牛品台式火鍋

營業中

休息中

我今日放工後，朋友約我去位於尖沙咀樂道32-34號1樓的牛品台式火鍋食晚餐，環境舒適，坐得舒服。我和朋友點左 2個牛御品 120分鐘晚市吃到飽套餐（$359/位）$718，我地揀左個湯底係柴魚昆布湯鍋，跟著用 QR code點食物：澳洲M9和牛肩胛肉、頂級美國肩胛肉、加拿大頂級牛板腱、美國封門柳、魚肚、阿在伯高麗菜豬肉水餃、燕餃、阿在伯韮菜豬肉水餃、手工蝦滑、一囗和牛、美國牛小排、牛脷心托、新鮮活鮑魚（每位一隻）、鮮蝦、蜆、水蓮菜（限量）及自助區的蔬菜（白菜、蕃茄、粟米..等）。熟食：五味墨魚仔、皮蛋豆腐。甜品：用綿綿黑糖漿加落純雪機，就可以親自DIY飄雪綿綿冰；跟著去芋圓吧自由加各款芋圓+西米+紅豆+綠茶愛玉+雪糕..... 等。飲品區：各款汽水、臺灣茶和飲品。鮮果區：西瓜、士多啤梨、哈密瓜..等。 整體黎講係高質素的自助火鍋，食材新鮮，選擇多，員工服務態度良好，上菜快及收碟迅速。晚市牛御品食到飽套餐除左奉送新鮮活鮑魚，還送春陽茶事嘅飲品（每位一杯）。

我係今個月一日入去㩒飛食飯，其中我見到有人直接入去，所以我就問下個店員，之後等左15分鐘，期間都有好多人多次入去係唔需要禁飛嘅，然後我再問多次，佢又話再等多5分鐘，我係唔明白，你個拎飛系統係點樣處理，點解人哋可以直接入去，咁撳飛嘅有咩意思呢？而我問咗佢兩次，就算真係佢地系統問題，點解即刻帶我哋入去呢？係咪覺得玩客人好開心呢？真係未見過一間咁搞笑嘅舖頭，真係請我都唔會再去。一間服務質素都咁差，相信嘢食都一定唔慌好食。

一次過滿足三個願望的台式火鍋：任食火鍋、任食Häagen-Dazs、DIY綿綿冰。香港人好鐘意打邊爐，今次我哋去咗尖沙咀樂道嘅「牛品」。呢間餐廳主打台式火鍋，提供多款優質肉品同豐富嘅湯底選擇，餐廳環境都好舒服，裝修簡約但有格調，食飯時感覺好輕鬆。湯底方面，我哋揀咗柴魚昆布湯底，湯頭清淡鮮美，好適合用嚟配搭各種肉類同蔬菜。餐廳用QR Code落單系統，方便又快捷。我哋選咗120分鐘嘅晚市任食套餐，當中嘅牛御品套餐特別值得推薦。入面包括咗澳洲M9和牛、美國牛小排、美國頂級肩胛肉、西班牙栗子豬等多種肉類，每款肉質都好鮮嫩，口感一流。美國牛小排油脂適中，肉味濃郁，入口即化，澳洲M9和牛每片都有均勻嘅油花，入口嗰陣真係即溶，仲帶有獨特嘅牛肉香氣。自助吧上面擺滿咗各種火鍋食材，蔬菜、肉類、魚丸、貢丸等等應有盡有，全部都好新鮮。而且仲有台灣小食，好似鹽酥雞、台灣腸、麻辣鴨血、滷肉飯等等，全部都好好味，食完真係停唔到口。飲品方面都好多選擇，真係一個美食天堂。牛品另一個特色就係DIY飄雪綿綿冰，食火鍋嘅同時仲可以自製綿綿冰。你可以去芋圓吧自由加配料同雪糕，口感涼爽，味道清甜，真係一流嘅搭配。食完火鍋再嚟

呢個午市定食套餐真係抵食！$98 就有75分鐘，任選兩款肉類，每款2碟，任食出面配料，真係唔錯！首先，我地揀咗美國牛胸腹、加拿大頂級牛板腱同西班牙栗飼豬梅肉，呢3款肉都算唔錯，美國牛胸腹肉味濃郁，加拿大牛板腱口感嫩滑，西班牙豬梅肉肥瘦適中，相信一定滿足到唔同口味嘅人。再嚟，柴魚昆布湯底係經典嘅日式火鍋湯底，清甜鮮美，非常適合用嚟打邊爐。自助區嘅丸、菜、小食、甜品都算係豐富，可以滿足唔同嘅需求，特別係DIY飄雪綿綿冰，可以喺芋圓吧自由加toppings，真係好吸引！另外，晚市牛御品套餐會送春陽茶事茶飲。

最近發現繁華嘅尖沙咀入面，隱藏住一間高質嘅台式火鍋店。今次去到位於尖沙咀樂道嘅牛品台式火鍋，食佢哋嘅$98 75分鐘午市定食套餐。雖然係定食，但係除咗肉類之外嘅其他火鍋配料都可以吃到飽。每位客人可以響下面五款任揀兩款肉類：「美國牛胸腹」、「加拿大頂級牛板腱」、「西班牙栗飼豬五花」、「西班牙栗飼豬梅肉」同埋「花雕醉雞件」。今次食咗兩款牛肉同兩款豬肉，肉嘅質素都好好，絕對冇欺場。自助區都好多嘢食，應有盡有，飲品區都好多選擇。但係講到最特別嘅就係可以DIY飄雪綿綿冰，可以喺芋圓吧自由加toppings 或者雪糕區加雪糕。同埋原來食晚市牛御品套餐會送春陽茶事嘅茶飲，下次一定要試下晚市先得！

係網上見人推介諗住試下，點知根本就差到一點！八點半去到，話十點半last order，叫我地十點前叫定多啲野食。咁好啦，諗住可以坐低慢慢食。一路食就一路見啲侍應係到玩係到吹水玩電話，又多次跌哂啲碗碟落地。然後隔離位執枱又將啲野食掃哂落張櫈到。我地叫左杯台式手搖飲品，等左半個鐘都未到。問個侍應，完全無理過我地就咁行左去。結果問左三次之後，杯野飲係一個鐘後終於嚟到。啲侍應又唔會執走枱上面既碟，啲碟堆到十幾隻係張枱都無人理。然後叫佢地幫忙執執枱，個侍應就係拎走啲碟期間隻手夾埋枱面隻蝦走。佢發現左之後就咁掉低隻蝦就走左去，一句唔好意思都無！呢間餐廳其中一個賣點話有綿綿冰，又可以無限加芋圓之類既台式甜品。大約食到十點左右，去到綿綿冰機前面發現部機無得整冰，問啲侍應話部機已經洗左，叫我食其他。再問之下先拎番啲零件出嚟裝番部機。咁好啦我整完碗冰一轉身，全部台式甜品就收哂。我問點解又無哂既？侍應就答係啊我地收哂，叫我自己入廚房拎。咁埋單走人諗住同坐係收銀既反映一下，話我地入嚟個陣講十點last order但無話十點後無甜品，我地一路講，個收銀既一路望住我地唔出聲。之後我地話你地既服務態度好差，佢就一路

台式火鍋🍲，呢間都真係抵食又好食🤤，食物高質，而家天氣熱，但嘆住冷氣打邊爐都係好爽😄湯底叫左酸菜白肉，酸酸甜甜咁，好惹味出面自助區，火鍋食材，熟食，飲品都好乾淨企理，幾次出去都係滿滿既狀態，Refill好快，環境衛生好好👍🏻有部分食材同熟食就係以QR Code落單，上菜速度都好快，小食都好有驚喜，台式味道濃郁😊，必食麻辣鴨血🤭甜品方面，又係一大賣點❤️有得DIY飄雪綿綿冰，又可以係芋圓吧自由加toppings 同雪糕，玩得又食得🤩，同埋食晚市牛御品套餐會送春陽茶事☺️

朋友想放鬆一下，決定來個台灣之任吃火鍋，快樂晚養生鍋味道很棒，有雞，紅棗和北芪，滿滿養生藥材，韓國人參雞湯，雞件嫩滑。肉類選擇多，美國和牛，牛小排，豬梅肉，牛肩胛，羊肉也有，肉質嫩，大大滿足。朋友喜歡吃頂級美國肩胛肉，油花漂亮，不油膩！美國牛胸腹和加拿大頂級牛板腱，也滿滿肉香，牛肉重。台式小食，選擇也很多，原味香腸，鹽酥雞和蝦也惹味。驚喜炮製出肉質肥大肉，每一口有來自牛的香味。自助區的蔬菜，台式小吃，丸子也別錯過，味道很台喔店子自助飄雪綿綿冰吸引，可以在芋圓吧自由加雪糕和配料，晚市吃牛御品套餐會送春陽茶事

-今次真係開心驚喜大發現 性價比好高既邊爐🫕簡左120分鐘任食既牛御品套餐☺️**送左每位一隻新鮮鮑魚同埋春陽茶事野飲**湯底方面 簡左鴛鴦湯底 (牛品麻辣+元氣養生)唔係講笑 真係要咁樣叫先岩🤣首先個麻辣湯底好香🥰預自有d鴨血係入面 唔腥 好夾100分~~😝之後元氣養生 我冇諗過可以咁足料😱除左有雞件外 仲吸引注目就係勁多人蔘😍基本上落D野食落去 夾親上黎都有幾條參絲跟住🥳牛肉既單品上黎講 好正 瘋狂n call 澳洲M9和肉同特上牛小排🥩🥩入口即溶 好重牛香味 油脂分佈得岩岩好 真係任食唔嬲😎海鮮方面我推薦沙白 蝦 + 手工蝦滑🤓食落好鮮甜同肥美 蝦好新鮮 d肉好彈牙🙂手工蝦滑都係誠意之外 睇咁睇都見到好多原粒蝦 食落好重蝦味😆小食黎講 鹽酥雞冇得輸 炸好岩岩好 粉皮好薄 肉唔乾🤪皮蛋豆腐 (涷食) 豆腐好重豆味好滑 仲有d蔥粒係面 食落好fresh😋椒鹽蝦 佢嘅蝦炸得好酥脆 同埋出面其他品牌都小見呢個小食選項 幾特別😛另外自助區 真係多到嚇親我🫢配菜+炸物區 有多種唔同既丸 鮮菜 響鈴卷 魚皮、炸薯條、蝦片 任您食🤭邊諗到仲有大量熟食 (主食+小食) 好似滷肉飯 王子麵 烏冬外😹仲

放lunch嘅時候突然之間好想食火鍋，就嚟到牛品。Lunchtime時間其實唔算多，75分鐘啱啱好，晏晝平日唔算多人，可以直接Walk in餐廳環境闊落，絕大多數都係坐卡位，坐得幾舒服，仲播咗好多首我鍾意嘅台歌💕嗌咗番茄湯底，番茄味超級濃郁，自己食其他火鍋放題都好少會飲湯，但呢個都飲咗成碗，好飲！價錢方面算抵食，$98就可以喺美國牛胸腹、西班牙栗飼豬五花、西班牙栗飼豬梅肉、加大頂級牛板腱、花雕醉雞件，選擇2款，每款有2碟。牛肉新鮮軟嫩，配埋我自己調既火鍋醬超好食！身為食肉獸嘅我仲食咗唔少丸，香菇貢丸、細魚蛋、花枝丸⋯⋯想食得健康dd都有小棠菜、金針菇、白菜揀。覺得幾特別嘅係呢度可以DIY飄雪綿綿冰，自己係第一次整綿綿冰，整完之後仲喺芋圓吧自由咗加。toppings & 雪糕，係一個幾特別嘅體驗。見到有牌仔寫如果食晚市牛御品套餐會送春陽茶事，搵日有機會再嚟過！

今日朋友黎穩我lunch所以決定食lunch 打邊爐每人大概100出頭一個餐set好有兩份肉然後任食各類丸 面 蔬菜 小食等飲品都係免費今次同朋友一人叫一個餐我叫午市定食精選美國牛胸腹+ 加拿大頂級牛板腱朋友叫西班牙豬五花+醉雞 之後自助區d野食就可以任食😍係呢個求其食個茶餐廳都要$70-80尖沙咀$100 可以任食任飲真係抵到不得了😭我最鍾意係佢哋甜品區域可以DIY飄雪綿綿冰或者喺芋圓吧自由加toppings /雪糕

🔹️與朋友仔到尖沙咀嘆 "牛品" 台式火鍋🫕 店內環境舒適寬敞👍 設有多坐位🪑 食物由台灣厨師主理👨🏻‍🍳 款式包羅萬有🤔服務貼心👨‍💼👩🏻‍💼 價錢超值💰🔸️午市定食套餐以$98可享75分鐘任食火鍋🫕包一款湯底🍲 每人兩款自選肉類🥩🥓無限添加有：蔬菜、菇類、丸類、粉麵類、滷水豬大腸、滷水蘿蔔、滷水雞翼尖、金華火腿燉雞湯、飲品、甜品等等🥢🔸️湯底🍲選了柴魚昆布湯鍋 ~ 味道清新鮮甜, 湯底把火鍋料的肉類、蔬菜味道完全吸收, 令味道更加昇華🤗🔸️肉類🥩精選美國牛胸腹🐮肉味香濃 , 肉質軟嫩Yummy👍加拿大頂級生板腱🥩生板腱脂肪較少, 肉質結實😋西班牙栗飼豬梅肉🐷豬梅肉肉香幼滑、有彈性🤤花雕酒雞件🐔雞件肉後嫩滑, 以花雕醃製充滿酒香, 十分入味👍🔸️甜品🥧顧客可DIY飄雪綿綿冰, 到芋圓吧自由加toppings , 雪糕等., 😊🔸️惠顧晚市牛御品套餐送春陽茶事台式飲品🥰

今日我哋到咗位於尖沙咀樂道嘅台式火鍋店「牛品」,試下佢哋嘅牛御品火鍋放題。呢個套餐除咗可以食到各種優質嘅牛肉之外,仲會送上春陽茶事嘅手搖飲品。春陽茶事就係位於餐廳樓下,可以選擇嘅種類好多,今日我哋就揀咗桂花烏龍同金桔檸檬。金桔檸檬嘅味道酸酸甜甜,而且有好香嘅茶味,十分之開胃。而桂花烏龍亦都好清香。如果唔想飲得太甜嘅朋友仲可以選擇半糖,真係好貼心。而選擇牛御品嘅話亦都會送埋新鮮鮑魚,大大隻,打邊爐好爽口彈牙。主角當然係肉類啦,呢個套餐可以食到澳洲M4和牛肩胛骨、美國頂級封門柳同埋美國特級牛小排。呢三款牛類嘅油花都平均,而且好重牛味,令我哋不斷encore再encore。佢可以選擇嘅火鍋配料好多,我最推薦嘅係手工蝦滑,啲蝦好新鮮,而且仲係原粒喺入面。另外花雕酒雞件都好正呀,雞肉好嫩滑。除咗可以喺手機落單嘅配料之外,出面都可以食到好多自助美食,喺自助區可以揀嘅熟食包括滷水蘿蔔,蒜泥青瓜等等。仲有響鈴,魚皮,炸薯角。而熟食我十分之推薦椒鹽蝦!佢嘅蝦炸得好酥脆,而且好香。另外炸花枝丸都好彈牙,入面嘅花枝都好有咬口,全部熟飲上枱嘅時候都係熱辣辣㗎,睇得出佢哋都係新鮮炸起。最後梗係唔少得甜品啦,喺呢

雖然近排超熱，但係作為香港人就算夏天都係會打邊爐🤩🔥太耐冇去台灣啦，再次嚟到呢一間喺尖沙咀勁高質既台式火鍋！令我好掛住既係有自助台式糖水區！🍡🍧🍨我最鍾意嘅芋圓、珍珠、蒟蒻等等，全部都可以隨意整，真係好開心！💥💥而今次去到竟然仲升級咗有綿綿冰同埋Häagen-Dazs雪糕任食🥹🥹🥹.晚市有四個套餐，價錢由$179起，我哋選咗中價位嘅「牛御品」，裡面有澳洲M9和牛，肉質超級嫩滑！🥩🎌而且每位客人仲會送一隻鮑魚！至於湯底，我哋叫左黑蒜黃金鍋🍲，湯底好多蒜頭同黑蒜，勁香濃，仲有好多粒卜卜蜆🫶🏻肉類方面除咗和牛，仲有六種牛肉選擇，西班牙栗飼豬肉、羊肉、醉雞件，真係食肉獸嘅天堂啊！🐷🐷.除咗肉，仲有好多台灣直送嘅配料😍😍例如手工蝦滑、花枝漿、水蓮，仲有心內美，第一次試心內美，原來好清甜，食完唔會覺得膩！🥕🫶🏻.另外，自助區有好多唔同嘅配料選擇，仲有幾款特色小食🍛🍘🍗，例如滷水雞翼尖、大腸、豬軟骨、手拍青瓜，仲有滷肉飯添🍚😍😍。而且仲有十幾款台灣小食即叫即整，例如炸地瓜球、鹽酥雞、麻辣鴨血等等，味道比台灣仲地道！🥹🥹.餐廳同樓下嘅台式飲品店有合作，提供四款優惠飲品。我就叫咗烏梅汁，酸酸甜甜，啱晒配

尋晚同為食仔黎左尖沙咀行街，想買背心下星期去越南著，行完就當然要食個飯啦，就黎左係Isquare 後面既呢間牛品試下#牛御品吃到飽套餐 - 我地叫左 #沙茶海鮮鍋，呢個餐有 #澳洲M9和牛肩胛肉 同 #美國頂級封門柳 ，前者油脂分布平均，食落滑溜淡淡牛油香，後者係咁多款牛肉裡面最有牛肉味，必食推介👍🏻#熟食代表-除左出面可以自己裝熟食，電話落單仲有好多野選擇，出面既就有 #肉噪飯 #滷水雞翼尖 等等，由於我好耐無食過雞翼尖關係，我自己食左4隻✌️，另外，電話落單仲有 #麻辣鴨血 #皮蛋豆腐 #炸午餐肉 #台灣香腸 等等，作為前菜都唔錯，而 #麻辣鴨血我就落左湯煮多陣吸晒湯先食🤣🤣出面仲有醬料區、蔬菜區、火鍋佐料區同飲品區，都幾多選擇，另外，值得一提既係，除左佢提供 #haagendazs 雪糕4種口味之外仲有個 #DIY飄雪綿綿冰 ，為食仔加左勁多toppings，有 #芋圓 #紅豆蓉 #仙草凍 #愛玉 ，估唔到同打邊爐都夾，食飽當飯後甜品正正而家夜市幫襯牛御品套餐仲送樓下既 #春陽茶事飲品一杯同埋鮑魚，真係超抵