元朗分店第一次食 地方好大都好多位 食牛大人當然唔少得佢個麻辣鍋底加上佢有鴨血叫 超好味👍叫左好多唔同款既牛 封門柳最出色 佢仲有隻和牛牛丸跟餐一份 牛丸超重牛味 好好食🤤食材都好新鮮自助區大部份都係蔬菜菇類仲有另外一邊醬汁自助區隔離仲有麵食菜類除咗出面可以拎到嗰啲之外當然唔少得台灣特產水蓮每次去牛大人都係期待水蓮😍除咗肉類之外 佢仲有鵝腸魚類滑類都好出色 叫咗一隻黑松露魚滑超香黑松露味 值得一試海鮮方面 沙白最出色 呢度啲沙白一啲都唔細隻大大隻都幾新鮮嘢飲方面出面有好多茶同埋汽水最鍾意去牛大人就係飲佢啲冷泡茶食咁多野飲返啲茶解下又可以繼續食過最後甜品當然唔少得係雪糕啦👍

認真建議牛大人火鍋餐廳真係做多少少員工培訓，員工態度真的極度不友善，又黑面、說話又倔，要叫幾次先會加一次湯，十問九唔應，問他們問題回答極度簡潔「冇」「自己行出去俾錢」⋯⋯⋯唔知以為行入去間舖頭第一刻已經得罪咗全舖頭嘅職員🫣另外，想知道係open rice 訂了位，早到了為何職員要我自行到app取消預約？而預約時間15分鐘內又不能給顧客取消，現在變成了失約！真是奇怪！牛大人食物質素好，但顧客光顧時面對這些職員，真的是大打折扣，感覺貼錢買難受。呢間牛大人真係不會再幫襯

牛大人一直風摩香港，今日在YoHo行過，見到又想食! 我地叫左個澳洲極上和牛套餐，包括澳洲M9和牛牛丸、和牛M5牛肩卷及安格斯特選牛板腱等。依個套餐CP值極高!♥️鳳梨雞鍋雞件份量挺多，配上野菜；味道清甜，帶出各食材的獨有味道。♥️芭樂鹽小麥入口滑溜溜，酒香味道濃郁，伴隨牛肉用膳一流！♥️安格斯特選牛板腱&美國SRF黑牛牛肉份量挺多，賣相吸引，鮮足充足及味道實在。♥️牛黃喉油膜厚實，口感細膩脆爽，我建議滾30秒好食了！♥️黑松露海鮮滑係市面冇見過既黑松露海鮮滑，黑松露味道突出，爽口彈牙，配上麵更好食。♥️海蝦海蝦體型大隻，味道鮮甜，正到不得了。

食火鍋放題真是賞心樂事, 牛大人嘅牛肉火鍋食材相當新鮮, 元朗形點II有分店喎。二維碼落單方便快捷, 澳洲極上和牛餐很豐富, 還有M9和牛牛丸, 大粒煙韌又彈牙, 湯底選了紅燒牛骨鍋。這裏還有晶瑩剔透手工啤酒, 入口冰涼有果香和小麥味。主打是極上牛肉, 牛五花肥瘦相間, 口感肥美。牛小排肉質相對較為結實, 同樣充滿油香。牛里肌肉質更為結實, 吃起來更有嚼勁, 重點是肉質新鲜, 牛味濃厚。還有骨膠原豐富嘅牛筋, 鱸魚片和大蜆很鮮甜, 鴨血細嫩又富有彈性。鮮甜唐生菜, 彈牙爽口嘅牛丸和貢丸等, 還有台灣紅腸, 油條, 炸蕃薯條等小食。飲品有桂花烏龍, 白桃烏龍, 和金桔椰果等, 清熱消滯。還有美味嘅雪糕, 放題真係食到夠。

星期六晚兩個人去食walk in, 結果話要等到9點半，3人walk in就可以隨便入，唔需要訂位。3人以上就幾多位都可以入，總之就麻煩兩個人去食唔好了，人家寧願空枱都唔比想食的兩個人，佩服佩服。2個人就唔應該食火鍋了，岩的，得罪曬。

今晚在位於元朗形點嘅牛大人食火鍋, 地方寬敞舒適。澳洲極上和牛套餐有澳洲M9和牛牛丸, 相比普通牛丸, 和牛牛丸牛味特別濃郁, 爽滑又彈牙, 非常美味。牛肉款式很多, 牛五花, 牛板腱, 牛小排香口滑嫩有牛味, 一口牛肉粒和手切封門柳有嚼口, 各有特色, 配合牛大人牛骨湯底, 更為美味濃郁。咁美味嘅牛肉, 梗係要食多幾碟啦。海鮮方面以鲷魚片鮮味嫩滑, 大蜆鮮甜肉厚, 吃得多也不會覺肥膩。自助區蔬菜有皇帝菜, 粟米, 蕃茄, 冬瓜, 南瓜和蘿蔔等, 新鲜清甜。小食有台灣甜香腸和鹽酥雞, 魚皮夠香脆。飲品有多款花茶, 汽水和台式飲品如冬瓜茶等, 任君選擇。手工啤酒充滿果味和麥味, 令人涼快又清爽。

初時想食牛大人， 要提早去排隊等幾個鐘， 今晚行過， 竟然可以walk in， 即刻入去食。見到價錢唔係爭好遠， 但食物好似多好多，所以我地揀左澳洲極上和牛餐。每人有兩粒和牛牛丸， 肉汁多， 濃濃的牛肉味， 又爽口！好可惜無得encore!鍾意牛大人其中一個原因係飲品種類多。特別係有得點柑桔椰果，仲有得自算甜度去牛大人咁多次， 第一次食佢的滷肉飯原來真係好好食， 秘制的滷肉汁好夠味。自助吧整齊乾淨， 選擇多其他都係用QR code 落單， 方便

近來頻頻下雨，500年一遇暴雨過後，要和朋友打個邊爐暢快一下！位於元朗形點的牛大人，地點方便，相當闊落。湯底選了牛大人秘方麻辣鍋, 澳洲極上和牛餐真係好豐富, 牛肉款式多, 海鮮都唔少。先來過手工啤酒芭樂鹽小麥, 有果香又順喉, 爽曬。澳洲m9和牛牛丸, 大大粒爽口兼彈牙, 超正 !安格斯牛小排, 和牛牛肩卷, 黑牛後腿肉, 豬雪花肉片, 全部新鮮嫩滑, 肉味香濃, 牛胸滑溜爽脆, 咁美味嘅食材, 食完當然添食多幾次。海鮮首推沙白蜆, 肉質爽口, 味道咸中帶鮮甜。海蝦大隻清甜, 花膠滑溜膠質豐富。還有豬血糕, 麻辣鴨血, 山水滑豆腐又滑有豆香, 都係唔錯嘅配搭。還有多款新鮮蔬菜和肉丸, 皇帝菜和水蓮尤其清甜有爽脆。一餐下肚，又一條好漢！

由於平時比較忙，近年很少寫食評，但由於被標注為已訂位無出席的情況下，又一次要抽時間證明一下，從來訂位必定準時到的原則下發表一下🤭先解釋一下，一坐低被要求取消訂位，因為我早咗到，但當時已給職員協助，很可惜職員也沒能將其取消，但真係有啲唔明點解要我取消訂位🤔由於突然想打邊爐即日訂位得返晚上21:00，行完街早咗少少到，選擇了美國特級安格斯牛吃過飽餐，款款牛都唔錯，沙白大大隻新鮮飽滿好鮮甜，另外八爪魚滑都係好值得一試，服務態度好好，比之前荃灣好得多。

今日同朋友去元朗形點行街，想打火鍋，決定去牛大人光顧😃我地揀了澳洲極上和牛吃到飽，正價時段每位$328，每位贈送澳洲M9和牛牛丸2粒湯底有10款，我地揀了濃味牛大人紅燒牛骨鍋🥘安格斯牛小排🥩肉質嫩滑，色澤鲜明澳洲和牛M5牛肩卷🥩好香濃的牛味，而且油脂分佈適中，肉質鲜嫩😍手切封門柳🥩好嫩滑而且淋身，味道不錯澳洲M9和牛丸🍡非常彈牙多汁，牛味香濃，好味😋海蝦 🦐& 新鮮沙白海蝦和沙白多汁又鲜甜台灣鯛魚片🐟鲷魚片切到薄薄一片，味道鲜甜😝🍺強波酸啤 $68泡沫細密，口感一流🍻整體得分: 4/5味道: 4/5環境: 4/5抵食: 4/5🎇牛大人台灣火鍋吃到飽 (形點 II)🎈元朗朗日路8號形點 II L3樓A316號舖

咁多台式火鍋店進駐香港 最鍾意食同埋無限重刷幾多一定係牛大人🐄🐮 分店多 而且又就腳^ω^上個禮拜收工又去咗食牛大人💙 最鍾意係佢哋有唔同嘅養生湯底揀，而且款款都係天然食材熬製不含味精💯 特別推薦佢哋嘅阿嬤養生濃湯🍲今次我哋揀咗極上和牛吃到飽$328/1呢個價錢真係好抵jap 有澳洲M5🐮 ,SFR 美國黑牛仲有特級安格斯🐶大力推薦💯澳洲M9和牛牛丸 $58/3雖然呢個係額外付費，但真心值得一試一咬落去M9牛丸係爆曬啲油脂出嚟🤩有🐮牛嘅味道 而且口感十足🤩仲有好多唔同海鮮🦐🦑🐙火鍋蔬菜🥬配料飲品任食 仲有台灣特色小食鹽酥雞、滷肉飯，鴨血，手工餃子🥟飲品方面最推薦就係佢哋嘅自家製冷泡茶白桃烏龍&大紅袍最解膩👻結尾仲有雪糕或者芋圓甜品任揀🍨🍧自己屋企打邊爐買唔到咁多種類 整完仲要自己洗 三百幾蚊，食到咁多真心性價比之選💞

琴晚我同朋友去咗牛大人台灣火鍋食到飽，試咗佢哋嘅「澳洲極上和牛套餐」。呢間火鍋店嘅座位間距也很寬敞，不會有擁擠嘅感覺，讓我們食飯時有足夠的私人空問。我哋揀咗期間限定嘅剝皮辣椒雞鍋作湯底，味道冇想像中咁辣。而喺揀配菜方面，我哋揀咗唔同款嘅牛肉同海鮮，包括澳洲和牛M5 牛肩卷、SRF美國黑牛後腿肉、安格斯一口牛肉粒、手切封門柳、安格斯牛小排、鮮甜海蝦、新鮮沙白、台灣海鮮漿、澎湖花枝漿同埋黑松露海鮮漿。每樣食材都好新鮮，肉質鮮嫩多汁，而海鮮嘅鮮味更加驚艷。特別係黑松露海鮮漿，濃郁嘅黑松露味道同鮮美嘅海鮮相得益彰，令我哋回味無窮。至於餃子方面，我哋揀咗韭菜水餃、高麗菜水餃、台式蛋餃、台式蝦餃同埋瓜仔雞水餃。呢啲餃子嘅皮薄餡多，口感好好，特別係瓜仔雞水餃，入面嘅雞肉同瓜仔味道相互融合，令人驚艷不已。最後係飲品，我哋揀咗酸梅汁同烏梅汁，清爽嘅口感幫助我哋消除咗火鍋後嘅油膩感。而且，我哋仲試咗佢哋嘅招牌芭樂鹽小麥啤酒，呢款啤酒用咗台灣土芭樂同小麥釀造，再加上屏東天然嘅珊瑚礁鹽，味道清新，帶微微嘅麥香同熱帶果香，令人陶醉。總括而言，我哋喺牛大人台灣火鍋食到飽度過咗一個美好嘅夜晚。新鮮嘅食材、美味嘅湯底