牛大人台灣火鍋吃到飽 (形點 II)

營業中

休息中

牛大人終於開到元朗Yoho啦🤩記得一開始登陸香港時，一位難求🥲。就算過左咁耐，每個時段仍然好多人排隊食🤩因為質素真係好！而且價錢唔離地👍🏻抵食 今日同老公去左食晩餐時段，食左最貴嘅極上和牛餐，十幾款和牛片及豬肉任食。強烈建議大家食呢個set ! 因為價錢唔係差好多，但選擇多好多，而且牛肉片嘅質素真係好好👍🏻強烈推薦手切封門柳，牛五花，極級肩里肌！手切封門柳：一個字滑！手切薄片，容易入口👍🏻牛五花：極品肥牛級數👍🏻肥瘦適中，入口易化肩里肌：肉和根位分佈均勻，有少少咬口，但又好爽滑，我最like 呢個。❤️至於自取區，有大量丸，蔬菜，飲品，麵條，選擇多不勝算！加上元朗新店佈置好闊落新淨，坐得好舒服，店員服務又快又好💕成晩食得好開心😘

Yoho 新開咗牛大人，環境闊落，裝修幾靚，趁天氣涼返啲就去試下。٩(˃̶͈̀௰˂̶͈́)و澳洲極上和牛吃到飽 $298/位湯底我地就揀咗蕃茄鍋🍅 之後用手機掃code落單😛 等緊湯底嘅時候就出去夾其他丸同配料。店員先送上每人兩粒嘅澳洲M5和牛牛丸，牛丸爆晒汁，好想encore 🥹牛肉方面佢而家新出咗SRF牛肩肉，冇m5和牛牛肩卷咁多油脂，重牛味，幾好食😋 另外澳洲m5和牛牛肩卷都係瘋狂encore 嘅牛肉，一盤有兩大塊，入口即溶，好嫩滑🥰 牛小排同封門柳都唔錯，重牛味，唔會太肥膩😆 我地仲叫咗一啲海鮮，有海蝦、蜆、魚片等等，每款都好鮮甜，同蕃茄湯底好夾。٩(˃̶͈̀௰˂̶͈́)و 另外仲叫咗啲台式小食，有鹽酥雞、糖醋甜不辣、香腸等等😆甜品方面揀咗期間限定嘅Häagen-Dazs雪糕，係西瓜士多啤梨味，估唔到又幾好食😋

同朋友係元朗行左一日街，夜晚經過yohoo II期見到有間牛大人 ，我地想打邊爐就排左入去食，排咗一陣就有位好好彩。因為真係十分肚餓，所以我地叫左個最貴的套餐諗住試下佢D極尚和牛，我地今衣叫左個小辣嘅麻辣湯底。一落單即刻叫曬所有極尚牛，真係同普通果D牛有分別的。叫左澳洲M4和牛，和牛牛味較重，而且係十分嫰滑，特別係個手切封門柳好嫰，鍾意牛嘅朋友就一定要試吓，牛再加埋麻辣湯底，真係好夾，食到完全停唔到口，要不斷掃QR code encore，牛大人好的地方就係，叫完之後就好快上叫左的野，唔會拖你時間。我地叫左一杯台灣手工啤，睇menu係攞獎的手工啤，杯啤酒麥味適中，唔會太重或者太淡，而且會飲到好清香的桂花味的餘香。全晚最驚喜竟然係個澳洲M9和牛牛丸🤤牛丸好重牛味，佢中間總有D牛汁被包住 十分Juicy，令人回味無窮。其他食材，海鮮都好新鮮，蝦同沙白都無沙，而且自助bar選擇亦都多，最尾仲可以揀movenpick雪糕或者仙草，食得好飽，下次再黎元朗都可以不斷encore 佢🤣

𝒯𝒶𝒾𝓌𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒴𝓊𝑒𝓃 𝐿𝑜𝓃𝑔🍲呢兩日凍左勁多，又係打邊爐既季節啦😍去左元朗國行街，差唔多12點已經有好多人排隊，望落𝘭𝘶𝘯𝘤𝘩 價錢都幾合理。有𝘥一人鍋唔洗$100，𝘭𝘶𝘯𝘤𝘩吃到飽有三個套餐，難得食一次揀左最貴既🌟極上和牛吃到飽（$218）餐廳環境超乾淨，走木系台灣風，用𝘘𝘙落單，要讚下極速上菜仲冇漏單😂90分鐘慢慢食好幾隻台灣湯底都好想試，包括🍍鳳梨雞鍋、🌱眷村白玉酸菜鍋、阿嫲養生濃湯鍋、牛大人紅燒牛骨鍋，因為掛著牛肉麵所以揀左最尾既牛骨鍋🥰入面真係有牛骨，味道係勁濃！飲落係會見到好多滷肉肉碎，同埋其他配料，真係紅燒牛肉既湯底😂燈紅燈紅咁好吸引，不過略嫌鹹咗少少大部份火鍋肉類都係手機落單，而且仲包埋台式小食，係等個湯滾時食住小食先，叫左鹽酥雞、魚香皮蛋豆腐、台式小香腸等等。小食其實都幾高質，鹽酥雞一口size，炸得小小脆又夠熱同唔會乾，小香腸如果有蒜片會更好味，豆腐配木魚同皮蛋好呢個組合好新穎而好味😋主角肉肉終於黎到，每碟都有幾片，係乾淨冇咩血水，食完一碟又一碟🐮安格斯特選牛板腱👉🏻食落比較厚身，有少少筋🐮澳洲和牛𝗠𝟱牛肩卷 👉🏻肉味好濃好好

放題火鍋一直我都有一種mindset➡️任食質素唔會好得去邊😅但今次黎牛大人令我改觀😆之前成日聽辣姐妹講一個月可以去食四次，食到變成鑽石級會員，今次一於帶埋芯爸黎感受下鑽石級嘅味道🤣我地去左元朗新開嘅分店，七點鐘入座已經全院滿座，好在有book枱😎一入餐廳已經聞到好香嘅麻辣味，而大部份嘅位置都係卡位。坐座起計用餐時間為兩小時，點選麻辣鍋底之後我哋就開始點嘢食，難得兩公婆拍拖唔使湊仔，我地食豪dd～點咗澳洲極上和牛吃到飽套餐🤤每位贈送澳洲M9和牛牛丸兩粒😋好彈牙又夠肉味！呢度嘅麻辣湯底同其他火鍋店有少少唔同，鍋底冇鴨血同豆腐，但餐牌上面可以任叫任食，出奇地湯底好香濃，完全唔使另外再加醬料，小辣辣度已經夠香辣。澳洲極上和牛套餐淨係牛肉都有六款類別 🐮 上腹牛五花➡️油脂飽滿安格斯特選牛板腱➡️有少少筋而且有彈性安格斯牛小排➡️我最鍾意呢個，肉質滑嫩手切封門柳➡️肉味濃郁安格斯一口牛肉粒➡️夠淋，同湯底好夾澳洲和牛M5牛肩卷➡️油脂分布平均，肉味香濃🤤除咗牛之外，呢度嘅豬頸肉好爽口，台灣餃類同百頁豆腐我地都十分推介，熟食連蒜蓉台灣腸都有😍仲有花甲，好大隻又無沙，肉質仲好新鮮添！平時好少飲啤酒嘅我，點咗侍應

由第一間分店去到好多地方都有既牛大人，人流依然無減少，店舖大間人流都無少過佢有3款牛可以簡，所以都叫選擇唔少，而且食物既種類都多，食到盤滿缽滿，質素又唔差今次我係帶媽咪食好西系列，所以簡左和牛，極上和牛吃到飽呢個餐，328一位價錢好合理，仲送左每人兩粒和牛牛丸，我同媽本身都唔中意食牛丸，但我會抱住要試下先知好唔好食既心態，果然有驚喜🫣好juice好香，我仲迫媽咪試佢都話好唔同好好食，話會爆汁好正湯底有10-12款好似，我簡左台灣鳳梨雞鍋🍍，店完話呢款比較特別，但係入面會有涼瓜，如果唔鍾意食就唔好揀台式邊爐係我最愛既邊爐，原因係因為邊爐既湯底，台式邊爐最緊要係開頭滾起既湯，必定切記留意先飲湯,先飲湯後食肉，係我食台式火鍋既口訣，因為佢嘅湯真係多數都好味😋然後再點小食，肉類，海鮮。超推介去嘅章魚滑，佢係期間限定嘅，媽咪食咗表示好好食，我平時出面食唔到呢啲，你個女辦事你放心，佢真係好多章魚喺入面，味道真係好唔錯👍🏻除咗可以喺電話落單嘅嘢食之外，出面仲有得拎好多唔同嘅丸類同埋蔬菜，麵食同飯類都有，飲品種類都好多，而牛大人我必飲嘅一定係去自家製嘅冷泡茶，獨愛白桃烏龍茶❤️❤️最後佢仲會送返甜品，我試

見Yoho有牛大人，喺平日夜晚6:30前唔使book位，就可以直入。我哋揀咗120分鐘美國特級安格斯牛吃到飽，（$288/pp）。因為唔食得辣嘅關係，所以淨係叫咗個養生雞湯。雞湯雖然程奶白色，但係味道偏淡，好似淡過濃湯寶咁，藥材都唔係好足夠湯底比較失望😞😞😞唯有叫沙白，南瓜，粟米自我補救湯底😝同一般嘅牛大人一樣，點餐都係用手機QR code掃，送餐都好迅速冇留單👍🏻由於叫咗中價位嘅套餐，安格斯牛肉一開始都好正，有牛味，油脂味濃👍🏻可惜既係食到中段，就開始普通，有過肥同太細片，不過任食黎講，都預左🤧🤧其他火鍋配料就正常，推薦手打滑👍🏻👍🏻👍🏻

約左屋企人禮拜放假 食牛大人lunch由於食午餐任食 索性訓晏啲 一訓醒就去食！因為Book左枱既關係 去到就即刻有位 安排得好好 真係超方便入到去 好多野食選擇牛肉 雞肉 豚肉都係任食我屋企人喪食牛肉同豚肉哈哈我地仲加左錢食海鮮 新鮮！！尤其啲蝦 好大隻 肉仲係爽既 超級建議大家食有海鮮既餐或者加錢食海鮮個魚就不過不失啦 冇乜特別另外仲有個必點推介就係佢既鴨血 好入味，本身食之前都好怕腥 但佢一啲都唔腥！又係Encore左好多次美中不足係我地食既時候冇牛栢業 有少少失望總括黎講性價比都唔錯

放假去咗元朗行完山梗係要搵個地方涮番餐飽啦！朋友話不如去牛大人打邊爐。咁岩YOHO II期有唔仲即刻沖去啦🤣我哋決定食澳州極上和牛吃到飽因為我記得上次食過果兩粒澳洲M9和牛牛丸好好食😋坐低梗係即刻叫湯底先啦！台灣鳯梨雞鍋呢個鍋有台灣鳳梨🍍同埋雞。仲有好多菜，夠哂健康啦！我食咗兩舊鳳梨好鮮甜😋見到menu 有呢個台灣手工啤《酉鬼啤酒》🍺撥雲霧見蓬萊仙島😍梗係要啤啤佢啦！飲落好好清新仲帶有水果味原來呢隻啤酒攞咗獎🍻正呀！牛魔王吃到飽時間嚟啦！澳洲和牛M5 牛肩卷、SRF美國黑牛後腿肉、安格斯特選牛板腱、美國PRIME極級肩里肌每款叫咗x5 食吓先！再叫咗啲蝦同蜆食好鮮味😋食多兩轉牛肉都差不多了🤣仲有個西瓜士多啤梨味雪糕味道又估唔到咁夾幾好食呀！

一個熟悉的名字「牛大人」。相信唔洗多介紹。大家一定認識😎。120分鐘吃到飽❣️選了$328澳洲極上和牛吃到飽套餐每位送上兩粒澳洲M9和牛丸 彈牙多汁 次次我都要食4粒🤭。無限Encore牛牛就最開心❤️。回本必食澳洲和牛M5牛肩卷。封門柳。牛小排。。。湯底選了台灣鳳梨雞鍋🍍🐔🥣酸酸甜甜幾開胃🥰必食海蝦。沙白。鴨血。次次必點😎三寶澎湖花枝漿 章魚珍珠漿 蟹籽墨汁漿 都做得不錯👍🏻四款冷泡茶 白桃烏龍 桂花烏龍 菊花普洱 洛神花茶 甜品有仙草凍🥹懷念台灣的味道☺️。

♡♡♡📍 牛大人台灣火鍋吃到飽 (形點二期) (元朗)元朗元龍街9號形點二期3樓A316號舖💎澳洲極上和牛吃到飽🍽牛大人红燒牛骨鍋呢個湯底真係好出色😆🤟🏻！夠哂濃郁😻！真係好勁勁勁好味！呢個湯底之前食過外賣湯包，都係咁好味🤣！呢個湯底真係要試😹❤️！！！🍽花膠呢個湯底再加上花膠真係一流🥰！花膠完全入哂味🤩！真係吸哂湯底既精華！真係必食～而且花膠又養顏🤩，真係一定要食😹！🍽澳洲和牛M5牛肩卷又係一個必點既item😻！肉質一流，肥瘦適中🤣，而且薄薄一片好快熟😆，真係好正😝～🍽澳洲M9和牛牛丸超彈牙既和牛牛丸🫶🏻，都幾珍貴🫡（？），每人2粒🤣🤣，同埋勁香😹🤣！🍼撥雲霶見蓬萊仙島/酉鬼啤酒 帶有少少既果香味😝，覺得味道都幾清新🤣，女仔都會中意既味道😹～而且呢杯酒仲係《2022 AIBA 澳洲國際啤酒大賽》獲獎，更加要試下😆。

適逢朋友生日，就出咗去食火鍋慶祝。 今次就選擇咗一間近年比較興嘅火鍋餐廳。美國特級安格斯 每位$288今次選擇咗中間價錢，牛肉其實質素唔錯，我哋已經算係最遲去嗰批客，但係佢哋畀嘅每碟牛肉都係色澤鮮紅，而且亦都溶曬雪。其他一般嘅火鍋配料種類都好足夠，水餃、蝦餃、豆卜同各種丸類，海鮮類有沙白、海蝦同魚片類，蜆冇沙，蝦肉彈牙證明仲新鮮。蔬菜類建議叫水蓮，雖然有微草青味，但係爽口，係台灣火鍋必吃蔬菜。另外小食亦都值得一讚，鹽酥雞同酥脆薯真係好好食，鹽酥雞呢種特色小食就唔使講，香酥可口，夠重味。酥脆薯外脆內軟，口味甘甜，我食唔停口。除此之外仲有麻辣鴨血、 一口腸、炸魚皮等等既小食。甜品方面，佢哋有仙草提供，不過整體味道就一般般，建議叫番movenpick雪糕。服務方面就有待改善，某啲單有延誤嘅情況，上得比較慢，其餘服務就好到位。

牛大人嘅足跡已經擴展到去元朗啦，裝潢以木系為主調，不規則嘅大門設計同窗框更添時尚感，座位間隔舒適，有卡位更有六人圓檯，適合大夥兒用餐。✨點咗最豐盛嘅澳洲極上和牛吃到飽套餐，食早場7:30前離座可享有優惠價$298位，鍾意呢個餐可以食到以下四款靚牛：安格斯牛小排手切封門柳安格斯一口牛肉粒澳洲和牛M5牛肩卷澳洲M9和牛牛丸每人兩粒🍲呢度出名有好多特色湯底，只要加$50就可以叫鴛鴦鍋，牛夫人秘方麻辣鍋係我每次去到必點嘅，另外加配咗阿嬤養生濃湯鍋平衡一下。兩款湯底用料豐富，味道香濃有層次，不需點醬料已經好夠味，當然醬料區亦有多款配料任君選擇。自助食品飲品同任點食品種類出名眾多，食咗幾次都未試齊每一款，💁🏻‍♀️私心推介芋頭貢丸、美人花膠、章魚珍珠漿、炸午餐肉、滷水牛肚、豬大腸、鴨血、王子麵等。之前飲自助飲品區嘅飲品已經超額滿足，今次終於記得用機落台式飲品，試左冬瓜茶同金桔椰果，味道調校得不錯，味道清新，甜度適中，值得一試！🍻今次仲點咗新推嘅撥雲霧見蓬萊仙島啤酒（$68），色澤金黃帶有熱帶水果香氣，食火鍋飲啖啤酒係爽嘅！🍨兩個鐘嘅用餐體驗非常充實，最後有杯movenpick雪糕作結，味蕾大滿足～再

📌 牛大人台灣火鍋吃到飽 (形點二期)📍 元朗元龍街9號形點二期3樓A316號舖☎️ 39539390️★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*十月又係換電話嘅季節啦，呢日去Yoho Mall 買電話殼，話要個半鐘先有得攞，當時四點幾，我哋選擇咗食牛大人120分鐘放題，享用到7:30前離座嘅套餐優惠，又可以食住等攞殼。去到門口見已經排滿人。雖然人多，但坐位安排都好快手。三個不同價位嘅套餐，我地選擇最多嘢食嘅💫澳洲極上和牛餐（💰成人正價$328，7:30前離座$288，星期五六日+$10；小童長者任何時段$228）🆓個餐仲包每人兩粒澳洲M9和牛牛丸湯底餐跟單鍋，我地揀咗加$50 要鴛鴦鍋：牛大人秘方麻辣鍋中辣 · 阿嬤養生濃湯鍋。麻辣鍋有辣度夠惹味，養生鍋材料豐富，包括大骨、鮮雞、當歸、川芎、黨參、桂枝、枸杞、山藥、紅棗、生薑片、白扣、杞子。多種養生藥膳，湯底清甜香濃，仲無中藥嘅苦澀味添。肉類牛肉不同部位全部都好高質，牛味重，估唔到連豚肉都好好食，北海道十勝豚尤其出色。海鮮試咗蝦同蜆，蝦肉扎實彈牙，蜆都好甜！仲有漿類、雞肉、熟食

天氣開始涼了, 口痕痕又想打邊爐, 牛大人分店越開越多, 人氣火鍋店登陸元朗區, 在元朗附近逛完街, 再次來到分店就可以食到飽非常方便, 火鍋湯底都多達十款, 餐廳設有自助火鍋配料吧, 飲品櫃, 肉類是無限供應自助火鍋配料吧另外還有不少丸類、疏菜可以選擇, 主食需要自行掃QR下單, 簡單方便湯底選了台灣鳳梨雞鍋, 配料有整隻小春雞、苦瓜及鳳梨, 帶微酸甘甜清爽的湯底, 雞肉嫩滑、味道不錯今日點了澳洲和牛吃到飽套餐每位贈送 澳洲M9和牛牛丸兩粒 
澳洲和牛套餐牛肉質素高, 牛魔王必食推介, 最喜歡澳洲和牛M5牛肩卷又夠肉汁、牛肉味濃、油花分布均勻、肉質軟嫩非常豐富🌟 特別推介 - 點了一杯冰凍台灣手工啤《西鬼啤酒》, 麥味香濃、口感多層次又清新, 喜歡飲手工啤的朋友不可錯過環境寬敞舒適、自助區域整齊企埋, 設有多個卡座, 服務態度親切, 店員比較多, 上菜效率快又主動收碟, ᴄᴘ值高, 打邊爐之選😍