爵士拉麵

營業中

休息中

在粉嶺聯和墟有間紮根多年的日式拉麵店🍜一直以家庭式經營炮製北海道風格的湯麵🍥絕對是陪着不少街坊成長的老店🫶🏻———————————————————————爵士拉麵的賣相平平😗相當樸實無華，帶給人較為家常的感覺🏡面頭有一大球疊堆如山的肥牛🐮份量十足，可惜味道略嫌清淡😕難以感受到店家所說的壽喜燒風味😅叉燒非常厚切😃但脂肪比例較少，欠缺油脂香氣🐽亦令肉質偏乾，口感略嫌過韌😢味噌湯底風味濃郁😊但湯頭的豬骨原味卻相當低調內斂🙊未能與味噌互相襯托，令整體層次相對單一😐麵質方面採用較為粗身的曲麵，口感爽彈👌🏻可是鹼水味略重，不太合本人心水🙂‍↔️———————————————————————爵士拉麵雖然標榜傳統北海道風味，但無論在食材或賣相方面都較為平平無奇🧐味道亦令我回想起兒時到吉X島美食廣場所吃的平價拉麵😂以目前定價來說，未免是物非所值🙈

千祈唔好特登入嚟聯和墟食！你絕對會失望‼️拉麵質素同喺超級市場買包日本包裝拉麵一樣，湯底冇特別（垃圾味噌仲要加$2），配料係粟米、昆布、假蟹柳之類，一見到係呢啲配料就知係Cheap拉麵，價錢盛惠$100一碗，又貴又難食，完全唔明點解佢生存到咁耐🤗入到去落單，個女店員（係老闆個囡）問熟蛋要唔要轉溏心蛋，心諗：好啊無所謂，咁就轉咗做溏心蛋，結果收錢時先話：「唔好意思，溏心蛋要加$8一隻」，落單時你又唔講，仲要$8唔係加多隻蛋，而只係轉做溏心蛋，後尾睇返Menu先見到最底嗰幾行寫轉溏心蛋要加錢🙃$8的確係小錢，但呢間嘢先斬後奏嘅營銷方法令人討厭，如果你落單時係講：「有冇興趣加$8轉溏心蛋啊？」清清晰晰咁講我係會俾得心服口服，而唔係收錢嘅時候先同個客講🙂總括而言，拉麵質素不知所謂，價錢又唔平，經營方式亦非常有問題，建議大家入嚟聯和墟唔好嘥Quota同時間食難食過出前一丁嘅拉麵💪🏻

上網睇粉嶺好食餐廳，總有人推介爵士拉麵，話係咩平民拉麵店。今日一試，原來平民係指普通餐廳嘅價錢，一個拉麵$100同普通出邊餐廳都係咁上下。叫咗個$80嘅叉燒拉麵，店員問加唔加糖心蛋，我咪話加囉，加完其實都差唔多$100 ，之後啲叉燒好硬又唔入味，味噌湯又冇乜味噌味，湯底又唔濃郁，我都唔知自己食咗啲咩落口。唯一可以讚嘅係麵條係好彈牙，亦有彈香味。但係啲餸菜真係好唔掂，我覺得浪費晒我嘅卡路里quota。真係搞唔掂，唔可以相信網上推介餐廳。特此警告世人，大家唔好中伏。北海道拉麵絕對唔係咁嘅味道。

十年前，同同學儲錢試依間當年學校附近嘅名店。一入去女店員（定老闆娘？）就直接幫我地寫最平個麵，仲話：你地係食得起依d架咋我唔想食果個，佢話唔得佢地規定一次落單，仲有人均低消，我朋友ok等於我ok。我話無講過3個人同枱，咁我自己另一張單叫其他。點知佢話我地叫貴麵都唔識食，自說自話放咗3碗最平嘅麵叫我地食完好俾錢走。我本身話唔食唔俾錢，叫佢報警。不過當時細，我朋友怕事幫我俾咗錢叫我算。我話過一定同佢宣傳，當年唔識open rice只係寫論壇。估唔到今日仲有人分享依間嘢俾我，我一定同你宣傳嘅！

好想講我去完呢間店食完之後嘅評價， 一肚火呀，店員掟啲筷子落枱俾你，未食完就埋嚟趕住執枱，仲要西口西面咁，好似我哋冇俾錢咁，令人好討厭。呢間店，無論係服務定食物質素本人覺得非常差，絕不會再去

第一次到聯和墟逛街和遊歷。行去聯和墟翻新咗的街市，雖然比想中細，但都好新淨。感覺良好！我都幫襯買了一盒自家農場種植的秋葵同埋本地自家農場種植的番薯。晚上看了電影「再見👋🏻福寶」，便在附近逛逛，考量今晚吃什麼晚餐。結果，見到一間拉面店外。排了8人左右。便心思思都跟著偷偷看一看這間店是食什麼？原來是日本拉麵！店內不算大，很有日式氣氛，而且見到裏面嘅食客吃得津津有味。於是我們也跟着排隊。一入店內，便見到煮食台有兩個超大型嘅樽，裏面放滿了青梅。原來是老闆娘自家釀製的青梅酒。！很有心思呢！我們看一看了餐牌，點了這裏的招牌拉麵——「爵士拉麵🍜」，及「叉燒拉麵」我們分別點了味噌湯底及醬油湯底。另外爵士拉麵，加咗少少錢轉左糖心蛋。糖心蛋好滑，好好味！拉麵嘅軟硬度適中，有湯底及味噌湯底都好好味！叉燒的份量，亦比我預期中多，味道👅也不俗！可是，叉燒比我預期中有少少乾，但是都依然算是好食的！比起外面一啲大型嘅拉麵我覺得呢一間算好唔錯嘅小店。性價比都好高！值得推介！

中午去食拉麵，叫左個叉燒拉麵，一杯蘋果汁，去過都知係個員工自己計幾錢，並沒有收錢機，甘個員工找錯錢，我怕是我記錯價錢，攞menu 計一計再同佢講，( 錢一路冇放入錢包，自己用手拎住) , 之後個員工確認找少左比我，甘佢都有比返我， 反而入面煮麵個女人，好似好唔忿氣， 係廚房到好大聲叫出黎 ，**下次唔啱唔好收丫ma**, 態度超差，我唔拎過數過點知錯？唔話自己員工找錯，反而好意思話個客？態度差，食物平凡，筷子又污穢，完全冇下次

由細到大都係住呢一區，記得以前想食呢間爵士拉麵係要book而佢唔係日日開，細個食果陣的師傅爸爸應該退左休，交左比啊女打理。諗起以前細個屋企人都間唔中黎食下，果陣宜家的女主人仲係細路女幫人落單，宜家已經做左拉麵女師傅了。隔左咁耐，終於的起心肝黎再食返，感受下當年情懷。我覺得整體評價係高。叫左一碗中size肥牛拉麵同一碟煎餃子。拉麵口感好好，入口有少少咬口但唔太硬。湯底我叫左小小辣味噌，味噌夠濃。肥牛亦都夠多。餃子個底煎得夠脆口但入面肉汁好勁，會必出黎果種。

叫左招牌拉麵。簡而言之就係對唔住個價。肥牛完全比唔到咩特色同驚喜，唔落肥牛感覺都無咩大分別食完就比人感覺係堆料麵，乜都加下但係無特色仲要收人百零蚊。夠你去對面間車仔麵舖食2次唯一優點就係個環境幾日式，食落幾有Feel另外個待應杯都唔比我就突然消失左要人自己搵自己拎。觀感幾差下。總結就係又貴又唔好食。唔建議住何人食

兩三年前來過這間拉麵食過幾次，湯底味美，讚口不絕，故一去上水粉嶺就必到爵士拉麵的。今天也特意再來，但確實有點失望。湯底太咸，感覺馬虎，面質可以，沒驚喜，也不像從前美味，特別是湯底，兩款不同湯底均令人失望，醬油湯好些吧（但也太咸）；面鼓湯是我的最愛，却令人失望。職員態度也一般，水要問才有，比一壺，但兩人各飲了一杯就無水了，再問，也沒給呢！總體來說，是沒從前的驚喜，又確實退步了些，性價比普通而已。不會也不需專程來食這間拉麵吧！

幫襯了多年的日式拉麵老店，看著小女孩長大，到接掌父親的心血。味道變化相等於感受到一個老店的不同世代變化。今日再來同樣是吃我最慣常叫的醬油叉燒拉麵，老公叫多了一客炸雞翼，雖然我就唔覺得相配，但他喜歡就好，今次沒有叫餃子。我好少留下食評，但我今次好想同店長說，今次叉燒很好，軟淋度剛剛好，和選料很有關係，拉麵用料無變，但今次淋咗啲啲，我老公卻認為啱佢口味。而湯的味道越來越似以前，但仍需放胆落味，以前爸爸的味道是濃一些，飲到湯底會有一些黑椒碎的，加油呀！我很喜歡這種家庭式拉麵店，多於吃裝修的那一種。我甚至認為他是較為近似喺日本地道的老店，懇請店長繼續保留這個情懷。期待著下一次

記得很久很久食過，老板是一位日本人，將一份日本烹調拉麵技術帶到入一個小墟，當時食一碗日本拉麵算是昂貴一餐，今日重臨舊地驚喜的是價格依舊，老板已改由年輕女廚師主理，味道要嘗後先知。據聞小店的爵士拉麵同年糕拉麵都非常出色，不過我選擇了（小）叉燒拉麵，味噌湯底。🥢先呷了一口湯頭，味噌豬骨湯濃度合適但沒有特別，麵條卻好有驚喜，爽口彈牙帶帶陣陣麥香，麵條掛湯口感有嚼頭不錯。🥢叉燒厚厚的三大片份量頗多，味道濃郁豐富肥瘦剛好，味道有滷香味👍，不過再淋多一點較好。🥢另加糖心蛋 $15 ，超好食糖心蛋黃軟滑滿嘴蛋香，蛋白都非常嫩滑可口。店員同女廚師都非常細心親切服務不錯👍。

好少寫食評，真係想比大家知道間野係咩一回事。本身嫌沙田食拉麵成120碗有d貴，諗住番粉嶺食下一直未去到既爵士拉麵入面坐滿人，又不段有人入嚟，好好生意。舖頭格局似日本舊式拉麵店，我地叫左爵士拉麵，肥牛拉面同bb拉麵。嗌完坐低等既時候，見到對面爸爸面有難色，但佢枱上只有幾兜小食，我估佢小食到先，等碗拉麵等左好耐，果時心諗可能好野要等姐，點知愈等愈吾對路，周圍既人都等緊。間舖3個職員，一個煮面師傅，一個整小食同飲品既阿姐同一個樓面伙記，樓面伙記算係最好禮貌。入面果兩個一睇就知做到燥底，好混亂禁爵士拉麵$110：湯底加左$2轉味噌，話豬骨煮又濃，試完好淡，你想像去日式超市買盒味噌開出黎煮都好過佢。拉面好失望，口感係滑，但一定係果種茶記學人整拉麵果種面質，仲有肥牛，蟹柳粟米，海帶。這是什麼港式配搭😰,加左$8轉流心蛋，texture 好但一d都吾入味肥牛拉面（好似9x)：我承認見佢寫話sukiyaki 煮我先叫，無sukiyaki 味。同爵士拉麵肥牛一樣，肥牛係軟綿綿，但食落又覺得呢個配搭好加怪Bb拉麵$35，叫左比我阿女食，仲叫我揀醬油，啖湯飲落又稀又腥，幾條蟹柳，粟米，海帶。個湯差既程度，相

呢間拉麵店面非常日式，搬入嚟北區之後一直想試，今次終於有機會打開menu，當然揀signature的爵士拉麵，另一碗揀肥牛拉麵有三款湯底選擇，第一次試返d穩陣嘢，一碗味噌，一碗醬油，再追加咗半熟溏心蛋（嗜蛋者）拉麵出場～份量十分多，有相撲手feel（好似兩個人食一碗都夠😆）麵都幾硬吓，啱我老公口味，我就覺得太硬要浸耐d先食首先飲啖湯先醬油同味噌湯底唔會太鹹，同時又做到夠味，有d日本feel，但唔似日本d湯底咁食到人好口渴，湯底有80分配料就有d失望，肥牛有d港式車仔麵feel，整套配料好似好家庭式容易自己整到咁，但要讚下溏心蛋係好食的煎餃出色，比拉麵好食服務態度都好好份量好巨材料港式價錢偏貴

對上一次食已經係四年前，記得當時食係驚為天人，呢幾年Vivian食多左好野，再食返睇下有咩唔一樣先～Menu~Vivian叫左叉燒拉麵、炸豆腐&芝士餃子～叉燒拉麵 （中）（$75）有少少似大阪金龍拉麵，Vivian表示喜歡這個，因為Vivian唔鍾意濃味拉麵，叉燒夠軟淋淋，湯底清得黎好特別，唔識形容，只能夠講似係日本食到嘅拉麵，係好食嘅，仲有個重點，唔知係咪Vivian記錯，好似平過以前（？），75蚊食到呢碗拉麵係極有CP值。炸豆腐（$35）有兩件佢係天婦羅豆腐加木魚汁，但略嫌炸豆腐唔夠脆，記得以前係好食d。芝士餃子 （$50）有四隻Um…Vivian覺得好食嘅餃子係，會食到啲餡有層次（唔會一pat野），但呢個餃子係一pat野，食完淨係覺得個餡係一Pat芝士，下次唔會叫呢個。Overall好唔好食？不過不失，拉麵最好食會唔會再幫襯？想食拉麵時經過會幫襯